Truyền hình
អស់រយៈកាលជាង ១១ ឆ្នាំចាប់តាំងពីខ្លួនបានធ្វើជាកូនប្រសារនៅ Cà Mau អ្នកគ្រូ Thạch Thị Sô Phi មានដើមកំណើតនៅខេត្ត Trà Vinh (ចាស់) នៅតែរក្សាចំណង់ចំណូលចិត្តរបស់ខ្លួនចំពោះសិល្បៈប្រពៃណី Khmer។ បន្ទាប់ពីបញ្ចប់ការសិក្សាសាកលវិទ្យាល័យ Cần Thơ អ្នកគ្រូបាននាំយកចំណេះដឹង និងសេចក្តីស្រឡាញ់ចំពោះវប្បធម៌ជនជាតិរបស់ខ្លួនមកផ្ទះស្វាមី រួមចំណែកដល់ការពង្រឹងជីវិតខាងវិញ្ញាណសម្រាប់បងប្អូនប្រជាជនក្នុងតំបន់ផងដែរ។
ក្រៅពីបង្រៀនអក្សរ អ្នកគ្រូ Thạch Thị Sô Phi ថែមទាំងជាគ្រូបង្រៀនរបាំប្រពៃណី Khmer និងរួមចំណែកក្នុងការអភិរក្សអត្តសញ្ញាណជាតិទៀតផង។
ជាគ្រូបង្រៀនសាលាបឋមសិក្សា A Vĩnh Thanh ឃុំ Vĩnh Thanh រៀងរាល់ចុងសប្តាហ៍ឬក៏ថ្ងៃឈប់សម្រាក អ្នកគ្រូ Sô Phi តែងចូលត្ត កោះដូង ដើម្បីបើកថ្នាក់បង្រៀនរាំដោយឥតគិតថ្លៃសម្រាប់ប្អូនកុមារ Khmer។ អាស្រ័យហេតុនេះហើយ សម្រាប់វត្តដែលស្ថិតនៅតំបន់ដាច់ស្រយាលនេះពោរពេញទៅដោយសូរសព្ទសម្លេងតន្ត្រីប្រពៃណី Khmer និងរបាំរាំវង់ និងសារ៉ាវ៉ាន់ប្រពៃណីយ៉ាងឱឡារិកផងដែរ។
លោក Trần On អនុប្រធានគណៈកម្មការវត្ត កោះដូង បានឱ្យដឹង៖ «ចាប់តាំងពីអ្នកគ្រូ Sô Phi បានផ្តើមបង្រៀនរបាំដល់ប្អូនៗកុមារ ពិធីបុណ្យនានាក្នុងវត្តក៏កាន់តែមានភាពរស់រវើក ហើយពុទ្ធសាសនិកជនមកវត្តជាញឹកញាប់ជាងមុនផងដែរ»។
ការបង្ហាញខ្លួនរបស់ក្រុមរាំកុមារនាំនេះ បាននាំមកនូវជីវិតថ្មីសម្រាប់ភូមិស្រុកផងដែរ។ ក្នុងបណ្តាពិធីបុណ្យប្រពៃណីដូចជា បុណ្យចូលឆ្នាំថ្មី ភ្ជុំបិណ្ឌ សែនដូលតា ប្រជាជនក្នុងតំបន់មានអារម្មណ៍មោទនភាពកាន់តែខ្លាំងឡើងដោយបានឃើញកូនៗរបស់ខ្លួនចូលរួមសម្តែងរបាំប្រពៃណីដែលពោរពេញដោយទំនុកចិត្តជាមួយសម្លៀកបំពាក់ប្រពៃណី។ រាល់ការសម្តែងរបស់ង្វាក់រាំដែលប្អូនៗរាំដោយផ្ទាល់ក៏បានក្លាយជាចំណុចលេចធ្លោ និងជាផ្នែកមួយដែលទន្ទឹងរង់ចាំយ៉ាងខ្លាំងនៃពិធីបុណ្យទានក្នុងវត្ត។
ការចូលរួមកម្មាវិធីសិល្បៈរបស់ក្លឹបរបាំប្រជាប្រិយនៅវត្ត កោះដូង ឃុំ Vĩnh Phước ដោយអ្នកគ្រូ Thạch Thị Sô Phi ជាអ្នកទទួលបន្ទុកដោយផ្ទាល់ផងដែរ។
ស្តីពីការតាំងចិត្ត និងការលះបង់របស់គ្រូវ័យក្មេងរូបនេះ គណៈកម្មការវត្ត កោះដូង ក៏បានវិនិយោគលើសំលៀកបំពាក់ និងឧបករណ៍សម្តែង ព្រមទាំងបង្កលក្ខណៈសម្រាប់ប្អូនៗកុមារហ្វឹកហាត់តាមរបៀបជាប្រព័ន្ធ និងវិជ្ជាជីវៈកាន់តែខ្លាំងឡើង។
ចែករំលែកអំពីដំណើរជីវិតរយៈពេល ១១ ឆ្នាំរបស់ខ្លួន អ្នកគ្រូ Thạch Thị Sô Phi បានរៀបរាំថា៖ "ការគាំទ្រពីវត្ត និងចំណង់ចំណូលចិត្តរបស់ប្អូនៗកុមារបានផ្តល់ឱ្យខ្ញុំនូវកម្លាំងចិត្តយ៉ាងខ្លាំងដើម្បីបន្តរក្សាថ្នាក់រៀននេះ រួមចំណែកដល់ការអភិរក្ស និងការពារសិល្បៈរបស់ជនជាតិខ្លួនផងដែរ"។
សម្រាប់តំបន់ចុងជ្រោយបង្អស់នៃខេត្ត Cà Mau សូរសម្លេងភ្លេងពិណពាទ្យនៅតែបន្លឺឡើងជាប្រចាំរៀងរាល់សប្តាហ៍ បញ្ជាក់ច្បាស់ពីជីវិតរស់នៅនៃវប្បធម៌ប្រពៃណីដែលត្រូវបានថែរក្សាដោយក្តីស្រឡាញ់ និងការលះបង់សម្រាប់អ្នកដែលបានឃ្លាតឆ្ងាយពីស្រុកកំណើតរបស់ខ្លួន៕
Đờ Ni - Danh Điệp
Xem thêm bình luận