គំរូឆ្នើមក្នុងជនរួមជាតិ Khmer

មិនត្រឹមធ្វើសេដ្ឋកិច្ចពូកែ និងផ្គត់ផ្គង់ជីវភាពគ្រួសារសុភមង្គលប៉ុណ្ណោះទេ ប៉ុន្មានឆ្នាំកន្លងមកនេះ លោក Thái Xam Bô (អាយុ ៥៥ ឆ្នាំ នៅអនុសង្កាត់ Biển Đông B សង្កាត់ Hiệp Thành ថែមទាំងត្រូវបានរដ្ឋអំណាចភូមិភាគ និងបងប្អូនប្រជាជនគោរពដោយបណ្តាទង្វើដ៏ប្រពៃរបស់លោកមានចំពោះសហគមន៍។

លោក Thái Xam Bô (ឆ្វេង) ចូលរួមប៉ះផ្លូវដែលខូចខាតនៅលើភូមិសាស្ត្រអនុសង្កាត់។

យើង​ខ្ញុំបាន​ជួប​លោក Thái Xam Bô នៅ​ពេល​ថ្ងៃត្រង់ក្តៅហែង ខណៈពេលដែលលោកកំពុងរួមជាមួយជាងកំបោរ ព្រមទាំងកងកម្លាំងភូមិភាគនាំគ្នាចាក់បេតុងបញ្ជូនឡើងឡានដើម្បីទៅកែជួសជុលតាមដងផ្លូវ Kim Con។ នេះមិនត្រឹមជាដងផ្លូវដ៏សំខាន់ដែលតភ្ជាប់រវាង២អនុសង្កាត់ Biển Dông A និង Biển Đông B របស់សង្កាត់ Hiệp Thành ប៉ុណ្ណោះទេ ថែមទាំងជាផ្លូវតភ្ជាប់សម្រាប់ការធ្វើដំណើរ និងជួញដូររបស់បងប្អូនប្រជាជនរវាងខេត្ត Cà Mau និងទីក្រុងក្រុង Cần Thơ ជាប់ព្រំប្រទល់ទៀតផង។ ប្រការដែលពិសេសនោះគឺ ថវិកាប្រមាណជិត ១០០​លានដុងសម្រាប់កែលម្អដងផ្លូវនេះក៏អាស្រ័យលោក Thái Xam Bô ជាអ្នកផ្តើមចលនាផងដែរ។

អ្នកមីង Thạch Thị Vinh ជាគ្រួសាររស់នៅក្បែរចិញ្ចើមថ្នល់ បានឱ្យដឹង៖ “ផ្លូវនេះត្រូវខូចខាតធ្ងន់ធ្ងរ ព្រោះរាល់ថ្ងៃមានរថយន្តទៅមកច្រើន ជាពិសេសក្នុងរូវភ្លៀង ពេលយប់បង្កប់ដោយគ្រោះថ្នាក់ខាងចរាចរណ៍ បណ្តោយឱ្យអ្នកដំណើរមានការភ័យខ្លាច។ ដោយបានដឹងដំណឹងថារណសិរ្សមាតុភូមិ Việt Nam សង្កាត់ ព្រមទាំងលោកពូ Thái Xam Bô ចលនាទឹកប្រាក់សប្បុរសជន និងបងប្អូនប្រជាជនរួមទាំងបណ្តាស្ថាប័ន គណៈផ្នែកដើម្បីរួមចំណែកកែជួសជុលដងផ្លូវ យើងខ្ញុំសប្បាយខ្លាំងណាស់”។

បង្កភាពជិតដិតជាមួយជាងកំបោរ និងកងកម្លាំងកែលម្អដងផ្លូវ លោកថាយសំបូរ បាននិយាយដោយដាក់ខ្លួនថា៖ “បានឃើញបងប្អូនប្រជាជន ជាពិសេសប្អូនៗកូនក្មួយសិស្សសាលាធ្វើដំណើរទៅមកជួបការលំបាក ខ្ញុំតែមមៃក្នុងចិត្ត។ សំណាងណាស់ដែរដែលរដ្ឋអំណាចភូមិភាគ និងបងប្អូនប្រជាជនស្រុះចិត្តគ្នា ព្រមទាំងសប្បុរសជនទាំងឡាយតែងអស់ពិចិត្តជំនួយឧបត្ថ​ម្ភកែជួសជុលដងផ្លូវនេះ ខ្ញុំរួមជាមួយមាមីងបងប្អូនទាំងឡាយនៅទីនេះពិតជាមានក្តីរំភើបយ៉ាងក្រៃលែង”។

លោក Thái Xam Bô ជាកូនប្រុសរបស់លោក Thái Lân ជាអតីតប្រធាន និងជាបក្ខជនដែលមានបទពិសោធច្រើនឆ្នាំ ព្រមទាំងជាអ្នកមានកិត្យានុភាពរបស់ភូមិ Biển Đông B (ចាស់) កាលពីមុនផងដែរ។ ទោះបីជាមិនបានជម្រើឱ្យខ្លួនចំពោះសកម្មភាពនៅភូមិភាគដូចជាលោកឪពុករបស់ខ្លួនក៏ដោយ តែលោក Thái Xam Bô តែងគិតគូរដលើការអភិវឌ្ឍន៍សេដ្ឋកិច្ចគ្រួសារ ខណៈពេលដែលគ្រួសារបានធូរធា លោកក៏ម្ចាស់ការជំនួយឧបត្ថម្ភបងប្អូនប្រជាជននៅជុំវិញខ្លួន។

លោក Thái Xam Bô (ឆ្វេង) ចូលរួមប៉ះថ្នល់ជនបទដែលខូចខាត។

យោងតាមការអះអាងរបស់លោកស្រី Ngô Yến Nhiên ប្រធានគណៈកម្មាធិការរណសិរ្សមាតុភូមិ Việt Nam សង្កាត់ Hiệp Thành លោក Thái Xam Bô គឺជាគំរូដ៏ឆ្នើមមួយក្នុងសហគមន៍ Khmer និងគំរូក្នុងការចិញ្ចឹមទូន្មានកូនបានល្អ មានទំនាក់ទំនងជិតស្និទ្ធ និងសុខដុមរមនាជាមួយអ្នកជិតខាង។ ជាមួយទឹកចិត្តអាណិតអាសូរ និងចែករំលែក តែងតែគិតគូរពីសុខទុក្ខរបស់បងប្អូនជនរួមជាតិ សកម្មចូលរួមបណ្តាប្រពៃណីដែលភូមិភាគបានបំផុសចលនា ផ្តើមពីនោះ ចលនាបងប្អូនប្រជាជនលើភូមិសាស្ត្រឱ្យអនុវត្តល្អរាល់បណ្តាគោលការណ៍ណែនាំ និងគោលនយោបាយរបស់បក្ស ក្រឹត្យច្បាប់រដ្ឋ។ ក្នុងរាល់កិច្ចប្រជុំជន លោកតែងចូលរួមយោបល់យ៉ាងល្អៗដើម្បីកសាងរដ្ឋអំណាច។ ពិសេស ប៉ុន្មានឆ្នាំកន្លងមកនេះ ផ្តើមពីភាពរវៀសរវៃរបស់លោក ថាយសំបូរ ក៏បានពង្រីកសាយភាយនូវរាល់បណ្តាទង្វើដ៏ល្អៗសម្រាប់សហគមន៍ បង្កើនស្មារតីសាមគ្គី រួមកម្លាំងជាមួយរដ្ឋអំណាចភូមិភាគ និងបងប្អូនប្រជាជន ព្រមទាំងសប្បុរសជនទាំងឡាយក្នុងការគិតគូរដល់ជីវភាពរស់នៅរបស់បងបញអូនជនរួមជាតិ និងការអភិវឌ្ឍន៍របស់ភូមិស្រុកទៀតផង។ លោកត្ឬុវបានរដ្ឋអំណាចភូមិភាគ និងបងប្អូនប្រជាជនក្នុងភូមិគោរពស្រឡាញ់ និងជឿជាក់លើខ្លួនកាន់តែខ្លាំងឡើង៕

Thanh Hải