ឧបត្ថម្ភជាក់ស្តែងសម្រាប់គ្រួសារក្រីក្រជាជនជាតិភាគតិច

ប៉ុន្មានឆ្នាំកន្លងមកនេះ ប្រភពនៃការវិនិយោគដែលផ្តើមពីបណ្តាកម្មវិធីគោលដៅជាតិ ជាពិសេសកម្មវិធីគោលដៅជាតិសម្រាប់ការអភិវឌ្ឍន៍សេដ្ឋកិច្ច-សង្គមតំបន់ជនជាតិភាគតិច និងតំបន់ភ្នំ បានបង្កលក្ខណៈយ៉ាងសំខាន់ រួមចំណែកអភិវឌ្ឍន៍សេដ្ឋកិច្ច-សង្គមលើភូមិសាស្ត្រឃុំ U Minh។

លោក Kim Khanh (ឆ្វេង) រីករាយពេលដែលទទួលបានការឧបត្ថម្ភសង់ផ្ទះថ្មីដ៏ធំទូលាយស្អាត។

U Minh ជាឃុំមានជនរួមជាតិភាគតិចរស់នៅច្រើនកុះករ លក្ខណៈសម្រាប់អភិវឌ្ឍន៍សេដ្ឋកិច្ច-សង្គមនូវមានការជួបលំបាកខ្លាំង។ ទូទាំងឃុំមាន ៣៧៥ គ្រួ សារជនជាតិភាគតិច ក្នុងនោះនូវមាន ១៩ គ្រួសារក្រីក្រ និង ១៣ គ្រួសារប្រកៀកបន្ទាត់ក្រ។ ជារៀងរាល់ឆ្នាំ ផ្តើមពីកម្មវិធីគោលដៅជាតិសម្រាប់ការអភិវឌ្ឍន៍សេដ្ឋកិច្ច-សង្គមតំបន់ជនជាតិភាគតិច និងតំបន់ភ្នំបានជំនួយឧបត្ថម្ភផ្ទះរាប់សិបខ្នង ព្រមទាំងវិនិយោគជាច្រើនសំណង់េហដ្ឋារចនាសម្ព័ន្ធដើម្បីជំរុញខ្លាំងខ្លាខាងវិស័យសេដ្ឋកិច្ច-សង្គមរបស់ភូមិភាគឱ្យមានការអភិវឌ្ឍន៍ ពិសេសបង្កើនការរស់នៅកាត់បន្ថយក្រចីរភាព។

លោក Phạm Hồng Ngự អនុប្រធានគណៈកម្មាធិការប្រជាជនឃុំ បានឱ្យដឹង៖ “ដើម្បីសម្រេចជោគជ័យនូវរាល់បណ្តាទិសដៅ ភូមិភាគក៏បានដាក់ចេញយ៉ាងច្រើនដំណោះស្រាយជាក់ស្តែង ក្នុងនោះប្រមូលផ្តុំការវិនិយោគអភិវឌ្ឍន៍ហេដ្ឋារចនាសម្ព័ន្ធចាំបាច់សម្រាប់បម្រើឱ្យការផលិត និងការរស់នៅ។ ពហុបែននៃការរស់នៅ និងពង្រីកទូលំទូលាយទម្រង់កាត់បន្ថយក្រលើភូមិសាស្ត្រ... ឃុំបានប្រគល់ភារកិច្ចជូនបុគ្គលិកជំនាញគ្រប់រូប រួមទាំងបណ្តាអង្គការចាត់តាំងនយោបាយ-សង្គមទទួលបន្ទុកការងារខាងជំនួយឧបត្ថម្ភគ្រប់គ្រងប្រភពវិនិយោគ ទទួលមូលនិធិផ្តល់សិទ្ធរបស់ធនាគារដើម្បីធានាការប្រើប្រាស់ និងការអាស្រ័យផលរាល់បណ្តាប្រភពវិនិយោគយ៉ាងមានប្រសិទ្ថភាព។ តាំងពីឆ្នាំ ២០២៣ រហូតមកទល់ពេលនេះ ឃុំបានវិនិយោគរាប់សិបពាន់លានដុងពីកម្មវិធីគោលដៅជាតិសម្រាប់ការអភិវឌ្ឍន៍សេដ្ឋកិច្ច-សង្គមតំបន់ជនជាតិភាគតិច និងតំបន់ភ្នំ។ ផ្តើមពីនោះ កសាងច្រើនដងផ្លូវបេតុងភ្ជាប់ពីឃុំភូមិមួយទៅភូមិមួយ ព្រមទាំងជំនួយឧបត្ថម្ភច្រើនទម្រង់នៃគាររស់នៅ បង្រៀនរបរ​ឧបត្ថម្ភផ្ទះស្នាក់នៅជាដើម”។

គ្រួសារលោក ​Thạch Kinh អាយុ ៧១ ឆ្នាំនៅភូមិលេខ៦ មានផ្ទៃដីប៉ុន្មានកុងផងដែរសម្រាប់ចិញ្ចឹមបង្គា តែចំណូលមិនសូវនឹងនរល្អ។ ដើមឆ្នាំ ២០២៣ ​គ្រួសារលោកត្រូវបានរដ្ឋអំណាចភូមិភាគជំនួយឧបត្ថម្ភជូ្រកពូជចំនួន ៣ ក្បាល និងចំណី ព្រមទាំងទទួលបានការណែនាំរបៀបចិញ្ចឹមទៀតផង។ “ក្រៅពីចំណីសម្រាប់ជ្រូកដែលបានឧបត្ថម្ភ ខ្ញុំថែមទាំងឆ្លៀតយកបណ្តាចំណីដែលគ្រួសារមានស្រាប់ ទើបហ្វូងជ្រូករបស់ខ្លួនឆាប់ធំធាត់។ ខ្ញុំចាប់ផ្តើមចិញ្ចឹមបន្តពូជ។ មធ្យមហ្វូងជ្រូកលក់បានចំនួន ១០ ក្បាល ដោយតម្លៃចាប់ពី ២-២,៥​លានដុង/ក្បាល។ ក្រៅពីនោះ គ្រួសារថែមទាំងទទួលបានការឧបត្ថម្ភទឹកប្រាក់ ៤៤ លានដុងសម្រាប់សង់ផ្ទះទៀតផង។​ មានផ្ទះស្នាក់នៅនឹងនរ ព្រមទាំងមានចំណូលនឹងនរដែលផ្តើមពីការចិញ្ចឹមជ្រូក គ្រួសារខ្ញុំក៏បានរួចចាកក្រ​កាលពីឆ្នាំ ២០២៣”​ លោក Thạch Kinh បានឱ្យដឹងដូច្នេះ។

ស្រដៀងគ្នាផងដែរ គ្រួសារលោក Kim Khanh អាយុ ៦៥ ឆ្នាំ រស់នៅភូមិលេខ៦ ជាគ្រួសារក្រ ជីវភាពជួបលំបាកដោយខ្វះដីផលិត។ ឆ្នាំ២០២៣ គ្រួសារលោកទទួលបានការឧបត្ថម្ភជូកពូជចំនួន​ ៥ ​ក្បាលដើម្បីពង្រីកសេដ្ឋកិច្ច រួមទាំងទឹកប្រាក់​ ៨០​ លានដុងសម្រាប់សង់ផ្ទះទៀតផង។ ដោយសារខិតខំព្យាយាមរៀនសូត្របទពិសោធខាងបច្ចេកទេសចិញ្ចឹម ថែទាំ ជារៀងរាល់ឆ្នាំគ្រួសារលោកលក់ជ្រូកកូនបានជា ២ លើក មានប្រភពចំណូលសមគួរ។ សង្ឃឹមថាចុងឆ្នាំនេះ គ្រួសារលោកនឹងមានលក្ខណៈបានរួចចាកក្រ។

អាស្រ័យការឧត្ថម្ភរបស់រដ្ឋ គ្រួសារលោក Thạch Kinh មានប្រភពចំណូលនឹងនរល្អដែលផ្តើមពីរបរចិញ្ចឹមជ្រូក។

“បណ្តាកម្មវិធីគោលដៅជាតិ ពិសេសកម្មវិធីគោលដៅជាតិសម្រាប់ការអភិវឌ្ឍន៍សេដ្ឋកិច្ច-សង្គមតំបន់ជនជាតិភាគតិច និងតំបន់ភ្នំក៏បានជំនួយឧបត្ថម្ភជាក់ស្តែងសម្រាប់គ្រួសារក្រីក្រ ជាពិសេសគ្រួសារជនជាតិភាគតិចដែលជួបលំបាក។ ពិសេសបណ្តាគម្រោងការឧបត្ថម្ភចិញ្ចឹមសត្វមានការសមស្របជាមួយលក្ខណៈជាក់ស្តែង ប្រពៃណីពលកម្មផលិតរបស់មាមីងបងប្អូន ជួយមាមីងបងប្អូនបង្កើនប្រភពប្រាក់ចំណូល មានការផ្លាស់ប្តូរយ៉ាងសកម្មខាងចំណេះដឹង ដកពិសោធបានច្រើន។ អាស្រ័យហេតុនេះហើយ  បណ្តាទម្រង់ទាំងនេះមិនត្រឹមបញ្ឈប់ត្រឹមការជំនួយឧបត្ថម្ភលើកដំបូងនោះទេ គឺថែមទាំងអភិវឌ្ឍន៍ចីរភាព និងមានប្រសិទ្ធភាពដ៏យូរអង្វែងទៀតផង ជំនួយគ្រួសារមានលក្ខណៈឈានឡើងរួចចាកក្រចីរភាព​លំនឹងការរស់នៅ”​ លោក Phạm Hồng Ngự បានអះអាងបែបនេះ។

ជាមួយការចង្អុលណែនាំយ៉ាងល្អិតល្អន់ ដាច់ខាត ម្ចាស់ការ យ៉ាងយកចិត្តទុកដាក់របស់គណៈកម្មាធិការបក្សគ្រប់លំដាប់ថ្នាក់ និងរដ្ឋអំណាចភូមិភាគ រួមជាមួយការសាមគ្គី ស្របមតិគ្នាខាងប្រព័ន្ធនយោបាយ និងប្រជាជនគ្រប់ស្រទាប់វណ្ណៈ ឃុំ U Minh ក៏សម្រេចបណ្តាទិស ដៅសំខាន់ៗក្នុងការអនុវត្តកម្មវិធីគោលដៅជាតិសម្រាប់ការអភិវឌ្ឍន៍សេដ្ឋកិច្ច-សង្គមតំបន់ជនជាតិភាគតិច ញាុំងឱ្យសម្រាស់ជនបទនៃតំបន់ជនរួមជាតិភាគតិចមួយថ្ងៃកាន់តែផ្លាស់ប្តូរគ្រប់វិស័យ ជីវភាពរស់នៅរបស់បងប្អូនជនរួមជាតិ Khmer មួយថ្ងៃកាន់មានការលើកកម្ពស៕

Quỳnh Anh