ទីបង្អែកសម្រាប់ចាកផុតក្រ

ប៉ុន្មានឆ្នាំកន្លងមកនេះ ការឧបត្ថម្ភអភិវឌ្ឍន៍ផលិត និងពិពីធកម្មនៃការរស់នៅសហគមន៍នៅតាមតំបន់ជនជាតិភាគតិចលើភូមិសាស្ត្រខេត្តបាននាំមកនូវលទ្ធផលគួរឲ្យកត់សម្គាល់។ យោងតាមការឧបត្ថម្ភក៏បានជួយរាប់រយគ្រួសារមានលក្ខណៈអភិវឌ្ឍន៍ផលិត បង្កើនប្រភពចំណូលនឹងនរទៀតផង។

ផ្តើមពីប្រភពទុនសម្រាប់ប្រកបមុខរបរការងារ និងចែកចាយរហូតដល់ឆ្នាំ២០២៤ដោយមានជាង១៣ពាន់លានដុងក៏បានជំនួយក្នុងការផ្សព្វផ្សាយសម្រេចជោគជ័យបានចំនួន៨៨គម្រោងការអភិវឌ្ឍន៍ផលិតនិងពិពិធកម្មនៃការរស់នៅសហគមន៍ជូនជាង១.០០០គ្រួសារចូលរួម (ក្នុងនោះមានជាង ៥០% ជាគ្រួ សារក្រ និងគ្រួសារប្រកៀកបន្ទាត់ក្រ)។

ផ្តើមពីពូជជ្រូកដំបូងដែលទទួលបានការឧបត្ថម្ភ បងស្រី Nguyễn Thị Thuý ក៏បន្តការចិញ្ចឹមបានចំនួន៣លើកដែរហើយ អាចរកបានប្រាក់ចំណូលសម្រាប់កែជួសជុលផ្ទះឡើងវិញ។

លោក Nguyễn Thành Niệm នាយករងនៃមន្ទីជនជាតិ និងសាសនា ឱ្យដឹង៖ សម្រាប់ការឧបត្ថម្ភអភិវឌ្ឍន៍ផលិត និងពិពិធកម្មនៃការរស់នៅសហគមន៍ដែលស្ថិតក្នុងខ្លឹមសារលេខ០១ អនុគម្រោងទី២នៃគម្រោងការទី៣នៃកម្មវិថីគោលដៅជាតិសម្រាប់ការអភិវឌ្ឍន៍សេដ្ឋកិច្ច-សង្គមតំបន់ជនជាតិភាគតិច និងតំបន់ភ្នំតំណាក់កាល I  ឆ្នាំ២០២១-២០២៥​ត្រូវបានអនុវត្តនៅតាមភូមិសាស្ត្រចំនួន៥ដែលស្ថិតក្នុងតំបន់ III និង៤៣ភូមិជួបលំបាកពិសេស។ បណ្តាមុខសញ្ញាដែលទទួលបានការឧបត្ថម្ភ គឺជាគ្រួសារក្រីក្រ និងគ្រួសារប្រកៀកបន្ទាត់ក្រ ក្នុងនោះអាទិភាពសម្រាប់គ្រួសារក្រជាជនជាតិភាគតិច ព្រមទាំងគ្រួសារក្រីក្រដែលស្រ្តីភេទជាមេគ្រួសារ និងជាអ្នកពលកម្មប្រចាំគ្រួសារ និងចិញ្ចឹមមើលថែសាច់ញាតិដែលមិនអាចពលកម្មបាន ឬក៏អស់អាយុពលកម្ម។ ចាប់តាំងពីបានផ្សព្វផ្សាយខ្លឹមសារនេះ ក៏បានរួមចំណែករុករកសក្តានុពល និងឧត្តមភាពតាមទិសដៅនៃការផ្លាស់ប្តូរប្រភេទពូជឈើដាំ សត្វចិញ្ចឹមមានប្រសិទ្ធភាព បង្កើតការងារធ្វើ លើកកម្ពស់ប្រភពប្រាក់ចំណូលសម្រាប់គ្រួសារ កាត់បន្ថយក្រចីរភាពនៅតាមតំបន់ជនរួមជាតិភាគតិចលើភូមិសាស្ត្រខេត្ត។

ឃុំ Thanh Tùng បានជំនួយឧបត្ថម្ភអនុវត្តទម្រង់ចិញ្ចឹមគ្រែងឈាម និងជ្រូកសម្រាប់១២២គ្រួសារ សរុបទឹកប្រាក់ជាង២,៨ពាន់លានដុង។ ផ្តើមពីនោះ រាល់គ្រួសារនីមួយៗទទួលបានការឧបត្ថម្ភជ្រូកពូជ៤ក្បាល និងចំណី ព្រមទាំងបសុឱសថសម្រាប់ឱ្យរដូវចិញ្ចឹមដំបូង។ ដើម្បីធានាពូជសត្វចិញ្ចឹមឆាប់ធំធាត់ រដ្ឋអំណាចភូមិភាគតែងធ្វើការពិនិត្យ និងណែនាំខាងបច្ចេកទេសចិញ្ចឹមជាប្រចាំផងដែរ។

លោក Lâm Văn Lâm ប្រធានភូមិ Thanh Tùng ឱ្យដឹង៖ “ទូទាំងភូមិមាន ១៤ គ្រួសារដែលទទួលបានការឧបត្ថម្ភពូជជ្រូកចិញ្ចឹម។ ដើម្បីបានផលល្អ រដ្ឋអំណាចភូមិភាគតែងធ្វើការផ្សព្វផ្សាយ និងលើកកម្ពស់ចំណេះដឹងរបស់បងប្អូនប្រជាជនស្តីពីគោលដៅ និងអត្ថន័យរបស់ទម្រង់ដែលយោងតាមបណ្តាកិច្ចប្រជុំជន ព្រមទាំងសកម្មភាពរបស់អង្គការមហាជន និងការពិនិត្យដោយផ្ទាល់ចំពោះគ្រួសារទាំងឡាយ”។

អ្នកមីង Nguyễn Thị Thuý នៅភូមិ Thanh Tùng រីករាយឱ្យដឹង៖ កាលពីដើមឆ្នាំ២០២៤ គ្រួសារខ្ញុំទទួលបានការឧបត្ថម្ភជ្រូកពូជចំនួន៤ក្បាល រួមទាំងចំណី និងបសុឱសថ។ អាស្រ័យបានការណែនាំខាងបច្ចេកទេសចិញ្ចឹម និងរបៀបបង្ការជំងឺទើបជ្រូកមានការធំធាត់ល្អ។ គ្រួសារខ្ញុំបានផ្តើមចិញ្ចឹមហ្វូងជ្រូកសារជាថ្មីលើកទី៣។ បន្ទាប់មកលក់បានប្រាក់ប្រមាណជាង២០លានដុង។ សព្វថ្ងៃ ខ្ញុំកំពុងចិញ្ចឹម៤ក្បាលផងដែរទុកសម្រាប់បន្តពូជ។

អាស្រ័យការឧបត្ថម្ភពូជជ្រូក និងចំណីមុននេះ២ឆ្នាំដែរហើយ គិតមកទល់ពេលនេះ គ្រួសារបងស្រី Lâm Thị Nhi នៅភូមិ Thanh Tùng មានប្រភពចំនូលសមគួរ ព្រមទាំងបានរួចចាកពីភាពក្រីក្រទៀតផង។

លោក Lê Vũ Bảo កម្មាភិបាលទទួលបន្ទុកផ្នែកខាងសេដ្ឋកិច្ចឃុំ Thanh Tùng ឱ្យដឹង៖ “យោងតាមរយៈពេលផ្សព្វផ្សាយអនុវត្ត ទម្រង់នៃការរស់នៅមានប្រសិទ្ធភាពខ្ពស់។ បណ្តាគ្រួសារទាំងឡាយបានបន្តដំណើរការ និងពង្រីកទម្រង់ចិញ្ចឹមសត្វផងដែរ។ បច្ចុប្បន្ន មានគ្រួសារជាច្រើនបានបន្តការចិញ្ចឹមជ្រូកឡើងវិញជាលើកទី៣, ទី៤។ នេះក៏ជាទម្រង់នៃការប្រកបរបរដ៏សមស្របជាមួយលក្ខណៈសេដ្ឋកិច្ចរបស់មាមីងបងប្អូន។ ផ្តើមពីនោះក៏បានរួមចំណែកធ្វើឱ្យ “ផ្លាស់ប្តូរផ្នាត់គំនិត របៀបធ្វើ” របស់បងប្អូនជនរួមជាតិភាគតិចក្នុងការអភិវឌ្ឍណ៍សេដ្ឋកិច្ច និងកាត់បន្ថយក្រ”។

ផ្តើមពីភាពជាក់ស្តែងវាបឆ្លុះឱ្យឃើញថា ពិពិធកម្មនៃការរស់នៅដ៏សមស្រប ជាមួយលក្ខណៈពិសេសដោយឡែករបស់តំបន់ក៏បានជួយឱ្យគ្រួសារក្រីក្រ ប្រកៀកបន្ទាត់ក្រ និងគ្រួសារជួបលំបាកទាំងឡាយសន្សឹមៗបានលំនឹងជីវភាព។ នេះមិនត្រឹមជាទីបង្អែកសម្រាប់រួចចាកផុតក្រប៉ុណ្ណោះទេ ការផ្សព្វផ្សាយអនុវត្តទម្រង់នៃការរស់នៅថែមទាំងបានជួយធ្វើឱ្យផ្លាស់ប្តូរផ្នាត់គំនិត និងការយល់ដឹងរបស់បងប្អូនជនរួមជាតិភាគតិចទៀតផងសម្រាប់ក្នុងការអភិវឌ្ឍន៍សេដ្ឋ កិច្ច និងកាត់បន្ថយភាពក្រីក្រចីរភាព៕

Quỳnh Anh