លើកកម្ពស់គុណភាពសមាជិកបក្សជាជនជាតិភាគតិច

ឃុំ Hồ Thị Kỷ ជាភូមិសាស្ត្រមួយដែលមានជនរួមជាតិភាគតិចរស់នៅច្រើនកុះករ។ ដោយយល់ច្បាស់ពីតួនាទីដ៏សំខាន់របស់សមាជិកបក្សជាជនជាតិភាគតិចក្នុងការកសាងបក្ស និងការរីកចម្រើនរបស់ភូមិភាគ រយៈពេលកន្លង បក្ខភាគឃុំក៏បានធ្វើការផ្សព្វផ្សាយយ៉ាងច្រើនវិធីសាស្ត្រព្រមព្រៀងគ្នាដើម្បីលើកកម្ពស់គុណភាពនៃចំនួនសមាជិកបក្សជាជនជាតិភាគតិចផងដែរ។

បណ្តាសមាជិកបក្សនៃសាខាបក្សភូមិ Đường Đào តែងសកម្មក្នុងការផ្សព្វផ្សាយ និងចលនា សាច់ញាតិ អ្នកភូមិផងរបងជាមួយឱ្យចូលរួមក្នុងការពលកម្ម ផលិតកម្ម និងអភិវឌ្ឍសេដ្ឋកិច្ច។

បច្ចុប្បន្ន បក្ខភាគឃុំ Hồ Thị Kỷ មានបក្ខជនចំនួន ៦៤៧ រូប ក្នុងនោះមានបក្ខជនជាជនជនជាតិភាគតិច ៤១ រូប។ កងកម្លាំងទាំងនេះតែងជាគំរូឈានមុខរាល់គ្រប់ប្រពៃណីនៃការប្រឡងប្រណាំង និងជាស្ពានតភ្ជាប់ដ៏រឹងមាំសម្រាប់ផ្សព្វផ្សាយវិធានការ និងគោលនយោបាយរបស់បក្ស រដ្ឋជូនដល់គ្រប់គ្រួសារនីមួយៗផងដែរ។ ផ្តើមពីនោះ រួមចំណែកជំរុញការអភិវឌ្ឍសេដ្ឋកិច្ច-សង្គម និង រក្សាអត្តសញ្ញាណវប្បធម៌ ព្រមទាំងផែនមហាសាមគ្គីទូទាំងជនជាតិនៅភូមិភាគទៀតផង។

អ្នកគ្រូ Nguyễn Thị Tú Anh ប្រធានក្រុមថ្នាក់ទី ១ នៃសាលាបឋមសិក្សា Hồ Thị Kỷ B ជាបក្ខជនជនជាតិ Khmer បានចែករំលែកថា៖ “ខ្ញុំតែងគិតថា ធ្វើយ៉ាងណាដើម្បីរាល់ម៉ោងរៀនមិនត្រឹមតែផ្តល់ខាងចំណេះដឹងប៉ុណ្ណោះទេ ថែមទាំងបណ្តុះមោទនភាពដល់បងប្អូនៗសិស្សានុសិស្សចំពោះវប្បធម៌ជនជាតិ Khmer និងជួយប្អូនៗឱ្យកាន់តែមានចិត្តស្រឡាញ់ និងថែរក្សាតម្លៃប្រពៃណីតាំងពីក្មេងផងដែរ”។

ជាមួយគោលលំនាំ​ “នៅទីណាមានប្រជាជន គឺនៅទីនោះមានបក្ខជន” គណៈកម្មាធិការបក្ស និងអង្គការគ្រប់លំដាប់ថ្នាក់ ដោយផ្តោតលើស្ថានភាពជាក់ស្តែងរបស់ភូមិភាគ ស្ថាប័ន អង្គភាពកសាងគម្រោងការអភិវឌ្ឍបក្ខជនសមស្របសម្រាប់ឆ្នាំនីមួយៗ និងសម្រាប់អាណត្តិទាំងមូលផងដែរ។ ឆ្នាំ ២០២៥ បក្ខភាគឃុំហូធីគីបានបញ្ចូលសមាជិកបក្សបានចំនួន ១៧/១៧ បក្ខជនថ្មី។ លទ្ធផលនេះបានបង្ហាញពីការម្ចាស់ការ និងការបត់បែនក្នុងការបង្កើតប្រភព ចិញ្ចឹមបីបាច់ និងបណ្តុះបណ្តាលបុគ្គលឆ្នើម។

លោក Trần Quốc Việt លេខាសាខាបក្សភូមិ Đường Đào បានឱ្យដឹង៖ សាខាបក្សភូមិបច្ចុប្បន្នមានសមាជិកបក្សចំនួន ៤១ រូប ក្នុងនោះមាន ២០សមមិត្តដែលជាជនជាតិភាគតិច។  បណ្តាបក្ខជនគ្រប់រូបតែងលើកកម្ពស់ស្មារតីជាអ្នកគំរូក្នុងការអនុវត្តនូវគោលការណ៍ណែនាំ និងគោលនយោបាយរបស់បក្ស ក្រឹត្យច្បាប់របស់រដ្ឋ ផ្តើមពីនោះក៏សកម្មផ្សព្វផ្សាយ និងចលនាសាច់ញាតិ អ្នកភូមិឱ្យចូលរួមអភិវឌ្ឍសេដ្ឋកិច្ច និងកសាងជីវិតវប្បធម៌ស៊ីវិល័យ និងរីកចម្រើនប្រសើរឡើង។

អ្នកគ្រូ Nguyễn Tú Anh តែងយកចិត្តទុកដាក់យ៉ាងពិសេសចំពោះការបង្រៀនរបស់ខ្លួន។

សកម្មភាពនៃការពិនិត្យអង្កេត បានរកឃើញមុខសញ្ញា និងបំប៉នបុគ្គលឆ្នើមដែលត្រូវបានបក្ខភាគឃុំហូធីគីអនុវត្តជាប្រចាំ ផ្សារភ្ជាប់ជាមួយរាល់បណ្តាប្រពៃណីប្រឡងប្រណាំងស្នេហាជាតិ និងភារកិច្ចនយោបាយរបស់ភូមិភាគ។ អាស្រ័យហេតុនេះហើយ គុណភាពនៃសមាជិកបក្សថ្មីមួយថ្ងៃកាន់តែមានភាពប្រសើរឡើង ធានាល្អនូវស្តង់ដារនៃភាពស្មោះត្រង់ខាងនយោបាយ សីលធម៌ និងសមត្ថភាពជាក់ស្តែង។ ភាពជាគំរូ និយាយត្រូវតែធ្វើរបស់កងកម្លាំងបក្ខជនរួមចំណែកពង្រឹងទំនុកចិត្តដ៏រឹងមាំរបស់ជនរួមជាតិ Khmer ក្នុងការដឹកនាំរបស់បក្ស បង្កើតការឯកភាពខ្ពស់ក្នុងការកសាងមាតុភូមិ។

ឆ្នាំ ២០២៦ ភូមិភាគនឹងបន្តអភិវឌ្ឍសមាជិកបក្សថ្មីចំនួន ២១ រូប ក្នុងនោះយកចិត្តទុកដាក់ជាពិសេសចំពោះប្រភពមកពីសហគមន៍ជនជាតិភាគតិច។

យោងតាមសមមិត្ត Dương  Chúc Linh អនុលេខាអចិន្ត្រៃយ៍នៃគណៈកម្មាធិការបក្សឃុំ ការបណ្តុះបណ្តាល និងបង្កើតប្រភពត្រូវបានបញ្ជាក់ថាជាកត្តាដ៏សំខាន់។ យោងតាមប្រពៃណីនៃការប្រឡងប្រណាំង និងសកម្មភាពអភិវឌ្ឍន៍សេដ្ឋកិច្ច-សង្គម ភូមិភាគនិងជម្រើសបុគ្គលឆ្នើមៗ ដើម្បីបញ្ចូលក្នុងកម្មវិធីបណ្តុះបណ្តាល បំប៉នប្រភពធនធានអភិវឌ្ឍន៍សមាជិកបក្សដ៏រឹងមាំ ដើម្បីឆ្លើយតបតម្រូវការនៃស្ថានភាពថ្មី។

ក្នុងដំណើរនៃការផ្លាស់ប្តូរ និងវឌ្ឍនភាពរបស់ឃុំ Hồ Thị Kỷ សមាជិកបក្សជាជនជាតិភាគតិចគ្រប់រូបតែងខិតខំប្រឹងប្រែងដើម្បីបង្កើនសមត្ថភាពរបស់ខ្លួន និងរួមចំណែកដោយស្ងៀមស្ងាត់ដល់ការអភិវឌ្ឍភូមិភាគ ក្លាយជាមូលដ្ឋានគ្រឹះដ៏រឹងមាំសម្រាប់ឃុំរក្សា និងលើកកម្ពស់រាល់បណ្តាបទដ្ឋានជនបទថ្មី៕

Thường - Phong Nguyên