នាំយកសិល្បៈប្រពៃណីធ្វើជាអំណោយមុនថ្ងៃបុណ្យចូលឆ្នាំថ្មី

ពេលកម្តៅថ្ងៃនៅភាគខាងត្បូងចាប់ផ្តើមហួតហែងខ្លាំង ក៏ជាពេលវេលាដែលបងប្អូនជនរួមជាតិ Khmer ឈានចូលដល់ថ្ងៃដ៏រំភើបបំផុតក្នុងឆ្នាំ។ ខែមេសាមកដល់នាំមកនូវបុណ្យចូលឆ្នាំថ្មីប្រពៃណីជាតិ ដែលជាពិធីបុណ្យនៃជំនឿសាសនា ការដឹងគុណ និងក្តីសង្ឃឹម។ ក្នុងបរិយាកាសនោះ ពន្លឺភ្លើងឆាកនៃក្រុមសិល្បៈ Khmer - រោងមហោស្រព Cao Văn Lầu បានបំភ្លឺយ៉ាងត្រចះត្រចង់នៅតាមភូមិស្រុកនៃតំបន់ដាច់ស្រយាល នាំមកនូវអំណោយស្មារតីមិនអាចកាត់ថ្លៃបានជូនដល់បងប្អូនប្រជាជន។

រក្សា "ប្រទីប" នាដសាស្រ្តប្រពៃណី

អនុវត្តតាមផែនការលេខ ០៥ ចាប់ពីថ្ងៃទី ២២ ដល់ថ្ងៃទី ៣១ ខែមីនា ឆ្នាំ ២០២៦ ក្រុមសិល្បៈចម្រុះ Khmer បានរៀបចំការសម្តែង ៦ លើក ដើម្បីបម្រើជនរួមជាតិនៅតាមឃុំក្នុងខេត្ត។ រាល់រាត្រីសម្តែងនីមួយៗ គឺជាកម្មវិធីសិល្បៈដែលរៀបចំឡើងយ៉ាងហ្មត់ចត់ ដោយមានការបញ្ចូលគ្នារវាងការអភិរក្សបេតិកភណ្ឌ និងការច្នៃប្រតិដ្ឋថ្មីផងដែរ។

បងប្អូនជនជាតិ Khmer ទស្សនាការលេងល្ខោនយូកេរនៅវត្ត Giá Rai Mới សង្កាត់ Giá Rai។

លោក Thạch Thiệu អនុប្រធានក្រុមសិល្បៈចម្រុះ Khmer បានចែករំលែកដោយតាំងចិត្តថា៖ "យើងខ្ញុំកំណត់ថា នេះគឺជាវគ្គបម្រើជូនប្រជាជនដ៏សំខាន់ក្នុងឆ្នាំផងដែរ។ បងប្អូនសិល្បករបានលះបង់អស់ពីកម្លាំងកាយចិត្ត និងពេលវេលាដើម្បីហ្វឹកហាត់ឈុតល្ខោនយូកេបុរាណ ដើម្បីនាំមកនូវភាពសប្បាយរីករាយជូនជនរួមជាតិមុនឱកាសបុណ្យចូលឆ្នាំថ្មី"។

នៅតាមបណ្តាទីកន្លែងសម្តែងដូចជា វត្ត Giá Rai Mới ឬតាមភូមិស្រុកនានាក្នុងខេត្ត បរិយាកាសបុណ្យហាក់ដូចជាឆាប់មកដល់។ ទោះបីមិនទាន់ដាច់ពន្លឺថ្ងៃផងជនរួមជាតិបានបបួលគ្នាទៅកាន់ទីធ្លាវត្ត ដើម្បីជ្រើសរើសកន្លែងអង្គុយឱ្យបានជិតឆាកបំផុត។

ក្នុងនោះ លោកយាយ Thạch Thị Dá នៅភូមិ Rạch Rắn ឃុំ Long Điền មានភាពសប្បាយរីករាយ និងបានមកដល់តាំងពីដំបូង។ ក្នុងវង់ភក្រ្តមានស្នាមជ្រីវជ្រួញតាមពេលវេលា ហាក់ដូចជាមានភាពវាងវៃ និងភ្លឺថ្លាជាងមុនពេលសម្លឹងមើលទៅលើឆាក។ គាត់រំភើបថា៖ "យូរណាស់ហើយដែលខ្ញុំទើបតែបានទស្សនាការសម្តែងល្ខោនយូកេដោយផ្ទាល់បែបនេះ។ នឹកសម្លេងតន្ត្រី នឹកក្បាច់រាំរបស់ជនជាតិយើងណាស់ ទោះបីផ្ទះឆ្ងាយ ក៏ខ្ញុំនៅតែប្រាប់កូនចៅឱ្យជូនមកទីនេះមុនដើម្បីរង់ចាំ។ ឃើញបងប្អូនសិល្បករមកដល់ ចិត្តខ្ញុំសប្បាយដូចជាបានទទួលបុណ្យចូលឆ្នាំហើយ"។

មានអារម្មណ៍ដូចគ្នាដែរ លោក Châu Phát ប្រធានគណៈកម្មការវត្ត Giá Rai Mới បានអះអាងថា៖ "មានក្រុមសិល្បៈមកសម្តែងចំឱកាសជិតចូលឆ្នាំបែបនេះ បងប្អូនមានចិត្តត្រេកអរណាស់។ តាមរយៈរឿងយូកេរទាំងឡាយ ស្រទាប់យុវជនកាន់តែយល់ច្បាស់អំពីច្បាប់នៃមនុស្សធម៌ និងអត្តសញ្ញាណដ៏វិសេសវិសាលដែលដូនតាបានបន្សល់ទុកឱ្យ"។

រក្សាលំហូរសម្ងាត់នៃវប្បធម៌ជាតិ

ក្រោមពន្លឺភ្លើងឆាកដ៏ស្រស់បំព្រង សិល្បករ Kim Pin Na Ri និងមិត្តរួមការងារបានខិតខំប្រឹងប្រែងសម្តែង ទោះបីជាលក្ខណៈចុះទៅតាមឃុំនៅមានការលំបាកច្រើនក៏ដោយ។ គឺដោយសារតែគោលនយោបាយផ្តល់អាទិភាពដល់វិជ្ជាជីវៈទាន់ពេលវេលាពីសំណាក់បក្ស និងរដ្ឋ ទើបសិល្បករមានកម្លាំងចិត្តបន្ថែមទៀតដើម្បី "រក្សាប្រទីប" វប្បធម៌។

ក្រុមសិល្បៈចម្រុះ Khmer  - រោងមហោស្រព Cao Văn Lầu សម្តែងល្ខោនយូកេររឿង "ម៉ាក់ថើង" នៅវត្ត Giá Rai Mới។

​មិនត្រឹមតែជាការកម្សាន្តប៉ុណ្ណោះទេ ការសម្តែងនីមួយៗក៏ជាឱកាសដើម្បីផ្សព្វផ្សាយអំពីភារកិច្ចអភិវឌ្ឍន៍សេដ្ឋកិច្ច - សង្គម ជាពិសេសគឺអបអរសាទរជោគជ័យនៃការបោះឆ្នោត តំណាងរដ្ឋសភា នីតិកាលទី XVI និងក្រុមប្រឹក្សាប្រជាជនគ្រប់លំដាប់ថ្នាក់ អាណត្តិ ២០២៦-២០៣១។ សិល្បៈពិតបានក្លាយជាស្ពានមេត្រីរឹតបន្តឹងស្មារតីមហាសាមគ្គីទូទាំងជនជាតិ។

រាត្រីសម្តែងដែលបានបញ្ចប់ តែងបន្សល់ទុកនូវអនុស្សាវរីយ៍ដ៏ស្រស់ស្អាតក្នុងចិត្តទស្សនិកជន តាមរយៈសម្លេងស្គរ សម្លេងតន្ត្រី និងសម្លេងច្រៀងយូកេដ៏ផ្អែមពិរោះ។ ក្រុមសិល្បៈចម្រុះ Khmer - រោងមហោស្រព Cao Văn Lầu បានបំពេញតួនាទីជាស្ពានមេត្រីល្អប្រសើរ នាំយកបុណ្យចូលឆ្នាំមុនកំណត់មកដល់ភូមិស្រុក ដើម្បីឱ្យចរន្តវប្បធម៌ Khmer នៅតែបន្តហូរមិនចេះដាច់ រួមចំណែកក្នុងចរន្តវប្បធម៌ Việt Nam ដ៏ជឿនលឿន និងពោរពេញដោយអត្តសញ្ញាណជនជាតិ៕

Đờ Ni - Ngọc Quyên