Truyền hình
ប៉ុន្មានឆ្នាំកន្លងមកនេះ ដោយមានការយកចិត្តទុកដាក់យ៉ាងពិសេសរបស់បក្ស រដ្ឋ និងរដ្ឋអំណាចភូមិភាគ តាមរយៈកម្មវិធីគោលដៅជាតិ និងគោលនយោបាយជនជាតិ ទិដ្ឋភាពភូមិភាគនៃតំបន់ដែលមានជនរួមជាតិរស់នៅច្រើនកុះករក្នុងខេត្តកាន់តែមានភាពរីកចម្រើនគម្រប់វិស័យ។ សេដ្ឋកិច្ចអភិវឌ្ឍន៍ ជីវភាពរស់នៅរបស់បងប្អូនប្រជាជនក៏មានការលើកកម្ពស់ វិស័យវប្បធម៌ប្រពៃណីត្រូវបានអភិរក្ស និងពង្រីកផ្សព្វផ្សាយ។
ប្រពៃណីបុណ្យកឋិនទាននៅ Cà Mau និងបណ្តាពិធីបុណ្យផ្សេងៗខាងជំនឿសាសនា Khmer ក៏ត្រូវបានបងប្អូនជនរួមជាតិអភិរក្សយ៉ាងល្អផងដែរ។
ការអនុវត្តប្រកបដោយប្រសិទ្ធភាពនូវកម្មវិធីគោលដៅជាតិ អភិវឌ្ឍន៍សេដ្ឋកិច្ច-សង្គមតំបន់ជនជាតិភាគតិច និងតំបន់ភ្នំសម្រាប់ដំណាក់កាល ២០២១-២០៣០ និងគោលនយោបាយជនជាតិបានក្លាយជាប្រភពកម្លាំងដ៏សំខាន់ ជួយលើកកម្ពស់ជីវភាព សម្ភារៈ និងស្មារតីជូនប្រជា ជន។
គោលនយោបាយជាក់ស្តែង ពីការឧបត្ថម្ភដីលំនៅឋាន ការប្រែបន្លាស់មុខរបរ និងការផ្គត់ផ្គង់ទឹកស្អាតបានអនុវត្តធំទូលំទូលាយ ជួយឱ្យរាប់រយគ្រួសារមានជីវភាពនឹងនរ និងឆ្លងផុតពីភាពក្រីក្រទៀតផង។
ហេដ្ឋារចនាសម្ព័ន្ធនៅតំបន់មានជនរួមជាតិ Khmer រស់នៅច្រើនកុះករក៏ទទួលបានការវិនិយោគយ៉ាងខ្លាំងខ្លាផងដែរ។ ផ្លូវគមនាគមន៍ជនបទជាច្រើនខ្សែបានចាក់បេតុង ស្ពានថ្មីបានសាងសង់ បង្កើតលក្ខណៈអំណោយផលសម្រាប់ការធ្វើដំណើរ និងការដោះដូរមុខទំនិញ។ ប្រព័ន្ធសាលារៀនបានសាងសង់រឹងមាំ ធានានូវតម្រូវការសិក្សារបស់សិស្សានុសិស្ស។ ជាពិសេស ខេត្តបានបង្កើតសាលាសកលជនជាតិអន្តេវាសិក បង្កលក្ខណៈសិក្សាល្អបំផុតសម្រាប់កូនក្មួយជនរួមជាតិ។
ការថែទាំសុខភាពជូនបងប្អូនប្រជាជនក៏ទទួលបានយកចិត្តទុកដាក់ផងដែរ។ មាន ១០០% ជនរួមជាតិភាគតិចបានផ្តល់ប័ណ្ណធានារ៉ាប់រងសុខាភិបាលដោយមិនគិតប្រាក់។ បណ្តាញសុខាភិបាលមូលដ្ឋានបានពង្រឹង ធានាប្រជាជនអាចទទួលបានសេវាសុខាភិបាលមានគុណភាពនៅនឹងកន្លែង។
ទម្រង់បង្កបង្កើនផលមានប្រសិទ្ធភាពដូចជាការផលិតស្រូវគុណភាពខ្ពស់ ចិញ្ចឹមត្រីស្រែ និងរបរសិប្បកម្មប្រពៃណីបានលើកទឹកចិត្តឱ្យអភិវឌ្ឍន៍ ជួយប្រជាជនបង្កើនប្រាក់ចំណូល។ រដ្ឋអំណាចភូមិភាគក៏តែងបើកថ្នាក់បណ្តុះបណ្តាលផ្ទេរវិទ្យាសាស្ត្រ- បច្ចេកវិទ្យា ឧបត្ថម្ភបុលដើមទុនអាទិភាព ដើម្បីបងប្អូនមានលក្ខណៈពង្រីកសេដ្ឋកិច្ចគ្រួសារ។ អាស្រ័យហេតុនោះ អត្រាគ្រួសារក្រក្នុងជនរួមជាតិ Khmer បានថយចុះសមគួរ ឃុំជាច្រើនកាលពីមុនស្ថិតក្នុងបទដ្ឋានទុក្ខលំបាកខ្លាំង ឥឡូវនេះបានឈានឡើងសម្រេចស្តង់ដារជនបទថ្មីផងដែរ។
ទន្ទឹមនឹងនោះ ការអភិរក្ស និងពង្រីកផ្សាយអត្តសញ្ញាណវប្បធម៌របស់ជនរួមជាតិ Khmer តែងបានខេត្ត Cà Mau យកចិត្តទុកដាក់ជាពិសេស។ ប្រព័ន្ធវត្តអារាមព្រះពុទ្ធសាសនាទក្ខិណានិកាយ Khmer និងសាលាទាន មិនត្រឹមតែជាមជ្ឈមណ្ឌលនៃជំនឿ សាសនាប៉ុណ្ណោះទេ ប៉ុន្តែក៏ជាកន្លែងសម្រាប់រក្សា និងផ្សព្វផ្សាយតម្លៃវប្បធម៌ប្រពៃណីទៀតផង។ រដ្ឋបានវិនិយោគថវិកាដើម្បីជួសជុល កែលម្អវត្តអារាមជាច្រើន និងសាងសង់សាលាទានថ្មីៗ បង្កើតបរិយាកាសប្រជុំជីវភាពវប្បធម៌ ប្រាព្ធពិធីបុណ្យប្រពៃណីដ៏សមរម្យជូនបងប្អូនប្រជាជន។ ពិធីបុណ្យធំៗដូចជាបុណ្យចូលឆ្នាំថ្មី បុណ្យភ្ជុំបិណ្ឌ សែនដូនតា និងបុណ្យអកអំបុក សំពះព្រះខែ ត្រូវបានប្រារព្ធឡើងយ៉ាងអធិកអធម រីករាយ ទាក់ទាញប្រជាជន ចូលរួមយ៉ាងច្រើនកុះករ រួមចំណែកពង្រឹងចំណងសាមគ្គីភាពក្នុងភូមិស្រុក។
សកម្មភាពនៃការអភិរក្សភាសា និងអក្សរសាស្ត្រ Khmer នៅ Cà Mau ក៏ទទួលបានការយកចិត្តទុកដាក់យ៉ាងពិសេសផងដែរ។
ក្រៅពីនោះ ការបង្រៀន និងរៀនអក្សរ Khmerបានរក្សាជាប្រចាំនៅរដូវវិស្សមកាលនៅតាមវត្តអារាម និងសាលាទាន។ នេះជាកិច្ចខិតខំប្រឹងប្រែងដ៏សំខាន់មួយក្នុងការអភិរក្សភាសា និងអក្សររបស់ជនជាតិ ជួយក្មេងៗជំនាន់ក្រោយមិនឱ្យភ្លេចឫសគល់វប្បធម៌របស់ខ្លួន។ ទម្រង់សិល្បៈប្រពៃណីដូចជា៖ របាំ នាដសាស្រ្តយូរកេរ និងភ្លេងពិណពាទ្យ ក៏បានលើកទឹកចិត្តឱ្យអភិរក្ស និងអភិវឌ្ឍន៍ផងដែរ។
និយាយរួម ដោយការយកចិត្តទុកដាក់របស់បក្ស និងរដ្ឋ រួមជាមួយស្មារតីសាមគ្គី ការឧស្សាហ៍ព្យាយាម និង ច្នៃប្រឌិតរបស់ខ្លួន ជនរួមជាតិ Khmer ខេត្ត Cà Mau កំពុងឆ្ពោះទៅមុខយ៉ាងរឹងមាំលើមាគ៌ាកសាងជីវិត សុខដុំរមនា សុភមង្គល រួមចំណែកក្នុងការអភិវឌ្ឍន៍រួមរបស់ប្រទេសជាតិមាតុភូមិ៕
Thạch Đờ Ni
Xem thêm bình luận