“ទីបង្អែក” ជួយជនរួមជាតិរួចចាកក្រ

ប៉ុន្មានឆ្នាំកន្លងមកនេះ បណ្តាអ្នកមានកិត្យានុភាពក្នុងជនរួមជាតិមួយថ្ងៃកាន់តែបានបញ្ជាក់ នូវតួនាទីរបស់ខ្លួនជា «ស្ពានតភ្ជាប់» ក្នុងការនាំយកគោលការណ៍ណែនាំ និងគោលនយោបាយរបស់បក្ស ក្រឹត្យច្បាប់របស់រដ្ឋ ជាពិសេសកម្មវិធីគោលដៅជាតិសម្រាប់ការអភិវឌ្ឍសេដ្ឋកិច្ច-សង្គមតំបន់ជនជាតិភាគតិច និងការកាត់បន្ថយភាពក្រីក្រប្រកបដោយចីរភាពទៅកាន់ប្រជាជន។ តាមរយៈនេះ ក៏ជំរុញទឹកចិត្តបងប្អូនឱ្យខិតំឈានឡើងក្នុងការកសាងជីវភាពសុខក្សេមក្សាន្តជូនបងប្អូនជនរួមជាតិ។

លោក Lý Văn Của ចលនាបងប្អូន Khmer ឱ្យសកម្មអភិវឌ្ឍសេដ្ឋកិច្ច និងកសាងជីវភាពរស់នៅសុខក្សេមក្សាន្ត ភូមិស្រុកស្រស់ស្អាតដែលផ្តើមពីក្លឹបដាំផ្កា និងថែទាំផ្កាលម្អ។

ក្នុងដំណាក់កាលឆ្នាំ២០២៦-២០៣០ ខេត្ត Cà Mau នឹងមានឃុំចំនួន ១២ ដែលមានជនជាតិភាគតិចរស់នៅច្រើន ក្នុងនោះមាន ៧ ឃុំដែលជួបលំបាកខ្លាំង (ឃុំតំបន់ III)។ មាន ១៦៥ភូមិសង្កាត់នៃតំបន់ជនជាតិភាគតិច ក្នុងនោះមាន ៩១ ភូមិលំបាកខ្លាំងទូទាំងភូមិសាស្ត្រ  ៣៩ ឃុំ និងសង្កាត់។ បច្ចុប្បន្ន ទូទាំងខេត្តនេះមានគ្រួសារក្រីក្រចំនួន ៥៥០ គ្រួសារ និងគ្រួសារប្រកៀកបន្ទាត់ក្រ ៨៥០ គ្រួសារជាចនជាតិភាគតិច ភាគច្រើនគឺជាជនរួមជាតិ Khmer។ ក្នុងដំណើរឆ្ពោះទៅរកការកាត់បន្ថយភាពក្រីក្រប្រកបដោយចីរភាពក្នុងតំបន់ជនជាតិភាគតិច អ្នកមានកិត្យានុភាពទាំងឡាយគឺមានតួនាទីសំខាន់ខ្លាំងណាស់។

បច្ចុប្បន្ននេះ ខេត្ត Cà Mau មានអ្នកមានកិត្យានុភាពក្នុងជនរួមជាតិចំនួន ១៩៥ នាក់។ អ្នកទាំងឡាយមិនត្រឹមជាអ្នកឈានមុខក្នុងរាល់បណ្តាប្រពៃណីអភិវឌ្ឍសេដ្ឋកិច្ច កសាងជបវទថ្មីសម្រាប់ប្រជាជនធ្វើតាមប៉ុណ្ណោះទេ ថែមទាំងមានតួនាទីយ៉ាងសំខាន់នៅកម្រិតមូលដ្ឋាន និងក្លាយជាទីបង្អែកដ៏រឹងមាំសម្រាប់សហគមន៍ជនជាតិភាគតិចក្នុងការឈានឡើងរួចចាកក្រ ចីរភាពទៀតផង។

នៅភូមិ Rạch Cui ឃុំ Khánh Bình ជាភូមិភាគដែលមានបងប្អូនជនរួមជាតិ Khmer រស់នៅច្រើន ឥទ្ធិពលរបស់អ្នកមានកិត្យានុភាពបានបង្ហាញយ៉ាងច្បាស់យោងតាមការរួមចំណែកផ្លាស់ប្តូរមុខមាត់ភូមិស្រុក និងជីវភាពរស់នៅរបស់បងប្អូនជនរួមជាតិ។ បច្ចុប្បន្ន ភូមិ Rạch Cui លែងមានគ្រួសារក្រីក្រ ឬគ្រួសារប្រកៀកបន្ទាត់ក្រក្នុងជនរួមជាតិភាគតិចទៀតហើយ។

នៅពីក្រោយការផ្លាស់ប្តូរនោះ មិនត្រឹមតែជាគោលនយោបាយយកចិត្តទុកដាក់របស់បក្ស និងរដ្ឋប៉ុណ្ណោះទេ ថែមទាំងមានការគាំមិនឈប់ឈរពីអ្នកដែល «រក្សាពន្លឺ» ក្នុងសហគមន៍ទៀតផង។ លោក Lý Văn Của គឺជាមនុស្សម្នាក់ក្នុងចំណោមមនុស្សទាំងនោះ។ ចាប់ពីឆ្នាំ ២០១២ រហូតមកដល់បច្ចុប្បន្ន លោកតែងតែចូលរួមយ៉ាងជិតស្និទ្ធនៅក្នុកិច្ចការងារភូមិភាគ ដោយក្តាប់បានច្បាស់ពីស្ថានភាពនៃគ្រួសារនីមួយៗផងដែរដើម្បីមានការស្នើរសូមឱ្យបានទាន់ពេលវេលាចំពោះការឧបត្ថម្ភរបស់រដ្ឋអំណាចភូមិភាគ និងសមស្របជាមួយបណ្តាគ្រួសារដែលខ្វះដីផលិត ព្រមទាំងមិនទាន់មានផ្ទះស្នាក់នៅនឹងនរ ឬក៏ជួបលំបាកខ្លាំងក្នុងការរស់នៅ។ល។ អាស្រ័យហេតុនេះហើយ មានចំនួន ៩៣ គ្រួសារជនជាតិភាគតិចក្នុងភូមិមានលក្ខណៈឆ្លងផុតការលំបាក និងឈានឡើងលំនឹងជីវភាពផងដែរ។

សម្រាប់ការរួមដំណើរការរបស់អ្នកមានកិត្យានុភាពនឹងគោលនយោបាយឧបត្ថម្ភយ៉ាងជាក់ស្តែងរបស់បក្ស និងរដ្ឋក៏បានជួយឱ្យភូមិ Rạch Cui ក្លាយជាចំណុចដ៏ភ្លឺស្វាងនៃការកាត់បន្ថយក្រស្ថិរភាពក្នុងតំបន់ជនជាតិភាគតិច។

ខណៈដែលជីវភាពសម្ភារៈមានភាពប្រសើរឡើង លោកក៏បានបន្តលើកទឹកចិត្តអ្នកភូមិឱ្យកែជួសជុលផ្ទះរបស់ខ្លួន រក្សាអនាម័យបរិស្ថាន និងដាំដើមឈើនៅតាមមុខផ្ទះរបស់ខ្លួម ដើម្បីបង្កើតទេសភាពជនបទឱ្យល្អប្រសើរ បៃតង ស្រស់ ស្អាត។ ក្លឹបនារបរដាំ និងថែទាំរុក្ខជាតិលម្អត្រូវបានបង្កើតឡើងនៅក្នុងភូមិ ដោយទាក់ទាញសមាជិកចំនួន ២៥ នាក់ ដែលភាគច្រើនជាជនជាតិ Khmer។ នេះមិនត្រឹមតែផ្តល់ប្រាក់ចំណូលបន្ថែមប៉ុណ្ណោះទេ ថែមទាំងបានរួមចំណែកដល់ការផ្លាស់ប្តូរទេសភាពតំបន់ជនបទ បង្កើតការរស់នៅស៊ីវិល័យ និងសាមគ្គីភាពវាងសហគមន៍ផងដែរ។

ជាមួយភារកិច្ចទទួលខុសត្រូវ និងយកចិត្តទុកដាក់ អ្នកមានកិត្យានុភាពទាំងឡាយទូទាំងខេត្តក៏បានរួមដំណើរការ និងពងរីកសាយភាយនូវឆន្ទៈឈានឡើងដើម្បីរួចចាកក្រ កសាងមាតុភូមិឱ្យកាន់តែសម្បូររុងរឿង។ សម្រាប់ការផ្លាស់ប្តូរនៅភូមិ Rạch Cui នាពេលសព្វថ្ងៃ គឺជាសាក្សីដ៏រស់រវើកមួយខាងតួនាទីដ៏សំខាន់រវាងអ្នកដែលតែងបង្កភាពជិតស្និទ្ធជាមួយប្រជាជន យល់ច្បាស់ប្រជាជនក្នុងដំណើរការលុបបំបាត់ក្រទាំងស្រុង និងអភិវឌ្ឍស្ថិរភាពនៅតាមតំបន់ជនជាតិភាគតិចលើភូមិសាស្ត្រខេត្ត Cà Mau៕

Kiều Nương - Triều Vương