ខិតខំក្លាយជាចៅដ៏ល្អរបស់ Bác Hồ

ក្នុងរយៈពេលប៉ុន្មានឆ្នាំកន្លងមកនេះ ប្រពៃណីចលនាកុមារធ្វើតាមដំបូន្មានទាំង ៥ ប្រការរបស់អ៊ំហូ បានរីករាលដាលយ៉ាងខ្លាំងនៅបណ្តាតំបន់ភូមិភាគដែលមានប្រជាជន Khmer រស់នៅច្រើនកុះករទូទាំងខេត្តកាម៉ាវ។

សម្ព័ន្ធយុវជនខេត្តតែងសហការជាមួយគ្រប់បណ្តាគណៈផ្នែក អង្គការមហាជនដើម្បីផ្តល់អំណោយជំរុញការសិក្សារៀនសូត្រដល់សិស្សសាលាជាកូន Khmer ដែលមានជីវភាពទីទល់នៅឃុំ Trí Phải។

ផ្តើមពីអន្តរក្រុមសាលារៀននៅតំបន់ដាច់ស្រយាល និងតំបន់ឆ្នេរសមុទ្រ រហូតដល់សាលារៀនដែលប្រឈមមុខនឹងការលំបាកជាច្រើន សមាជិកសម្ព័ន្ធយុវជនជាច្រើនរូបដែលមានភាពឧស្សាហ៍ព្យាយាម រៀនសូត្របានល្អឥតខ្ចោះ និងសកម្មចូលរួមក្រុមកាន់តែច្រើនឡើងៗ ក្លាយជាផ្កាដ៏ស្រស់ស្អាតនៅក្នុងសួនច្បារនៃចៅល្អរបស់ Bác Hồ ទៀតផង។

ទោះបីជាលក្ខណៈរៀនសូត្រមានការខ្វះខាតក្តី តែអាស្រ័យមានឆន្ទៈក្នុងការខិតខំ និងការលើកទឹកចិត្តពីក្រុមគ្រួសារ គ្រូបង្រៀន និងអង្គការអន្តរក្រុម សិស្សជាច្រើននៅតែរក្សាស្មារតីនៃការចង់រៀន សុជីវធម៌ និងសាមគ្គីភាព។ នៅក្នុងសាលារៀនដែលមានសិស្សជនជាតិ Khmer មួយចំនួនធំ ប្រពៃណីចលនា "និយាយពាក្យសប្បុរស ធ្វើអំពើល្អ" "មិត្តពីរនាក់រីកចម្រើនរួមគ្នា" "គម្រោងការតូច" និង "កុមារ Việt Nam ប្រឡងប្រណាំងធ្វើតាមដំបូន្មាន Bác Hồ ទាំង ៥ ប្រការ" ក៏ត្រូវបានអនុវត្តយ៉ាងស្វាហាប់ ដោយទាក់ទាញសមាជិកមួយចំនួនធំចូលរួមផងដែរ។

Kim Thị Huỳnh Hương ជាសិស្សម្នាក់ដែលទទួលបានពានរង្វាន់លើកទឹកចិត្តផ្នែកអប់រំពលរដ្ឋលំដាប់ថ្នាក់ខេត្តសម្រាប់ឆ្នាំសិក្សា ២០២៥-២០២៦ បានឱ្យដឹង៖ “ខ្ញុំសង្ឃឹមសមាជិកក្រុមទាំងឡាយដែលនៅតាមតំបន់ដាច់ស្រយាលដូចជាខ្ញុំ និងសមាជិកក្រុមជាជនជាតិ Khmer គ្រប់រូបគួរខិតខំបញ្ចេញកម្លាំងសិក្សារៀនសូត្របន្ថែមទៀត។ ពីព្រោះអ្នកទាំងនេះសុទ្ធសឹងតែជាគំរូ និងផ្តល់ទំនុកចិត្តសម្រាប់អ្នកដែលស្ថិតក្នុងស្ថានភាពលំបាកឱ្យមានកម្លាំងចិត្តបន្ថែមទៀតដើម្បីសិក្សាបានល្អ”។

បណ្តាសមាជិក Khmer ជាច្រើនរូបបានក្លាយជាគំរូដ៏ល្អផងដែរសម្រាប់ក្នុងការឆ្លងកាត់លំបាក រៀនបានពូកែ។ មានប្អូនខ្លះទៀតដែលជីវភាពគ្រួសារជួបលំបាក ម្តាយឪពុកប្រកបរបរស៊ីឈ្នួល ប៉ុន្តែប្អូនៗនៅខិតខំរៀនសូត្របានល្អនឹងក្លាយជាសិស្សពូកែច្រើនឆ្នាំជាបន្តបន្ទាប់ទៀតផង។ ប្អូនខ្លះក៏កំពុងជួយមិត្តភក្តិរបស់ខ្លួនឱ្យមានការវិវឌ្ឍយ៉ាងសកម្ម ចូលរួមក្នុងការការពារបរិស្ថាន រក្សាសាលារៀនឱ្យបៃតង ស្អាត និងស្រស់ស្អាត ព្រមទាំងជំហរមុខក្នុងរាល់សកម្មភាពសប្បុរសធម៌សម្រាប់យុវវ័យ។

ប្អូន Trần Huỳnh Ái Ngân សិស្សថ្នាក់ទី ៥ នៃសាលាបឋមសិក្សា Trân Hưng Đạo សម្រេចបានលទ្ធផលពូកែឆ្នើមក្នុងការសិក្សារយៈពេល ៤ ឆ្នាំជាបន្តបន្ទាប់ និងសកម្មចូលរួមសកម្មភាពរបស់ក្រុម និងសមាគម​បាន​ចែករំលែក​ថា៖ «ពីមុន ប្អូន​មានការខ្មាស់អៀន និង​ស្ទាក់ស្ទើរ​ក្នុង​ការ​ទំនាក់ទំនងណាស់ដែរ ប៉ុន្តែ​ឥឡូវនេះ ប្អូនបានម្ចាស់ការចូលរួមកម្មវិធី​សិល្បៈ បទបង្ហាញ សកម្មភាពរបស់ក្រុម និង​ការប្រឡងផ្សេងៗ​ដែលសាលាបាន​រៀបចំឡើង»។

ជាសិស្សម្នាក់ដែលបានលើកសរសើរសិស្សទទួលបានពានរង្វាន់លើកទឹកចិត្តខាងវិញ្ញាសាអប់រំប្រជាពលរដ្ឋថ្នាក់ខេត្តឆ្នាំសិក្សា ២០២៥-២០២៦ ប្អូន Kim Thị Huỳnh Hương តែងខិតខំសិក្សារៀនសូត្របានយ៉ាងល្អដើម្បីក្លាយជាចៅពូកែរបស់ Bác Hồ។

មិនត្រឹមតែខិតខំ​ប្រឹងប្រែង​ផ្នែក​សិក្សា​រៀនសូត្រនោះទេ ប្អូនៗជាច្រើនរូបថែមទាំងបានរួមចំណែក​ក្នុង​ការ​ថែរក្សា​អត្តសញ្ញាណ​វប្បធម៌​ជាតិ​តាមរយៈ​សកម្មភាព​ផ្សេងៗ ដូចជា៖ របាំ​ប្រជាប្រិយ Khmer ការ​ចូលរួម​ពិធីបុណ្យ​ប្រពៃណី​នៅភូមិភាគ ប្រគំភ្លេងពិណពាទ្យ រៀន​អក្សរ​ Khmer ការពារ​បរិស្ថាន រក្សា​អនាម័យ​សាលារៀន និង​ចូលរួមជួយ​សិស្សានុសិស្សដែលមានជីវភាពជួប​លំបាក។

បងស្រី Nguyễn Thị Thuý Duy អនុលេខាសម្ព័ន្ធយុុវជន​ខេត្ត និង​ជា​ប្រធាន​សមាគមសម្ព័ន្ធយុវជន​ Việt Nam ​ខេត្ត Cà Mau បានឱ្យដឹង៖ «គ្រប់បណ្តាសមាគម ក្រុម​ និង​អង្គការ​យុវជន​តែង​រៀបចំ​សកម្មភាព​ដើម្បី​ថែទាំ​កុមារ Khmer ដូចជា​ការផ្តល់​អាហារូបករណ៍ ជូន​កង់ និង​សម្ភារៈ​សិក្សា ជំនួយការរៀនសូត្រ និង​សាងសង់​ទីលានកន្សាន្ត​សម្រាប់​កុមារ។ សកម្មភាព​ទាំងនេះ​មិន​ត្រឹមតែ​ជំរុញ​ទឹកចិត្ត​ពួកគេឱ្យបន្ត​ទៅ​សាលារៀន​ប៉ុណ្ណោះ​ទេ ​ថែមទាំង​រួមចំណែក​ក្នុង​ការ​ចិញ្ចឹមក្តីស្រមៃ​របស់ខ្លួន និង​បំផុសគំនិតឱ្យកាន់តែ​ខិតខំ​ក្លាយជា​កូនល្អ សិស្សពូកែ និង​សមាជិក​យុវជន​ត្រួសត្រាយ​ផ្លូវ​ល្អ​ផងដែរ»។

កិត្តិនាមជាចៅល្អរបស់ Bác Hồ មិនត្រឹមតែជាប្រភពនៃមោទនភាពសម្រាប់សមាជិកម្នាក់ៗប៉ុណ្ណោះទេ ថែមទាំងជាការលើកទឹកចិត្តដល់កុមារ Khmer ទាំងឡាយឱ្យបន្តបណ្តុះសីលធម៌ បង្កើនចំណេះដឹង និងរស់នៅប្រកបដោយការទទួលខុសត្រូវលើគ្រួសារ និងសហគមន៍របស់ទៀតផង៕

Lam Khánh - Tiến Luận