ផ្តល់ភាពសុខសាន្តជូនគ្រួសារក្រីក្រ

អនុវត្តកម្មវិធីគោលដៅជាតិនៃការកាត់បន្ថយក្រចីរភាព ជារៀងរាល់ឆ្នាំ ឃុំ Hàm Rồng (ស្រុក Năm Căn) បន្ទាប់ពីបានផ្សព្វផ្សាយយ៉ាងច្រើនគម្រោងការឧបត្ថម្ភគ្រួសារក្រីក្រ ប្រកៀកបន្ទាត់ក្រ ដើម្បីទទួលបានការចិញ្ចឹមយ៉ាងសមស្រប រួមចំណែកលើកកម្ពស់ប្រភពប្រាក់ចំណូល លំនឹងជីវភាពរស់នៅ។

ក្នុងឆ្នាំ២០២៤ ឃុំ Hàm Rồng បានផ្សព្វផ្សាយគម្រោងការឧបត្ថម្ភគ្រួសារក្រ ប្រកៀកបន្ទាត់ក្រអំពីការចិញ្ចឹមមាន់ដោយទឹកប្រាក់ចំនួន១២០លានដុង។ ក្នុងនោះ មាន៩គ្រួសារក្រ និងប្រកៀកបន្ទាត់ក្រនៅភូមិភាគដែលទទួលបានការឧបត្ថម្ភពូជមាន់ចិញ្ចឹមចំនួន២០០ក្បាល រួមទាំងចំណីសម្រាប់មាន់​៦០០​គីឡូ​ក្រាម។

លោក Trần Văn Quảng (នៅភូមិ Kinh Tắc ឃុំ Hàm Rồng) កាលពីមុននេះជួបលំបាកខ្លាំងណាស់ ដោយសារមិនសូវមានដីផលិត គ្មានការងារធ្វើនឹងនរ ដូច្នេះហើយ ប្រាក់ចំណូលដែលរកបានក៏តិចតួចស្តួចស្តើង គ្រួសារស្ថិតក្នុងបញ្ជីគ្រួសារក្រ។

ទម្រង់ចិញ្ចឹមមាន់ គឺជាឱកាសដើម្បីបង្កើនប្រភពចំណូលសម្រាប់គ្រួសារលោក Trần Văn Quảng។

ឆ្នាំ២០២៤ គ្រួសារលោក Quảng ជាគ្រួសារមួយក្នុងចំណោម៩គ្រួសារដែលបានចូលរួមចិញ្ចឹមមាន់ លោកទទួលបានមាន់ពូជចំនួន២០០ក្បាល និងចំ​ណី៦០០គីឡូគ្រប់សម្រាប់រយៈពេល ចិញ្ចឹមរហូតដល់ប្រមូលផល។ លោក Quảng ឱ្យដឹង៖ ពូជមាន់នេះងាយស្រួលក្នុងការចិញ្ចឹមនិងថែទាំខ្លាំងណាស់។ ខណៈដែលទទួលបានមាន់យកមកចិញ្ចឹម ខ្ញុំក៏ត្រូវបានកម្មាភិបាលជំរុញកសិកម្មជួយបង្ហាញណែនាំអំពីរបៀបថែទាំមាន់ឱ្យឆាប់ធំធាត់ផងដែរ។

បន្ទាប់ពីចិញ្ចឹមនិងថែទាំយ៉ាងល្អត្រឹមត្រូវតាមការណែនាំ ត្រឹមរយៈពេល៣ខែ មាន់ក៏មានទម្ងន់ចាប់ពី១,៥រហូតដល់២គីឡូអាចនឹងលក់បានទៀតផង។

លោកបានចែករំលែកថា៖ ខ្ញុំចិញ្ចឹមមាន់គឺសម្រាប់លក់។ ក្នុងដំណើរការចិញ្ចឹមក៏ទុកឱ្យមាន់ពងនិងបញ្ញាស់កូនដើម្បីទុកចិញ្ចឹមបន្ត ដូច្នេះហើយទើបមានពូជមាន់សម្រាប់ចិញ្ចឹមជាបន្តបន្ទាប់ ផ្តើមពីនោះក៏ងាចកាត់បន្ថយប្រាក់ចំណាយបានខ្លះ ព្រមទាំងបង្កើនប្រភពចំណូលទៀតផង។

ទម្រង់ចិញ្ចឹមមាន់ មិនត្រឹមជាឱកាសសម្រាប់បង្កើនប្រភពប្រាក់ចំណូលសម្រាប់គ្រួសារលោក Quảng ប៉ុណ្ណោះទេ ថែមទាំងបង្កើតការងារធ្វើនឹងនរសម្រាប់លោកនិងគ្រួសារទៀតផង។

ក្នុងចំណោមគ្រួសារដែលទទួលបានការឧបត្ថម្ភពូជមានចិញ្ចឹម គ្រួសារលោក Nguyễn Văn Hậu (នៅភូមិ Kinh Tắc ឃុំ Hàm Rồng) ឆ្លៀតយកដីធារដែលនៅទំនេរសាងសង់រោងមាន់។ លោក Hậu មានប្រសាសន៍៖ រដ្ឋអំណាចភូមិភាគពិតជាមានការបោះឡោ ខណៈពេលដែលមិនត្រឹមតែការជំនួយឧបត្ថម្ភពូជមាន់ចិញ្ចឹមនិងចំណីសម្រាប់មាន់ប៉ុណ្ណោះទេ ថែមទាំងហ្វឹកហ្វឺនអំពីបច្ចេកទេសក្នុងការចិញ្ចឹមទៀតផង មិនតែប៉ុណ្ណោះ កម្មាភិបាលជំរុញកសិកម្ម ថែមទាំងបានមកដល់ផ្ទះដើម្បីធើ្វការណែនាំអំពីរៀបថែទាំ អាស្រ័យដូច្នេះហើយ ទើបហ្វូងមាន់របស់ខ្ញុំមានការឆាប់ធំធាត់ល្អ។

ចែករំលែកអំពីរបៀបចិញ្ចឹមនិងថែទាំ លោក Hậu ឱ្យដឹង៖ មានកាត់ងាយស្រួលក្នុងការចិញ្ចឹម ពីព្រោះមិនសូវកើតមានជំងឺបក្សីសត្វផ្តេសផ្តាស់ និងមានថាមពលអាចទ្រាំជាមួយអាកាសធាតុទៀតផង។ ថ្វីត្បិតដូច្នេះ ប៉ុន្តែអ្នកចិញ្ជឹមត្រូវមមាញឹកក្នុងការអនាម័យកសិដ្ឋាន ទ្រុងចិញ្ចឹមរបស់ខ្លួនឱ្យបានជ្រះស្អាត មាន​ខ្យល់ជំនោរល្អ ជាពិសេស ការផ្តល់ចំនួនចំណីមាន់ឱ្យបានគ្រប់គ្រាន់ ពីព្រោះប្រភពចំណីមានការប៉ះពាល់ដោយផ្ទាល់សម្រាប់ការឆាប់ធំធាត់របស់មាន់។

ចិញ្ចឹមមាន់សម្រាប់លក់ពងនិងពូជបានជួយឱ្យគ្រួសារលោក Nguyễn Văn Hậu លំនឹងប្រភពប្រាក់ចំណូល។

ចិញ្ចឹមមាន់សម្រាប់លក់សាច់និងលក់ពូជបានជួយឱ្យលោក Hậu បានលំនឹងប្រភពប្រាក់ចំណូល ផ្តើមពីនោះលោកក៏បានពង្រីកទម្រង់ចិញ្ចឹម ដើម្បីមានលក្ខណៈឈានឡើងធ្វើមាន។

ដើម្បីអនុវត្តគោលដៅនៃការកាត់បន្ថយក្រចីរភាព ឃុំ Hàm Rồng តែងយកចិត្តទុកដាក់ដល់ការបណ្តុះបណ្តាមុខរបរវិជ្ជាជីវៈសម្រាប់ពលករជនបទ ព្រមទាំងចលនាបងប្អូនប្រជាជននាំយកនូវបណ្តាប្រភេទពូជឈើដាំ សត្វចិញ្ចឹមដែលមានប្រសិទ្ធភាពចូលក្នុងការផលិត។ ផ្តើមពីនោះ រយៈពេលកន្លង ទម្រង់ចិញ្ចឹមមាន់ក៏មានប្រសិទ្ធភាពខ្ពស់ណាស់ដែរខណៈដែលផ្តល់មកនូវប្រភពចំណូលនឹងនរសម្រាប់អ្នកចិញ្ចឹម។

ដើម្បីបង្កើនប្រសិទ្ធភាពក្នុងការចិញ្ចឹម ជារៀងរាល់ឆ្នាំ ឃុំ Hàm Rồng តែងសហការបើកថ្នាក់ហ្វឹកហ្វឺនដើម្បីបំណិនខាងចិញ្ចឹមបសុបក្សីសត្វ តាមទិសដៅសុវត្ថិភាព ធានាគុណភាពអនាម័យបរិស្ថាន។

លោក Lê Bé អនុប្រធានគណៈកម្មាធិការប្រជាជនឃុំ Hàm Rồng ឱ្យដឹង៖ ឆ្នាំ២០២៤ ចំនួនគ្រួសារក្រ និងប្រកៀកបន្ទាត់ក្ររបស់ឃុំមានទាំងអស់៦០គ្រួសារ។ ថ្វីត្បិតបច្ចុប្បន្ន ឃុំ Hàm Rồng នូវមានត្រឹម១២គ្រួសារក្រីក្រ (ស្រូបអត្រា០,៨១%) គ្រួសារប្រកៀកបន្ទាត់ក្រ៣២គ្រួសារ (ស្រូបអត្រា២,៣០%) ចំណូលមធ្យមសម្រាប់មនុស្សម្នាក់ៗទទួលបាន៦៤លានដុងក្នុងមួយឆ្នាំ។ គុណភាពនៃការរស់នៅរបស់បងប្អូនប្រជាជនមួយថ្ងៃកាន់តែមានការលើកកម្ពស់គ្រប់វិស័យ៕

Phương Thảo