ក្នុងដំណើរការកសាង និងការពារមាតុភូមិ មានយ៉ាងច្រើនកុលបុត្របានលះបង់សាច់ឈាមស្រស់ដើម្បីប្តូរយកនូវសុខសន្តិភាពដូចសព្វថ្ងៃ។ នៅពីក្រោយពួកគាត់ គឺជាអ្នកម្តាយ លោកឪពុក ភរិយា និងកូនចៅដែលបានស្ងៀមស្ងាត់ធ្វើចិត្តអំណត់បំបាត់ការឈឺចាប់នោះ។ បណ្តាគ្រួសារយុទ្ធជនពលីគ្រប់រូបមិនត្រឹមជានិម្មិតរូបសម្រាប់ផ្នែកខាងស្មារតីនៃការលះបង់ប៉ុណ្ណោះទេ ថែមទាំងគំរូឈានមុខក្នុងការពលកម្មផលិត និងសិក្សារៀនសូត្រ ពង្រីកសេដ្ឋកិច្ចគ្រួសារ ព្រមទាំងរួមចំណែកដល់សង្គមទៀតផង។ តួយ៉ាងដូចជាគ្រួសារលោក Kim Văn Dũng នៅភូមិ Đồng Tâm A ឃុំ Đầm Dơi ជាដើម។
លោក Dũng (ឆ្វេង) ជាមួយគេហដ្ឋានដ៏ស្កឹមស្កៃរបស់ខ្លួន។
លោក Kim Văn Dũng ជាកូនរបស់យុទ្ធជនពលី Kim Thương (បានពលីជីវិតក្នុងឆ្នាំ១៩៦៩)។ រហូតដល់ឆ្នាំ១៩៧០ ម្តាយរបស់លោកក៏ត្រូវពួកខ្មាំងបាញ់សម្លាប់ក្នុងសមរភូមិផងដែរ។ បងប្អូនទាំងប្រាំនាក់របស់លោក Dũng ខណៈនោះដែរបងធំរបស់ខ្លួនទើបអាយុ១៨ឆ្នាំ លោក Dũng ក៏មានអាយុទើបតែ៧ឆ្នាំប៉ុណ្ណោះ) ពឹងលើគ្នាទៅវិញទៅមកដើម្បីឆ្លងកាត់រាល់ការលំបាករហូតមកទល់សព្វថ្ងៃ។ យល់ច្បាស់អំពីការលំបាក ទើបបងប្អូនលោក Dũng តែខិតខំសិក្សារៀនសូត្រតាំងពីតូចផងដែរ។
អាយុ២០ឆ្នាំ លោក Dũng រៀបមង្គលការ ដោយបងប្រុសច្បងជាអ្នករៀបចំឱ្យ ព្រមទាំងចែកដីស្រែឱ្យបងប្អូនម្នាក់ៗបាន១ហិចតាដើម្បីប្រកបរបររកស៊ី។ កាលនោះ ទោះបីជាមានដីផលិតក៏ដោយ ប៉ុន្តែឱ្យតែមានអ្នកណាជួលធ្វើអ្វីលោកក៏ទទួលធ្វើដែរ ដើម្បីរកប្រភពចំណូលជូនគ្រួសារ។ មានពេលខ្លះ លោក Dũng ថែមទាំងវិនិយោគខាងតូរដន្ត្រីសម្រាប់បម្រើតាមរោងការ និងពិធីជប់លៀងផ្សេងៗ ព្រមទាំងចិញ្ចឹមសត្វ... ដោយសារការខិតខំប្រឹងប្រែងឈានឡើង បងប្អូនក្នុងសង្គមគ្រួសារលោកយុងសុទ្ធសឹងជាគ្រួសារធូរធារបស់ភូមិភាគ។ ដោយឡែកលោក Dũng វិញ កាលពីឆ្នាំ២០១៩ លោកក៏សង់បានផ្ទះមួយខ្នងយ៉ាងធំទូលាយស្អាតដោយសរុបទឹកប្រាក់ជាង៦០០លានដុង។ ជាមួយផ្ទៃដី១ហិចតា សព្វថ្ងៃលោកបានកែច្នៃផ្ទៃដីសម្រាប់ដាំដូង និងឈើហូបផ្លែ ចំណែកនៅសល់ជីកស្រះចិញ្ចឹមបង្គា ក្តាម និងគ្រែងឈាមរួមផ្សំ ទទួលបានប្រាក់ចំណូលជាង២០០លានដុងក្នុងមួយឆ្នាំ។
លោក Dũng តែងសកម្មសិក្សាស្វែងយល់ពីទម្រង់ផលិតមានប្រសិទ្ធភាពដើម្បីអនុវត្តចូលក្នុងការផលិតរបស់គ្រួសារ ផ្តល់មកនូវប្រភពចំណូលនឹងនរ។
មិនត្រឹមជាអ្នកឈានមុខ ឆ្លងកាត់រាល់ការលំបាកក្នុងការពលកម្មផលិតប៉ុណ្ណោះទេ លោក Dũng ថែមទាំងសកម្មចូលរួមការងារសង្គមរបស់ភូមិស្រុកទៀតផង។ ចាប់ពីឆ្នាំ១៩៩៥រហូតមកទល់សព្វថ្ងៃ លោកក៏បានឆ្លងកាត់មុខងារជាច្រើន ដូចជា៖ ប្រធានក្លឹបសន្តិសុខ និងសណ្តាប់ធ្នាប់នៅតាមភូមិ នគរបាលភូមិ ឃុំ (Tân Duyệt ចាស់)។ ពិសេស ជាមួយតួនាទីជាអ្នកមានប្រជាប្រិយក្នុងជនរួមជាតិ រយៈពេលជាង១៥ឆ្នាំកន្លង លោកក៏បានរួមចំណែកយ៉ាងសកម្មចំពោះសកម្មភាពនៃការដោះស្រាយរាល់ទំនាស់ផ្សេងៗនៅភូមិភាគ។
លោក Đoàn Quốc Duyệt ប្រធានភូមិ Đồng Tâm A ឱ្យដឹង៖ លោក Dũng ជាបក្ខជនដ៏ឆ្នើម ឈានមុខរាល់បណ្តាប្រពៃណី តាំងពីការឆ្លងកាត់លំបាកឈានឡើងអភិវឌ្ឍន៍សេដ្ឋកិច្ចគ្រួសាររហូតដល់ការចូលរួមបណ្តាប្រពៃណីប្រឡងប្រណាំងរបសើភូមិភាគ។ ទន្ទឹមនិងនោះ លោក Dũng សកម្មក្នុងការដាំផ្កាលម្អធ្វើជារបង បង្កភាពស្រស់ស្អាតសម្រាប់ជនបទ បៃតង-ស្រស់-ស្អាត។ ព្រមទាំងស្ម័គ្រចិត្តចូលរួមវិភាគទានទឹកប្រាក់សម្រាប់សាងស្ពានឆ្លងព្រែក បង្កលក្ខណៈសម្រាប់បងប្អូនប្រជាជនធ្វើដំណើរទៅមក និងជួញដូរប្រកបដោយភាពងាយស្រួលផងដែរ។
លោក Dũng ជាគំរូដ៏ឆ្នើមក្នុងបុព្វហេតុកសាង និងពង្រីកផែនមហាសាមគ្គីជនជាតិ។
ខែកក្កដា ជាខែសម្រាប់រំលឹកនឹកគុណដល់យុទ្ធជនពលី ការលើកតម្កើងយុទ្ធជនពលីទាំងឡាយដែលជាអ្នកឈានមុខក្នុងការឆ្លងកាត់លំ និងកត់ត្រាទុកជាប្រវត្តិសាស្ត្រប៉ុណ្ណោះទេ ថែមទាំងសម្រាប់ដាស់តឿនស្មារតីទទួលខុសត្រូវ និងពង្រីកប្រពៃណីដ៏ល្អផូរផង់ “ផឹកទឹកនឹកប្រភព” របស់ជនជាតិទៀតផង។ គ្រួសារលោក Dũng សក្តិសមជា “បណ្តាអណ្តាតភ្លើងដ៏ស្ងៀមស្ងាត់” ផ្តល់នូវពន្លឺដ៏ភ្លឺស្វាងសម្រាប់ឆ្លុះបញ្ចាំង និងជាកម្លាំងចិត្តដើម្បីបញ្ញវន្តជំនាន់ក្រោយយកតម្រាប់តាម៕
Loan Phương
Xem thêm bình luận