ទីបង្អែករបស់គ្រួសារក្រ

ដោយបានមាមីងបងប្អូនជឿទុកចិត្ត និងតែងតាំងធ្វើជាអ្នកមានប្រជាប្រិយក្នុងជនរួមជាតិចាប់តាំងពីឆ្នាំ២០១៧ លោក Vương Quốc Định (ជនជាតិចិន) នៅភូមិ Vàm Đầm ឃុំ Nguyễn Huân ស្រុក Đầm Dơi តែងមានចិត្តស្មោះស្ម័គ្រជាមួយកិច្ចការងាររួម ព្រមទាំងអស់ពីចិត្តដើម្បីផលប្រយោជន៍របស់បងប្អូនប្រជាជនជាទូទៅ។

ចាប់តាំងពីបានតែងតាំងជាអ្នកមានប្រជាប្រិយ​ រហូតមកទល់សព្វថ្ងៃ លោកតែងទទួលមុខងារជាស្ពានតភ្ជាប់រវាងឆន្ទៈបក្ស និងទឹកចិត្តប្រជាជន ស្របឱកាសនោះ ក៏ជាខ្សែសង្វាក់ស្ពាននៃទឹកចិត្តមនុស្សធម៌ សកម្មរួមជាមួយភូមិភាគខាងការងារកាត់បន្ថយក្រ រួមចំណែកកសាងផែនមហាសាមគ្គីជនជាតិ និងរក្សាការពារលំនឹងសន្តិសុខសង្គមក្នុងសហគមន៍ទៀតផង។

ភូមិ Vàm Đầm មានប្រហែល៤០គ្រួសារប្រកបរបរអាជីវកម្ម ដូច្នេះហើយ សម្រាប់លោក Định វិញ ក៏ងាយស្រួលចលនាប្រភពធនធានសម្រាប់ជំនួយឧបត្ថម្ភគ្រួសារក្រ ព្រមទាំងរួមចំណែកជាមួយភូមិភាគកសាងជនបទថ្មីទៀតផង។

ទូទាំងឃុំ Nguyễn Huân មានគ្រួសារខ្មែរទាំងអស់ចំនួន១៤៥គ្រួសារ ដោយឡែកភូមិ Vàm Đầm មាន៧១គ្រួសារ ដែលភាគច្រើនជាគ្រួសារជនជាតិចិន (៤០គ្រួសារ) រស់នៅប្រកបរបរជួញដូរ ប្រមូលផ្តុំច្រើនបំផុតនៅផ្សារ Vàm Đầm។

ដែលជាអ្នកមានប្រជាប្រិយ យល់បានច្បាស់លាស់អំពីភាពជាក់ស្តែងរបស់ភូមិភាគ ព្រមទាំងបណ្តាប្រពៃណីទំនៀមទម្លាប់របស់បងប្អូនប្រជាជន លោក Định ក៏បានពង្រីកល្អនូវតួនាទីជាស្នូល រាល់គ្រប់វិស័យនៃជីវភាពរស់នៅក្នុងសង្គម។ លោកបានផ្សព្វផ្សាយយ៉ាងសកម្ម និងកៀគរបងប្អូនប្រជាជនអនុវត្តវិធានការគោលនយោបាយរបស់បក្ស និងក្រឹត្យច្បាប់របស់រដ្ឋ ចូលរួមគ្រប់បណ្តាប្រពៃណីប្រឡងប្រណាំងពលកម្មផលិត អភិវឌ្ឍន៍សេដ្ឋកិច្ច រក្សាលំនឹងសន្តិសុខ សណ្តាប់ធ្នាប់សង្គម។

ទន្ទឹមនិងនោះ លោកក៏បានធ្វើសេនាធិការជាមួយរដ្ឋអំណាចភូមិភាគ សាភ្ជាប់រាវងសប្បុរសជនជំនួយឧបត្ថម្ភពូជ ដើមទុន និងបច្ចេកទេសសម្រាប់ក្នុងការផលិត ជួយគ្រួសារជាច្រើនបានឈានឡើងរួចផុតក្រ។

លោក Định (ខាងស្តាំ) បានអញ្ជើញទៅសួរសុខទុក្ខគ្រួសារលោក Cao Việt Hùng (អ្នកកណ្តាល) ដែលជាគ្រួសារក្រ ទទួលបានការឧបត្ថម្ភទឹកប្រាក់៨០លានដុងសម្រាប់សាងសង់ផ្ទះថ្មីក្នុងឆ្នាំនេះ។

ដោយឡែកគ្រួសារលោក Định វិញមានមុខរបរប្រពៃណីខាងជួញដូរមាស ប្រាក់ អស់៣ជំនាន់មកហើយដែរ យោងតាមប្រការនេះ បានជួយគ្រួសារលោកមានលក្ខណៈដើម្បីឧបត្ថម្ភមាមីងបងប្អូន ជាពិសេសគ្រួសារក្រីក្រ គ្រួសារជួបលំបាក កើតមានជំងឺដង្កាត់ជាដើម។ តាំងពីដើមឆ្នាំរហូតមក លោកបានធ្វើសេនាធិការរួមជាមួយរដ្ឋអំណាចភូមិភាគ ព្រមទាំងចលនាសប្បុរសជនកសាងផ្ទះបានចំនួន៥ខ្នងសម្រាប់គ្រួសារក្រ ក្នុងនោះ មាន២គ្រួសារខ្មែរដែលក្រីក្រ។ ក្រៅពីនោះ ជារៀងរាល់ឆ្នាំឱ្យតែដល់រដូវបុណ្យទានប្រពៃណីម្តងៗ លោកតែងជំនួយឧបត្ថម្ភអង្ករជាង២តោន រួមទាំងអំណោយដទៃផ្សេងទៀតសម្រាប់ចែកជូនមាមីងបងប្អូននាថ្ងៃបុណ្យ។ ជាមួយទឹកចិត្តសប្បុរស តាំងពីច្រើនឆ្នាំកន្លងមក លោក Định ក៏ដូច ជាគ្រួសារដទៃជាច្រើនទៀត ក៏បានក្លាយជាអាស័យដ្ឋាន ទីបង្អែកដ៏ប្រចាំសម្រាប់អ្នកទាំងឡាយនៅភូមិភាគដែលជួបលំបាកក្នុងការរស់នៅ។

“ខ្ញុំជួយមាមីងបង្អូនដោយទឹកចិត្តសប្បុរស សង្ឃឹមថាខ្លួននឹងអាចជួយកាត់បន្ថយភាពលំបាកសម្រាប់គ្រួសារក្រីក្រ ដើម្បីភូមិស្រុកមួយថ្ងៃកាន់តែមានការអភិវឌ្ឍន៍ថែមទៀត។ បច្ចុប្បន្ន ភូមិ Vàm Đầm មាន២១គ្រួសារក្រ និងក្បែរបន្ទាត់ក្រ យោងតាមទិសដៅរបស់ភូមិ នឹងជំនួយឧបត្ថម្ភចំនួន៦គ្រួសារឱ្យឈានឡើងរួចចាកផុតក្រក្នុងឆ្នាំនេះ ផ្តើមពីនោះ នឹងបន្តមានវិធីសាស្ត្រសម្រាប់លុបបំបាត់ក្រក្នុងរយៈពេលខាងមុខ” លោក Định មានប្រសាសន៍បែបនេះ។

ថ្មីៗនេះ លោក Định​ ថែមទាំងបានបរិច្ចាគដីធារផ្ទះ និងផ្លូវជាកម្មសិទ្ធិរបស់គខ្លួនដែលមានតម្លៃខ្ពស់ដើម្បីជំនួយភូមិភាគក្នុងការពង្រីក សាងសង់វិទ្យាល័យ Nguyễn Huân។

លោក Nguyễn Chí Nghiệp អនុប្រធានគណៈកម្មាធិការប្រជាជនឃុំ Nguyễn Huân ឲ្យដឹង៖  "លោក Vương Quốc Định ជាគ្រួសារប្រកបរបរអាជីវកម្មដ៏ឆ្នើមមួយ និងជាអ្នកមានប្រជាប្រិយក្នុងជនរួមជាតិម្នាក់ដែលត្រូវបានបងប្អូនប្រជាជនគោ រពស្រឡាញ់។ លោកគឺជាស្ពានសាភ្ជាប់សម្រាប់នាំយកនូវវិធានការគោនយោបាយ និងក្រឹត្យច្បាប់រដ្ឋជូនដល់បងប្អូប្រជា ជន។​ មិនតែប៉ុណ្ណោះ ថែមទាំងជាមណ្ឌលសម្រាប់កសាងផែនមហាសាមគ្គីនៅតំបន់ប្រជុំជន និងសហគមន៍។ ក្រៅពីនោះ លោកថែមទាំំងជាគំរូជំហរមុខក្នុងការងារសប្បុរសធម៌នៅភូមិភាគ។ ពិសេស ថ្មីៗនេះ លោកក៏បានបិរច្ចាគដី ផ្លូវថ្នល់ដោយមានតម្លៃខ្ពស់ដើម្បីជំនួយភូមិភាគក្នុងការពង្រីកសាងសង់វិទ្យាល័យ Nguyễn Huân។ គំរូដូចលោក Định ពិតជាគួរឱ្យកោតសរសើរខ្លាំងណាស់"៕

 ឡងភឿង