យកចិត្តទុកដាក់ បង្កលក្ខណៈសម្រាប់អ្នកមានប្រជាប្រិយ

បច្ចុប្បន្ន លើភូមិសាស្ត្រខេត្ត Cà Mau មានអ្នកមានប្រជាប្រិយក្នុងជនរួមជាតិភាគតិចទាំងអស់ចំនួន៨០រូប។ គិតដោយឡែកត្រឹមឆ្នាំ២០២៤ សរុបថវិកាសម្រាប់អនុវត្តគោលនយោបាយចំពោះអ្នកមានប្រជាប្រិយរួមមាន៨០៩លានដុង។

គោលនយោបាយសម្រាប់អ្នកមានប្រជាប្រិយ រួមមានដូចការ៖ ឧបត្ថម្ភសម្ភារៈ ស្មារតី ដូចជាទឹកប្រាក់សម្រាប់ការសិក្សារៀនសូត្រ និងឧបត្ថម្ភអនុវត្តរាល់បណ្តាទម្រង់សេដ្ឋកិច្ច ដោយប្រភពដើមទុនយ៉ាងធំ។ល។ រួមជាមួយនោះផងដែរ គឺរៀបចំពិធីជួបជុំ ហ្វឹកហ្វឺន បំប៉នចំណេះដឹងជូនអ្នកមានប្រជាប្រិយ ព្រមទាំងបញ្ជូនឱ្យទៅសិក្សាស្វែងយល់ និងដោះដូរបទពិសោធនៅតាមបណ្តាខេត្តមួយចំនួនទៀត ផង។

អ្នកស្រី Quách Kiều Mai នាយករងនៃមន្ទីរជនជាតិនិងសាសនា ជូនអំណោយលើកទឹកចិត្តអ្នកមានប្រជាប្រិយនៅឃុំ Nguyễn Việt Khái ស្រុក Phú Tân នាឱកាសបុណ្យភ្ជុំបិណ្ឌ សែនដូនតាឆ្នាំ២០២៤។

ក្រៅពីនោះ ខេត្តថែមទាំងបានអនុវត្តរាល់បណ្តារបរ គោលនយោបាយឧបត្ថម្ភបន្ថែមផ្សេងៗទៀតតាមការកំណត់ ដូចជា៖ សួរសុខទុក្ខ ជូនអំណោយឱកាសបុណ្យចូលឆ្នាំ Tết ព្រមទាំងបុណ្យទានប្រពៃណីរបស់បងប្អូនជនជាតិភាគតិច កម្រិតដែលត្រូវចំណាយច្រើនបំផុតត្រឹម៥០០ពាន់ លាន ដុងសម្រាប់មនុស្សម្នាក់និងមួយលើកគត់។ ចំណែកអ្នកមានប្រជាប្រិយដែលកើតមានជំងឺកំពុងព្យាបាលនៅតាមមន្ទីរពេទ្យ មានលិខិតបញ្ជាក់របស់មូលដ្ឋានពិនិត្យព្យាបាលជំងឺរបស់រដ្ឋ គឺសុទ្ធតែត្រូវបានយកចិត្តទុកដាក់ ជំនួយឧបត្ថម្ភចាប់ពី៥០០ពាន់ដុងដល់៣លានដុង។ សួរសុខទុក្ខ ជំនួយឧបត្ថម្ភគ្រួសារអ្នកមានប្រជាប្រិយជួបលំបាកជាបន្ទាន់ដោយសារជួបគ្រោះថ្នាក់មហន្តរាយមានភ្លើងឆេះជាដើម។ អ្នកមានប្រជាប្រិយដេលសម្រេចស្នាដៃឆ្នើមក្នុងការពលកម្មផលិត អភិវឌ្ឍន៍សេដ្ឋកិច្ច-សង្គម ធានាសន្តិសុខ និងសណ្តាប់ធ្នាប់របស់ប្រទេសជាតិ ព្រមទាំងអភិរក្សអត្តសញ្ញាណវប្បធម៌ និងពង្រឹងចំណងមហាសមាសាមគ្គីទូតាំងជនជាតិ ពោលគឺសុទ្ធតែត្រូវបានស្ងើចសរសើរតាមការកំណត់ដូចៗគ្នា។

ផ្តើមពីការយកចិត្តទុកដាក់ បង្កលក្ខណៈនេះហើយ បណ្តាអ្នកមានប្រជាប្រិយទាំងឡាយក្នុងខេត្តក៏បានពង្រីកល្អនូវតួនាទីនិងភារកិច្ចរបស់ខ្លួនក្នុងការចលនាបងប្អូនប្រជាជនអនុវត្តគោលការណ៍ណែនាំ និងគោលនយោបាយរបស់បក្សា ក្រឹត្យច្បាប់របស់រដ្ឋ ស្របឱកាសនោះក៏ធ្វើជាទីបង្អែកដ៏រឹងមាំសម្រាប់ឱការជំនួយឧបត្ថម្ភបងប្អូនជនរួមជាតិខាងវិស័យសេដ្ឋកិច្ច លើកកម្ពស់ជីវភាពរស់ នៅ។

លោក Lý Minh Trí អ្នកមានប្រជាប្រិយក្នុងជនរួមជាតិ Khmer នៅភូមិ Gò Công ឃុំ Nguyễn Việt Khái ស្រុក Phú Tân បណ្តាថ្នាក់ដឹកនាំទាំងឡាយគ្រប់លំដាប់ថ្នាក់តែងយកចិត្តទុកដាក់ ចង្អុលការណែនាំយ៉ាងលម្អិតចំពោះកិច្ចការងារជនជាតិ ជាពិសេសចាត់តាំងបណ្តាសកម្មភាពមាឱកាសបុណ្យទានប្រពៃណីរបស់បងប្អូនជនរួមជាតិ ក៏ដូចជាការអនុវត្តកម្មវិធីគោលដៅជាតិសម្រាប់ការអភិ វឌ្ឍសេដ្ឋកិច្ច-សង្គមតំបន់ជនជាតិភាគតិចនិងតំបន់ភ្នំ។ បណ្តាអ្នកមានប្រជាប្រិយទទួលបានការយកចិត្តទុកដាក់ ជំនួយឧបត្ថម្ភយ៉ាងសកម្មទាំងការរស់នៅនិងខាងវិស័យសេដ្ឋកិច្ចទៀតផង។

“យើងខ្ញុំមានជីវភាពលំនឹង ក៏សូមសន្យាថានឹងខិតខំប្តេជ្ញាចិត្តពង្រីកស្មារតីទទួលខុសត្រូវ ផ្សព្វ ផ្សាយចលនាបងប្អូនជនរួមជាតិភាគតិចនៅភូមិភាគឱ្យខិតខំបង្កើនការផលិត និងចូលរួមគ្រប់បណ្តាថ្នាក់ហ្វឹកហ្វឺនទាំងឡាយខាងមុខរបរការងារធ្វើ ដើម្បីលុបបំបាត់ក្រ។ អ្នកមានប្រជាប្រិយត្រូវធ្វើជាគំរូ មានតែដូច្នេះទេទើបមាមីងបងប្អូនមានទំនុកចិត្តមកលើខ្លួន ព្រមទាំងខិតខំប្រឹងប្រែងព្យាយាមពលកម្មផលិត។ ខ្ញុំក៏បានផ្សព្វផ្សាយ ចលនាមាមីងបងប្អូនរស់នៅប្រកបការងាររកស៊ី និងអនុវត្តតាមច្បាប់ រួមដៃគ្នារក្សាការពារសន្តិសុខនិងសណ្តាប់ធ្នាប់តាមភូមិស្រុក” លោក Trí  មានប្រសាសន៍បែបនេះ។

ថ្នាក់ដឹកនាំឃុំ Nguyễn Phích តែងចាត់តាំងពីធីជួបជុំជារឿយៗដើម្បីក្តាប់គោលបំណងប្រាថ្នារបស់អ្នកមានប្រជាប្រិយក្នុងជនរួមជាតិ Khmer ដើម្បិរួមដៃគ្នាជំនួយឧបត្ថម្ភ និងបង្កលក្ខណៈសម្រាប់ពួកគាត់អភិវឌ្ឍន៍ល្អថែមទៀតនូវតួនាទីរបស់ខ្លួន។

ទន្ទឹមនិងនោះ ផ្នែកសមត្ថកិច្ចគ្រប់លំដាប់ថ្នាក់ថែមទាំងមានចាត់តាំងជួបជុំជារឿយៗដើម្បីក្តាប់គោលបំណងប្រាថ្នានិងមតិយោបល់ចូលរួមរបស់អ្នកមានប្រជាប្រិយទាំងឡាយចំពោះការអនុវត្តភារកិច្ចនយោបាយនៅភូមិភាគ។ ផ្តើមពីនោះ នឹងមានការជំនួយឧបត្ថម្ភទាន់ពេលវេលា និងដោះស្រាយរាល់ឧបស័គ្គចំពោះមុខ បង្កលក្ខណៈងាយស្រួលសម្រាប់អ្នកមានប្រជាប្រិយទាំងឡាយកាន់តែមានការពង្រីកថែមទៀតនូវតួនាទីជាអ្នកផ្សព្វផ្សាយ ចលនាបងប្អូនជនរួមជាតិ ដើម្បីរួមដៃគ្នាក សាងផែនមហាសាមគ្គីទូទាំងជនជាតិ រួមចំណែករក្សាការពារលំនឹងសន្តិសុខនយោបាយ និងសណ្តាប់ធ្នាប់សង្គម។

អ្នកស្រី Quách Kiều Mai នាយករងនៃមន្តីរជនជាតិនិងសាសនា បានឱ្យដឹង៖ “មន្ទីរបានធ្វើការផ្សព្វផ្សាយយ៉ាងច្រើនគម្រោងការចលនាបងប្អូនជនជាតិភាគតិច ដើម្បីអនុវត្តមានប្រសិទ្ធភាពរាល់បណ្តាប្រពៃណីស្នេហាជាតិ ជាពិសេសប្រពៃណីកសាងជនបទថ្មី និងកាត់បន្ថយក្រចីរភាព ព្រមទាំងពង្រីកសេដ្ឋកិច្ច-សង្គមតំបន់ជនជាតិភាគតិចនៅភូមិភាគ។ មន្ទីរក៏បានយកចិត្តទុកដាក់ដល់ជីវភាពរស់នៅ និងបំណងប្រាថ្នារបស់អ្នកមានប្រជាប្រិយទាំងឡាយក្នុងជនរួមជាតិភាគតិច ពីព្រោះពួកគាត់សុទ្ធសឹងជា ប្រភពធនធានដ៏ចម្បងរបស់បក្សនិងរដ្ឋសម្រាប់ ការអនុវត្តផែនមហា សាមគ្គីទូទាំងជនជាតិ បង្កើតប្រភពកម្លាំងសម្រាប់បងប្អូនជនរួមជាតិកាត់បន្ថយក្រ ព្រមទាំងផ្សព្វផ្សាយគោលការណ៌នយោបាយរបស់បក្សនិងរដ្ឋឱ្យបានជ្រៅទូលាយបំផុត”៕

Lam Khánh