ស្ពានតភ្ជាប់ដើម្បីនាំយកសេចក្តីសម្រេចរបស់បក្សដល់ជនរួមជាតិ

នៅក្នុងពិធីប្រឡងឃោសនិក អ្នកឃោសនាពូកែថ្នាក់ខេត្ត Cà Mau ឆ្នាំ២០២៦ទើបបានប្រព្រឹត្តិឡើងកាលពីចុងខែមិថុនា បេក្ខជន Thạch Thị Hoa ដែលជាអ្នកឯកទេសមកពីគណៈកម្មាធិការរណសិរ្សមាតុភូមិ Việt Nam សង្កាត់ Hiệp Thành បានធ្វើឱ្យមានការចាប់អារម្មណ៍យ៉ាងខ្លាំង និងទទួលបានរង្វាន់លេខពីរយ៉ាងល្អឥតខ្ចោះ។ ដោយមានទំនុកចិត្ត និងការរៀបចំយ៉ាងហ្មត់ចត់ រួមទាំងមោទនភាពជាតិយ៉ាងជ្រាលជ្រៅផងនោះ នាងមិនត្រឹមតែបញ្ជាក់ពីសមត្ថភាពផ្ទាល់ខ្លួនរបស់ប៉ុណ្ណោះទេ ថែមទាំងបានក្លាយជាស្ពានតភ្ជាប់ដ៏រឹងមាំមួយដើម្បីនាំយកនូវគោលនយោបាយរបស់បក្សដល់ជនរួមជាតិភាគតិចទៀតផង។

បេក្ខជន Thạch Thị Hoa ថតរូបអនុស្សាវរីយ៍ជាមួយគណៈមេប្រយោគនៃពិធីប្រឡងឃោសនិក និងអ្នកផ្សព្វផ្សាយពូកែខេត្ត Cà Mau ឆ្នាំ២០២៦។

បងស្រី Thạch Thị Hoa បានទាក់ទាញ និងបញ្ចុះបញ្ចូលគណៈមេប្រយោគនៃការប្រឡងបានយ៉ាងឆាប់រហ័សចាប់ពីនាទីដំបូងៗ ដោយសារតែសំលៀកបំពាក់ប្រពៃណីជនដ៏ស្រស់សោភារបស់ខ្លួន និងប្រធានបទនៃការបកស្រាយរបស់ខ្លួនដែលបង្គាប់ដោយខ្លឹមសារខាងព័ត៌មាន ព្រមទាំងសាភ្ជាប់ទៅនឹងការអភិវឌ្ឍរបស់ភូមិភាគ។

ប្រធានបទដែលបេក្ខជន Thạch Thị Hoa បានយកមកប្រឡង គឺជាក់ស្តែង និងផ្តោតលើ៖ “ការលើកកម្ពស់តួនាទី និងការទទួលខុសត្រូវរបស់កម្មាភិបាល និងសមាជិកបក្ស ជាពិសេសកម្មាភិបាលជនជាតិ Khmer ក្នុងការអនុវត្តសេចក្តីសម្រេចរបស់មហាសន្និបាតបក្សលើកទី ១៤ ទៅក្នុងជីវិតរស់នៅរបស់ជនរួមជាតិភាគតិច”។ នេះមិនមែនជាប្រធានបទទ្រឹស្តីសុទ្ធសាធនោះទេ ប៉ុន្តែជាការសន្និដ្ឋានដែលដកស្រង់ចេញពីលក្ខណៈប្រជាសាស្ត្រ និងបទពិសោធន៍ការងារជាក់ស្តែងរបស់បងស្រីក្នុងអង្គភាពរដ្ឋបាលថ្មីផងដែរ។

សមមិត្ត Phan Thanh Vũ អនុលេខាប្រចាំការនៃគណៈកម្មាធិការបក្សសង្កាត់ Hiệp Thành បានចែករំលែកថា៖ «គណៈកម្មាធិការបក្សបានណែនាំប្រធានបទសម្រាប់ចូលរួមប្រឡងរបស់បងស្រី Thạch Thị Hoa ពីព្រោះ Hiệp Thành មានលក្ខណៈពិសេសខ្លាំង ដោយមានចំនួនប្រជាជន Khmer ទាំងអស់ ៣៥% និង ១០% ទៀតជាជនជាតិ Hoa។ ប្រធានបទរបស់បងស្រី Thạch Thị Hoa ឆ្លើយតបយ៉ាងត្រឹមត្រូវទៅនឹងតម្រូវការជាក់ស្តែងរបស់តំបន់ភូមិភាគបន្ទាប់ពីការរួមបញ្ចូលគ្នា»។

ភាពជោគជ័យរបស់បងស្រី Thạch Thị Hoa ក្នុងការប្រឡងថ្នាក់ខេត្តលើកនេះ គឺជាលទ្ធផលនៃការបណ្តុះបណ្តាលជាប់លាប់អស់រយៈពេល ១៧ ឆ្នាំ និងទំនាក់ទំនងជិតស្និទ្ធជាមួយបងប្អូនប្រជាជន។ វាគឺជាការប្តេជ្ញាចិត្តរបស់បងស្រី ថាច់ធីហ្វា ក្នុង «រួមការបរិភោគ រស់នៅរួមគ្នា ស្តាប់រួមគ្នា និងធ្វើការរួមគ្នា» ចំពោះអ្នកភូមិទាំងឡាយក៏បានជួយបងស្រីប្រមូលបទពិសោធន៍ខាងជីវិតរស់នៅ និងចំណេះដឹងជាក់ស្តែងជាច្រើន បន្ទាប់មកបងស្រីបានបញ្ចូលទៅក្នុងបទបង្ហាញដ៏គួរឱ្យទាក់ទាញទៀតផង។

សមមិត្ត Nguyễn Huy Thái អនុប្រធានគណឃោសនាអប់រំ ​និងចលនាមហាជននៃគណៈកម្មាធិការបក្សខេត្ត ជូនប័ណ្ណសរសើររបស់គណៈកម្មាធិការប្រជាជនខេត្តដល់បេក្ខជន Thạch Thị Hoa។

ភាពជោគជ័យរួមនៃការប្រឡងឆ្នាំនេះ បានបញ្ជាក់ពីការយកចិត្តទុកដាក់យ៉ាងជិតស្និទ្ធ និងមានការទទួលខុសត្រូវរបស់គណៈកម្មាធិការបក្សដែលស្ថិតក្រោមការបញ្ជារបស់គណៈកម្មាធិការបក្សខេត្ត ផ្តើមពីនោះ ក៏សម្តែងពីការស្ងើចសរសើរ ភាពវៃឆ្លាត សមត្ថភាព និងការរៀបចំបានយ៉ាងល្អិតល្អន់របស់បេក្ខជនផងដែរ។ ចំពោះបងស្រី Thạch Thị Hoa ផ្ទាល់ ការទទួលបានពានរង្វាន់ខ្ពស់គឺជាការចាប់ផ្តើមនៃដំណើរមួយដើម្បីផ្សព្វផ្សាយឥទ្ធិពលរបស់បងស្រីឱ្យកាន់តែខ្លាំងក្លាថែមទៀត។ បច្ចុប្បន្ន បងស្រី Hoa កំពុងសម្របសម្រួលយ៉ាងសកម្មជាមួយគណៈកម្មាធិការបក្ស ដើម្បីកែលម្អ និងបង្កើនគុណភាពនៃបទបង្ហាញរបស់ខ្លួនបន្ថែមទៀត ដោយផ្អែកលើមតិយោបល់ និងការណែនាំរបស់មន្ទីរឃោសនាអប់រំ និងចលនាមហាជននៃគណៈកម្មាធិការបក្សខេត្ត ត្រៀមលក្ខណៈជាស្រេចសម្រាប់ចូលរួមការប្រឡងថ្នាក់តំបន់ដែលបានប្រព្រឹត្តឡើងនាចុងខែកក្កដា ឆ្នាំ២០២៦ នេះឯង៕

Nguyễn Quốc