បណ្តាស្ពានតភ្ជាប់ឆន្ទៈបក្ស និងទឹកចិត្តប្រជាជននៅឃុំ Thanh Tùng

ក្នុងរយៈពេលប៉ុន្មានឆ្នាំកន្លងមកនេះ កងជួរកម្មាភិបាល និងបក្ខជនជាជនជាតិភាគតិចនៅ Cà Mau បានពង្រីកតួនាទីជាស្នូលក្នុងការញាំងឱ្យសេចក្តីសម្រេចរបស់បក្សកាន់តែច្បាស់លាស់ រួមចំណែកកសាងមាតុភូមិមួយថ្ងៃកាន់តែមានការអភិវឌ្ឍខ្លាំងឡើង។ ចំពោះរូបភាពរួមនេះ ឃុំ Thanh Tùngគឺជាចំណុចដ៏ភ្លឺស្វាងមួយស្តីពីសកម្មភាពនៃការអភិវឌ្ឍបក្ខជន និងពង្រីកតួនាទីរបស់បក្ខជនជាជនជាតិភាគតិចក្នុងការរស់នៅសង្គម។

សមមិត្ត Nguyễn Loan Thảo មានកិត្តិយសបានចូលជាក្របខណ្ឌបក្សតាំងពិឆ្នាំ ២០២២។

បច្ចុប្បន្នឃុំ Thanh Tùng មានប្រជាជនចំនួន ២៦.៥៧៣ នាក់ ក្នុងនោះជនជាតិភាគតិចមានចំនួនប្រហែល ១០,៣% (២.៧៥៩ នាក់)។ អាស្រ័យលក្ខណៈពិសេសនេះ គណៈកម្មាធិការបក្សឃុំបានកំណត់ការអភិវឌ្ឍបក្ខជនជាជនជាតិភាគតិចថាជាភារកិច្ចដ៏សំខាន់មួយ ក្នុងគោលបំណងដើម្បីពង្រឹងការទំនាក់ទំនងរវាងបក្ស និងប្រជាជន។

បច្ចុប្បន្ន គណៈកម្មាធិការបក្សឃុំមានបក្ខជនទាំងអស់ចំនួន ៦៣៩ រូបក្នុងនោះមាន ២៦ រូបជាជនជាតិភាគតិច។ ចាប់ពីឆ្នាំ ២០២៥ ដល់បច្ចុប្បន្ន ក៏បានបញ្ចូលសមាជិកបក្សជនជាតិភាគតិចថ្មីចំនួន ៦ រូបបន្ថែមទៀត។ បណ្តាបក្ខជនទាំងនេះសុទ្ធតែមានជំនឿនយោបាយរឹងមាំ មានគុណសម្បត្តិល្អ និងតែងសម្រេចល្អនូវរាល់ភារកិច្ចដែលបានប្រគល់ជូន។

សមមិត្ត Võ Thanh Tuấn អនុលេខាគណៈកម្មាធិការបក្សឃុំ បានបញ្ជាក់ថា៖ “បណ្តាបក្ខជនជាជនជាតិភាគតិចទាំងឡាយសុទ្ធសឹងជាស្ពានតភ្ជាប់ដើម្បីនាំយកនូវគោលនយោបាយ និងសេចក្តីសម្រេចរបស់បក្សទៅកាន់ប្រជាជន។ តាមរយៈនោះ ក៏បានរួមចំណែកពូនផ្តុំនូវទំនុកចិត្តរបស់បងប្អូនប្រជាជនចំពោះបក្ស បង្កើតបានជា “ខ្សែអំបោះ” ដ៏រឹងមាំក្នុងផែនមហាសាមគ្គីទូទាំងជនជាតិ”។

កម្លាំងរបស់បក្សនៅកម្រិតមូលដ្ឋានត្រូវបានបង្ហាញយ៉ាងច្បាស់តាមរយៈតួនាទីរបស់បក្ខជននីមួយផងដែរ។ ភូមិ Hiệp Hoà Tây ជាភូមិមួយដែលមានគ្រួសារ Khmer ចំនួន ៨៦ គ្រួសារ (ស្មើនឹង ១៩% នៃចំនួនប្រជាជនទូទាំងភូមិ) ការផ្លាស់ប្តូរនៃតំបន់ភូមិភាគក៏មានទំនាក់ទំនងយ៉ាងជិតស្និទ្ធជាមួយការរួមចំណែករបស់បក្ខជន Trần Hồng Quân ផងដែរ។ ក្នុងនាមជាប្រធានភូមិដែលចូលនិវត្តន៍មួយរូប លោកនៅតែបន្តចូលរួមក្នុងកិច្ចការងាររបស់ភូមិភាគដោយមានតួនាទីជាសាខាសមាជិកនៃគណៈកម្មាធិការបក្ស និងជាប្រធានគណៈកម្មាធិការរណសិរ្សភូមិផងដែរ។

ជាមួយការប្តេជ្ញាចិត្ត និងភារកិច្ចទទួលខុសត្រូវ សមមិត្ត Trần Hồng Quân តែងយកចិត្តទុកដាក់ក្នុងការស្វែងរកគ្រប់មធ្យោបាយដើម្បីអភិវឌ្ឍការផលិត និងកែលម្អជីវភាពជូនបងប្អូនប្រជាជន។ ក្រោមការដឹកនាំរបស់លោក ប្រជាជនបានអនុវត្តវិទ្យាសាស្ត្រ និងបច្ចេកវិទ្យាយ៉ាងក្លាហាន អភិវឌ្ឍទម្រង់ចិញ្ចឹមបង្គា និងក្តាម រួមផ្សំជាមួយនឹងការចិញ្ចឹមគ្រំឈាមនាំមកនូវប្រាក់ចំណូលជាមធ្យមប្រហែល ១00 លានដុង/ហិកតា/ឆ្នាំ។ ជីវភាពបានប្រសើរឡើង បរិយាកាសនៃការទទួលអំណរបុណ្យចូលឆ្នាំថ្មីរបស់បងប្អូនជនរួមជាតិ Khmer ក៏កាន់តែសប្បាយរីករាយថែមទៀតដែរ។

សមមិត្ត Triệu Quang Hời ប្រធានក្រុមសន្តិសុខភូមិ Hiệp Hoà Tây បានកត់សម្គាល់៖ “សមមិត្ត Trần Hồng Quân គឺជាគំរូដ៏ឆ្នើមមួយរូបសម្រាប់ខាងស្មារតីទទួលខុសត្រូវ និងការខិតខំតស៊ូអស់ពីចិត្តជាមួយបងប្អូនប្រជាជន។ យុវជនជំនាន់ក្រោយដូចយើងខ្ញុំត្រូវរៀនសូត្រឱ្យបានច្រើនពីលោក”។

សមមិត្ត Trần Hồng Quân ជាបក្ខជនគមរូមួយរូបក្នុងប្រពៃណីចលនារបស់ភូមិភាគ។

ទន្ទឹមជាមួយ “ដើមខ្ពស់ផ្តល់ម្លប់ត្រជាក់” កងជួរកម្មាភិបាលវ័យក្មេងទាំងឡាាយដែលជាជនជាតិភាគតិចនៅភូមិភាគក៏សន្សឹមៗបញ្ជាក់ច្បាស់ពីតួនាទី និងសមត្ថភាពរបស់ខ្លួនផងដែរ។ ដែលឆ្នើមនោះគឺ សមមិត្ត Nguyễn Loan Thảo (កើតនៅឆ្នាំ ១៩៩១) ជាកម្មាភិបាលទទួលបន្ទុកការងារខាងកសាងបក្ស គណៈកម្មាធិការបក្សឃុំ Thanh Tùng។ បន្ទាប់ពីការរៀបចំអង្គភាពរដ្ឋបាលឡើងវិញ អ្នកស្រីត្រូវបានចាត់តាំងភារកិច្ចថ្មីៗជាច្រើន ហើយទោះបីជាមានការលំបាកខ្លាំងយ៉ាងណាក៏ដោយ អ្នកស្រីតែងខិតខំសិក្សារៀនសូត្រ និងបង្កើនចំណេះដឹងផ្ទាល់ខ្លួនដើម្បីសម្រេចរាល់ភារកិច្ចការងារ។

ឆ្នាំ ២០២៥ សមមិត្ត Nguyễn Loan Thảo បានសកម្មធ្វើសេនាធិការខាងការឃោសនាផ្សព្វផ្សាយ និងនាំយកគោលនយោបាយរបស់បក្សទៅកាន់តំបន់ដាច់ស្រយាល និងតំបន់ដែលជួបលំបាក ព្រមទាំងស្នើគំនិតផ្តួចផ្តើមដើម្បីបង្កើនប្រសិទ្ធភាពនៃការអភិវឌ្ឍបក្ខជននៅភូមិភាគ។ ផ្តើមពីនោះ រួមចំណែកជួយប្រជាជនឱ្យយល់អំពីគោលនយោបាយ និងពង្រឹងស្ថិរភាពនយោបាយនៅកម្រិតមូលដ្ឋាន។

សម្រាប់រឿងរ៉ាវនៅ Thanh Tùng គឺជាសាក្សីមួយដែលបញ្ជាក់ពីភាពរស់រវើកសម្រាប់តួនាទីរបស់បក្ខជនជាជនជាតិភាគតិចក្នុងការផ្សារភ្ជាប់រវាងឆន្ទៈបក្ស និងទឹកចិត្តប្រជាជន។ តាំងពីបក្ខជនមានវ័យចាស់រហូតដល់កម្មាភិបាលវ័យក្មេង ទាំងអស់គ្នាកំពុងបានរួមចំណែកដល់ការពង្រឹងទំនុកចិត្តរបស់ប្រជាជន រក្សាលំនឹងផែនមហាសាមគ្គីទូទាំងជនជាតិ បង្កើតមូលដ្ឋានគ្រឹះសម្រាប់ការអភិវឌ្ឍប្រកបដោយចីរភាពនៃតំបន់ភាគខាងត្បូងបង្អស់របស់ប្រទេសជាតិ៕

Nguyễn Quốc - Lâm Cường