ធានានូវវឌ្ឍនភាពនៃកម្មវិធីគោលដៅជាតិ

បន្ទាប់ពីការរួមបញ្ចូលគ្នា និងដំណើរការនៃទម្រង់រដ្ឋាភិបាលភូមិភាគ ២ ថ្នាក់។ ថ្នាក់ខេត្តបានពង្រឹងគណៈកម្មាធិការចង្អុលការណែនាំកម្មវិធីគោលដៅជាតិដំណាក់កាល ២០២១-២០២៥ ធានាឱ្យមានការឯកភាព ស្ថិរភាពក្នុងការដឹកនាំ និងទិសដៅចាប់ពីខេត្តរហូតដល់ភូមិភាគ។

នាពេលកន្លង​ រួមជាមួយនឹងស្ថាប័នគ្រប់គ្រងកម្មវិធីគោលដៅជាតិ សមាគមសហព័ន្ធនារីទូទាំងខេត្តសកម្មចូលរួមកសាងជនបទថ្មី បង្កើតបរិស្ថានស្រស់ស្អាតសម្រាប់តំបន់ជនប។

ដូច្នេះហើយ ការអនុវត្តកម្មវិធីមិនមានការរំខាន ឬក៏ពន្យារពេលនោះឡើយ។ កម្មវិធីគោលដៅជាតិចំនួន ៣ ត្រូវបានអនុវត្តលើភូមិសាស្ត្រខេត្ត រួមមាន៖ ការកសាងជនបទថ្មី  ការកាត់បន្ថយភាពក្រីក្រប្រកបដោយនិរន្តរភាព ការអភិវឌ្ឍន៍សេដ្ឋកិច្ច-សង្គមនៃតំបន់ជនជាតិភាគតិច និងតំបន់ភ្នំ។ មកទល់ពេលនេះ ទូទាំងខេត្តមានទាំងអស់ចំនួន ៤៣/៥៥ ឃុំដែលសម្រេចស្តង់ដារជាជនបទថ្មី (៧៨,១៨%)  និងមានចំនួន​ ៣ ឃុំ​ទទួលបាន​ស្តង់ដារ​ជនបទ​ថ្មី​កម្រិតខ្ពស់ ព្រមទាំង ​១ ឃុំ​ទទួលបាន​ស្តង់ដារ​ជនបទ​ថ្មី​គំរូ។ ស្តីពីកម្មវិធីគោលដៅជាតិសម្រាប់ការកាត់បន្ថយក្រប្រកបដោយចីរភាព ដំណាក់កាល​ ២០២១ - ២០២៤ អត្រានៃភាពក្រីក្របានថយចុះជាមធ្យម ០,៧៨% ក្នុងមួយឆ្នាំ។ ឆ្នាំ ២០២១ ខេត្តទាំងមូលមានគ្រួសារក្រីក្រចំនួន ២១.០៦៦ គ្រួសារ  នៅចុងឆ្នាំ  ២០២៤ នៅតែ ៤.៤៧១ គ្រួសារ ស្មើនឹង 0,៨៤%។ ដូច្នេះ​ក្រោយ​រយៈពេល​ ៤​ ឆ្នាំ​នឹង​មាន​ការ​កាត់​បន្ថយ​គ្រួសារ​ក្រីក្រ​ចំនួន​១៦.៥៩៥ ស្មើនឹង​៣,១២% ។

សកម្មភាពនៃការបណ្តុះបណ្តាលវិជ្ជាជីវៈ និងបង្កើតការងារធ្វើពីកម្មវិធីគោលដៅជាតិស្តីពីការកាត់បន្ថយភាពក្រីក្រចីរភាព បានជួយពលករជនបទជាច្រើនរូបមានការងារធ្វើ និងប្រាក់ចំណូលនឹងនរផងដែរ។

សម្រាប់កម្មវិធីគោលដៅជាតិអភិវឌ្ឍន៍សេដ្ឋកិច្ច-សង្គមតំបន់ជនជាតិភាគតិច និងតំបន់ភ្នំ វឌ្ឍនភាពជាមូលដ្ឋាននិងអាចឆ្លើយតបតាមតម្រូវការ។ ខេត្តបានសម្រេចគោលដៅកាត់បន្ថយភាពក្រីក្រក្នុងចំណោមជនជាតិភាគតិច ២% ក្នុងមួយឆ្នាំ ឬច្រើនជាងនេះក៏មាន  ចំណែកតំបន់ជួបលំបាកខ្លាំងកើនដល់ ៣% ឬច្រើនជាងនេះទៀតដែរ។ ខេត្តខិតខំដល់ចុងឆ្នាំ​២០២៥  យ៉ាង​ហោច​ណាស់​មាន​​ចំនួន ​២ ឃុំ និង ​២២​ ភូមិ​នៅ​ក្រៅ​តំបន់​ដែល​ជួប​ការ​លំបាក​ខ្លាំង​តាម​គោលដៅ​ដែល​​នាយក​រដ្ឋមន្ត្រីនៃរដ្ឋាភិបាលបានប្រគល់ជូន។ ទន្ទឹមនឹងលទ្ធផលដែលបានសម្រេច ការអនុវត្តកម្មវិធីគោលដៅជាតិ នៅតែប្រឈមនឹងការលំបាក និងបញ្ហាផ្សេងៗមួយចំនួន។​ ជាពិសេស ការរៀបចំអង្គភាពរដ្ឋបាល និងការអនុវត្តគំរូរដ្ឋាភិបាលភូមិភាគ ២ ថ្នាក់ មានឥទ្ធិពលយ៉ាងខ្លាំងខាងល្បឿននៃការអនុវត្តកម្មវិធី និងការដោះស្រាយដើមទុន។ បណ្តាអង្គភាពគ្រប់គ្រងគម្រោងត្រូវចំណាយពេលជាច្រើនក្នុងការពិនិត្យមើលឯកសារ ប្រគល់ និងទទួលភារកិច្ច។ ថ្នាក់ឃុំក៏ជួបបញ្ហាខ្លាំងខណៈពេលដែលទទួលបន្ទុកបន្ថែមខាងកិច្ចការងារស្តីពីសំណុំឯកសាររដ្ឋបាល វិនិយោគ គ្រប់គ្រងគម្រោង និងធ្វើសេនាធិការលើការអនុវត្តកម្មវិធីនៅភូមិភាគត្រូវរៀបចំបុគ្គលិកថ្មី។

លោក Trần Công Khanh អនុប្រធានមន្ទីរហិរញ្ញវត្ថុ មានប្រសាសន៍ថា៖ “ដើមទុនសរុបដែលបានបែងចែកសម្រាប់ ៣ កម្មវិធីគោលដៅជាតិមានប្រមាណ ១.២៩០ ពាន់លានដុង ដល់ថ្ងៃទី ៨​ ខែតុលា ដោះស្រាយថវិកាបានជាង ៦៣០ ពាន់លានដុង​ សម្រេចជាង ៤៩%។ ដើម្បីការបន្ថយការលំបាកឱ្យបានឆាប់រហ័សបន្ទាប់ពីការរួមបញ្ចូលអង្គភាពរដ្ឋបាល ខេត្តបានចង្អុលការណែនាំរាល់បណ្តាឃុំឱ្យពង្រឹងការណែនាំរាល់កម្មវិធីគោលដៅជាតិ ធានាសមស្របតាមគម្រោងការគ្រប់គ្រង និងទម្រង់ចាត់តាំងថ្មី”។

គ្រប់បណ្តាភូមិភាគទូតាំងខេត្តកំពុងជំរុញខ្លាំងខ្លាខាងល្បឿននៃការអនុវត្តគម្រោង និងអនុគម្រោងដែលស្ថិតក្នុងបណ្តាកម្មវិធីគោលដៅជាតិដើម្បីឱ្យស្របតាមផែនការដាក់ចេញ។

លោក Trần Công Khanh ក៏បានបញ្ជាក់ដែរថា ដើម្បីធានាបាននូវវឌ្ឍនភាពនៃការអនុវត្តកម្មវិធីគោលដៅជាតិលើភូមិសាស្ត្រខេត្តនាពេលខាងមុខនេះ គ្រប់មន្ទីរ ស្ថាប័ន និងអង្គភាព ម្ចាស់វិនិយោគ និងអ្គភាពពាក់ព័ន្ធបញ្ជាក់ការដោះស្រាយដើមទុន និងភារកិច្ចសំខាន់ៗ ត្រូវប្រមូលផ្តុំការណែនាំ អនុវត្តយ៉ាងម៉ឹងម៉ាត់។ គ្រប់បណ្តាស្ថាប័នភ្នាក់ងារគ្រប់គ្រងកម្មវិធីបន្តពិនិត្យឡើងវិញនូវការលំបាក ផ្តល់ការណែនាំទាន់សភាពការសម្រាប់ខាងការងារឯកទេស និងដោះស្រាយនញ្ហាលំបាកចំពោះមុខ។ មន្ទីរ​ហិរញ្ញវត្ថុ​ម្ចាស់ការក្នុងសហការជាមួយបណ្តាភូមិភាគដើម្បី​កែសម្រួល​ផែនការ​ដើមទុន​ឱ្យ​បាន​សមស្រប ព្រមទាំង​ខិតខំសម្រេច ​១០០% តាម​ការ​ណែនាំ​របស់​នាយក​រដ្ឋមន្ត្រីនៃរដ្ឋាភិបាល៕

Quỳnh Anh