លើកកម្ពស់ស្ថានភាពរាងកាយ និងកេរ្តិ៍ឈ្មោះរបស់ជនជាតិភាគតិច

កម្មវិធីគោលដៅជាតិសម្រាប់ការអភិវឌ្ឍសេដ្ឋកិច្ច-សង្គមនៅតំបន់ជនជាតិភាគតិច និងតំបន់ភ្នំ ដំណាក់កាលឆ្នាំ ២០២១-២០២៥ (កម្មវិធីគោលដៅជាតិ ១៧១៩) មានអត្ថន័យសង្គមដ៏ធំធេង។ ក្នុងនោះ គម្រោងទី ៧ ស្ថិតក្រោមកម្មវិធីនេះ គឺផ្តោតលើការថែទាំសុខភាពប្រជាជន ការលើកកម្ពស់ស្ថានភាពរាងកាយ និងកម្ពស់របស់ជនជាតិភាគតិច និងការការពារកង្វះអាហារូបត្ថម្ភចំពោះកុមារ។

ការចាក់វ៉ាក់សាំងសម្រាប់កុមារក្នុងរយៈពេល ១.០០០ ថ្ងៃដំបូងបន្ទាប់ពីសម្រាលត្រូវបានមណ្ឌលសុខភាពឃុំ Nguyễn Phích អនុវត្តយ៉ាងម៉ឺងម៉ាត់ និងត្រឹមត្រូវតាមការកំណត់។

ក្នុងការអនុវត្តគម្រោងទី ៧ ដោយការប្តេជ្ញាចិត្ត និងការខិតខំប្រឹងប្រែង ឃុំ Nguyễn Phích  សម្រេចបានលទ្ធផលគួរឱ្យកត់សម្គាល់ជាច្រើន រួមចំណែកធានាសន្តិសុខសង្គម និងជំរុញការអភិវឌ្ឍសេដ្ឋកិច្ច-សង្គមនៅមូលដ្ឋានទៀតផង។

គោលដៅចម្បងនៃគម្រោងទី ៧ គឺកែលម្អសុខភាព និងគុណភាពរស់នៅរបស់បងប្អូនប្រជាជន ជាពិសេសស្ត្រី និងកុមារនៅតំបន់ជនជាតិភាគតិច តាមរយៈការលើកកម្ពស់សមត្ថភាព និងប្រព័ន្ធសុខាភិបាលមូលដ្ឋាន ការបណ្តុះបណ្តាលធនធានមនុស្ស ការកង្វះអាហារូបត្ថម្ភ និងកែលម្អអាហារូបត្ថម្ភសម្រាប់កុមារគម្រប់ ១.០០០ ថ្ងៃដំបូងបន្ទាប់ពីសម្រាល។

ដោយគោលដៅខាងលើ មណ្ឌលសុខភាពឃុំង្វៀភិតបានជំនួយឧបត្ថម្ភបង្កើន អាហារូបត្ថម្ភតាមរយៈសកម្មភាពពិគ្រោះយោបល់ និងផ្សព្វផ្សាយអំពីអាហារូបត្ថម្ភសម្រាប់កុមារ ព្រមទាំង ស្ត្រីមានផ្ទៃពោះត្រូវបានបន្ថែមវីតាមីនចម្រុះតាំងពីពេលដឹងថាមានផ្ទៃពោះរហូតដល់ពេលសម្រាល ដែលរួមមានទាំងប្រភពផ្តល់ជូនដោយឥតគិតថ្លៃពីកម្មវិធី។

យោងតាមវេជ្ជបណ្ឌិតឯកទេស កម្រិត II លោក Trần Minh Tru ប្រធានមណ្ឌលសុខភាពឃុំ Nguyễn Phích: “តាមរយៈការអនុវត្តគម្រោងទី ៧ ជាទូទៅ គោលដៅតាមផែនការនៃដំណាក់កាលនេះភាគច្រើនគឺសម្រេចបានល្អ។ ចំនួនស្ត្រីមានផ្ទៃពោះដែលបានមកពិនិត្យសុខភាពតាមកាលកំណត់ក៏មានការកើនឡើង។ អត្រាកុមារអាយុក្រោម ៥ ឆ្នាំដែលខ្វះអាហារូបត្ថម្ភប្រភេទស្គមបានថយចុះ។ កម្មវិធីគោលដៅជាតិ ៧១៩ បានរួមចំណែកក្នុងការថែទាំសុខភាពប្រជាជន លើកកម្ពស់ស្ថានភាពរាងកាយ និងលើកកម្ពស់ការរស់នៅរបស់បងប្អូនជនជាតិភាគតិច និងកង្វះអាហារូបត្ថម្ភចំពោះកុមារ។ ឥទ្ធិពលពីគម្រោងទី ៧ បានបង្កើតលក្ខខណៈអំណោយផល បងប្អូនជនជាតិភាគតិចដែលមិនអាចទទួលបានសេវាសុខាភិបាលទំនើប មានចំណេះដឹង ហើយតាមរយៈនោះ ការយល់ដឹងអំពីតម្រូវការថែទាំសុខភាពសម្រាប់ខ្លួនឯង ព្រមទាំងគ្រួសារ និងអ្នកជំនាន់ក្រោយត្រូវបានបងប្អូនយកចិត្តទុកដាក់”។

បុគ្គលិកមណ្ឌលសុខភាពណែនាំពីវិធីវិធីសាស្ត្រចិញ្ចឹមថែទារក និងរបបអាហារូបត្ថម្ភសម្រាប់ស្ត្រីដែលកំពុងមានកូនខ្ចី។

គំរូអាហារូបត្ថម្ភក្នុងរយៈពេល ១.០០០ ថ្ងៃដំបូងបន្ទាប់ពីសម្រាលមានអត្ថន័យសំខាន់ ដោយផ្តល់ចំណេះដឹងដល់ម្តាយដែលកំពុងមានផ្ទៃពោះ អ្នកម្តាយដែលមានកូនខ្ចី ដើម្បីផ្លាស់ប្តូរផ្នត់គំនិត ចំណេះដឹង និងរបៀបចិញ្ចឹមកូន ដោយផ្អែកលើអាហារដែលមានជាតិបំប៉នស្រាប់នៅតាមគ្រួសារនីមួយៗ...។

បងស្រី Đoàn Ngọc Tâm នៅភូមិលេខ៤ ឃុំ Nguyễn Phích បានឱ្យដឹង៖ “ពេលមានផ្ទៃពោះ ខ្ញុំត្រូវបានបុគ្គលិកសុខាភិបាលនៅមណ្ឌលសុខភាពពិគ្រោះយោបល់ និងណែនាំអំពីវិធានការថែទាំគភ៌រហូតដល់ពេលសម្រាល។ ឥឡូវនេះ កូនរបស់ខ្ញុំមានអាយុជាង ១២ ខែហើយ។ ខ្ញុំត្រូវបានបុគ្គលិកសុខាភិបាលណែនាំពីវិធីចិញ្ចឹមកូនដោយទឹកដោះម្តាយ របបអាហារូបត្ថម្ភ ព្រមទាំងរំលឹកពីពេលវេលាចាក់វ៉ាក់សាំងឱ្យបានត្រឹមត្រូវតាមកំណត់។ ដោយសារការយកចិត្តទុកដាក់ និងការជំនួយឧបត្ថម្ភពីបុគ្គលិកសុខាភិបាល ទើបកូនរបស់ខ្ញុំមានសុខភាពល្អ និងមានប្រព័ន្ធការពាររាងកាយបានរឹងមាំល្អ”។

ក្រៅពីការអនុវត្តមានប្រសិទ្ធភាពនូវការលើកកម្ពស់ស្ថានភាពរាងកាយ និងកែលម្អអាហារូបត្ថម្ភសម្រាប់កុមារ ព្រមទាំងកាត់បន្ថយអត្រាមរណភាពរបស់មាតា និងទារក កែលម្អសុខភាព លើកកម្ពស់កាយសម្បទា និងអាយុជីវិតរបស់ជនជាតិភាគតិច។ គម្រោងទី ៧ ក៏ផ្តោតលើការផ្សព្វផ្សាយ ពិគ្រោះយោបល់ និងចលនាបងប្អូនអំពីផែនការគ្រួសារ ជាពិសេសការថែទាំសុខភាពសម្រាប់បន្តពូជ។

ជាទៀងទាត់រៀងរាល់ ២ ត្រីមាសតែងមាន ៤ លើក បុគ្គលិកសុខាភិបាលដែលទទួលបន្ទុកគម្រោងទី ៧ របស់មណ្ឌលសុខភាពបានសហការរៀបចំកម្មវិធីផ្សព្វផ្សាយអំពីអាហារូបត្ថម្ភ និងការថែទាំសុខភាពជូនម្តាយមាតា និងទារក។

វេជ្ជបណ្ឌិតឯកទេសកម្រិឹត II លោក Trần Minh Tru បានឱ្យដឹងបន្ថែមថា៖ “បច្ចុប្បន្ន មណ្ឌលសុខភាពមានបុគ្គលិកសុខាភិបាល ១៣ នាក់ ក្នុងនោះមានវេជ្ជបណ្ឌិត ៤ នាក់ បុគ្គលិកសុខាភិបាលភូមិ ៤៧ នាក់ និងអ្នកស្ម័គ្រចិត្តផ្នែកប្រជាសាស្ត្រ ២៩ នាក់។ នេះជាលក្ខខណ្ឌអំណោយផលដើម្បីឱ្យប្រជាជននៅតំបន់ជនជាតិភាគតិចបានទទួលសេវាសុខាភិបាល និងការថែទាំសុខភាពបឋមនៅមូលដ្ឋានផ្ទាល់”៕

Quỳnh Anh