រួមដំណើរការ ជំនួយឧបត្ថម្ភបងប្អូននារីអភិវឌ្ឍន៍សេដ្ឋកិច្ច

សព្វថ្ងៃ សង្កាត់ Giá Rai មានសមាជិកាសមាគមនារីជាង ៦.៧០០ នាក់។ ប៉ុន្មានឆ្នាំកន្លងមកនេះ ការចលនានារីប្រឡងប្រណាំងអភិវឌ្ឍន៍សេដ្ឋកិច្ចនៅភូមិភាគ កាន់តែបានស៊ីជម្រៅ និងនាំមកនូវប្រសិទ្ធភាពជាក់ស្តែង។ តាមការតម្រង់ទិស រួមដំណើរ និងជួយឧបត្ថម្ភរបស់សមាគមនារីសង្កាត់ បងប្អូននារីជាច្រើនបានក្លហានផ្លាស់ប្តូរផ្នត់គំនិត ស្វែងរកទិសដៅសមស្របនឹងលក្ខណៈជាក់ស្តែងនៃគ្រួសារនីមូយៗ រួមចំណែកបង្កើនប្រាក់ចំណូល និងកែលម្អជីវភាពផងដែរ។

អ្នកមីង Nguyễn Thuý Liễu ពិនិត្យមើលដំណើរការធំធាត់របស់បង្គាពូជ។

តាមរយៈសកម្មភាពផ្ទេរសិទ្ធិជាមួយធនាគារគោលនយោបាយសង្គម មកដល់ពេលនេះ សមាគមនារីសង្កាត់បានបង្កលក្ខណៈងាយស្រួលដល់សមាជិការាប់ពាន់នាក់ បានបុលទុនដើម្បីអភិវឌ្ឍន៍ផលិតកម្ម និងអាជីវកម្ម ដោយមានសមតុល្យឥណទានសរុបជាង ៥៨ ពាន់លានដុង។ ពីប្រភពទុនបុល ទម្រង់មុខ របរសេដ្ឋកិច្ចជាច្រើនដែលគ្រប់គ្រងដោយនារី បាននាំមកនូវប្រសិទ្ធភាពជាក់ស្តែងដូចជា៖ ចិញ្ចឹមកញ្រ្ជោង ចិញ្ចឹមពស់ ចិញ្ចឹមត្រីប្រខឿ ចិញ្ចឹមបង្គា ធ្វើប្ រហិតត្រី លក់ដូរសាមញ្ញ ដាំបន្លែបង្ការ និងឈើហូបផ្លែជាដើម។

អ្នកមីង Nguyễn Thuý Liễu នៅភូមិលេខ ២១ គឺជាបុគ្គលគំរូនៃឆន្ទៈពុះពារឈានឡើងក្នុងការអភិវឌ្ឍន៍សេដ្ឋកិច្ចគ្រួសារ។ កាលពីមុន ជីវភាពរបស់គាត់មានការលំបាកខ្លាំង ត្រូវចិញ្ចឹមកូនតូចៗ ៤ នាក់ដោយខ្លួនឯង។ ទោះបីជាមានផ្ទៃដីចិញ្ចឹមបង្គាក៏ដោយ ប៉ុន្តែប្រាក់ចំណូលគ្រាន់តែអាចទប់ទល់នឹងជីវភាពប្រចាំថ្ងៃ ជីវភាពតែងស្ថិតក្នុងស្ថានភាពខ្វះមុខខ្វះក្រោយជាប្រចាំ។

ដោយមើលឃើញពីសក្តានុពលជាក់ស្តែងនៃផលិតកម្ម ក្នុងឆ្នាំ ២០១៥ គាត់បានក្លាហាន ស្វែងរកទិសដៅថ្មី ពេលឃើញទម្រង់បង្កាត់បង្គាពូជក្នុងស្រះដី នាំ មកនូវប្រសិទ្ធភាពសេដ្ឋកិច្ចខ្ពស់ ចំណាយដើមទុនតិច ចំណែកឯទីផ្សារលក់ចេញវិញក៏លំនឹងល្អផងនោះ។ អាស្រ័យមានការយកចិត្តទុកដាក់ និងការឧបត្ថម្ភពីសមាគមនារីសង្កាត់ គាត់បានសម្របសម្រួលឱ្យទទួលបានប្រភពទុនបុលអាទិភាព ៤០ លានដុង ពីធនាគារគោលនយោបាយសង្គម ពីពេលនោះ តមក មានលក្ខណៈគ្រប់គ្រាន់ដើម្បីកសាង និងអភិវឌ្ឍន៍ទម្រង់មុខរបរបង្កាត់ពូជបង្គាជាលំដាប់។

ដោយស្មារតីចង់ចេះចង់ដឹង អ្នកមីង Liễu មិនបង្អង់សន្សំបទពិសោធន៍ បូករួមនឹងចំណេះដឹងដែលមានស្រាប់ ដើម្បីបង្កើនប្រសិទ្ធភាពនៃដំណើរការចិញ្ចឹម។ បច្ចុប្បន្ន ក្រៅពីផ្គត់ផ្គង់ពូជបង្គាដល់ប្រជាជនក្នុងតំបន់ គាត់ថែមទាំងបានពង្រីកការផ្គត់ផ្គង់ទៅដល់តំបន់ជិតខាង បង្កើតបានប្រភពប្រាក់ចំណូលនឹងនរទៀតផង។ បន្ទាប់ពីទូទាត់ចំណាយរួចរាល់ ទម្រង់មុខរបរបង្កាត់ពូជបង្គាបានជួយឱ្យគាត់មានប្រាក់ចំណេញចាប់ពី ៧០-៨០ លានដុងក្នុងមួយឆ្នាំ។ ទន្ទឹមនឹងនោះ គាត់នៅតែរក្សាផ្ទៃដី ២ ហិកតាសម្រាប់ចិញ្ចឹមបង្គា និងត្រីប្រខឿដើម្បីបង្កើនប្រាក់ចំណូលបន្ថែម។

ទន្ទឹមនឹងនោះ សមាគមនារីសង្កាត់នៅតែយកចិត្តទុកដាក់លើកកម្ពស់ចំណេះដឹង និងជំនាញដល់សមាជិកា តាមរយៈថ្នាក់ហ្វឹកហ្វឺនបច្ចេកទេសផលិត គ្រប់គ្រងសេដ្ឋកិច្ចគ្រួសារ និងជំនាញអាជីវកម្ម។ ទម្រង់មុខរបរប្រឹតសំចៃដូចជា ក្រុមរួមទុនវិលជុំ អង្ករសប្បុរសធម៌ មិនត្រឹមតែឧបត្ថម្ភសម្ភារៈប៉ុណ្ណោះទេ ថែមទាំងបង្កើតជាកម្លាំងចិត្តដើម្បីឱ្យបងប្អូននារីរួមគ្នាពុះពារឈានឡើង។ នារីជាច្រើនមិនត្រឹមតែធ្វើសេដ្ឋកិច្ចពូកែសម្រាប់គ្រួសារប៉ុណ្ណោះទេ ថែមទាំងបង្កើតការងារធ្វើដល់ពលករក្នុងមូលដ្ឋាន រួមចំណែកដោះស្រាយការងារធ្វើ និងបង្កើនប្រាក់ចំណូលដល់មនុស្សជាច្រើនទៀតផង។

អ្នកមីង Nguyễn Thuý Liễu ចែករំលែកពីបទពិសោធន៍ក្នុងការបង្កាត់ពូជបង្គាជាមួយកម្មាភិបាលសមាគមនារីសង្កាត់ Giá Rai។

លោកស្រី Phạm Thị Ngọc Nương ប្រធានសមាគមនារីសង្កាត់ Giá Rai ឱ្យដឹង៖ “សមាគមនឹងបន្តជំរុញខ្លាំងនូវរាល់សកម្មភាពឧបត្ថម្ភសមាជិកាអភិវឌ្ឍន៍សេដ្ឋកិច្ច ក្នុងនោះផ្តោតសំខាន់លើការលើកទឹកចិត្តនារី ផ្តើមអាជីព ផ្លាស់ប្តូរគំនិតក្នុងការផលិត និងពង្រឹងការអនុវត្តបច្ចេកវិទ្យាឌីជីថលចូលក្នុងផលិតកម្ម និងអាជីវកម្ម។ ទន្ទឹមនឹងនោះ យកចិត្តទុកដាក់ពង្រីកទម្រង់មុខរបរដែលមានប្រសិទ្ធភាព បង្កលក្ខណៈងាយស្រួលដើម្បីឱ្យសមាជិកាបញ្ចេញសមត្ថភាព និងបង្កើនប្រាក់ចំណូល”។

ដោយស្មារតីឧស្សាហ៍ព្យាយាម ច្នៃប្រតិដ្ឋ និងឆន្ទៈពុះពារឈានឡើងខ្លាំងក្លា រួមជាមួយនឹងការរួមដំណើរ និងឧបត្ថម្ភជាក់ស្តែងពីសមាគមនារីសង្កាត់ Giá Rai សមាជិកាសមាគមនារីសង្កាត់កំពុងបញ្ជាក់ពីតួនាទី និងទីតាំងរបស់ខ្លួនក្នុងយុគសម័យថ្មី មិនត្រឹមតែកសាងគ្រួសារឱ្យមានភាពកក់ក្តៅ និងសុភមង្គលប៉ុណ្ណោះទេ ថែមទាំងរួមចំណែកជំរុញការអភិវឌ្ឍន៍ចីរភាពនៃស្រុកកំណើតផងដែរ៕

Tú Quyên - Trường Giang