ជាដងថ្លឹងដើម្បីចាកផុតភាពក្រីក្រ

ក្នុងដំណើរឆ្ពោះទៅរកការកាត់បន្ថយភាពក្រីក្រប្រកបដោយចីរភាពនៅតាមតំបន់ជនរួមជាតិភាគតិច ការជ្រើសរើសដំណោះស្រាយខាងជីវភាពរស់នៅដ៏ល្អត្រឹមត្រូវគឺមានសារៈសំខាន់ខ្លាំងណាស់។ ជាក់ស្តែងបានបង្ហាញឱ្យឃើញថា ប្រសិនបើត្រឹមតែទម្រង់ឧបត្ថម្ភមានរយៈពេលខ្លី គោលនយោបាយឧបត្ថម្ភពូជសត្វចិញ្ចឹមកំពុងមានការអភិវឌ្ឍយ៉ាងច្បាស់ក្រឡែតផងដែរ ជួយបងប្អូនប្រជាជនមានលក្ខណៈក្នុងការផលិត ព្រមទាំងម្ចាស់ការបង្កើតប្រភពប្រាក់ចំណូលទាំងនៅលើទឹកដីភូមិកំណើតរបស់ខ្លួន។

ផ្តើមពីពូចជ្រូក ​២ ក្បាលដែលរដ្ឋបានឧបត្ថម្ភ ហ្វូងជ្រូករបស់គ្រួសារបង Châu Minh Hoàng ក៏ពង្រីកទម្រង់ចិញ្ចឹមក្លាយជារបររកស៊ីយ៉ាងមានប្រសិទ្ធភាពផងដែរ។

សម្រាប់គ្រួសារក្រីក្រ និងគ្រួសារប្រកៀកបន្ទាត់ក្រជាច្រើន ការកង្វះខាងដើមទុនតែងជាឧបសគ្គយ៉ាងធំបំផុតដែលរារាំងពួកគេចំពោះការវិនិយោគលើការចិញ្ចឹមសត្វពាហនៈ។ ការដែលរដ្ឋបានឧបត្ថម្ភដោយផ្ទាល់ចំពោះពូជសត្វចិញ្ចឹម មិនត្រឹមតែដោះស្រាយលើបញ្ហាលំបាកជំហានដំបូងប៉ុណ្ណោះទេ ថែមទាំងបង្កើតទំនុកចិត្ត លើកកម្ពស់ការពឹងផ្អែកលើខ្លួនឯង និងបង្កើនផ្នត់គំនិតអាជីវកម្មរយៈពេលវែង ដែលអាចឱ្យពួកគេកែលម្អជីវភាពរស់នៅបន្តិចម្តងៗតាមរយៈកម្លាំងពលកម្មផ្ទាល់ខ្លួនទៀតផង។

នៅភូមិលេខ ១៦ ឃុំ U Minh ដោយផ្តើមពីពូជជ្រូកដែលបានជំនួយឧបត្ថម្ភលើកដំបូងចំនួន ៣ ក្បាល លោក Thạch Kinh បានផ្តោតលើបច្ចេកទេសថែទាំត្រឹមត្រូវ បន្តបង្កើនហ្វូងចិញ្ចឹមឱ្យបានច្រើនថែមទៀត។ រហូតមកទល់បច្ចុប្បន្ន គ្រួសារលោកក៏មានជ្រូកមេ ២ ក្បាលកំពុងបង្កើតកូនផងដែរ ជារៀងរាល់ឆ្នាំផ្តល់ប្រភពចំណូលរាប់សិបលានដុង គ្រប់គ្រាន់ដើម្បីលំនឹងជីវភាពរស់នៅ ព្រមទាំងកសាងផ្ទះយ៉ាងធំទូលាយស្អាតទៀតផង។

ចែករំលែកពីដំណើរការរួចចាកក្ររបស់ខ្លួន លោក Thạch Kinh បានបង្ហើបថា៖ “ពេលទើប បានឧបត្ថម្ភគោពូជលើកដំបូង គ្រួសារខ្ញុំពិតជាសប្បាយចិត្តណាស់ ប៉ុន្តែក៏មានការព្រួយបារម្ភផងដែរ។ ការមានគោពូជមានន័យថាយើងត្រូវខិតខំចិញ្ចឹមវា។ ហើយយ៉ាងណាមិញក៏សូមអរគុណចំពោះគោលនយោបាយរបស់រដ្ឋ ទើបជីវភាពរបស់យើងមានស្ថិរភាពជាងពេលមុន”។

ក៏អាស្រ័យគោលនយោបាយឧបត្ថម្ភពូជសត្វចិញ្ចឹម លោក Châu Minh Hoàng និងអ្នកមីង Thạch Thị Nheo នៅភូមិ Ba Vĩnh សង្កាត់ Hoà Thành ដែលធ្លាប់ជាគ្រួសារក្រីក្រ តែសព្វថ្ងៃមានភាពរីកចម្រើនគួរឱ្យកត់សម្គាល់។ គ្រួសារបងបានទទួលកូនគោចំនួន ២ ក្បាល ហើយតាមរយៈការថែទាំយ៉ាងយកចិត្តទុកដាក់ និងការប្រើប្រាស់ប្រភពធនធានដែលមានប្រកបដោយប្រសិទ្ធភាព ហ្វូងគោមានភាពរីកចម្រើនខ្លាំង ដោយផ្តល់អត្ថប្រយោជន៍សេដ្ឋកិច្ចយ៉ាងច្រើន។ នៅពេលដែលទម្រង់នេះបានបង្ហាញពីប្រសិទ្ធភាព ប្តីប្រពន្ធបង Hoàng បានខ្ចីប្រាក់យ៉ាងក្លាហានដើម្បីពង្រីកទម្រង់ចិញ្ចឹមរបស់ខ្លួន។ រហូតមកដល់បច្ចុប្បន្ន ហ្វូងគោរបស់គាត់បានកើនឡើងដល់ ១០ ក្បាល ជួយគ្រួសារឱ្យរួចផុតពីភាពក្រីក្រចីរភាព កូនៗមានលក្ខណៈសិក្សារៀនសូត្របានល្អ និងគ្រប់គ្រាន់។

លោក Châu Minh Hoàng បានចែករំលែកថា៖ “ពូជសត្វចិញ្ចឹមដែលរដ្ឋបានឧបត្ថម្ភ គឺជាដើមទុនយ៉ាងសំខាន់មួយ។ ប៉ុន្តែសំខាន់ជាងនេះទៅទៀត យើងត្រូវតែឧស្សាហ៍ព្យាយាម និងមានឆន្ទៈក្នុងការរៀនបច្ចេកទេស ហ៊ានគិត និងធ្វើសកម្មភាពដើម្បីកែលម្អជីវិតរបស់យើង”។

លោក Thạch Kinh ថែទាំហ្វូងជ្រូករបស់ខ្លួន។

យោងតាមលោក Nguyễn Văn Hải កម្មាភិបាលផ្នែកខាងពេទ្យសត្វនៅសង្កាត់ Hoà Thành គោលនយោបាយឧបត្ថម្ភពូជសត្វចិញ្ចឹមគឺជាដំណោះស្រាយយ៉ាងជាក់ស្តែង និងសមស្របទៅនឹងលក្ខខណៈនៃការផលិតរបស់ប្រជាជន Khmer។ ជាមួយនឹងការទទួលបានប្រាក់កម្ចី វិទ្យាសាស្ត្រ និងបច្ចេកវិទ្យា គ្រួសារជាច្រើនបានរួចផុតពីភាពក្រីក្រយ៉ាងឆាប់រហ័ស និងប្រកបដោយចីរភាពទៀតផង។

ការអនុវត្តជាក់ស្តែងបានបង្ហាញឱ្យឃើញច្បាស់ពីគោលនយោបាយឧបត្ថម្ភពូជសត្វចិញ្ចឹមមិនត្រឹមតែមានសារៈសំខាន់ខាងសុខុមាលភាពសង្គមប៉ុណ្ណោះទេ ថែមទាំងមានតួនាទីយ៉ាងសំខាន់ក្នុងការកាត់បន្ថយភាពក្រីក្រប្រកបដោយចីរភាពនៅក្នុងតំបន់ជាច្រើនទៀតផង។ គោលនយោបាយនេះបានផ្តល់ឱ្យប្រជាជននូវ “ដងសន្ទូច” សម្រាប់ជីវភាពរស់នៅ ដោយបង្កើតលក្ខណៈសម្រាប់ពួកគេម្ចាស់ការក្នុងការបង្កើតប្រភពប្រាក់ចំណូល និងកែលម្អជីវិតរបស់ខ្លួន។

សំខាន់ជាងទៀត តាមរយៈគោលនយោបាយនេះ ឆន្ទៈក្នុងការរួចចាកផុតពីភាពក្រីក្រ និងស្មារតីឧស្សាហ៍ព្យាយាមរបស់បងប្អូនប្រជាជនមានការភ្ញាក់រឭកយ៉ាងខ្លាំង។ ខណៈដែល “ដងថ្លឹង” ដែលផ្តើមពីគោលនយោបាយនេះ ជួបចំមុខសញ្ញាជា “ទីបង្អែក” នៃការតាំងចិត្តរបស់ប្រជាជន ប្រសិទ្ធភាពនៃការកាត់បន្ថយក្រមិនត្រឹមតែឆ្លុះបញ្ចាំងនៅស្ថិតិប៉ុណ្ណោះទេ ប៉ុន្តែវាក៏ក្លាយជាការផ្លាស់ប្តូរយ៉ាងពិតប្រាកដមួយក្នុងជីវភាពរស់នៅ រួមចំណែកដល់ការកសាង និងអភិវឌ្ឍកាន់តែមានស្ថិរភាព និងប្រកបដោយចីរភាពនៅក្នុងតំបន់ជនរួមជាតិភាគតិចផងដែរ៕

Nguyễn Đào - Chí Thức