ផ្តល់ឱកាសរកស៊ីចិញ្ចឹមជីវិតសម្រាប់បងប្អូននារីឃុំ U Minh

នៅឃុំ U Minh របបរធ្វើប្រហិតត្រីភីឡាព្យា (ប្រហិតត្រីភីឡាព្យា) កំពុងសន្សឹមៗបញ្ជាក់ពីប្រសិទ្ធភាពរបស់ខ្លួន ក្លាយជាឱកាសសម្រាប់ការចិញ្ចឹមជីវិតដ៏សមរម្យរបស់បងប្អូននារីជនបទជាច្រើនរូបផងដែរ។ ផ្តើមពីការផលិតខ្នាតតូច ដោយប្រើប្រាស់ធនធានដែលមានស្រាប់ បងប្អូននារីមិនត្រឹមតែបង្កើនប្រាក់ចំណូលសម្រាប់ខ្លួនងប៉ុណ្ណោះទេ ថែមទាំងរួមចំណែកបង្កើតការងារធ្វើនៅនឹងកន្លែងជូនកម្មករជាច្រើនរូបនៅភូមិភាគទៀតផង។

គ្រួសារបងស្រី Lê Hồng Dễ (ស្តាំ) ជារៀងរាល់ខែបានផ្គត់ផ្គង់ប្រមាណ ២ ​តោនប្រហិតត្រីភីឡាព្យាសម្រាប់នាំចេញទីផ្សារ។

ឆ្លៀតយកប្រភពត្រីភីឡាព្យាដ៏សម្បូរបែបប្រចាំតំបន់ផងនោះ បងស្រី Lê Hồng Dễ នៅភូមិលេខ ៥ ឃុំ U Minh បានក្លាហានពង្រីកមុខរបរផលិតនំត្រីភីឡាព្យាផងដែរ។ តាមរយៈដំណាក់កាលនៃការរៀបចំ ដូចជាកិនសាច់ត្រី និងដាក់គ្រឿងទេស ផលិតផលរបស់ប្រហិតនឹងមានរសជាតិឆ្ងាញ់ ទន់ និងផ្អែម ហើយត្រូវបាននាំយកចេញទៅលក់នៅលើទីផ្សារទៀតផង។ មិនត្រឹមតែបានលក់នៅក្នុងឃុំប៉ុណ្ណោះទេ ផលិតផលនេះថែមទាំងត្រូវបានផ្គត់ផ្គង់ទៅកាន់តំបន់ជិតខាង ទាំងក្នុងនិងក្រៅខេត្តផងដែរ។

បងស្រី Dễ បានឱ្យដឹង៖ ដំបូងឡើយ គ្រួសារបងធ្វើប្រហិតដោយចំនួនតិចតែប៉ុណ្ណោះសម្រាប់លក់រាយ។ តែដោយបានដឹងថាតម្រូវទីផ្សារមានភាពនឹងនរ ព្រមទាំងប្រភពវត្ថុធាតុដើមមានស្រាប់ បងប្អូននារីក៏បានពង្រីកទ្រង់ទ្រាយធំ។ បច្ចុប្បន្ន មូលដ្ឋានដែលផ្គត់ផ្គង់ប្រហិតសម្រាប់នាំចេញទីផ្សារមានជាង ២ តោន ផ្តល់ប្រាក់ចំណូលស្ថិរភាពសម្រាប់គ្រួសារអ្នកផលិត។

មិនត្រឹមតែអភិវឌ្ឍសេដ្ឋកិច្ចគ្រួសារប៉ុណ្ណោះទេ បងស្រី Dễ ថែមទាំងបានបង្កើតការងារធ្វើជាប្រចាំសម្រាប់បងប្អូននារីភូមិភាគចាំពី ៤-៥ នាក់ផងដែរ។ បណ្តាការងារទាំងនោះរួមមាន៖ ការកែច្នៃ កិនត្រី និងវេចខ្ចប់។ល។ ជួយបងប្អូននារីទាំងឡាយអាចរកបានប្រាក់ចំណូលស្ថិរភាព។ សម្រាប់ក្នុងរាល់បណ្តាពិធីបុណ្យធំៗក៏ចាំបាច់ត្រូវជួលកម្មករបន្ថែមផងដែ

បងស្រី Triệu Hồng Thắm នៅភូមិលេខ ៦ បានចែករំលែកថា៖ ពីមុនបងត្រូវធ្វើការនៅស្រុកឆ្ងាយ ប្រាក់ចំណូលក៏មិននឹងនរ ហើយក៏មិនសូវមានពេលដើម្បីមើលថែគ្រួសារផងដែរ។ តែចាប់តាំងពីបានធ្វើការឱ្យបងស្រី យេន បងក៏មានការងារធ្វើនឹងនរ ព្រមទាំងមានឱកាសក្នុងការ បត់បែនទៀតផង។ "ការងារមិនពិបាកណាស់ទេ ហើយខ្លួនបាននៅជិតផ្ទះទៀតផង ដូច្នេះខ្ញុំអាចធ្វើការបណ្តើរ និងមើលថែគ្រួសារបណ្តើរ ជីវភាពក៏មិនសូវលំបាកវេទនានោះដែរ” ។ បងស្រី ថាំ ឱ្យដឹងដូច្នេះ។

យោងតាមប្រសាសន៍អ្នកមីង Lâm Tuyết Măng ប្រធានសាខាសាមគមនារីភូមិលេខ ៥៖ របរធ្វើប្រហិតត្រីភីឡាព្យាកំពុងពង្រីកប្រសិទ្ធភាពនៅភូមិភាគ។​ ទូទាំងភូមិនាពេលបច្ចុប្បន្នមានប្រមាណ ៥ គ្រួសារបានប្រកបរបរនេះ បង្កើតការងារធ្វើជាមមាញឹកសម្រាប់បងប្អូននារីជាង ២០ រូប រួមចំណែកលើកកម្ពស់ប្រភពប្រាក់ចំណូល កាត់បន្ថយករណីត្រូវទៅធ្វើការស្រុកឆ្ងាយ។

បងស្រី Triệu Hồng Thắm នៅភូមិលេខ ៦ ឃុំ U Minh សម្អាតសាច់ត្រី ផ្តល់នូវប្រភពចំណូលនឹងនរល្អ ផ្តើមពីការងារធ្វើនៅជិតផ្ទះ។

ជាមួយសក្តានុពលនៃវត្ថុធាតុដើមដែលអាចរកបានយ៉ាងងាយស្រួល និងបច្ចេកទេសក្នុងការកែច្នៃដែលមិនភាពភាពស្មុគស្មាញផងនោះ របរធ្វើប្រហិតត្រីភីឡាព្យា កំពុងបើកឱកាសអភិវឌ្ឍន៍សេដ្ឋកិច្ចសម្រាប់បងប្អូននារីជនបទឃុំ U Minh រួមចំណែកបង្កើតការងារធ្វើនៅនឹងកន្លែង កាត់បន្ថយពលករទៅរកស៊ីនៅស្រុកឆ្ងាយស្រុកកំណើត។ ទោះជាយ៉ាងណាក៏ដោយ សម្រាប់ការអភិវឌ្ឍប្រកបដោយចីរភាព ផលិតផលត្រូវផ្តោតលើការបង្កើតម៉ាកយីហោ ចុះបញ្ជីពាណិជ្ជសញ្ញា ផ្សព្វផ្សាយ និងទំនាក់ទំនងការប្រមូលទិញ។ នេះនឹងជាកត្តាដ៏សំខាន់សម្រាប់ការបង្កើនតម្លៃផលិតផល ធានាបាននូវការអភិវឌ្ឍរយៈពេលយូរអង្វែង រួមចំណែកដល់ការអភិវឌ្ឍសេដ្ឋ-កិច្ចសង្គមរបស់ភូមិភាគ៕

Cẩm Nhi