ឈានឡើងអាស្រ័យពលកម្មច្នៃប្រតិដ្ឋ

13 tháng 01 2026 05:58

លោក Danh Phe នៅភូមិ Bà Gồng ឃុំ Hồng Dân ជាកសិករដ៏ឆ្នើមមួយរូបប្រចាំតំបន់ Ngan Dừa ដែលត្រូវបានអ្នករាល់គ្នាស្គាល់ដោយសារភាពឧស្សាហ៍ព្យាយាម និងការច្នៃប្រតិដ្ឋក្នុងការផលិត និងការចូលរួមយ៉ាងសកម្ម រួមចំណែកជាក់ស្តែងសម្រាប់ភូមិភាគ។

អាស្រ័យការគិតគូរបានល្អ គ្រួសារលោក Danh Phe ក៏សង់បានផ្ទះមួយខ្នងដ៏ធំទូលាយស្អាតផងដែរ។

អាស្រ័យការគិតគូរបានល្អខាងវិស័យសេដ្ឋកិច្ច លោក Danh Phe បានគួបផ្សំជាច្រើនទម្រង់ សេដ្ឋកិច្ច បង្កើនប្រភពប្រាក់ចំណូលលើផ្ទៃដីតែមួយ។ លទ្ធផលបន្ទាប់ពីការខិតខំប្រឹងប្រែងអស់រយៈពេលជាច្រើនឆ្នាំរបស់កសិករ Khmer រូបនេះ គឺជាផ្ទះដ៏ធំទូលាយស្អាត និងគួរឱ្យចាប់អារម្មណ៍ទៀតផង។

ពីមុន តំបន់ Bà Gồng ភាគច្រើនធ្វើស្រែ ២ រដូវ ប្រសិទ្ធភាពសេដ្ឋកិច្ចមិនសូវបានផលខ្ពស់។ តែដោយមិនចង់ពឹងផ្អែកតែលើការធ្វើស្រែមួយមុខ លោក Phe បានផ្លាស់ប្តូរផ្នត់គំនិតក្នុងការផលិតរបស់ខ្លួន ដោយឆ្លៀតយកដីដែលនៅទំនេរជុុំវិញផ្ទះដើម្បីដាំបន្លៃ។ ដោយប្រកាន់គំនិតថា "ដីមួយតឹកតម្លៃស្មើមួយតឹកមាស" ដូច្នេះហើយគាត់ក៏បានកែច្នៃដីស្រែទំនាបដែលធ្លាប់តែលេចលង់ពីមុនឱ្យខ្ពស់ឡើងវិញដើម្បីដាំបន្លែបង្ការជាច្រើនប្រភេទ។ អាស្រ័យការគិតគូរបានល្អក្នុងការផលិត គ្រួសារលោកក៏មានប្រភពចំណូលនឹងនរពេញមួយឆ្នាំ។

លោក Danh Phe បានឱ្យដឹង៖ “ជាមធ្យម គ្រួសារខ្ញុំប្រមូលផលបន្លែជាច្រើនប្រភេទបានពី ១០-៣០ គីឡូក្រាមជារៀងរាល់ថ្ងៃ លក់បានតម្លៃចាប់ពី ៧-១៨ ពាន់ដុងក្នុងមួយគីឡូក្រាម។ ទោះបីជាទីផ្សារមានការប្រែប្រួលក៏ដោយ ក៏ការផលិតជាបន្តបន្ទាប់ធានាបាននូវប្រាក់ចំណូលនឹងនរល្អដែរ”។

អាស្រ័យទម្រង់ “យករយៈពេលខ្លីចិញ្ចឹមរយៈពេលវែង” ប្រភពចំណុលពីបន្លែក៏បានជួយឱ្យគ្រួសារលោក Phe ផ្គត់ផ្គង់ជីវភាពគ្រួសារប្រចាំថ្ងៃ ចំណូលបានពីស្រូវក៏ត្រូវបានលោកសន្សំទុកដើម្បីគិតគូរឱ្យកូនសិក្សារៀនសូត្រ។ ពីព្រោះសម្រប់លោកផ្ទាល់ សម្បត្តិដ៏មានតម្លៃធំជាងគេគឺចិញ្ចឹមកូនឱ្យចេះដឹង និងរៀនសូត្របានល្អ។

ក្រៅពីការគិតគូរអភិវឌ្ឍសេដ្ឋកិច្ចគ្រួសារ លោក Danh Phe ថែមទាំងបានរួមចំណែកយ៉ាងសកម្មកិច្ចការសង្គម និងកសាងជនបទថ្មីនៅភូមិភាគទៀតផង។ ជារៀងរាល់ឆ្នាំ គ្រួសារលោកតែងស្ម័គ្រចិត្តចំណាយទឹកប្រាក់មួយចំនួនដើម្បីចូលរួមប្រពៃណីរបស់ភូមិភាគ។

សមាគមកសិករឃុំ Hồng Dân អញ្ជើញទៅទស្សនាទម្រង់ផលិតរបស់គ្រួសារលោក Danh Phe។

លោក Danh Thanh Ỷ ប្រធានសមាគមកសិករឃុំ Hồng Dân បានគត់សម្គាល់ថា៖ “លោក Danh Phe គឺជាសមាជិកកសិករគំរូម្នាក់របស់ភូមិ មិនត្រឹមតែឧស្សាហ៍ព្យាយាម និងប្តេជ្ញាចិត្តក្នុងការជំនះភាពក្រីក្រប្រកបដោយចីរភាពប៉ុណ្ណោះទេ ថែមទាំងជាគំរាល់ប្រពៃណី និងគោលនយោបាយរបស់ភូមិភាគទៀតផង”។

រឿងរ៉ាវនៃដំណើរឆាកជីវិតឈានឡើងរបស់លោក Danh Phe គឺជាសក្ខីភាពដ៏រស់រវើកមួយខាងស្មារតីនៃការច្នៃប្រតិដ្ឋរបស់បងប្អូនជនរួមជាតិ Khmer។ ផ្តើមពីដីចម្ការរបស់ខ្លួន ជាមួយគោលគំនិតប្រកបដោយភាពច្នៃប្រតិដ្ឋ និងការឧស្សាហ៍ព្យាយាម កសិករទាំងឡាយពិតជាអាចក្លាយជាអ្នកមានទ្រព្យសម្បត្តិស្តុកស្តម្ភ រួមចំណែកជាវិជ្ជមានដល់ការអភិវឌ្ឍតំបន់ភូមិស្រុករបស់ខ្លួនជាក់ជាមិនខាន៕

Thuỳ Liên

Từ khóa: báo Cà Mau Cà Mau tin mới Cà Mau thời sự Cà Mau tin tức Cà Mau

មនុស្សល្អ - ការងារល្អ

ឈានឡើងអាស្រ័យពលកម្មច្នៃប្រតិដ្ឋ

NỔI BẬT 48 GIỜ