គំរូភ្លឺស្វាង “ជីវិតល្អ បវរសាសនា”

26 tháng 11 2025 05:56

ក្នុងសហគមន៍ពុទ្ធសាសនាទក្ខិណានិកាយខ្មែរខេត្ត Cà Mau ព្រះតេជគុណ Tăng Sa Vong ព្រះចៅអធិការវត្តបុប្ផារាម (ហៅវត្តខ្វែងបបែលចាស់ (Cái Giá Chót) ឃុំ Hưng Hội គឺជាព្រះសង្ឃមួយអង្គដែលមានកិត្តិនាម តែងលើកកម្ពស់គំរូដ៏ភ្លឺស្វាងក្នុងការសិក្សា និងធ្វើតាមសតិអារម្មណ៍ សីលធម៌ និងរចនាបថរបស់ Hồ Chí Minh។

ព្រះតេជគុណ Tăng Sa Vong ជាព្រះសង្ឃដែលមានកិត្យានុភាពក្នុងពុទ្ធបរិស័ទ។

ប្រសូត្រ និងវ័យវឌ្ឍនាការក្នុងសហគមន៍ខ្មែរណាមបូដែលសម្បូរទៅដោយប្រពៃណីវប្បធម៌ និងស្មារតីសាមគ្គីភាព ព្រះតេជគុណ Tăng Sa Vong បានចិញ្ចឹមក្តីសង្ឃឹមក្នុងការបម្រើសាសនា បម្រើប្រជាពុទ្ធបរិស័ទតាំងពីព្រះខ្លួននៅក្មេង។

ក្នុងតួនាទីជាព្រះចៅអធិការវត្តបុប្ផារាម (Cái Giá Chót) ព្រះតេជគុណមិនត្រឹមតែយកព្រះទ័យ ទុកដាក់លើកិច្ចការផ្សព្វផ្សាយព្រះធម៌ ណែនាំពុទ្ធបរិស័ទប្រតិបត្តិធម៌អាថ៌ប៉ុណ្ណោះទេ ថែមទាំងបានចលនាបងប្អូន Khmer យ៉ាងសកម្មឱ្យរស់នៅ “ជីវិតល្អ បវរសាសនា” រួមគ្នាកសាងជីវភាពវប្បធម៌ថ្មី សាមគ្គីជួយគ្នាក្នុងការអភិវឌ្ឍសេដ្ឋកិច្ច លុបបំបាត់ភាពក្រីក្រស្ថេរភាពទៀតផង។

នៅភូមិខ្វែបបែល (Cái Giá) មានជនរួមជាតិ Khmer រស់នៅច្រើនកុះករ ស្មើនឹងជាង ៩០% នៃចំនួនប្រជាជនក្នុងភូមិ។ ព្រះតេជគុណមានព្រះតម្រិះថា៖ “ផ្តោតលើសាសនាដើម្បីស្រោចស្រង់ជីវិត” គឺជាមធ្យោបាយជាក់ស្តែងបំផុតសម្រាប់អ្នកបួស ដើម្បីរួមចំណែកកសាងសង្គមឱ្យកាន់តែប្រសើរឡើង។ ឆ្លងតាមគំនិតនោះ ព្រះតេជគុណ រួមជាមួយគណៈកម្មការវត្ត បានរៀបចំសកម្មភាពមនុស្សធម៌ និងសប្បុរសធម៌ជាច្រើន ដែលបម្រើជាក់ស្តែងដល់ជីវភាពរស់នៅរបស់ប្រជាជនក្នុងតំបន់។

ព្រះតេជគុណ Tăng Sa Vong មិនត្រឹមតែយកព្រះទ័យទុកដាក់លើកិច្ចការផ្សព្វផ្សាយព្រះធម៌ ណែនាំពុទ្ធបរិស័ទប្រតិបត្តិធម៌អាថ៌ប៉ុណ្ណោះទេ ថែមទាំងបានចលនាបងប្អូន Khmer សកម្មរស់នៅ “ជីវិតល្អ បវរសាសនា” រួមគ្នាកសាងមាតុភូមិ។

ក្នុងរយៈពេលប៉ុន្មានឆ្នាំកន្លងមកនេះ ជាពិសេសចាប់ពីឆ្នាំ ២០១៩ រហូតមក ព្រះតេជគុណ Tăng Sa Vong រួមជាមួយគណៈកម្មការវត្ត បានរៀបចំសកម្មភាពមានអត្ថន័យជាច្រើនដូចជា៖ “ផ្សព្វផ្សាយដល់ពុទ្ធបរិស័ទ ឱ្យខិតខំថែរក្សាអត្តសញ្ញាណវប្បធម៌ប្រពៃណីរបស់ជនរួមជាតិខ្មែរ។ កសាង ជួសជុលវត្តអារាម ទីកន្លែងសក្ការបូជាដោយចំណាយថវិកាប្រមាណជាង ១០ ពាន់លានដុង។ ជារៀងរាល់ឆ្នាំ វត្តបានបង្កលក្ខណៈបង្រៀនទ្វេភាសាសម្រាប់កុមារប្រមាណ ១៤៥ នាក់ក្នុងភូមិ។ ទន្ទឹមនឹងនោះ បង្កលក្ខណៈឱ្យព្រះសង្ឃក្នុងវត្តបានបន្តការសិក្សាចំណេះទូទៅ។ ព្រះសង្ឃជាច្រើនអង្គ បានបញ្ចប់ការសិក្សាកម្រិតមធ្យមសិក្សាវិជ្ជាជីវៈ និងមហាវិទ្យាល័យ រួចបានលាចាកសិក្ខាបទ ហើយមានការងារធ្វើនឹងនរល្អទៀតផង។

រួមសហការជាមួយរដ្ឋអំណាចភូមិសាស្រ្តកសាងជនបទថ្មីលើកកំពស់ វត្តបានបរិច្ចាគកសាងផ្លូវបេតុងថ្មីប្រវែង ៣៥៥ ម៉ែត្រ ដែលមានតម្លៃសរុបប្រមាណ ៨៥ លានដុង។ ចលនាកសាងផ្ទះមេត្តាធម៌ចំនួន ៦ ខ្នង សម្រាប់គ្រួសារក្រក្នុងភូមិ អស់ថវិកាសរុប ៤១០ លានដុង។ ចែកអំណោយជាគ្រឿងឧបភោគបរិភោគដូចជា អង្ករ មី។ល។ ជូនប្រជាជនក្រីក្រចំនួន ១.៨០០ ចំណែក អស់ទឹកប្រាក់ ៥៤៥ លានដុង។ ឧបត្ថម្ភថ្លៃសិក្សាដល់ព្រះសង្ឃ និងចែកសៀវភៅ ប៊ិច ប្រាក់ ដល់កូនចៅគ្រួសារក្រ អ្នកចាស់ជរាមានជំងឺ និងអ្នកក្រីក្រដែលទទួលមរណភាព អស់ទឹកប្រាក់ ៧៣៥ លានដុង។

វត្តបុប្ផារាម (Cái Giá Chót) បានជួសជុលស្រស់ស្អាត ជាកន្លែងរៀបចំសកម្មភាពមានអត្ថន័យជាច្រើន ផ្សព្វផ្សាយដល់បងប្អូនឱ្យខិតខំថែរក្សាអត្តសញ្ញាណវប្បធម៌ប្រពៃណីរបស់ជនជាតិ។

ក្រៅពីនោះ វត្តថែមទាំងជួលគ្រូបង្រៀនភាសាអង់គ្លេសដោយឥតគិតថ្លៃសម្រាប់កូនចៅបងប្អូនជនជាតិ បំពាក់កុំព្យូទ័រចំនួន ១០ គ្រឿង សម្រាប់កូនចៅសិក្សាដោយឥតគិតថ្លៃ និងអនុវត្តការងារមានអត្ថន័យជាច្រើនទៀតនៅក្នុងភូមិភាគ។

មិនត្រឹមតែជាព្រះសង្ឃគំរូប៉ុណ្ណោះទេ ព្រះតេជគុណ Tăng Sa Vong ថែមទាំងជាបុគ្គលដែលមានកិត្យានុភាពក្នុងសហគមន៍ខ្មែរទៀតផង។ ព្រះអង្គតែងចូលរួមក្នុងកិច្ចប្រជុំ វេទិកា និងសន្និបាតជាមួយរដ្ឋអំណាចភូមិភាគ ដើម្បីផ្តល់មតិយោបល់ ឆ្លុះបញ្ចាំងពីទឹកព្រះទ័យ និងក្តីបំណងប្រាថ្នារបស់បងប្អូនប្រជាជន ព្រមទាំងចលនាប្រជាជនឱ្យជឿជាក់ និងអនុវត្តខ្ជាប់ខ្ជួននូវគោលនយោបាយរបស់បក្ស និងច្បាប់របស់រដ្ឋទៀតផង៕

Loan Phương - Nguyễn Linh

Từ khóa: báo Cà Mau Cà Mau tin mới Cà Mau thời sự Cà Mau tin tức Cà Mau

មនុស្សល្អ - ការងារល្អ

គំរូភ្លឺស្វាង “ជីវិតល្អ បវរសាសនា”