ប្រធានសាខាសមាគម អស់ពីចិត្តដើម្បីសហគមន៍

ស្ម័គ្រស្មោះ ជិតស្និទ្ធ និងមានស្មារតីទទួលខុសត្រូវខ្ពស់ - នេះជាការវាយតម្លៃរបស់សមាជិកជាច្រើនរូប ពេលដែលនិយាយពីបងស្រី Trần Thị Ngọc Liềng ប្រធានសាខាសមាគមនារី អនុសង្កាត់ប៊ើតី សង្កាត់ Hiệp Thành។ រយៈពេលជាង ៥ ឆ្នាំ ដែលបានផ្សារភ្ជាប់ជាមួយការងារសមាគម បងស្រីបានក្លាយជាបង្អែកដ៏រឹងមាំសម្រាប់នារីក្រីក្រជាច្រើនដែលរស់នៅតំបន់ឆ្នេរមាត់សមុទ្រ រួមចំណែកលើកកម្ពស់ជីវភាពសម្ភារៈ និងស្មារតី ជាពិសេសចំពោះសមាជិកនារីជាជនជាតិ Khmer។

បងស្រី Trần Thị Ngọc Liềng ចលនាជួយឧបត្ថម្ភអង្ករដល់សមាជិកនារីដែលមានស្ថានភាពជួបលំបាកនៅអនុសង្កាត់ប៊ើតី។

អនុសង្កាត់ Bờ Tây មានបងប្អូនជនរួមជាតិ Khmer រស់នៅកុះករ ភាគច្រើនប្រកបរបរនេសាទជលផល។ ក្នុងចំណោមសមាជិកនារីជាង ៣០០ នាក់ក្នុរបស់អនុសង្កាត់ មានគ្រួសារមិនតិចទេដែលជួបការលំបាក ដោយសារខ្វះការងារធ្វើស្ថេរភាព និងប្រាក់ចំណូលមិនទៀងទាត់ ។​ ក្នុងតួនាទីជាប្រធានសាខាសមាគម បងស្រី Liềng តែងយកចិត្តទុកដាក់ផ្សព្វផ្សាយដល់សមាជិក ឱ្យអនុវត្តល្អនូវគោលនយោបាយស្ថិតិមនុស្ស ចលនាកូនក្មួយ ឱ្យទៅសាលារៀនបានត្រឹមត្រូវតាមវ័យ អប់រំយុវជនឱ្យជៀសឆ្ងាយពីគ្រោះសង្គម។ ទន្ទឹមនឹងនោះ ចលនាប្រជាជនអនុវត្តយ៉ាងម៉ឺងម៉ាត់នូវគោលការណ៍ណែនាំរបស់បក្ស និងក្រឹត្យច្បាប់របស់រដ្ឋទៀតផង។

មិនត្រឹមតែធ្វើល្អការងារផ្សព្វផ្សាយប៉ុណ្ណោះទេ បងស្រី Liềng ថែមទាំងយកចិត្តទុកដាក់យ៉ាងជិតដិតចំពោះស្ថានភាពលំបាកទាំងឡាយៗ ។ បងស្រីកត់ត្រាយ៉ាងប្រុងប្រយ័ត្ននូវរាល់ករណីនីមួយៗ ដើម្បីចលនាសប្បុរសជន ជួយឧបត្ថម្ភគ្រឿងឧបភោគបរិភោគក្នុងឱកាសបុណ្យទាន សម្រាប់ជួយគ្រួសារទាំងឡាយកាត់បន្ថយការលំបាកក្នុងជីវភាព។ គ្រួសារបងស្រី Sơn Thị Liềng (អាយុ ៤៣ ឆ្នាំ) មានកូន ៦ នាក់ និងចំណូលមិនទៀងទាត់ គឺជាករណីមួយក្នុងចំណោមករណីជាច្រើនដទៃទៀតដែលទទួលបានការជួយឧបត្ថម្ភជាប្រចាំពីបងស្រី។

យោងតាមបងស្រី Liềng អ្វីដែលនារីក្រីក្រត្រូវការបំផុតគឺមធ្យោបាយចិញ្ចឹមជីវិតប្រកបដោយចីរភាព។ ហេតុដូច្នេះហើយ បងស្រីបានសកម្មស្នើដល់សមាគមថ្នាក់លើ ជួយផ្តល់ទុនកម្ចីដែលមានការប្រាក់អនុគ្រោះ ដើម្បីបងប្អូននារីអភិវឌ្ឍទម្រង់សេដ្ឋកិច្ច ដូចជា៖ ដេរប៉ះមង ដាំដំណាំ ចិញ្ចឹមសត្វពពែ និងលក់ដូរកំប៊ិចកំប៉ុក។ល។ ជួយសមាជិកជាច្រើនរូបមានប្រាក់ចំណូលស្ថេរភាព។

ដែលលេចធ្លោនោះគឺទម្រង់ "ក្រុមសហការផលិតងៀតត្រីគ្រប់ប្រភេទ" ។ ដំបូងឡើយមានសមាជិកតែ ២២ នាក់ប៉ុណ្ណោះ ភាគច្រើនធ្វើការស៊ីឈ្នួលប្រចាំថ្ងៃ ឬផលិតត្រីងៀតតាមលក្ខណៈតូច ទិន្នផលទាប ។ ដោយមើលឃើញពីតម្រូវការការងារស្ថេរភាព បងស្រី Liềng បានចលនាបង្កើតជាក្រុមសហការ។ ពេលដាក់ឱ្យដំណើរការ សមាជិកមានការងារធ្វើជាប្រចាំ ជាមួយដំណាក់កាលវះត្រី ហាលត្រី និងវេចខ្ចប់។ ប្រាក់ចំណូលគិតតាមទិន្នផលជាមធ្យមចាប់ពី ៣-៥ លានដុងក្នុងមួយខែសម្រាប់មនុស្សម្នាក់។ អាស្រ័យហេតុនេះ គ្រួសារជាច្រើនមានលទ្ធភាពគិតគូរឱ្យកូនសិក្សារៀនសូត្រ និងផ្គត់ផ្គង់ជីវភាពរស់នៅ។ មកដល់បច្ចុប្បន្ន ក្រុមនេះបានអភិវឌ្ឍកើនដល់ ៣៤ សមាជិក ។

បងស្រី Hà Kim Xuyến សមាជិកក្រុមសហការ បានចែករំលែកថា៖ "ពីមុនប្រកបរបរធ្វើត្រីងៀតដែរ ប៉ុន្តែចំណូលមិនទៀងទាត់។ តែតាំងពីបានចូលរួមក្រុមសហការ ខ្ញុំមានការងារធ្វើស្ថេរភាព ប្រាក់ចំណូលទទួលបានជាង ៤ លានដុងក្នុងមួយខែទៀតផង ជីវភាពបានធូរធារប្រសើរជាងមុន" ។

បងស្រី Trần Thị Ngọc Liềng (ស្តាំ) រួមជាមួយសមាជិកក្រុមសហការផលិតត្រីងៀតគ្រប់ប្រភេទ ប្រមូលត្រីងៀតបន្ទាប់ពីហាលរួច។

អ្នកស្រី Danh Hoàng Yến អនុប្រធានសហព័ន្ធនារីសង្កាត់ Hiệp Thành បានវាយតម្លៃថា៖ "បងស្រី Liềng តែងអស់ពីចិត្ត និងមានការទទួលខុសត្រូវ ព្រមទាំងជាគំរូឈានមុខក្នុងការចលនារបស់ភូមិភាគ និងសមាគម។ បងស្រីបានរួមចំណែកកែលម្អជីវភាពសមាជិកាបានមួយកម្រិតធំ ជាពិសេសគឺបងប្អូននារី Khmer" ។

ដោយទឹកចិត្តសប្បុរស និងស្មារតីចែករំលែក បងស្រី Trần Thị Ngọc Liềng បានបង្កើនជំនឿ និងផ្តល់កម្លាំងចិត្តបន្ថែមដល់បងប្អូននារីជាច្រើនរូប ដើម្បីខិតខំឈានឡើងក្នុងជីវិភាព ព្រមទាំងផ្សព្វផ្សាយរូបភាពដ៏ល្អប្រសើររបស់កម្មាភិបាលសមាគម ដែលតែងអស់ពីចិត្តដើម្បីសហគមន៍៕

Tú Quyên