អស់ពីចិត្តក្នុងការជំនួយបែបបទដើម្បីទទួលប្រាក់សោធននិវត្តន៍សង្គម

ចាប់ពីថ្ងៃទី១ ខែកក្កដា ឆ្នាំ២០២៥ អនុក្រិត្យលេខ ១៧៦/២០២៥/NĐ-CP របស់រដ្ឋាភិបាល មានសុពលភាពអនុវត្តស្តីពីរបបសោធននិវត្តន៍សង្គម។ ដើម្បីឱ្យសំណុំបែបបទត្រូវបានអនុវត្តឆាប់រហ័ស និងប្រកបដោយប្រសិទ្ធភាព។ សង្កាត់ Bạc Liêu បានប្រកាសជូនដំណឹងយ៉ាងលម្អិតនូវបញ្ជីមកកាន់អនុសង្កាត់ ព្រមទាំងផ្សព្វផ្សាយជាធរមានដល់តាមតំបន់ប្រជុំជនទៀតផង។ ទន្ទឹមនិងនោះ រៀបចំបន្ថែមប្រភពកម្លាំងជំនួយឧបត្ថម្ភបងប្អូនប្រជាជននៅតាមបណ្តាទីកន្លែងដែលទទួលសំណុំបែបបទ ចាត់តាំងក្រុមការងារចុះទៅដល់គ្រួសារដែលជួបលំបាកទាំងឡាយ ដើម្បីជំនួយឧបត្ថម្ភអ្នកមានវ័យចាស់ជរាឱ្យឆាប់សម្រេចសំណុំបែបបទ និងអាស្រ័យផលគោលនយោបាយរបស់រដ្ឋ។

លោកស្រី Lê Thị Nhung សមាជិកអចិន្រ្តៃយ៍ អនុប្រធានប្រចាំការនៃក្រុមប្រឹក្សា​ប្រជាជនខេត្ត ប្រធានក្រុមត្រួតពិនិត្យ បានវាយតម្លៃខ្ពស់ពីសកម្មភាពនៃការ​ស្ម័គ្រចិត្តរបស់សមាជិក​សម្ព័ន្ធ​ យុវជនសង្កាត់ក្នុងការឧបត្ថម្ភប្រជាជននៅមជ្ឈមណ្ឌលរដ្ឋបាលសង្កាត់ Bạc Liêu។

តាមរយៈនោះ មុខសញ្ញាដែលអាស្រ័យផលគឺអ្នកមានអាយុគម្រប់ពី ៧៥ ឆ្នាំឡើងទៅដែលមិនបានទទួលប្រាក់ខែចូលនិវត្តន៍ ឬក៏ទទួលបានការធានារ៉ាប់រងសង្គមប្រចាំខែ អ្នកដែលមានអាយុគ្រប់ ​៧០ ឆ្នាំដល់ ៧៥ ឆ្នាំដែលជាគ្រួសារក្រ និងគ្រួសារប្រកៀកបន្ទាត់ក្រមិនបានទទួលប្រាក់ខែចូល​និវត្តន៍​ ជំនួយខាងការធានារ៉ាប់រងសង្គមជារៀងរាល់ខែ។

ថ្មីៗនេះដែរ លោក Triệu Đơn មានអាយុ៧ ៦ ឆ្នាំ ស្នាក់នៅអនុសង្កាត់​ Trà Kha ស្រាប់តែទទួល​ភ្ញៀវពិសេស។ នោះគឺកម្មាភិបាល សមាជិកសម្ព័ន្ធនិងយុវជនរបស់សង្កាត់ ដែលបានចុះទៅដល់ផ្ទះ ដើម្បីជំនួយឧបត្ថម្ភលោកក្នុងការធ្វើសំណុំបែបបទទទួលប្រាក់សោធននិវត្តន៍សង្គម។ លោកដើង កើត​ជំងឺស្ពឹកស្រពន់ រីឯប្រពន្ធគាត់ក៏ចាស់ជរា ចំណែកកូនប្រុស និងកូនប្រសារខិតខំប្រកបរបរស៊ីឈ្នួល​ ហើយថែម​ទាំមិនប្រសព្វខាងបច្ចេកវិជ្ជាផង បានជាធ្វើសំណុំបែបទមិនទាន់រួចស្រេច។

សម្ព័ន្ធយុវជនសង្កាត់ Bạc Liêu ជំនួយក្នុងការសំណុំបែបបទលើបណ្តាញនៅគ្រួសាររបស់បងប្អូនប្រជាជនអនុសង្កាត់លេខ១១។

បងស្រី Thạch Thị Vui កូនប្រសាររបស់លោក Đơn បានចែករំលែក៖ “ឪពុកក្មេកខ្ញុំកើតជំងឺស្ពឹក​ស្រពន់ ដេកនៅលើគ្រែអស់រយៈពេលជិត ៥ ឆ្នាំមកហើយ ចំណែកម្តាយក្មេកក៏មានវ័យចាស់ជរា ប្តីខ្ញុំធ្វើស្រែផង និងធ្វើការស៊ីឈ្នួល​គេផង ខ្លួនខ្ញុំត្រូវទទួលមុខងារជាមេផ្ទះ ទើបការងាររវាល់ច្រើនមិនសូវប្រសព្វក្នុងការធ្វើបែបបទនោះទេ ពិសេសខាងបច្ចេកវិជ្ជាកាន់តែអន់ខ្សោយ។ ដូច្នេះហើយ បានកម្មាភិបាលសង្កាត់អញ្ជើញមកដល់ផ្ទះជំនួយឧបត្ថម្ភ យើងខ្ញុំសប្បាយចិត្តណាស់ ព្រមទាំងសូមអរគុណដល់​រដ្ឋអំណាចភូមិភាគជាខ្លាំង។​ ចំនួនទឹកប្រាក់ឧបត្ថម្ភប្រចាំខែ អាចគ្រប់គ្រាន់សម្រាប់ផ្គត់ផ្គង់ក្នុងការទិញឱសថព្យាបាល និងជាប្រភពនៃការលើកទឹកចិត្តដ៏ធំ សម្រាប់ឪពុកក្មេកខ្ញុំឆ្លងផុតពីជំងឺគ្រោះថ្នាក់”។

ដើម្បីផ្សព្វផ្សាយមានប្រសិទ្ធភាពគោលនយោបាយ ​មជ្ឈមណ្ឌលរដ្ឋបាលសាធារណៈបានសហការជាមួយសម្ព័ន្ធយុវជនសង្កាត់ជំនួយប្រជាជនសរសេរលិខិតស្នាម ប្រគល់សំណុំ​បែបបទតាមបណ្តាញ ទន្ទឹមនិងនោះចាត់តាំងចុះទៅដល់គេហដ្ឋាន​ ដើម្បីធ្វើការណែនាំបងប្អូនប្រជាជន​ មិនចាំបាច់ទៅដល់មណ្ឌលដោយផ្ទាល់។

កម្មាភិបាលសង្កាត់បានអញ្ជើញមកដល់ផ្ទះលោក Triệu Đơn ជំនួយលោកពូអំពីសំណុំបែបបទដើម្បីទទួលរបបប្រាក់សោធននិវត្តន៍សង្គម។

បងស្រី Bùi Ngô Trúc Nhi សមាជិកអចិន្រ្តៃយ៍ សម្ព័ន្ធសង្កាត់ Bạc Liêu បានឱ្យដឹងៈ “ក្នុងអំឡុង ២សបា្តហ៍កន្លងហើយ សម្ព័ន្ធយុវជនសង្កាត់បានចាត់តាំងចំនួន ២២ លើកអញ្ជើញចុះទៅតាមគេហដ្ឋានរបស់លោកពូ អ្នកមីងដែលជួបលំបាកពិសេស ដើម្បីសម្រេចសំណុំបែបបទបានឆាប់រហ័សបំផុត។ ដែលភាគច្រើនលោកពូ អ្នកមីងទាំងអស់សុទ្ធតែសប្បាយរីករាយ​ជាពិសេសសម្តែងនូវក្តីសង្ឃឹមស្តីពីទម្រង់នៃរដ្ឋអំណាច ២ ថ្នាក់មួយថ្ងៃកាន់តែមានប្រសិទ្ធភាពថែមទៀត”។

សម្ព័ន្ធយុវជន ផ្សព្វផ្សាយពីគោលនយោបាយដែលយោងតាមអនុក្រិត្យលេខ ១៧៦ ​របស់​រដ្ឋាភិបាលលើភូមិសាស្ត្រសង្កាត់ Bạc Liêu។

ក្នុងលើកពិនិត្យថ្មីៗនេះនៅមជ្ឈមណ្ឌលរដ្ឋបាលសង្កាត់​ ថ្នាក់ដឹកនាំនៃក្រុមប្រឹក្សា​ប្រ​ជា​ជនខេត្ត បានវាយតម្លៃខ្ពស់ពីសកម្មភាពរបស់មជ្ឈមណ្ឌលក្នុងការដោះស្រាយ​សំណុំបែប​បទរដ្ឋបាលបានឆាប់រហ័ស​ និងប្រសិទ្ធភាពជូនបងប្អូនប្រជាជន។ សកម្មភាពទទួលសំណុំបែបបទនៅមជ្ឈម​ណ្ឌលរដ្ឋបាលសង្កាត់ Bạc Liêu តែងប្រពឹ្រត្តទៅដោយស្មារតីប្រញ៉ាប់ប្រញ៉ាល និងហ្មត់ចត់ជាទីបំផុត។

ក្រុមការងារនៃក្រុមប្រឹក្សាប្រជាជនខេត្ត ពិនិត្យនិងវាយតម្លៃខ្ពស់ចំពោះសកម្មភាពរបស់មជ្ឈ​មណ្ឌលរដ្ឋបាលសង្កាត់ Bạc Liêu។

យោងតាមស្ថិតិ លើភូមិសាស្រ្តសង្កាត់មានប្រមាណចំនួន ៩០០ មុខសញ្ញាដែលបាន​ទទួលឧបត្ថម្ភប្រាក់សោធននិវត្តន៍សង្គម បច្ចុប្បន្ន ភូមិភាគបានទទួល យក និងអាទិភាពសំណុំ​បែបបទរួចរាល់ជូនប្រមាណជាង ៩៧៥ សំណុំបែបបទដែរហើយ។ ឆ្លងតាមរយៈនៃសកម្មភាពជំនួយឧបត្ថម្ភរបស់មជ្ឈ​មណ្ឌល​​​​រដ្ឋបាល សម្ព័ន្ធយុវជនសង្កាត់កាន់តែបញ្ជាក់ភាពជិតស្និទ្ធនិងការទទួលខុសត្រូវរបស់​រដ្ឋអំណាចភូមិភាគ។ ទន្ទឹមនិងនោះបង្កើតនូវទំនុកចិត្តថែមទៀតចំពោះបងប្អូនប្រជាជនលើភូមិសាស្ត្រសម្រាប់គោលនយោបាយសុខមាលភាពសង្គម និងជឿជាក់ថែមទៀតចំពោះប្រជាជន​នៅភូមិដ្ឋានទៅក្នុង គោលនយោបាយសុខមាលភាពសង្គម៕

Hoàng Uyên - Anh Tuấn