ពង្រីកតួនាទីអ្នកមានកិត្យានុភាពក្នុងការផ្សព្វផ្សាយ និងអប់រំច្បាប់

អ្នកមានកិត្យានុភាពក្នុងជនរួមជាតិភាគតិច គឺមានតួនាទីជាស្ពានតភ្ជាប់សម្រាប់ការនាំយកគោលការណ៍ណែនាំ និងគោលនយោបាយបក្ស ក្រឹត្យច្បាប់របស់រដ្ឋ មកកាន់សហគមន៍។ ទន្ទឹមនឹងនោះ គឺជាអ្នកផ្សព្វផ្សាយ ចលនាបងប្អូនអនុវត្តច្បាប់ សម្របសម្រួលរាល់ទំនាស់ផ្សេងៗ និងបង្ការបទល្មើស រួមចំណែកពង្រឹងផែនមហាសាមគ្គី រក្សាការណារសន្តិសុខ និងសណ្តាប់ធ្នាប់ លើកកម្ពស់ការយល់ដឹងអំពីច្បាប់ ជាពិសេសគឺនៅតាមតំបន់ជនជាតិភាគតិច។

កម្មាភិបាលរួមជាមួយអ្នកមានកិត្យានុភាព​បានអញ្ជើញទៅ​គ្រប់ផ្ទះ ​គ្រប់ច្រកល្ហកដើម្បីធ្វើការផ្សព្វផ្សាយនូវគោលនយោបាយបក្ស និងក្រឹត្យច្បាប់របស់រដ្ឋជូនបងប្អូនជនរួមជាតិ Khmer នៅភូមិ Sóc Đồn។

នៅតាមតំបន់ដែលមានជនរួមជាតិ Khmer រស់នៅកុះករ អ្នកមានកិត្យានុភាពភាគច្រើនតែជាអ្នករស់នៅរួមភូមិផងរបងជាមួយ មានជួនជាសាច់ញាតិវង្សត្រកូលជាមួយគ្នាក៏មានដែរ។ ពួកគាត់ស្ទាត់ភាសា និងវប្បធម៌របស់ជនជាតិខ្លួន ហេតុនេះហើយក៏ងាយស្រួលក្នុងការផ្តល់បញ្ជូនចំណេះដឹងខាងច្បាប់ទៅកាន់មាមីងបងប្អូន។ លោក Thạch Cưng ជាអ្នកមានកិត្យានុភាពនៅភូមិ Cái Giá បានចែករំលែកថា៖ “យើងខ្ញុំផ្សព្វផ្សាយឱ្យបងប្អូនបានយល់ដឹងច្បាស់អំពីគោលនយោបាយបក្ស និងក្រឹត្យច្បាប់របស់រដ្ឋ។ ខ្លួនខ្ញុំផ្ទាល់បានទទួលការបំប៉នចំណេះដឹងខាងច្បាប់ផងដែរ។ អាស្រ័យហេតុនេះ ការផ្សព្វផ្សាយបន្តដល់បងប្អូន និយាយស្តី និងធ្វើយ៉ាងណាឱ្យគាត់ងាយយល់ គាត់ជឿជាក់លើយើង នោះគាត់នឹងស្តាប់តាម ហើយធ្វើតាមជាក់ជាមិនខាន” ។

លើភូមិសាស្រ្តខេត្តនាពេលបច្ចុប្បន្ន នៅមានតំបន់ជនបទមួយចំនួនដែលមានជនរួមជាតិ Khmer រស់នៅច្រើនកុះករ មានបងប្អូនប្រជាជនមិនតិចទេដែលជួបការលំបាកក្នុងការទទួលព័ត៌មានខាងច្បាប់ ។ របាំងភាសា លក្ខណៈសេដ្ឋកិច្ច និងទំនៀមទម្លាប់ក្នុងការរស់នៅ ធ្វើឱ្យការងារផ្សព្វផ្សាយរបស់រដ្ឋអំណាចភូមិភាគ មិនទាន់សម្រេចប្រសិទ្ធភាពដូចក្តីបំណង។ អាស្រ័យហេតុ អ្នកមានកិត្យានុភាពក្នុងតំបន់ជនជាតិ ត្រូវបានបងប្អូនជឿជាក់ជាខ្លាំង។

តួយ៉ាងដូចជាសកម្មភាពរបស់ក្លឹប “៣ សកម្ម” របស់ឃុំ ហុងយ៉ឹង ជាទីកន្លែងប្រមូលផ្តុំអ្នកមានកិត្យានុភាពក្នុងជនរួមជាតិខ្មែររបស់ឃុំ ។ ក្លឹបមានសមាជិកប្រមាណជាង ៤០ នាក់នៅតាមនានាភូមិ។ លោក Thạch Son ប្រធានក្លឹប “៣ សកម្ម” ឃុំ Hồng Dân បានឱ្យដឹង៖  ជារៀងរាល់ខែ ក្លឹបបានធ្វើកិច្ចប្រជុំ ១ លើក តាមនោះក៏ផ្សព្វផ្សាយអំពីគោលការណ៍ណែនាំរបស់បក្ស និងគោលនយោបាយថ្មីរបស់រដ្ឋ របស់ភូមិភាគជូនដល់សមាជិកគ្រប់រូបឱ្យបានក្តាប់។ ផ្តើមពីនោះ សមាជិកក្លឹបផ្លាស់ប្តូរយោបល់អំពីសភាពការណ៍សន្តិសុខ និងសណ្តាប់ធ្នាប់របស់បងប្អូនក្នុងតំបន់ រួចរួមគ្នាស្វែងរកវិធានការដោះស្រាយដូចជា៖ ចុះទៅដល់ផ្ទះដើម្បីផ្សព្វផ្សាយចលនា រៀបចំក្រុមសម្របសម្រួល។ល។

អាស្រ័យយល់បានច្បាស់អំពីច្បាប់ ក្តាប់ជាប់ទំនៀមទម្លាប់ ជាពិសេសគឺចេះភាសា Khmer យ៉ាងស្ទាត់ជំនាញផងនោះ សមាជិកទាំងឡាយក្នុងក្លឹបបានក្លាយជា “បណ្តាញផ្សព្វផ្សាយ” ប្រកបដោយប្រសិទ្ធភាពបំផុត ជួយនាំយកបទប្បញ្ញត្តិខាងច្បាប់មកកាន់គ្រួសារនីមួយៗយ៉ាងជិតស្និទ្ធ និងងាយយល់ទៀតផង។ “ដូចជាបង្កើតផ្លូវជនបទឱ្យធំទូលាយ មិនចាំបាច់សងប្រាក់នោះទេ អ្នកមានកិត្យានុភាពនៅទីនេះ បានសហការជាមួយគណៈកម្មការភូមិ ចុះទៅដល់គ្រប់គ្រួសារ ដើម្បីជួបសំណេះសំណាល ចលនាបងប្អូន។ ពួកគាត់ឃើញថាត្រឹមត្រូវ សមហេតុសមផល ក៏ស្ម័គ្រចិត្តបរិច្ចាគដីសម្រាប់ធ្វើផ្លូវ ដោយមិនទាមទារអ្វីទាំងអស់” ប្រធានក្លឹប “៣ សកម្ម” បានរំលឹកឡើងវិញដូច្នេះ។

ភាពសប្បាយរីករាយរបស់គ្រួសារលោក Lý On នៅភូមិ Sóc Đồn ខណៈពេលដែលបានផ្សព្វផ្សាយរាល់បណ្តាគោលនយោបាយថ្មីៗសម្រាប់ឃុំដែលបានទទួលស្គាល់ជាតំបន់សុវត្ថិភាព។

ផ្តើមពីវិធីសាស្ត្រនៃការផ្សព្វផ្សាយ អប់រំដោយផ្ទាល់ផង បញ្ចូលក្នុងកិច្ចប្រជុំផង សហការជាមួយព្រះសង្ឃនៅតាមវត្ត Khmer  ដើម្បីផ្សព្វផ្សាយខាងច្បាប់ដល់បងប្អូនផង ក៏បានពង្រីកយ៉ាងមានប្រសិទ្ធភាព ។ មុខមាត់ជនបទស្រស់បំព្រង ភូមិស្រុកស្រុះស្រួល ដោយសារមានអ្នកមានកិត្យានុភាពចុះទៅដល់ផ្ទះស្តាប់ បកស្រាយ “ត្រឹមត្រូវតាមច្បាប់ សមស្របតាមមនោសញ្ចេតនា” ។ ទំនាស់តូចតាចត្រូវបានសម្របសម្រួល បងប្អូនស្តាប់តាមការផ្សព្វផ្សាយពោលគឺមិនប្រព្រឹត្តិល្មើសច្បាប់ មិនស្តាប់តាមជនអាក្រក់ញុះញង់ ជួយភូមិស្រុករក្សា ពង្រឹងសន្តិសុខ សណ្តាប់ធ្នាប់ សាមគ្គី និងស្ថេរភាព ។

រួមជាមួយរដ្ឋអំណាចភូមិភាគ អ្នកមានកិត្យានុភាពក្នុងជនរួមជាតិភាគតិច កំពុងរួមកម្លាំងទាំងយប់ថ្ងៃ ជួយនាំយកចំណេះដឹងខាងច្បាប់ឱ្យកាន់តែជិតស្និទ្ធជាមួយបងប្អូនក្នុងសហគមន៍របស់ខ្លួន។ ពួកគាត់សុទ្ធសឹងជាស្ពានតភ្ជាប់ដ៏សំខាន់ បង្កើតការសម្របសម្រួល  សាមគ្គី និងរក្សាភាពសុខសាន្តសម្រាប់ភូមិស្រុកទៀតផង៕

Kim Phượng