រវាសរវៃក្នុងការផ្តល់ចំណេះដឹងជូនសិស្ស

ជាមួយក្តីស្រឡាញអាជីព និងភាពក្លៀវក្លារបស់ខ្លួន អ្នកគ្រូ Đàm Thu Hà នាយករងនៃសាលាបឋមសិក្សា១ ឃុំ Tân Ân Tây ស្រុកNgọc Hiển មិនព្រមចុះចាញជាមួយការលំបាកឡើយ អ្នកគ្រូតែងតស៊ូ និងលះបង់ដើម្បីបុព្វហេតុខាងវិស័យសិក្សាអប់រំនៅតំបន់ដាច់ស្រយាលនៃស្រុកកំណើតទីពីររបស់ខ្លួននៅ Cà Mau នេះឯង។

អ្នកគ្រូ Hà ជាជនជាតិតៃ កើតនិងធំដឹងក្តីនៅខេត្ត Cao Bằng។ តាំង​ពី​ក្មេងអ្នកគ្រូក៏ប្រាថ្នាចង់ក្លាយជាគ្រូបង្រៀនរួចទៅហើយ ដើម្បីផ្តល់ចំណេះដឹងជូនបញ្ញវន្តជំនាន់ក្រោយ។ ដើមឆ្នាំ១៩៩៣ បន្ទាប់ពីបញ្ចប់​ការសិក្សាកម្រិតវិទ្យាល័យ អ្នកគ្រូ Hà ក៏បានមក Cà Mau ដើម្បីសួរសុខទុក្ខសាច់ញាតិដែលកំពុងបង្រៀននៅស្រុក Ngọc Hiển។ ខណៈពេលនោះដែរ ស្រុក Ngọc Hiển គឺជា "តំបន់ទំនាប" នៃការអប់រំរបស់ខេត្ត Minh Hải ។ តាមរយៈការស្វែងយល់ បានដឹងនិងយល់អំពីអារម្មណ៍របស់ប្អូនៗសិស្សានុសិស្សនៅទីនេះកំពុងមានតម្រូវ ការចង់ចេះអក្សរ អ្នកគ្រូ Hà ក៏បានសម្រេចចិត្តបន្តសិក្សាផ្នែកខាងគរុកោសល្យ។ ឆ្នាំ១៩៩៤ អ្នកគ្រូបញ្ចប់ការសិក្សា ហើយក៏បានសូមចូលបង្រៀននៅស្រុក Ngọc Hiển តែម្តង។

អ្នកគ្រូ Đàm Thu Hà តែងរស់នៅតាមសភាពសាមញ្ញ ជិតស្និទ្ធជាមួយមិត្តរួមការងារ និងមនុស្សជុំវិញខ្លួន។ ចំពោះការងារវិញ អ្នកគ្រូ តែងកចិត្តទុកដាក់ សិក្សាឯកសារ និងអត្ថបទជាប្រចាំ ជាពិសេសការអនុវត្តបច្ចេកវិទ្យាព័ត៌មានក្នុងការគ្រប់គ្រង និងការបង្រៀន។ 

ក្នុងវ័យគម្រប់៥០ឆ្នាំ និង៣០ឆ្នាំជាមួយអាជីពរបស់ខ្លួន អ្នកគ្រូ Hàក៏បានបង្រៀនស្ទើតែគ្រប់បណ្តាសាលាដែលជួបលំបាករបស់ស្រុក Ngọc Hiển។ ចាប់តាំងពីធ្វើជាគ្រូបង្រៀនរហូតមក អ្នកគ្រូក៏ត្រូវបានប្តូរវេនឱ្យទៅបង្រៀននៅតាមបណ្តាសាលានានាដូចជា៖ សាលា បឋមសិក្សា Viên An Đông (ឃុំ An Viên Đông) សាលាបឋមសិក្សា Đất Mũi3 (ឃុំដឹកមូយ) និងសាលាបឋមសិក្សា១ឃុំ Tân Ân Tây។ ទោះ​ជួបការលំបាក​យ៉ាងណាក្តី តែសម្រាប់អ្នកគ្រូ ​សាលា​ណា​ក៏​ដូចសាលាណាដែរ អ្នកគ្រូតែងខិតខំសម្រេចភារកិច្ចរបស់ខ្លួនជានិច្ច ដើម្បីបង្ហាត់បង្រៀនសិស្សបានល្អ។

នឹកឃើញថ្ងៃដំបូងពេលដែលខ្លួនបានមកសាលាបង្ហាត់ អ្នគ្រូបានឱ្យដឹង៖ កាលពី៣០ឆ្នាំមុន មិនសូវមានគ្រូបង្រៀនណាដែលមានបំ ណងចង់មកបង្រៀនសិស្សនៅតំបន់ស្រុក Ngọc HIển ដ៏ឆ្ងាយដាច់ស្រយាលនិងជួបលំបាកវេទនានេះទេ ខណៈពេលនោះដែរ លក្ខណៈរសនៅរបស់បងប្អូនប្រជាជនទាំងឡាយនៅទីនេះក៏ជួបលំបាកណាស់ដែរ ទើបការបង្រៀន និងរៀនក៏មានការជួបលំបាក មិនជួលសិស្សត្រូវចោលសាលាទាំងពាក់កណ្តាលផ្លូវ សិស្សរៀនមួយអាទិត្យត្រូវឈប់ពីឬបីថ្ងៃក៏មាន។ “ទោះបីជាជួបការលំបាកយ៉ាងណាក្តី តែជាមួយក្តីសង្ឃឹម និងការយកចិត្តទុកដាក់បង្កលក្ខណៈរបស់នាយកសាលា និងមិត្តរួមអាជីព ជាពិសេសគិតដល់អនាគតរបស់ប្អូនៗសិស្សានុសិស្សទាំងឡាយ ក៏ជំរុញទឹកចិត្តរបស់អ្នកគ្រូវ័យក្មេងដូចនាងខ្ញុំដែលទើបចេញសាលាថ្មីថ្មោង កាន់តែមានចំណាប់អារម្មណ៍ មិនព្រមចោលសិស្សនិងសាលាជាដាច់ខាត ផ្ទុយទៅវិញខ្ញុំកាន់តែតាំងចិត្តដើម្បីសម្រេចនូវរាល់ភារកិច្ចរបស់ខ្លួនដែលជាគ្រូបង្រៀនផងដែរ” អ្នកគ្រូ Hà បានចែករំលែកបែបនេះ។

ក្នុងម៉ោងរៀន អ្នកគ្រូ Hà តែងយកចិត្តទុកដាក់ បង្រៀនសិស្សដោយអស់ពីចិត្ត។

រយៈពេល៣០ឆ្នាំសាភ្ជាប់អាជីពជាគ្រូបង្រៀន អ្នកគ្រូ Hà ក្តុកក្តួលនិយាយថា៖ “ខ្ញុំមិនអាចបំភ្លេចបាននូវទឹកចិត្តនិងក្តីស្រឡាញ់របស់មាមីងបងប្អូនដែលមានចំពោះខ្ញុំតាំងពីដំបូងមកបង្ហាត់នៅសាលានេះ។ កាលនោះ លក្ខណៈសេដ្ឋកិច្ច និងផ្លូវថ្នល់ក៏ជួបលំបាកខ្លាំងណាស់ដែរ។ ខ្ញុំ​បង្រៀន​នៅ​សាលាជនបទ ឆ្ងាយ​ពី​តំបន់​ដែលមានមនុស្សម្នារស់នៅច្រើនកុះករ បានត្រឹមតែដើរ​ឬ​ជិះ​ទូកប៉ុណ្ណោះ។ ឪពុកម្តាយសិស្ស និងមាមីងប្អូនដែលរស់នៅជិតសាលាបានសង់ផ្ទះឈើតូចមួយសម្រាប់យើងខ្ញុំមានទីតាំងស្នាក់អាស្រ័យ ងាយស្រួលក្នុងការបង្រៀន។ ខ្ញុំ​ពិតជារំភើប​ចិត្ត​ជា​ខ្លាំង​នៅ​ពេល​ដែលមាមីងបងប្អូនយក​ចិត្ត​ទុក​ដាក់ និង​ចាត់​ទុក​ខ្ញុំ​ដូច​ជា​កូន​ចៅ​ក្នុង​គ្រួសារ។ មា មីងបងប្អូន​មាន​ត្រីឱ្យត្រី មានបន្លែឱ្យបន្លែ។ នៅតំបន់ជួបលំបាក សម្រាប់យើងខ្ញុំ នោះគឺការជំរុញទឹកចិត្តយ៉ាងធំ សម្រាប់ខ្ញុំឆ្លងកាត់ឧបស័គ្គទាំងឡាយ ដើម្បីផ្តល់នូវចំណេះដឹងជូនប្អូនៗជំនាន់ក្រោយ”។

បណ្តាសាលាដែលអ្នកគ្រូ Hà ធ្លាប់បានបង្រៀន គឺសុទ្ធតែសម្រេចលទ្ធផលឆ្នើមក្នុងការបង្ហាត់បង្រៀន ក្នុងចំណោមលទ្ធផលទាំងនោះក៏មានការរួមចំណែកយ៉ាងធំរបស់អ្នកគ្រូផងដែរ។ សាលាបឋមសិក្សា១ ឃុំ Tân Ân Tây ត្រូវបានមន្ទីរសិក្សាអប់រំ និងបណ្តុះបណ្តាលទទួលស្គាល់ជាសាលាធានាគុណភាពខាងវិស័យសិក្សាអប់រំលំដាប់ទី២ទៀតផង។

​មិនតែប៉ុណ្ណោះ  អ្នកគ្រូហា ថែមតាំងស្វែងយល់រាល់ភាពលំបាករបស់សិស្សទាំងឡាយទៀតផង ដើម្បីរកវិធានការជំនួយឧបត្ថម្ភ ដូចជា ជូនកង់ សៀវភៅសិក្សា អាហារូបករណ៍។ល។ បន្ទាប់ពីនោះគឺការជំរុញទឹកចិត្តប្អូនៗឱ្យខិតខំសិក្សារៀនសូត្រ។

ជាមួយការខិតខំខ្នះខ្នែង និងព្យាយាមឥតឈប់ឈរ អ្នកគ្រូ Đạm Thu Hà ក៏បានឆ្លងកាត់គ្រប់ការលំបាក រួមជាមួយសមូហភាពសាលាបឋមសិក្សា១ ឃុំ Tân Ân Tây សម្រេចល្អនូវរាល់ភារកិច្ចរបស់ខ្លួន។ នាឱកាសមហាសន្និបាតតំពានបណ្តាជនជាតិភាគតិចខេត្តលើកទី៤ ឆ្នាំ២០២៤ អ្នកគ្រូ Hà មានកិត្តិយសបានទទួលប័ណ្ណសរសើររបស់គណៈកម្មាធិការប្រជាជនខេត្តទៀតផង៕

Quỳnh Anh