Truyền hình
ស្វាហាប់ក្នុងការងារសម្ព័ន្ធយុវជន និងឈ្លាសវៃក្នុងការអភិវឌ្ឍសេដ្ឋកិច្ច ទាំងនេះគឺជាគុណសម្បត្តិរបស់បងស្រី Thạch Thị Rong ប្រធានសាខាសម្ព័ន្ធយុវជនភូមិ Biển Đông B សង្កាត់ Hiệp Thành។ ជាមួយស្នាដៃដ៏ប៉ិនប្រសព្វខាងកាត់ដេរ និងការតស៊ូអស់រយៈពេលជាង ១០ ឆ្នាំកន្លងមកបងបានពង្រឹងមូលដ្ឋានកាត់ដេររបស់ខ្លួន បង្កើតប្រភពចំណូលស្ថិរភាពសម្រាប់គ្រួសារ និងក្លាយជាទម្រង់យុវជនធ្វើសេដ្ឋកិច្ចមានប្រសិទ្ធភាពនៅភូមិភាគ។
បងស្រី Thạch Thị Rong កាត់ក្រណាត់ត្រៀមឱ្យការកាត់ដេររបស់ខ្លួន។
ផ្តើមអាជីពដោយម៉ាស៊ីនដេរមួយគ្រឿងប៉ុណ្ណោះ បងស្រី Rong បានប្រឹតសន្សំដើមទុនបន្តិចម្តងៗ ហើយបានវិនិយោគលើឧបករណ៍បន្ថែម ដូចជា៖ ម៉ាស៊ីនសង្កត់ជាយ បំពាក់សសៃសូត្រ ធ្វើរន្ធឡេវជាដើម។ ឧបករណ៍នីមួយៗដែលបានទិញយកមក សុទ្ធផ្សារភ្ជាប់នឹងការខិតខំប្រឹងប្រែងរបស់បងដែលផលិតតាមតម្រូវការរបស់ភ្ញៀវអតិថជន។ ដោយសារតែបែបនេះហើយ មូលដ្ឋានកាត់ដែររបស់បង្សរីមួយថ្ងៃកាន់តែដមណោះរការមានប្រសិទ្ធភាព ជាពិសេសក្នុងឱកាសបុណ្យ Tết បងស្រីត្រូវជួលកម្មករធ្វើបន្ថែមម៉ោងដើម្បីធានាបានទាន់ពេល។
ក្រៅពីរបរកាត់ដេរ បងស្រី Rong ថែមទាំងមានដាំបន្លែជន្លង់ និងស្ពៃគ្រប់ប្រភេទផងដែរ។ល។ បង្កើតបានប្រភពចំណូលនឹងនរ។ ចំណូលសរុបរបស់បងស្រីជាង ១០ លានដុង/ខែ ជួយបងស្រីមានលក្ខណៈបន្តវិនិយោគពង្រីកទូលាយថែមទៀតសម្រាប់ទម្រង់របស់ខ្លួន។
បងស្រី Rong ថែមទាំងបានបង្រៀនរបរកាត់ដេរដល់យុវជនដែលចាប់អារម្មណ៍ទៀតផង។ ថ្នាក់រៀននៅផ្ទះរបស់បងផ្ទាល់ ហើយតែងអស់ពីចិត្តជួយណែនាំយ៉ាងល្អិតល្អន់តាមរយៈការដេរនីមួយៗ ដោយជួយពួកគេឱ្យក្លាយជាអ្នកជំនាញបានឆាប់រហ័ស ដើម្បីពួកគេអាចកាត់ដេរ រកប្រាក់ចំណូល និងមានការងារធ្វើនៅក្នុងភូមិភាគរបស់ខ្លួន។
ដើម្បីឧបត្ថម្ភទម្រង់អភិវឌ្ឍន៍ស្ថិរភាព សម្ព័ន្ធយុវជនសង្កាត់ Hiệp Thành បានបង្កលក្ខណៈដើម្បីបងស្រី Rong បានបុនប្រាក់សម្រាប់ដោះស្រាយការងារ និងវិនិយោគគ្រឿងយន្ត ព្រមទាំងពង្រីកមូលដ្ឋានកាត់ដេរសម្លៀកបំពាក់របស់គាត់។ នេះគឺជាប្រភពធនធានដ៏សំខាន់មួយដែលជួយឱ្យបងស្រីបង្កើនសមត្ថភាពផលិតរបស់ខ្លួន ត្រៀមជាស្រេចក្នុងការទទួលដាក់ពាក្យកាត់ដេរ និងបន្តបណ្តុះបណ្តាលយុវជនផងដែរ។
សម្រាប់ការងារសម្ព័ន្ធយុវជន បងស្រី Rong តែងបញ្ជាក់ពីតួនាទីជាន្រធានសាខាម្នាក់ដែលមានការទទួលខុសត្រូវ។ សកម្មចូលរួមរាល់បណ្តាសកម្មភាពរបស់ភូមិស្រុក រួមដំណើរការ យ៉ាងសកម្មក្នុងសកម្មភាពសហគមន៍ក្នុងតំបន់ និងរក្សាទំនាក់ទំនងជិតស្និទ្ធជាមួយសមាជិកទៀតផង។ ដូច្នេះហើយ សាខាសម្ព័ន្ធយុវជននៃអនុសង្កាត់ Biển Đông B តែងរក្សាបាននូវការសាមគ្គី និងកិត្យានុភាពរបស់ខ្លួនក្នុងរាល់សកម្មភាព។
បងស្រី Thạch Thị Rong កាត់ដេរខោអាវនៅផ្ទះរបស់ខ្លួន។
វាយតម្លៃពីបងស្រី Rong បង Nguyễn Hữu Thương សមាជិកគណៈអចិន្ត្រៃនៃម្ព័ន្ធយុវជនសង្កាត់ ហ៊ីបថាញ់ បានឱ្យដឹង៖ “បងស្រី Rong ជាប្រធានសាខាសម្ព័ន្ធយុវជនឈ្លាសវៃ តែងសម្រេចល្អនូវរាល់សកម្មភាពរបស់ភូមិភាគ។ ទម្រង់កាត់ដេររបស់បងស្រីបាននាំមកនូវប្រសិទ្ធភាពយ៉ាងច្បាស់ក្រឡែត ផ្តើមពីនោះ ក៏បានជួយឧបត្ថម្ភមានលក្ខណៈបានរៀនរបរ។ អាស្រ័យដូច្នេះហើយ សម្ព័ន្ធយុវជនសង្កាត់បានបង្កលក្ខណៈងាយស្រួលដើម្បីបងស្រីបានបុលទុនដោយទឹកប្រាក់ចំនួន ៩០ លានដុង សម្រាប់ពង្រីកមូលដ្ឋានកាត់ដេរ”។
ជាមួយការខិតខំតស៊ូ និងស្មារតីមុះមុត បងស្រី Thạch Thị Rong មិនត្រឹមបង្កើតសេដ្ឋកិច្ចគ្រួសារបាននឹងនរល្អប៉ុណ្ណោះទេ ថែមទាំងបើកទិសដៅជាច្រើនសម្រាប់មិត្តយុវវ័យបង្កើតអាជីពទៀតផង។ រូបភាពនារីប្រធានសាខាសម្ព័ន្ធយុវជនដ៏ពូកែខាងការងារក្រុមផង និងឈ្លាសវៃក្នុងការធ្វើសេដ្ឋកិច្ចក្លាយជាចំណុចដ៏ភ្លឺស្វាងសម្រាប់ខាងស្មារតីខិតខំឈានឡើងរបស់យុវជននាពេលបច្ចុប្បន្ននេះ៕
Kim Trúc
Xem thêm bình luận