ប្តីប្រពន្ធស្រុះចិត្តគ្នាធ្វើតាមគំរូ Bác Hồ

ក្នុងប្រពៃណីចលនារៀនសូត្រ និងធ្វើតាមគំរូសីលធម៌ និងឥរិយាបទរបស់លោកប្រធាន Hồ Chí Minh កសិករ Khmerជាច្រើនបានក្លាយជាគំរូដ៏ភ្លឺស្វាងខាងស្មារតីឧស្សាហ៍ព្យាយាមក្នុងរាល់កិច្ចការងារ។ ក្នុងនោះមានប្តីប្រពន្ធលោក Sơn Văn Chiến និងអ្នកមីង Quách Thị Kim Luôn នៅភូមិ Kinh Đứng B ឃុំ Khánh Hưng ដែលមិនត្រឹមក្លាយជាអ្នកមានឆន្ទៈនៃការងារដ៏ខ្ជាប់ខ្ជួនប៉ុណ្ណោះទេ ថែមទាំងបានផ្សព្វផ្សាយអំពីស្មារតីនៃការសិក្សារៀនសូត្រ និងធ្វើតាមគំរូ Bác Hồ ដ៏សាមញ្ញ និងជិតស្និទ្ធទៀតផង។

ទម្រង់ដាំបន្លែរបស់គ្រួសារលោក  Sơn Văn Chiến ត្រូវបានវាយតម្លៃថាជាទម្រង់សេដ្ឋកិច្ចដ៏មានប្រសិទ្ធភាពរបស់ភូមិភាគ។

ទោះបីជាមានអាយុជាង ៦០ ឆ្នាំហើយក៏ដោយ ក៏លោក Sơn Văn Chiến នៅតែបន្តការងារស្រែចម្ការ មិនដែលទុកដីឱ្យនៅទំនេរសូម្បីតែមួយថ្ងៃ។ សម្រាប់លោក ការរៀនសូត្រតាមគំរូ Bác Hồ  គឺត្រូវតែឧស្សាហ៍ព្យាយាម មិនព្រមចុះចាញ់នឹងភាពក្រីក្រ។ ដូច្នេះហើយ លោកតែងសិក្សារៀនសូត្រ និងពិគ្រោះយោបល់អំពីបទពិសោធន៍នៃគំរូផក្នុងការលិតដែលមានប្រសិទ្ធភាពទាំងក្នុងនិងក្រៅភូមិភាគផងដែរ។

ពីមុនដែលធ្លាប់តែផលិតស្រូវមួយមុខ លោកបានសម្រេចចិត្តប្តូរមកជាទម្រង់ដាំដំណាំចម្រុះ ដោយយកម្រះ និងត្រសក់ជាដំណាំចម្បង រួមផ្សំជាមួយសណ្តែកកួរ ខ្ទឹមស្លឹក ននោង ឃ្លោក ។ល។ ដំបូងឡើយ ទម្រង់នេះបានបរាជ័យជាច្រើនលើកដោយសារសត្វល្អិតបំផ្លាញ ប៉ុន្តែលោក Chiến មិនបានបាក់ទឹកចិត្តឡើយ គឺលោកធ្វើផងដកពិសោធន៍ផង បន្តកែសម្រួលវិធីសាស្ត្រដាំដុះ ហើយលោកបានអនុវត្តវិទ្យាសាស្ត្របច្ចេកទេសចូលក្នុងការផលិត។ ពីរដូវមួយបន្តទៅរដូវមួយ ទិន្នផលក៏កាន់តែខ្ពស់។

លោក Sơn Văn Chiến បានចែករំលែកថា៖ “ធ្វើស្រែចម្ការមានការនឿយហត់ខ្លាំងណាស់ ប៉ុន្តែមានតែធ្វើ ទើបមានហូប និងបានស្លៀកពាក់ល្អដូចគេ។ ដូច្នេះហើយ យើងត្រូវតែឧស្សាហ៍ព្យាយាមធ្វើការងារ យកចិត្តទុកដាក់សង្កេតមើលតាមរដូវកាល តាមដានអាកាសធាតុ និងជម្រើសពូជទៅតាមរដូវនីមួយៗ ព្រមទាំងថែទាំឱ្យបានល្អត្រឹមត្រូវ ទើបទទួលបានផលខ្ពស់”។

ភាពជោគជ័យរបស់គ្រួសារលោក Sơn Văn Chiến មិនត្រឹមជាការឧស្សាហ៍ខិតខំព្យាយាមក្នុងការពលកម្មផលិតនោះទេ ថែមទាំងជាលទ្ធផលនៃការស្រុះស្រួលចិត្តគ្នា ចែករំលែករាល់កិច្ចការងារប្តពន្ធប្តីទៀតផង។ អ្នកមីង Quách Thị Kim Luôn ជាភរិយាយដ៏ល្អ​និងឈ្លាសវៃ រួមចំណេកយ៉ាងសំខាន់ក្នុងការជួយខាងកិច្ចការងារគ្រួសារឱ្យមានភាពថ្កុំថ្កើង។ ក្រៅពីគិតគូរក្នុងសង្គមគ្រួសារ ជារៀងរាល់ថ្ងៃ អ្នកមីងតែងក្រោកពីព្រលឹមដើម្បីដកបន្លែ បេះម្រះ ត្រសក់។ល។ បញ្ជូនឡើងម៉ូតូបរលក់តាមភូមិកាលណាអស់ទើបវិលត្រឡប់មកផ្ទះវិញ។

អ្នកមីង Luôn មានប្រសាសន៍៖ “ប្តីខ្ញុំគិតគូខាងការដាំដំណាំ ចំណែកខ្ញុំលក់ដូរ។ ហត់នឿយមែន តែសប្បាយចិត្ត ព្រោះវាជាញើសឈាម និងកម្លាំងពិតៗដែលយើងរកបានដោយខ្លួនឯង មិនចាំបាច់ពឹងផ្អែកលើអ្នកណាសោះឡើយ”។

ដោយសារតែការឯកភាពនេះហើយ ទើបគ្រួសារលោកមានលក្ខណៈឈានឡើងលំនឹងជីវភាព និងចិញ្ចឹមកូនសិក្សារៀនសូត្របានល្អ។

ជារៀងរាល់ថ្ងៃ អ្នកមីង  Quách Thị Kim Luôn តែងក្រោកពីព្រលឹមដើម្បីបែងភាគរាល់ប្រភេទបន្លែសម្រាប់យកទៅលក់។

លោក Kim Chí Nghĩa​ លេខាសាខាបក្សភូមិ Kinh Đứng B បានកត់សម្គាល់ថា៖ “ គ្រួសារលោក Sơn Văn Chiến  និងអ្នកមីង Quách Thị Kim Luôn គឺជាគំរូដ៏ភ្លឺស្វាងក្នុងការចលនាសិក្សារៀនសូត្រ និងធ្វើតាមគំរូ Bác Hồ នៅភូមិភាគ។ មិនត្រឹមតែខិតខំប្រឹងប្រែងដើម្បីចាកចេញពីភាពក្រីក្រប៉ុណ្ណោះទេ លោកនិងភរិយាតែងប្រកាន់គំនិតនិងស្មារតីពឹងផ្អែកលើខ្លួនឯង ឧស្សាហ៍ព្យាយាមពលកម្មផលិតដើម្បីក្លាយជាប្រភពនៃការលើកទឹកចិត្តដ៏ធំធេងសម្រាប់បងប្អូនប្រជាជនដទៃទៀតក្នុងភូមិ រួមគ្នាខិតខំកសាងជីវិតប្រកបដោយភាពសុខសាន្ត និងសុភមង្គល”។

រឿងរ៉ាវនៃដំណើរខ្សែជីវិតរបស់ប្តីប្រពន្ធលោក Sơn Văn Chiến និងអ្នកមីង Quách Thị Kim Luôn មិនត្រឹមតែជាដំណើរនៃការឈានឡើងរួចចាកភាពក្រីក្រដែលប្រកបដោយការឧស្សាហ៍ព្យាយាមប៉ុណ្ណោះទេ ថែមទាំងជាភស្តុតាងសម្រាប់ខាងស្មារតីសិក្សារៀនសូត្រ និងធ្វើតាមគំរូ Bác Hồ ក្នុងជីវភាពរស់នៅប្រចាំថ្ងៃទៀតផង។ ផ្តើមពីដីស្រែចម្ការនៃតំបន់មាតុភូមិ លោកនិងភរិយាបានបញ្ជាក់ឱ្យឃើញថា គ្រាន់តែយើងមានចិត្តឧស្សាហ៍ព្យាយាមធ្វើការងារ ប្តីប្រពន្ធស្រុះស្រួលចិត្តគ្នា និងខិតខំរៀនសូត្រ រាល់គ្រប់គ្រួសារសុទ្ធតែអាចមានលក្ខណៈឈានឡើងជីវភាពធូរ ធា រួមចំណែកកសាងមាតុភូមិឱ្យកាន់តែសម្បូរសប្បាយនិងរីកចម្រើនឆ្ពោះទៅមុខ៕

Trịnh Hồng Nhi