ផ្តល់ភាពកក់ក្តៅសម្រាប់អ្នកក្រ

ប៉ុន្មានឆ្នាំកន្លងមកនេះ សមាគមកាកបាទក្រហមខេត្ត បានអនុវត្តកម្មវិធីសាងសង់ ផ្ទះកាកបាទក្រហម ដោយគោលដៅដើម្បីជំនួយឧបត្ថម្ភគ្រួសារក្រីក្រ គ្រួសារជួបលំបាកពិសេស ព្រមទាំងមនុស្សចាស់ទុគ៌ត និងជនពិការ។ល។ ដើម្បីមានលំនៅឋាននឹងនរ។ នេះគឺជាកម្មវិធីដែលប្រកបដោយទឹកចិត្តមនុស្សធម៌យ៉ាងជ្រាលជ្រៅ បង្ហាញពីស្មារតីសាមគ្គីជួយគ្នាក្នុងគ្រាក្រសម្រាប់អ្នកខ្វះសំណាង។

ក្តីរីករាយរបស់ប្តីប្រពន្ធបង Mai Thanh Dễ និងបងស្រី Nguyễn Thị Ngọc Dũng ពេលផ្ទះថ្មីបានសង់សម្រេច។

ដើម្បីអនុវត្តកម្មវិធីនេះ សមាគមបានសកម្មចលនាទឹកចិត្តសប្បុរសជន អាជីវករ អង្គការចាត់តាំងសង្គម និងអង្គភាពទាំងក្នុងនិងក្រៅខេត្ត ប្រមូលផ្តុំធនធាននិងរួមដំណើរជាមួយភូមិភាគតាំងពីការស្ទង់មតិ ជ្រើសរើសមុខសញ្ញា ចលនាថវិកា រហូតដល់ដំណើរការសាងសង់ ត្រួតពិនិត្យ សម្រេចការសាងសង់ផ្ទះ។

បងស្រី Mạc Thị Hằng គណៈឃោសនានិងចលនាប្រភពកម្លាំងឧបត្ថម្ភនៃសមាគមកាកបាទក្រហមខេត្ត បានឱ្យដឹង៖ “សមាគមរួមជាមួយរដ្ឋអំណាចភូមិភាគគ្រប់ជាន់ថ្នាក់ បានចលនាសប្បុរសជនទាំងក្នុងនិងក្រៅខេត្តជំនួយឧបត្ថម្ភផ្ទះចាប់ពី ៥-៧ ខ្នងក្នុងមួយឆ្នាំ ដោយផ្ទះនីមួយៗមានតម្លៃពី ៥០-៧០ លានដុង ហើយចំនួនទឹកប្រាក់ដែលនៅសេសសល់គឺដោយគ្រួសារឬភូមិភាគធ្វើទុល្យភាព។ ផ្តើមពីនោះ ក៏បង្កើតលក្ខណៈសម្រាប់គ្រួសារក្រ ប្រកៀកបន្ទាត់ក្រ និងអ្នកមានជំងឺដម្កាត់មានផ្ទះថ្មីស្នាក់នៅធានាសុវត្ថិភាព”។

បណ្តាផ្ទះដែលទទួលបានពីការឧបត្ថម្ភរបស់សមាគមកាកបាទក្រហម ក៏បានជួយឧបត្ថម្ភដល់ស្ថានភាពគ្រួសារដោយឡែក ប៉ុន្តែសុទ្ធតែមានចំណុចរួមមួយដូចគ្នា គឺពោរពេញដោយក្តីស្រឡាញ់ ចែករំលែក ព្រមទាំងការជួយគាំពាររបស់សហគមន៍។

គ្រួសារបង Lê Văn Hùng និងបងស្រី Huỳnh Thị Chưởng នៅភូមិ Gò Cát ឃុំ Long Điền គឺជាគ្រួសារប្រកៀកបន្ទាត់ក្រ គ្មានដីផលិត រាល់ថ្ងៃប្តីប្រពន្ធបងប្រកបរបរខាងនេសាទតាមក្បែរឆ្នេរសមុទ្រ ប្រាក់ចំណូលថ្ងៃមានថ្ងៃអត់។ ចំណែកផ្ទះក៏ត្រូវទ្រុឌទ្រោម មិនអាចធានាសុវត្ថិភាព ប៉ុន្តែបងទាំងពីរគ្មានប្រាក់ដើម្បីកែជួសជុលឡើយ។ ដោយទទួលបានការឧបត្ថម្ភរបស់សមាគមកាកបាទក្រហមខេត្ត ពេលនេះគ្រួសារបងក៏មានផ្ទះថ្មីសម្រាប់ស្នាក់នៅ ដោយមានកម្រាលឥដ្ឋការ៉ូ និងដំបូលស័ង្កសីដ៏រឹងមាំទៀតផង។

អាស្រ័យការឧបត្ថម្ភផ្ទះរបស់សមាគមកាកបាទក្រហមក៏បានជួយបងស្រី Huỳnh Thị Chưởng ភូមិ Gò Cát ឃុំ Long Điền មានផ្ទះថ្មីដ៏រឹងមាំសម្រាប់ស្នាក់នៅ។

បងស្រី Huỳnh Thị Chưởng រំភើបចិត្តនិយាយថា៖ “ខ្ញុំពិតជាសប្បាយចិត្តខ្លាំងណាស់ដែលបានសមាគមកាកបាទក្រហមយកចិត្តទុកដាក់ជំនួយឧបត្ថម្ភសង់ផ្ទះថ្មី។ ផ្ទះនេះមិនត្រឹមជាកន្លែងជ្រកក្តៅ ជ្រកភ្លៀងប៉ុណ្ណោះទេ ថែមទាំងជាប្រភពកម្លាំងចិត្តដ៏ធំធេង ជួយគ្រួសារខ្ញុំកាន់តែមានកម្លាំងចិត្តថែមទៀត ដើម្បីឆ្លងកាត់ទុក្ខលំបាក ឈានឡើងលំនឹងជីវភាព”។

ជាអ្នករស់នៅភូមិ Gò Cát ដូចគ្នា គ្រួសារបងស្រី Nguyễn Thị Thu Nở ជាគ្រួសារក្រ មានសមាជិក ៥ នាក់រស់នៅក្នុងផ្ទះទ្រុឌទ្រោម ដំបូលប្រក់ស្លឹកដាច់ដាច ហើយគ្មានលទ្ធភាពដើម្បីសាងសង់ថ្មី។ បន្ទាប់ពីពេលបានសមាគមកាកបាទក្រហមខេត្តឧបត្ថម្ភផ្ទះ គ្រួសារគាត់មានផ្ទះថ្មីស្នាក់នៅប្រកបដោយភាពកក់ក្តៅផងដែរ។ បងស្រី Nở មានប្រសាសន៍៖ "គ្រួសារខ្ញុំតែងប្រាថ្នាចង់បានផ្ទះថ្មីមួយនឹងគេ ប៉ុន្តែដោយសារស្ថានភាពសេដ្ឋកិច្ចលំបាកពេក ទើបគ្មានប្រាក់សាងសង់បាន។ ពេលនេះបានសមាគមកាកបាទក្រហមខេត្តជំនួយឧបត្ថម្ភ ប្តីប្រព​ន្ធខ្ញុំត្រេកអរណាស់ ពីពេលនេះទៅ មានផ្ទះនៅប្រកបដោយសុវត្ថិភាព មិនចាំបាច់ព្រួយបារម្ភរឿងភ្លៀងលេច ខ្យល់បក់ទៀតទេ។ គ្រួសារខ្ញុំសូមថ្លែងអំណរគុណសម្រាប់អ្នកដែលបានជំនួយឧបត្ថម្ភទាំងឡាយគ្រប់រូប"។

គ្រួសារបងស្រី Nguyễn Thị Thu Nở មានផ្ទះថ្មីជំនួសឱ្យផ្ទះប្រក់ស្លឹកទ្រុឌទ្រោមកាលពីមុន។

ក្តីសោមនស្សរីករាយក៏បានមកដល់ប្តីប្រពន្ធបង Mai Thanh Dễ និងបងស្រី Nguyễn Thị Ngọc Dũng នៅអនុសង្កាត់លេខ៧ សង្កាត់ Láng Trà។ ជាគ្រួសារគ្មានដីបង្កបង្កើនផល ពឹងផ្អែកលើតែការឈ្នួលធ្វើទ្វារញ៉ូមរបស់ប្តី រីឯគាត់គ្មានមុខរបរអ្វីពិតប្រាកដនោះទេ នៅផ្ទះមើលថែកូនតូចៗ ជីវភាពជួបលំបាក។ "ទទួលបានការឧបត្ថម្ភផ្ទះ ប្តីប្រពន្ធខ្ញុំសប្បាយចិត្តណាស់ ពីព្រោះបើពឹងផ្អែកលើតែការសន្សំសំចៃ មិនដឹងជាដល់ពេលណាទើបមានប្រាក់គ្រប់គ្រាន់សម្រាប់សង់ផ្ទះនោះទេ" បង Dễ រៀបរាប់។

ផ្ទះកាកបាទក្រហម​ទាំងនេះបាននិងកំពុងរីកសាយមនោសញ្ចេតនាមនុស្សជាតិជួយឧបត្ថម្ភសម្ភារៈលើកទឹកចិត្តស្មារតី ជួយគ្រួសារលំបាកមានលក្ខណៈរស់នៅល្អជាង ឈានឡើងក្នុងជីវភាព រួមចំណែកកាត់បន្ថយភាពក្រីក្រ និងធានាសុខុមាលភាពសង្គមប្រចាំភូមិភាគ៕

Quỳnh Anh-  Ngọc  Quyên