ទទួលបុណ្យ Tết សប្បាយរីករាយ និងប្រឹតសំចៃ

05 tháng 03 2026 05:42

ប៉ុន្មានថ្ងៃចុងឆ្នាំនេះ បរិយាកាសទទួលអំណរបុណ្យ Tết ក៏មានភាពអឹកធឹកគ្រប់ភូមិស្រុក។ រួមជាមួយនឹងក្តីសប្បាយរីករាយនៃការស្វាគមន៍និទាឃរដូវថ្មី ឆ្នាំ ២០២៦ គ្រួសារជាច្រើនកំពុងផ្លាស់ប្តូរទម្លាប់ខាងការចំណាយរបស់ខ្លួនជាសន្សឹមៗឆ្ពោះទៅរកការសន្សំសំចៃ និងសមហេតុផលជាងមុន តែរក្សាបាននូវភាពពេញបរិបូរណ៍ និងកក់ក្តៅសម្រាប់ថ្ងៃបុណ្យ Tết ។

សមាគមសហព័ន្ធនារីសង្កាត់ An Xuyên ក្រើនរំលឹកសមាជិកទាំងឡាយអំពីការទទួលបុណ្យ Tết ប្រកបដោយសុវត្ថិភាព និងប្រឹតសំចៃ។

សម្រាប់ការត្រៀមទទួលបុណ្យ Tết ឆ្នាំមមី ២០២៦ ក្រុមគ្រួសារបងស្រី Thạch Thị Oanh Nhỏ នៅភូមិ Kinh Đứng B ឃុំ Khánh Hưng ចិញ្ចឹមត្រី និងទា ព្រមទាំងដាំបន្លែបង្ការ និងពោតផងដែរសម្រាប់ផ្គត់ផ្គង់ជីវភាពគ្រួសារប្រចាំថ្ងៃ ព្រមទាំងធ្វើជាអំណោយជូនសាច់ញាតិបងប្អូនជិត និងទទួលភ្ញៀវផងដែ។ បងស្រីបានចែករំលែកថា៖ “យើងដាំបន្លែ និងចិញ្ចឹមត្រី មាន់សម្រាប់ប្រឹតសំចៃប្រាក់ចំណាយ។ សម្រាប់បុណ្យតេតមិនចាំបាច់ឱ្យមានភាពស្មុគស្មាញពេកនោះទេ គ្រាន់យែរៀបចំផ្ទះសម្បែងឱ្យបានល្អស្អាត និងមានរបៀបរៀបរយ បាយម្ហូបសព្វគ្រប់ វាជាការគ្រប់គ្រាន់ណាស់ទៅហើយ”។

នៅតាមតំបន់ជនបទ រួមជាមួយនឹងការចលនាអភិវឌ្ឍន៍ជនបទថ្មី បងប្អូនប្រជាជនកំពុងផ្តោតលើការយកចិត្តទុកដាក់កាន់តែខ្លាំងឡើង បង្កើតបរិស្ថានបៃតង ស្រស់ ស្អាតទៀតផង។ គ្រួសារជាច្រើនបានដាំផ្កា ថែទាំរុក្ខជាតិតុបតែង និងកាត់របងផ្កានៅតាមមុខផ្ទះរបស់ខ្លួន រួមចំណែកបង្កើតទីកន្លែងស្រស់ស្រាយ និងស្និទ្ធស្នាលជាមួយធម្មជាតិក្នុងឱកាសបុណ្យ Tết នេះផងដែរ។

ចំណែកគ្រួសារអ្នកមីង Thạch Thị Rớ នៅភូមិ Đồng Tâm A ឃុំ Đầm Dơi កំពុងរៀបចំផ្ទះសម្បែងសម្រាប់ទទួួលបុណ្យចូលឆ្នាំថ្មី មានទាំងការកាត់តុបតែងផ្កាលម្អ ធ្វើនំ និងបង្អែមប្រពៃណី ជាច្រើនប្រភេទដើម្បីទុកសម្រាប់ទទួលភ្ញៀវក្នុងថ្ងៃបុណ្យផងដែរ។ អ្នកមីងបានចែករំលែកថា៖ “ក្នុងរយៈពេលប៉ុន្មានឆ្នាំកន្លងមកនេះ គ្រួសារខ្ញុំបានទទួលបុណ្យ Tết យ៉ាងសមញ្ញធម្មតា តែពេញដោយក្តីសប្បាយរីករាយ ពីព្រោះមិនបានរៀបចំអឹកធឹក មានស្រាបៀអ្វីនោះទេ។ សម្រាប់ថ្ងៃបុណ្យតេត សំខាន់គឺបានជួបជុំកូនចៅ ហូបចុកសប្បាយរីករីក និងដើម្បីរក្សាសុខភាពល្អ”។

ជាក់ស្តែងបានឱ្យឃើញថា ការរៀបចំទទួលបុណ្យតេតរបស់បងប្អូនប្រជាជននៅតែមានភាពហ្មត់ចត់ ប៉ុន្តែសមហេតុផលជាង។ ការសន្សំប្រាក់ក្នុងឱកាសបុណ្យ Tết កំពុងបានក្លាយជាទិសដៅយ៉ាងសកម្ម រួមចំណែកលំនឹងជីវភាពរស់នៅបន្ទាប់ពីថ្ងៃបុណ្យ។

បងស្រី Thạch Thị Oanh Nhỏ (ឆ្វេង) ម្ចាស់ការក្នុងការធានាប្រភពខាងមុខម្ហូបសម្រាប់ក្នុងឱកាសបុណ្យ Tết ដើម្បីប្រឹតសំចៃទឹកប្រាក់។

យោងតាមលោកស្រី Nguyễn Thị Ngọc Thuý អនុប្រធានសមាគមសហព័ន្ធនារីខេត្ត Cà Mau បានឱ្យដឹង៖ សមាគមសហព័ន្ធនារីគ្រប់លំដាប់ថ្នាក់តែងផ្សព្វផ្សាយ និងជំរុញទឹកចិត្តសមាជិកស្តីពីការទទួលបុណ្យតេតដោយសុវត្ថិភាព និងប្រឹតសំចៃ ជៀសវាងការប្រើប្រាស់មុខម្ហូបដែលមិនស្គាល់ប្រភពដើម កំណត់ការប្រើប្រាស់គ្រឿងស្រវឹង មិនដុតផាវ រក្សាសន្តិសុខ និងសណ្តាប់ធ្នាប់ ព្រមទាំងអនាម័យបរិស្ថាន និងយកចិត្តទុកដាក់ជាពិសេសចំពោះការធានាសុវត្ថិភាពសម្រាប់កុមារ។

បុណ្យតេតបានខិតជិតមកដល់ ការរៀបចំទទួលថ្ងៃបុណ្យ និងប្រឹតសំចៃសម្រាប់គ្រួសារនីមួយៗ បានរួមចំណែករក្សានូវតម្លៃដ៏ស្រស់ស្អាតនៃបុណ្យ Tết ប្រពៃណី នាំមកនូវនិទាឃរដូវថ្មីយ៉ាងពោរពេញដោយជំនឿ និងក្តីសង្ឃឹម៕

Cẩm Nhi

Từ khóa: báo Cà Mau Cà Mau tin mới Cà Mau thời sự Cà Mau tin tức Cà Mau

មនុស្សល្អ - ការងារល្អ

ទទួលបុណ្យ Tết សប្បាយរីករាយ និងប្រឹតសំចៃ

NỔI BẬT 48 GIỜ