ការផ្លាស់ប្តូរយ៉ាងធំពីគោលនយោបាយឧបត្ថម្ភជនជាតិភាគតិច

មកកាន់តំបន់ដែលមានបងប្អូនជនរួមជាតិភាគតិចរស់នៅច្រើន ក៏មានការផ្លាស់ប្តូរយ៉ាងសកម្មណាសឮដែរ តាំងពីមុខមាត់ជនបទរហូតដល់គុណភាពរសនៅរបស់បងប្អូនប្រជាជន។ លទ្ធផលនេះត្រូវបានជំរុញដោយឆន្ទៈក្នុងការឈានឡើង និងស្មារតីមិនទន្ទឹងរង់ចាំលើជំនួយឧបត្ថម្ភរបស់បងប្អូនប្រជាជន និងជាពិសេសការឧបត្ថម្ភទាន់ហេតុការណ៍របស់បណ្តាកម្មវិធី និងគម្រោងគិតគូរ និងអភិវឌ្ឍតំបន់ជនជាតិភាគតិច។

លោក Huỳnh Quốc Việt អនុលេខាប្រចាំការបក្ស ប្រធានគណៈកម្មាធិការរណសិរ្សមាតុភូមិ Việt Nam ខេត្ត Cà Mau ប្រគេនអំណោយវត្តកោះដូង ឃុំ Vĩnh Phước ក្នុងឱកាសបុណ្យភ្ជុុំបិណ្ឌ សែនដូនតា ឆ្នាំ២០២៥។

ដោយកំណត់ការងារជនជាតិភាគតិចជាភារកិច្ចដ៏សំខាន់មួយដើម្បីបង្កើត "អានុភាព" ដើម្បីកែលម្អគុណភាពរស់ននៅសម្រាប់ប្រជាជន បន្ទាប់ពីការរួមបញ្ចូលគ្នារបស់ខេត្ត នាយកមន្ទីរជនជាតិ និងសាសនាបានធ្វើឱ្យគម្រោងជាក់ស្តែងក្រោមកម្មវិធីគោលដៅជាតិសម្រាប់ការអភិវឌ្ឍតំបន់ជនជាតិភាគតិចលើភូមិសាស្ត្រខេត្ត។ ចាប់តាំងពីដើមឆ្នាំរហូតមក អង្គភាពនេះបានបញ្ចប់ភារកិច្ចនៃគម្រោងទី ១ ស្តីពីការដោះស្រាយកង្វះខាតខាងលំនៅដ្ឋាន ដីផលិត និងទឹកស្អាតសម្រាប់ប្រើប្រាស់។ ផ្តើមពីគោលនយោបាយនេះ គ្រួសារជនជាតិភាគតិចក្រីក្រជាង ៣៨០ គ្រួសារដែលមានការលំបាកខាងលំនៅដ្ឋានបានសម្រេចក្តីស្រមៃរបស់ខ្លួនក្នុងការសាងសង់លំនៅឋានថ្មីដ៏រឹងមាំ។ ជាមួយគ្នានេះដែរមាន ៣៦ គ្រួសារទទួលបានការឧបត្ថម្ភដីលំនៅឋាន។ គម្រោងវិនិយោគចំនួន ៧ ក្នុងការអភិវឌ្ឍផលិតកម្ម បានជួយគ្រួសារជាច្រើនមានស្ថិរភាពលំនៅឋានរបស់សម្រាប់រៀងៗខ្លួន ព្រមទាំងមានលក្ខណៈដើម្បីអភិវឌ្ឍសេដ្ឋកិច្ចគ្រួសារ ឈានឡើងក្នុងជីវភាព។

ជនរួមជាតិ Khmer នៅសង្កាត់ Hiệp Thành បានចូលជិតការបុលទុនអនុគ្រោះសម្រាប់អភិវឌ្ឍន៍ផលិត។

ក្នុងដំណើរការអញ្ជើញ​ទៅសួរសុខទុក្ខ និងប្រគេនអំណោយតាមវត្ត Khmer នាឱកាសបុណ្យភ្ជុំបិណ្ឌ សែនដូនតា ឆ្នាំ២០២៥ កន្លងហើយ លោក Huỳnh Quốc Việt​ សមាជិកបម្រុងនៃគណៈប្រតិបត្តិការមជ្ឈិមបក្ស អនុលេខាអចិន្ត្រៃយ៍ប្រចាំការបក្ខភាគខេត្ត ប្រធានគណៈកម្មាធិការរណសិរ្សមាតុភូមិ Việt Nam ខេត្ត បានបញ្ជាក់ថា ការគិតគូរ និងយកចិត្តទុកដាក់អភិវឌ្ឍន៍តំបន់ដែលមានប្រជាជន Khmer រស់នៅច្រើន តែងទទួលបានការយកចិត្តទុកដាក់ជាពិសេសពីបណ្តាកម្មបិធីគោលដៅជាតិគ្រប់កម្រិត និងគ្រប់វិស័យ តាមរយៈកម្មវិធីគោលដៅជាតិ គម្រោងវិនិយោគលើហេដ្ឋារចនាសម្ព័ន្ធដឹកជញ្ជូន ការអភិវឌ្ឍជីវភាពរស់នៅ ការកែលម្អគុណភាពនៃការថែទាំសុខភាព ការអប់រំ ការអភិរក្ស និងលើកកម្ពស់អត្តសញ្ញាណវប្បធម៌។ កន្លងហើយ ខេត្ត Cà Mau បានបញ្ចប់កម្មវិធីលុបបំបាត់ផ្ទះបណ្តោះអាសន្ន និងទ្រុឌទ្រោម ដើម្បីជួយប្រជាជនខ្មែរតាំងទីលំនៅ និងកែលម្អជីវិតរបស់ពួកគេ។

មិនត្រឹមតែផ្តោតលើការថែទាំសម្ភារៈប៉ុណ្ណោះទេ គ្រប់កម្រិត និងគ្រប់វិស័យក៏យកចិត្តទុកដាក់ក្នុងការអនុវត្តការឃោសនា និងការផ្សព្វផ្សាយគោលនយោបាយច្បាប់សម្រាប់ជនជាតិភាគតិច ដើម្បីបង្កើតការផ្លាស់ប្តូរការយល់ដឹង និងសកម្មភាព រួមចំណែកដល់ការកសាងជីវិតស៊ីវិល័យ ទំនើប និងសប្បាយរីករាយ។ ជាធម្មតា នាយកដ្ឋានជនជាតិភាគតិច និងសាសនា បានរៀបចំវគ្គបណ្តុះបណ្តាលចំនួន ៨ វគ្គ ផ្សព្វផ្សាយ និងលើកកម្ពស់ចំណេះដឹងផ្នែកច្បាប់ស្តីពីសមភាពយេនឌ័រ។ វគ្គបណ្តុះបណ្តាលចំនួន ៣ វគ្គ ផ្សព្វផ្សាយចំណេះដឹងស្តីពីការបង្ការ និងគ្រប់គ្រងគ្រឿងញៀនសម្រាប់កម្មាភិបាលទទួលបន្ទុកខាងកិច្ចការងារជនជាតិភាគតិច និងសម្រាប់ខាងការងារផ្សព្វផ្សាយនៅភូមិភាគ រួមជាមួយអ្នកមុខអ្នកការសាសនា និងអ្នកមានកិត្យានុភាពទៀតផង។

ទូទាំងខេត្តមានបើកបាន ៣០ ថ្នាក់បង្រៀនអក្សរ Khmer ឱកាសវិស្សមកាលជូនប្អូនៗសិស្សានុសិស្ស។

អនុវត្តគោលនយោបាយស្តីពីការអភិរក្ស និងព្រីកអត្តសញ្ញាណវប្បធម៌ជាតិ ខេត្តបានបែងចែកថវិកាចំនួន ៦៨៩ លានដុង ដើម្បីរៀបចំការបង្រៀន និងរៀនអក្សរ Khmer អក្សរចិនក្នុងឱកាសវិស្សមកាលឆ្នាំ ២០២៥។ រដូវកន្លងហើយ ទូទាំងខេត្តបើកទីតាំងសម្រាប់បង្រៀនអក្សរ Hoa បានចំនួន ១ ទីតាំងសម្រាប់សិស្ស ៦៤ នាក់ ព្រមទាំង ២៣ ទីតាំងបង្រៀនអក្សរខ្មែរដោយទាក់ទាញសិស្សចូលរួមប្រមាណជាង ៦០០ នាក់។ សម្រាប់ក្នុងឱកាសបុណ្យប្រពៃណីរបស់ជនជាតិភាគតិចវិញ គណៈកម្មាធិការបក្សខេត្ត ក្រុមប្រឹក្សាប្រជាជន គណៈកម្មាធិការរណសិរ្សមាតុភូមិ Việt Nam ខេត្ត បានចាត់តាំងយ៉ាងច្រើនក្រុមដើម្បីទៅសួរសុខទុុក្ខ និងប្រគេន និងជូនអំណោយសមាគមព្រះសង្ឃសាមគ្គីស្នេហាជាតិខេត្ត រួមទាំងអស់អស់ចំនួន ២៨ ​វត្តទក្ខិណានិកាយ Khmer រួមទាំង ១១ សាលាទាន និងកម្មាភិបាលចូលនិវត្តន៍ គ្រួសារក្រីក្រ ប្រកៀកបន្ទាត់ក្រ ព្រមទាំងគ្រួសារគោលនយោបាយ និងសិស្សសាលាជាដើម។

ហេដ្ឋារចនាសម្ព័ន្ធដឹកជញ្ជូន និងលំនៅឋានរបស់បងប្អូនជនរួមជាតិ Khmer ឃុំ Hưng Hội មួយថ្ងៃកាន់តែមានភាពធំទូលាយស្អាត។

មិនត្រឹមតែការស្របតាមឆន្ទៈរបស់បក្ស និងបំណងប្រាថ្នារបស់ប្រជាជនប៉ុណ្ណោះទេ គោលនយោបាយទាំងនេះត្រូវបានអនុវត្តយ៉ាងឆាប់រហ័ស និងជាក់ស្តែងជាមួយការពិត ដោយជួយធ្វើឱ្យផ្លាស់ប្តូរមុខមាត់តំបន់ជនជាតិភាគតិចទូទាំងខេត្ត ហើយជីវភាពបងប្អូនប្រជាជនក៏មានភាពប្រសើរឡើងដែរ។ ផ្តើមពីនោះ បានរួមចំណែកដល់ការកសាងទំនុកចិត្ត និងពង្រឹងផែនមហាសាមគ្គីទូទាំងជនជាតិ ព្រមទាំងរំលឹកឡើងវិញនូវតម្រូវការខាងស្មារតីប្រឡងប្រណាំង និងលះបង់ក្នុងជនរួមជាតិភាគតិច៕

Hữu Thọ