ជីវភាពជនរួមជាតិបានលើកកម្ពស់អាស្រ័យគោលនយោបាយឧបត្ថម្ភ

កម្មវិធីគោលដៅជាតិសម្រាប់ការអភិវឌ្ឍន៍សេដ្ឋកិច្ច-សង្គមតំបន់ជនរួមជាតិភាគតិច និងតំបន់ភ្នំ ដំណាក់កាលឆ្នាំ ២០២១-២០២៥ (កម្មវិធី) ក៏ត្រូវបានឃុំ Khánh Lâm ឡឹមផ្សព្វផ្សាយអនុវត្តយ៉ាងមានប្រសិទ្ធភាព និងនាំមកនូវលទ្ធផលជាវិជ្ជមាន លើកកម្ពស់ជីវភាពសម្ភារៈ និងស្មារតីជូនបងប្អូនប្រជាជនជាលំដាប់។

បងស្រី Nguyễn Tuyết Mai នៅភូមិលេ៦ ឃុំ Khánh Lâm បានទទួលកម្មាភិបាលភូមិយ៉ាងរាក់ទាក់នៅក្នុគេហដ្ឋានថ្មីរបស់ខ្លួនដែលត្រូវបានរដ្ឋជំនួយឧបត្ថម្ភទឹកប្រាក់ចំនួន ៦៥ លានដុង។ បងស្រី Mai ក៏ជាគ្រួសារមួយក្នុងចំណោមគ្រួសារ Khmer ស្ថិតក្នុងបទដ្ឋាននៃគ្រួសារក្រដែលត្រូវបានរដ្ឋឧបត្ថម្ភផ្ទះយោងតាមកម្មវិធីផងដែរ។

ជាឃុំមួយដែលជួបលំបាកខ្លាំង មានចម្ងាយប្រហែល ៥០ គីឡូម៉ែត្រពីមជ្ឈមណ្ឌមខេត្ត Khánh Lâm មានភូមិសាស្ត្រធំទូលាយ និងមានជនរួមជាតិភាគតិចរស់នៅច្រើនដោយមាន ៧១៨ គ្រួសារ និងចំនួនប្រជាជន ៣.៥១៥ នាក់។ ប៉ុន្មានឆ្នាំកន្លងមក ប្រភពទុនវិនិយោគអភិវឌ្ឍន៍ និងដើមទុនបុព្វហេតុដែលស្ថិតក្នុងកម្មវិធីក៏ត្រូវបានផ្សព្វផ្សាយវិនិយោគយ៉ាងមានប្រសិទ្ធភាពលើភូមិភាគ ដែលលេចធ្លោជាងគេគឺ គម្រោងទី១ ទី៣ និងទី៤ នាំមកនូវលទ្ធផលគួរឱ្យកត់សម្គាល់ រួមចំណែកអភិវឌ្ឍសេដ្ឋកិច្ច-សង្គម និងលើកកម្ពស់ជីវភាពរបស់ប្រជាជន ព្រមទាំងធ្វើឱ្យមានការផ្លាស់ប្តូរមុខមាត់នៃតំបន់ជនបទ។

លោក Nguyễn Minh Cảnh ការិយាល័យសេដ្ឋកិច្ច បានឱ្យដឹងថា៖ “ឃុំបានចែកផែនការទុនវិនិយោគសាធារណៈរយៈពេលមធ្យម ដំណាក់កាលឆ្នាំ ២០២១-២០២៥ និងផែនការទុនវិនិយោគសាធារណៈសម្រាប់ឆ្នាំ ២០២៥ ដែលផ្តើមពីប្រភពទុននៃកម្មវិធីគោលដៅជាតិមានជាង ៧ ពាន់លានដុង។ ឆ្លងតាមនោះ ឃុំក៏បានឧបត្ថម្ភសាងសង់ផ្ទះចំនួន ១០៩ ខ្នង ព្រមទាំងឧបត្ថម្ភទឹកស្អាតសម្រាប់ប្រើប្រាស់ជូន ៤០ គ្រួសារ និងឧបត្ថម្ភការផ្លាស់ប្តូរមុខរបរជូន ៣៦ គ្រួសារ។ ហើយបើកថវិកាសម្រេច ១០០% នៃទុនដែលបានបែងចែក”។

ភូមិលេ៦ ជាភូមិមានជនរួមជាតិភាគតិចរស់នៅច្រើនរបស់ឃុំ ដោយមាន ២០៥ គ្រួសារ និងចំនួនប្រជាជន ១.៩០៥ នាក់។ តាមដំណើររបស់កម្មាភិបាលឃុំ យើងខ្ញុំបានចុះសួរសុខទុក្ខអំពីស្ថានភាពរស់នៅរបស់ប្រជាជនក្នុងភូមិ បានស្តាប់កម្មាភិបាលភូមិ និងបងប្អូនចែករំលែកដោយរីករាយអំពីប្រសិទ្ធភាពដែលកម្មវិធីនេះបាននាំមក។ អ្វីដែលគួរឱ្យរីករាយថែមទៀតនោះគឺ កម្មវិធីនេះបានរួមចំណែកក្នុងការកាត់បន្ថយភាពក្រីក្រ ដោយឡែកតែក្នុងឆ្នាំ ២០២៤ ភូមិបានកាត់បន្ថយគ្រួសារបានចំនួន ៣២ គ្រួសារ។

លោក Trần Thanh Sỹ លេខាសាខាបក្ស និងជាប្រធានភូមិលេ៦ ឱ្យដឹងថា៖ “អាស្រ័យគោលនយោបាយ និងគោលការណ៍ ឧបត្ថម្ភនានាយ៉ាងជាក់ស្តែងដល់ជនរួមជាតិដូចជា៖ កម្មវិធីលុបបំបាត់ផ្ទះបណ្ដោះអាសន្ន និងផ្ទះទ្រុឌទ្រោម។ ការឧបត្ថម្ភប៉ោតស្តុកទឹកសម្រាប់ប្រើប្រាស់ប្រចាំថ្ងៃ។ រួមជាមួយទម្រង់ ចិញ្ចឹមសត្វ ជ្រូក មាន់ ទា កន្លងមកក៏បានជួយឱ្យជីវភាពរបស់បងប្អូនមានភាពរីកចម្រើន”។

បន្ទាប់ពីមានផ្ទះថ្មីរឹងមាំ បងស្រី Nguyễn Thị Cầm ក៏បានបើកហាងលក់ដូរកំប៊ិចកំប៉ុកនៅផ្ទះដើម្បីរកប្រាក់ចំណូលបន្ថែមជូនគ្រួសារ។

បងស្រី Nguyễn Thị Cầm ភូមិលេខ៦ រីករាយថា៖ “ខ្ញុំជាជនពិការ ថែមទាំងមានជំងឺបេះដូងពីកំណើតទៀត។ គ្មានដីបង្កបង្កើនផល គ្រួសារខ្ញុំមានគ្នា ៣ នាក់ រស់នៅពឹងផ្អែកតែលើប្រាក់ឈ្នួលរបស់ប្តីខ្ញុំប៉ុណ្ណោះ ជីវភាពខ្វះមុខខ្វះក្រោយ ទើបការសង់ផ្ទះថ្មីគ្រាន់តែជាក្តីសុបិន្តប៉ុណ្ណោះ។ យល់បានស្ថានភាព រដ្ឋអំណាចភូមិភាគបានឧបត្ថម្ភដល់គ្រួសារ ៦៥ លានដុងសង់ផ្ទះ ឧបត្ថម្ភកូនជ្រូក ៤ ក្បាលបន្ថែមទៀតសម្រាប់ការចិញ្ចឹម។ ប្តីប្រពន្ធខ្ញុំ រីករាយខ្លាំងណាស់ សន្យានឹងខិតខំពលកម្មឈានឡើង”។

ក្រៅពីនោះ តាមរយៈប្រភពទុនកម្មវិធី ឃុំ Khánh Lâm បាននិងកំពុងបានអនុវត្តយ៉ាងមានប្រសិទ្ធភាពនូវរាល់ទម្រង់របរចិញ្ចឹមជីវិត ព្រមទាំងឧបត្ថម្ភជ្រូកពូជ និងចមណីសម្រាប់សត្វចិញ្ចឹមសជូនគ្រួសារក្រ និងគ្រួសារប្រកៀកបន្ទាត់ក្រ ជួយឱ្យបងប្អូនមានប្រភពប្រាក់ចំណូលបន្ថែម លំនឹងជីវភាពរស់នៅ។​

មិនត្រឹមតែយកចិត្តទុកដាក់លំនៅឋាន និងឧបត្ថម្ភការបង្កើតមុខរបរប៉ុណ្ណោះទេ ឃុំ Khánh Lâm ថែមទាំងបានវិនិយោគហេដ្ឋារចនាសម្ព័ន្ធចាំបាច់មួយចំនួនសម្រាប់បម្រើសម្រាប់ការផលិត និងជីវភាពរបស់ជនរួមជាតិភាគតិចទៀតផង។ ដំណាក់កាលឆ្នាំ ២០២១-២០២៥ និងផែនការវិនិយោគសាធារណៈឆ្នាំ ២០២៥ ទឹកប្រាក់សរុបដែលបានបែងចែកគឺមានចំនួនជាង ៦ ពាន់លានដុង ដោយឃុំបានដាក់ចេញនូវការសាងសង់ ជួសជុល បង្កើនភាព នូវសំណង់ និងគម្រោងចំនួន ១៥ របស់ឃុំ។

ឃុំ Khánh Lâm ថែមទាំងបានសហការជាមួយសាលាបង្រៀនវិជ្ជាជីវៈនានា និងរៀបចំថ្នាក់បង្រៀនកាត់ដេរជូបបងប្អូននារីឋិដែលមានេះជីវភាពក្រីក្រ និងប្រកៀកបន្ទាត់ក្រ ព្រមទាំងគ្រួសារជួបលំបាកពិសេសទៀតផង។

លោក Nguyễn Minh Cảnh បានវាយតម្លៃថា៖ “យោងតាមការអនុវត្តគម្រោងផ្សេងៗរបស់កម្មវិធីនេះក៏បាននាំមកនូវប្រសិទ្ធភាព។ ហេដ្ឋារចនាសម្ព័ន្ធកាន់តែការអភិវឌ្ឍ អត្រាគ្រួសារក្រ និងហៀបគ្រួសារបានថយចុះជារៀងរាល់ បង្កើតការងារនៅនឹងកន្លែងសម្រាប់ពលករនៅជនបទ។ មុខមាត់ជនបទរីកសម្រស់ ជីវភាពសម្ភារៈ និងស្មារតីរបស់ប្រជាជនលើកកម្ពស់”។

ច្បាមជាប់គោលការណ៍ ពង្រីកស្មារតីទទួលខុសត្រូវខ្ពស់ ឃុំ Khánh Lâm បានរៀបចំ អនុវត្តកម្មវិធីគោលដៅជាតិអភិវឌ្ឍន៍សេដ្ឋកិច្ច-សង្គមតំបន់ជនរួមជាតិភាគតិច ស្របតាមវត្ថុបំណងរបស់ប្រជាជន ជួយររាប់រយគ្រួសារបង្កើនប្រាក់ចំណូល ប្រើប្រាស់ដើមទុនចំគោលដៅ និងមានប្រសិទ្ធភាព ឈានឡើងជាលំដាប់ កសាងជីវភាពសុខក្សេមក្សាន្ត និងសុភមង្គល៕

Quỳnh Anh - Chí Linh