ក្នុងគោលដៅឆ្ពោះទៅរកការលើកកម្ពស់ជីវភាពរស់នៅរបស់ប្រជាជន និងបង្កើតទម្លាប់ ១ ឱ្យមានអាទិភាពក្នុងការប្រើប្រាស់ទំនិញក្នុងប្រទេស គណៈកម្មាធិការរណសិរ្សមាតុភូមិវៀតណាមឃុំណាំកាំង បានដាក់ឱ្យដំណើរការនូវទម្រង់ «សហគមន៍សាមគ្គីភាព - សុខក្សេមក្សាន្ត - សុភមង្គល ផ្សារភ្ជាប់ជាមួយសហគមន៍មានមោទនភាពក្នុងការប្រើប្រាស់ទំនិញវៀតណាម»។ រហូតមកទល់ពេលនេះ ទម្រង់ក៏ត្រូវបានផ្សព្វផ្សាយយ៉ាងទូលំទូលាយនៅតាម ១០ ភូមិទូទាំងឃុំ។
អ្នកស្រី ផានធីត្រាងភឿង ប្រធានគណៈកម្មាធិការរណសិរ្សមាតុភូមិវៀតណាមឃុំណាំកាំង (ទីបីពីស្តាំ) ឃោសនាផ្សព្វផ្សាយដល់បណ្តាគ្រួសារទាំងឡាយឱ្យផ្តល់អាទិភាពធ្វើអាជីវកម្មទំនិញវៀតណាម។
អនុវត្តតាមទម្រង់នេះ បណ្តាគ្រួសារប្រជាជនបានលើកកម្ពស់យ៉ាងសកម្មនូវស្មារតីសាមគ្គី ជួយគ្នាទៅវិញទៅមកក្នុងជីវភាពរស់នៅ ចូលរួមប្រពៃណីស្នេហាជាតិ អនុវត្តតាមបទបញ្ញត្តិ និងការកំណត់របស់ភូមិ ឃុំ ព្រមទាំងលើកកម្ពស់លទ្ធិប្រជាធិបតេយ្យនៅភូមិភាគតាមទិសស្លោក៖ «ប្រជាជនដឹង ប្រជាជនពិភាក្សា ប្រជាជនធ្វើ ប្រជាជនត្រួតពិនិត្យ ប្រជាជនតាមដាន និងប្រជាជនទទួលផល»។
ទន្ទឹមនឹងនោះ រណសិរ្ស និងអង្គការនយោបាយ - សង្គមបានធ្វើការឃោសនាដល់ប្រជាជនឱ្យអភិវឌ្ឍផលិតកម្ម ចូលរួមក្រុមសហករណ៍ សហការ និងផ្សារភ្ជាប់ការលក់ដូរផលិតផល។ ផ្តើមពីនោះ យកចិត្តទុកដាក់គាំទ្រគ្រួសារក្រីក្រ គ្រួសារប្រកៀកក្រ និងគិតគូរដល់គោលនយោបាយឧបត្ថម្ភ ជនងាយរងគ្រោះ រួមចំណែកធានាសន្តិសុខសង្គម ពង្រឹងសាមគ្គីសហគមន៍។
ការកសាងភូមិ ឃុំស៊ីវិល័យ សុវត្ថិភាព បៃតង - ស្អាត - ស្រស់ស្អាត ក៏ត្រូវទទួលបានការយកចិត្តទុកដាក់ផងដែរ។ ប្រជាជនបានចូលរួមយ៉ាងសកម្មក្នុងការរក្សាអនាម័យបរិស្ថាន ដាំដើមឈើ កាត់បន្ថយការប្រើប្រាស់ផ្លាស្ទិកប្រើបានតែម្តង ចូលរួមការពារសន្តិសុខប្រទេសជាតិ ទប់ស្កាត់បទល្មើស និងអំពើអបាយមុខក្នុងសង្គម។ ទម្រង់នេះ បានជំរុញទឹកចិត្តដល់ការអនុវត្តបច្ចេកវិទ្យាឌីជីថលក្នុងការទទួលបានសេវាសាធារណៈ ការផ្លាស់ប្តូរព័ត៌មាន និងផ្សព្វផ្សាយផលិតផលផងដែរ។
ជាពិសេស ទម្រង់នេះគឺផ្សារភ្ជាប់ជាមួយនឹងយុទ្ធនាការ «ជនជាតិវៀតណាមផ្តល់អាទិភាពប្រើប្រាស់ទំនិញវៀតណាម»។ តាមរយៈការប្រជុំជន សកម្មភាពផ្សេងៗរបស់សាខារណសិរ្ស និងសាខាយុវជន រណសិរ្សបានធ្វើការឃោសនា និងប្រជាជនឱ្យមានអាទិភាពក្នុងការជ្រើសរើសទំនិញវៀតណាមដែលមានប្រភពច្បាស់លាស់ ធានាគុណភាព សុវត្ថិភាព និងតម្លៃសមរម្យ ជំរុញទឹកចិត្តដល់បណ្តាគ្រួសារអាជីវកម្មចែកចាយ និងផ្សព្វផ្សាយផលិតផល OCOP ព្រមទាំងផលិតផលលក្ខណៈក្នុងភូមិស្រុក ដោយមិនបង្កើតអាជីវកម្មទំនិញក្លែងក្លាយ ទំនិញខូចគុណភាព និងគ្មានប្រភពច្បាស់លាស់។
អ្នកស្រី ហ្វិញគីមស្វៀន ម្ចាស់ហាងលក់គ្រឿងអគ្គិសនី គីមហុំាង ផ្តល់អាទិភាពធ្វើអាជីវកម្មទំនិញវៀតណាម។
នៅហាងលក់គ្រឿងអគ្គិសនី គីមហុំាង (ភូមិលេខ២) មានជាង ៧០% ផលិតផលអាជីវកម្ម ដូចជា៖ ទូរទស្សន៍ ឆ្នាំងបាយអគ្គិសនី ម៉ាស៊ីនចម្រោះទឹក កង្ហារ។ល។ ជាទំនិញផលិតក្នុងស្រុក។ អ្នកស្រី ហ្វិញគីមស្វៀន ជាម្ចាស់ហាង បានចែករំលែកថា៖ «ខ្ញុំផ្តល់អាទិភាពធ្វើអាជីវកម្មទំនិញវៀតណាម ដើម្បីជួយឱ្យអតិថិជនជ្រើសរើសផលិតផលធានាគុណភាព និងមានតម្លៃសមរម្យ»។
«នាពេលខាងមុខ គណៈកម្មាធិការរណសិរ្សមាតុភូមិវៀតណាមឃុំណាំកាំង នឹងបន្តសហការជាមួយអង្គការនយោបាយ - សង្គមដើម្បីបង្កើនគុណភាពផលិតផល ព្រមទាំងពង្រីកជាបណ្តើរៗទៅកាន់បណ្តាភូមិ និងតំបន់ប្រជុំជនដទៃទៀត។ ទន្ទឹមនឹងនោះ ធ្វើការវាយតម្លៃ និងស្ងើចសរសើរជាប្រចាំនូវវិធីសាស្ត្រធ្វើការដែលមានប្រសិទ្ធភាព និងជាក់ស្តែងផងដែរ» អ្នកស្រី ផានធីត្រាងភឿង ប្រធានគណៈកម្មាធិការរណសិរ្សមាតុភូមិវៀតណាមឃុំណាំកាំង បាន ឱ្យដឹងដូច្នេះ៕
អត្ថបទនិងរូប៖ ទូគ្វៀន - ទ្រឿងយ៉ាង

Truyền hình



Xem thêm bình luận