លោក Thạch Nhel អ្នកមានប្រជាប្រិយដែលសកម្មក្នុងការរក្សាលំនឹងសន្តិសុខ និងសណ្តាប់ធ្នាប់

លោក Thạch Nhel អនុប្រធានគណៈកម្មការវត្ត សិរីពោធិមង្គល ពុតធ្លេចាស់ (Hoà Bình Cũ) មានទីតាំងស្ថិតនៅទីរួមស្រុក A1 ឃុំ Hoà Bình ជាអ្នកមានប្រជាប្រិយក្នុងជនរួមជាតិ Khmer ហើយមានតួនាទីសំខាន់ក្នុងការរក្សាសន្តិសុខ និងសណ្តាប់ធ្នាប់ភូមិស្រុកទៀតផង។ ជាច្រើនឆ្នាំកន្លងមកនេះ លោកគឺជា “ស្ពានតភ្ជាប់” រវាងរដ្ឋអំណាចភូមិភាគជាមួយប្រជាជន ជំនួយខាងការផ្សព្វផ្សាយនូវគោលការណ៍ណែនាំ និងគោលនយោបាយរបស់បក្ស ក៏ដូចជាក្រឹត្យច្បាប់របស់រដ្ឋ ពិសេសការចលនាបងប្អូនប្រជាជនឱ្យចូលរួមបង្ការ និងប្រឆាំងជាមួយគ្រោះឧក្រឹដ្ឋសង្គម រក្សាលំនឹងសន្តិសុខភូមិស្រុកទៀតផង។

លោក Thạch Nhel (ឆ្វេង) រួមជាមួយព្រះសង្ឃវត្តពុតធ្លេចាស់ ដោះដូរអំពីបញ្ហាខាងសន្តិសុខ និងសណ្តាប់ធ្នាប់ជាមួយកងកម្លាំងនគរបាលភូមិភាគ។

ឃុំ Hoà Bình ត្រូវបានបង្កើតដោយការរួមបញ្ចូលទីរួមស្រុក Hoà Bình ជាមួយឃុំ Vĩnh Mỹ A និងឃុំ Long Thạnh ដូច្នេះហើយទើបមានបងប្អូនជនរួមជាតិ Khmer រស់នៅច្រើនកុះករ។ តាំងពីពេលដំបូងបន្ទាប់ពីការបង្កើតតាមទម្រង់ថ្មី នគរបាលឃុំក៏ម្ចាស់ការក្នុងការពង្រីកតួនាទីរបស់អ្នកភារៈសាសនា និងអ្នកមានប្រជាប្រិយទាំងឡាយលើភភូមិសាស្ត្រ បង្កើតភាពងាយស្រួលសម្រាប់ខាងការផ្សព្វផ្សាយយ៉ាងមានប្រសិទ្ធភាពសម្រាប់ទម្រង់នៃរដ្ឋអំណាច ២ ថ្នាក់ ជាពិ សេស ខាងការពារសន្តិសុខ និងសណ្តាប់ធ្នាប់បន្ទាប់ពីបានរួមបញ្ចូលគ្នា។

ជាមួយតួនាទីអ្នកមានប្រជាប្រិយក្នុងជនរួមជាតិ លោក Thạch Nhel បានរួមជាមួយនគរបាលឃុំធ្វើការផ្សព្វផ្សាយជូនមាមីងបងប្អូន Khmer ដើម្បីយល់ច្បាស់អំពីគោលនយោបាយនៃគាររួមបញ្ចូល និងរៀបរៀងបង្រួមប្រព័ន្ធក្បាលម៉ាស៊ីនដើម្បីទិសដៅនៃការអភិវឌ្ឍរបស់ប្រទេសជាតិ និងលើកកម្ពស់គុណភាពក្នុងការបម្រើបងប្អូនប្រជាជន។ ទន្ទឹមនិងនោះក៏ចលនាបងប្អូនអូន Khmer ទាំងឡាយឱ្យចូលរួមការពារសន្តិសុខ និងសណ្តាប់ធ្នាប់ មិនទុកឱ្យកើតមានគ្រោះសង្គមអូសអន្លាយជាដាច់ខាត។

កងកម្លាំងនគរបាលភូមិភាគដោះការងារជាមួយលោក​ Thạch Nhel ដើម្បីក្តាប់ស្ថានភាពសន្តិសុខ និងសណ្តាប់ធ្នាប់ក្នុងតំបន់ជនរួមជាតិ Khmer។

“ឆ្លៀតពេលដែលមាមីងប្រជាពុទ្ធបរិស័ទអញ្ជើញមកវត្តធ្វើបុណ្យ យើងខ្ញុំក៏រួមបញ្ចូលការផ្សព្វផ្សាយ ចលនាទឹកចិត្តមាមីងបងប្អូនឱ្យអនុវត្តល្អតាមគោលការណែនាំ និងគោលនយោបាយរបស់បក្ស ក្រឹត្យច្បាប់រដ្ឋ រាយការឆាប់រហ័សស្តីពីករណីសន្តិសុខ និងសណ្តាប់ធ្នាប់យោងតាមសេចក្តីរាយការណ៍របស់កងកម្លាំងនគរបាលបានផ្តល់ជូន។ ហើយផ្សព្វផ្សាយអំពីវិធីសាស្រ្តនិងក្បាច់ប្រព្រឹត្តរបស់ពួកជនល្មើស ដើម្បីពុទ្ធបរិស័ទក្តាប់បាន និង យកទៅផ្សព្វផ្សាយជូនសាច់ញាតិគ្រួសារឱ្យមានការប្រុងប្រយ័ត្ន។ ចំពោះយុវវ័យវិញ វត្តក៏បានធ្វើការផ្សព្វផ្សាយចំពោះពុទ្ធបរិស័ទដែលត្រូវជាឪពុកម្តាយឱ្យមានការដាស់តឿនជាប្រចាំ និងអប់ រំទូន្មានកូនក្មួយរបស់ខ្លួនកុំបណ្តោយឱ្យធ្លាក់ខ្លួនចូលក្នុងអបាយសង្គម ត្រូវខិតខំពលកម្មផលិត សង្វាតសិក្សារៀនសូត្រ និងពង្រីកសេដ្ឋកិច្ចគ្រួសារ រួមចំ ណែកកសាងភូមិស្រុកមួយថ្ងៃកាន់តែសម្បូររុងរឿង​និងស៊ីវិល័យ” លោក Nhel បានចែករំលេកដូច្នេះ។

នៅភូមិភាគ ខណៈពេលដែលករណីឈ្លោះប្រកែកគ្នាក្នុងសហគមន៍ ឬក៏ក្នុងសង្គមគ្រួសារ លោក Nhel ក៏ចូលរួមផ្សះផ្សា លើកកម្ពស់ស្មារតីសាមគ្គី ជួយគ្នាទៅវិញទៅមក។ លោកក៏បានសហការជាមួយវត្តរឿយៗក្នុងការរក្សាខ្សែរយៈទាក់ទងរវាងកងកម្លាំងនគរបាលឃុំដើម្បីក្តាប់សភាពការបានទាន់ពេលខាងបញ្ហាជនជាតិ និងសាសនា មិនទុកឱ្យ មានករណីប្រព្រឹត្តិល្មើសណាមួយកើតឡើងជាដាច់ខាត។

លោក Thạch Nhel (ឆ្វេង) ជាអ្នកមានប្រជាប្រិយដែលតែងសកម្មក្នុងការរក្សាការពារសន្តិសុខ និងសណ្តាប់ធ្នាប់នៅភូមិភាគ។

“លោក Thạch Nhel តែងអស់ពីចិត្តជាមួយកិច្ចការងារខាងសន្តិសុខ និងសណ្តាប់ធ្នាប់ មានជាច្រើនលើកផងដែរដែលបានរាយការណ៍ទាន់ពេលនូវរាល់បណ្តាប្រភពព័ត៌មានសំខាន់ៗដើម្បីកងកម្លាំងនគរបាលក្តាប់បាន និងចាត់វិធានការដោះស្រាយជាបន្ទាន់​និងមានប្រសិទ្ធភាពរាល់បញ្ហាខាងសន្តិសុខ និងសណ្តាប់ធ្នាប់លើភូមិសាស្ត្រ។ ឃុំ Hoà Bình ទើបចាត់តាំងសម្រេចជោគជ័យទិវាទូទាំងប្រជាជនការពារសន្តិសុខប្រទេសជាតិ លោក Nhel ក៏ជាឯកជនមួយរូបដែលត្រូវបានគណៈកម្មាធិការប្រជាជនឃុំជូនប័ណ្ណសរសើរដែលមានស្នាដៃឆ្នើមក្នុងសកម្មភាពការពារសន្តិសុខ និងសណ្តាប់ធ្នាប់នៅមូលដ្ឋាន ព្រមទាំងសកម្មក្នុងការសហការជាមួយកងកម្លាំងនគរបាលស្តីពីការរក្សាភាពសុខសាន្តលើភូមិសាស្ត្រ” វិរៈសេនីយ៍ទោ Hồng Việt Triều ស្នងការនគរបាលរងនៃនគរបានឃុំ Hoà Bình ​បានឱ្យដឹងដូច្នេះ៕

Thanh Hải