ថ្វាយលោកយាយទេព Thiên Hậu ជាពិធីដែលផ្សារភ្ជាប់រវាងសហគម

ជារៀងរាល់ឆ្នាំ ឱ្យតែដល់ចុងខែចេត្រ នៅវិហារលោកយាយទេព Thiên Hậu (ស្ថិតនៅសង្កាត២ ក្រុង Cà Mau) ក៏ចាប់ផ្តើមទទួលស្វាគមន៍ភ្ញៀវទេសចរណ៍ទាំងឡាយយ៉ាងច្រើនកុះករមកចូលរួមពិធីថ្វាយលោកយាយទេព Thiên Hậu។

បណ្តាគ្រឿងដង្វាយដែលបានយកមកថ្វាយ គឺអាស្រ័យការរូមចំណែករបស់សហគម។

មិនត្រឹមជាពិធីកិច្ចនៃជំនឿសាសនាខាងគោរពបូជាលោកយាយទេព Thiên Hậu ប៉ុណ្ណោះទេ ថែមទាំងបានក្លាយជាពិធីដ៏សំខាន់មួយក្នុងជីវភាពស្មារតីនិងវប្បធម៌របស់បងប្អូនជនរួមជាតិ Hoa ទៀតផង។ នេះគឺជាទីបង្អែកស្មារតីវិសេសវិសាល ជាកន្លែងសម្រាប់ផ្ញើនូវក្តីសង្ឃឹមផ្តល់មកនូវភាពសុខសាន្ត និងសុភមង្គល។ ផ្តើមពីនោះ ពិធីថ្វាយលោកយាយទេពក៏ជាឱកាសសម្រាប់សហគមមានលក្ខណៈផ្សារភ្ជាប់ជាមួយការអភិរក្សប្រពៃណី និងពង្រីកអត្តសញ្ញាណវប្បធម៌ជាតិសម្រាប់គ្រាប់ជំនាន់ទៀតផង។

យោងតាមការនិទាន លោកយាយទេព Thiên Hậu គឺជាស្ត្រីម្នាក់ដែលមានកត្តញ្ញូ ទឹកចិត្តអធ្យាស្រ័យសន្តោសប្រណី ហើយធ្លាប់បានជួយសង្គ្រោះអ្នករងគ្រោះនៅលើផ្ទៃសមុទ្រ។ អាស្រ័យទឹកចិត្តសន្តោសប្រណីនេះហើយ លោកយាយក៏ត្រូវបានអ្នកនេសាទសមុទ្រ ទាំងឡាយចាត់ទុកជានារីអាទិទេពម្នាក់ ហើយក៏នាំគ្នាគោរពបូជាក្នុងសគមជនជាតិ Hoa នៅតាមគ្រប់ប្រទេសអាស៊ី ក្នុងនោះមានប្រទេស Việt Nam ផងដែរ។

ប្រជាជនទទួលលាជលាភសំណាងបន្ទាប់ពីគោរពបូជាលោកយាយទេពរួច។

ពិធីថ្វាយលោកយាយទេព Thiên Hậu ត្រូវបានប្រព្រឹត្តិឡើងចាប់ពីថ្ងៃទី២៣ខែចេត្រ ដោយមានយ៉ាងច្រើនសកម្មភាពដ៏ឱឡារឹក និងមានច្រើនពិធីកិច្ចតាម ទំនៀមទម្លាប់ប្រពៃណី ដូចជាការចូលរួមអុជធូប សម្តែងម៉ុងសាយតោនាគ ព្រមទាំងបណ្តាសកម្មភាពសិល្បៈដែលប្រកបដោយអត្តសញ្ញាណរបស់ជន ជាតិ Hoa។ ចំណុចលេចធ្លោសម្រាប់ពិធីនេះ គឺខណៈដែលមានអ្នកធ្វើបូជនីយេស៍រួមគ្នាមកវិហារយ៉ាងច្រើនកុះករតាំងពីព្រលឹមរហូតដល់យប់អាធ្រាត្រ ដើម្បីប្រា រព្ធពីធីបូជា សុំសំណាង បួងសួងប្រាថ្នាក្តីសុខសន្តិភាព។ សូរសម្លេងស្គរម៉ុងសាយបន្លើឡើង ក្លិនផ្សែងធូបអណ្តែតសាយភាយ រួមជាមួយវាចារបួងសួងយ៉ាងខ្សឹបៗ ទាំងអស់បង្កើតបានជាផ្ទាំងគំនូររូបភាពដ៏រស់រវើកសម្រាប់ផ្នែកខាងសតិអារម្មណ៍ដ៏ពិសេសរបស់សហគមជនជាតិ Hoa។

ពិធីថ្វាយលោកយាយទេព Thiên Hậu នាពេលរាត្រីថែមទាំងមានកម្មវិធីសិល្បៈតន្ត្រីល្ខោនដែលសម្តែងដោយក្រុមល្ខោន Triều Châu មកពីទីក្រុង Hồ Chí Minh។

លោក Trần Hớn Cơ អនុប្រធានគណៈកម្មការវិហារលោកយាយទេព Thiên Hậu (សង្កាត់២ ក្រុង Cà Mau) មានប្រសាសន៍៖ មុនពេលពិធីបានចាប់ផ្តើម សមាគម Lý sự ដែលសុទ្ធសឹងជាអ្នកមានប្រជាប្រិយក្នុងសហគម ទទួលភារកិច្ចក្នុងការគ្រប់គ្រងនិងចាត់ចែងរាល់គ្រប់អាស្រមនិងរាល់សកម្មភាពជំនឿទាំងឡាយ នឹងរៀបចំកិច្ចប្រជុំលើកឡើងផែនការ ចលនាប្រភពថវិកា ចាត់តាំងរាល់បណ្តាសកម្មភាពរួមវិភាគទានក្នុងសហគម។ រាល់គ្រួសារជនជាតិចិននីមួយៗចាត់ទុកសកម្មភាពនេះមិនត្រឹមជាភារកិច្ចប៉ុណ្ណោះទេ ថែមទាំងជាកិត្តិយសដ៏មហាធំធេងទៀតផង។

អាឆ្លុះឱ្យឃើញថា តាំងពីការត្រៀមរៀបចំរហូតដល់ថ្ងៃប្រព្រឹត្តិឡើងនៃពិធីថ្វាយលោកយាយទេព Thiên Hậu ស្មារតីសហគមតែងត្រូវបានយកចិត្តទុកដាក់យ៉ាងពិសេស។ ព្រួតដៃគ្នា ជួបដោយមិនបានណាត់ជាមុន ចាត់តាំងសកម្មភាពជំនឿសាសនាយ៉ាងមានរៀបរៀបរយនិងឯកភាពទាំងស្រុង។ ដោយសារតែបែបនេះហើយ ទើបវិហារលោកយាយទេពមិនត្រឹមជាបេតិកភណ្ឌដ៏ឧត្តុង្គឧត្តមប៉ុណ្ណោះទេ ថែមទាំងជានិម្មិតសញ្ញាវប្បធម៌ផ្សារភ្ជាប់យ៉ាងស្និទ្ធស្នាលជាមួយការរស់នៅរបស់ បងប្អូនជនជាតិ Hoa នៅ Cà Mau។

ឆ្លងកាត់រយៈកាលរាប់រយឆ្នាំ ពិធីថ្វាយលោកយាយទេព Thiên Hậu មិនត្រឹមត្រូវបានបន្តអភិរក្សប៉ុណ្ណោះទេ ថែមទាំងមួយថ្ងៃកាន់តែមានភាពទាក់ទាញមនុស្សម្នាយ៉ាងច្រើនកុះករចូលរួមទៀតផង។ ទោះបីជាស្ថិតនៅកណ្តាលក្រុងដ៏ទំនើបទាន់សម័យក៏ដោយ តែពិធីថ្វាយលោកយាយទេព Thiên Hậu ក៏តែងរក្សាបានល្អនូវតម្លៃវប្បធម៌ប្រពៃណីដែលអាស្រ័យលើការផ្សារភ្ជាប់របស់សហគម។

ការឯកភាពរបស់បងប្អូនប្រជាជន និងការចាត់តាំងយ៉ាងមានរៀបរៀបរយរបស់សមាគម Lý sự និងជំនឿខាងផ្លូវចិត្តលំនឹងក៏បង្កើតបាននូវពិធីបុណ្យជំនឿដ៏ឧត្តុង្គឧត្តមប្រកបដោយលក្ខណៈនៃមនុស្សធម៌។ ទាំងនោះមិនត្រឹមជាឱកាដើម្បីចូលរួមគោរពបូជាប៉ុណ្ណោះទេ ថែមទាំងជាដំណើរការសម្រាប់អភិរក្សនូវការចងចាំ ព្រមទាំងអត្តសញ្ញាណវប្បធម៌របស់ជនជាតិ Hoa នៅលើទឹកដីនៃប្រទេស Việt Nam៕

Anh Tuấn - Hữu Nghĩa