Truyền hình
ប្រឈមមុខជាមួយភាពស្មុគស្មាញនៃឧក្រិដ្ឋកម្មដ៏ច្រើនប្រភេទ នឹងវិធីសាស្រ្តទំនើបៗកាន់តែខ្លាំងឡើងផងនោះ ថ្មីៗនេះ កងកម្លាំងនគរបាលបានសហការជាមួយរដ្ឋអំណាចភូមិភាគដើម្បីផ្សព្វផ្សាយលើកកម្ពស់ចំណេះដឹងផ្នែកច្បាប់ជូនប្រជាជន ជាពិសេសនៅតាមតំបន់ដែលមានជនរួមជាតិភាគតិចរស់នៅច្រើន ដើម្បីទប់ស្កាត់ឧក្រិដ្ឋកម្មតាំងពីដំបូងផងដែរ។
នគរបាលខេត្ត Cà Mau ផ្តល់លិខិតប័ណ្ណឃោសនាផ្សព្វផ្សាយអំពីច្បាប់បង្ការ និងប្រយុទ្ធប្រឆាំងការជួញដូរមនុស្ស និងគ្រប់គ្រង ប្រើប្រាស់អាវុធខុសច្បាប់ គ្រឿងផ្ទុះ និងឧបករណ៍ជំនួយសម្រាប់បងប្អូនជនរួមជាតិនៅឃុំ Hoà Bình។
នៅឃុំ Hoà Bình ការផ្សព្វផ្សាយនេះតែងបានចាត់តាំងឡើងជាប្រចាំ ជាមួយបណ្តយាខ្លឹមសារជាក់ស្តែង ដោយផ្តោតលើសេចក្តីកំណត់ស្តីពីការបង្ការ និងប្រយុទ្ធប្រឆាំងការជួញដូរមនុស្ស ការគ្រប់គ្រង និងការប្រើប្រាស់អាវុធខុសច្បាប់ គ្រឿងផ្ទុះ និងឧបករណ៍ជំនួយផ្សេងៗ យោងតាមនោះ ដាស់តឿនអំពីវិធីសាស្រ្ត និងយុទ្ធសាស្ត្ររបស់ពួកឧក្រិដ្ឋកម្មប្រភេទទំនើបដែលទើបនឹងកើតឡើងថ្មីៗនេះ។
យោងតាមប្រសាសន៍លោកវរសេនីយ៍ទោ Trần Văn Nghị ស្នងការនគរបាលរងនៃនគរបាលឃុំ Hoà Bình កងកម្លាំងនគរបាលបានផ្សព្វផ្សាយយ៉ាងទូលំទូលាយនិងជាក់ស្តែងស្តីពីយុទ្ធសាស្ត្ររបស់ឧក្រិជនគ្រប់ប្រទផ្សេង ដូចជា៖ ចោរកម្ម បង្កអុកឡុកសាធារណៈ និងការក្លែងបន្លំតាមប្រព័ន្ធអ៊ីនធឺណិត។ ផ្តើមពីនោះ បានជួយប្រជាជន ជាពិសេសបងប្អូនជនរួមជាតិភាគតិចនូវមានមានកម្រិតក្នុងចូលជិតប្រព័ន្ធសារព័ត៌មាន និងលើកកម្ពស់ចំណេះដឹងរបស់ខ្លួនក្នុងការ និងសកម្មចូលរួមថ្កោលទោសរាល់បទល្មើសផ្សេងៗដែលឧក្រិដ្ឋជនបានបង្កឡើង។
ដែលគួរឱ្យកត់សម្គាល់ផងនោះ ឃុំ Hoà Bình ក៏ធ្លាប់កើតមានករណីជួញដូរមនុស្សយ៉ាងធ្ងន់ធ្ងរដែលពាក់ព័ន្ធនឹងជនរងគ្រោះប្រមាណជាង ១00 នាក់។ ពួកជនល្មើសទាំងឡាយបានឆក់ឱកាសលើអ្នកដែលមានជីវភាពលំបាក និងមិនសូវយល់ដឹងផ្នែកខាងព័ត៌មានដើម្បីបោកបញ្ឆោតតាមពាក្យសំដីដោយសន្យាថានឹងធ្វើការងារងាយស្រួល តែទទួលបានប្រាក់ខែខ្ពស់ឬក៏ធ្វើមេអណ្តើងខាងអាពាហ៍ពិពាហ៍ដែលបានរៀបចំ។ ផលវិបាកដែលបានបន្សល់ទុកមកមិនត្រឹមជារបួសខាងរាងកាយ និងផ្លូវចិត្តសម្រាប់ជនរងគ្រោះប៉ុណ្ណោះទេ ថែមទាំងជាការឈឺចាប់ និងអសន្តិសុខសម្រាប់គ្រួសារជាច្រើនទៀតផង។ ដោយយល់ច្បាស់ពីការពិតនេះ ការផ្សព្វផ្សាយព័ត៌មានផ្នែកច្បាប់កាន់តែមានភាពបន្ទាន់។
ក្រៅពីការផ្សព្វផ្សាយសេចក្តីកំណត់ផ្នែកច្បាប់ កងកម្លាំងនគរបាលក៏បានណែនាំប្រជាជនឱ្យសម្គាល់នូវរាល់ហានិភ័យទាំងឡាយដែលអាចកើតមានក្នុងការរស់នៅប្រចាំថ្ងៃ ជាពិសេសការគ្រប់គ្រង និងការប្រើប្រាស់អាវុធគ្រោះថ្នាក់ដើម្បីកាត់បន្ថយការរំលោភបំពាន និងគ្រោះថ្នាក់ដ៏មិនអាចនឹងស្មានថានឹងកើតឡើង។
Cà Mau ឃោសនាផ្សព្វផ្សាយច្បាប់ និងបង្កើនចំណេះដឹងជូនបងប្អូនជនរួមជាតិភាគតិចនៅឃុំ Hoà Bình។
នៅពេលខាងមុខ កងកម្លាំងនគរបាលឃុំ Hoà Bình នឹងបន្តសហការ ព្រមទាំងរៀបចំកិច្ចប្រជុំ ជននៅតាមតំបន់លំនៅដ្ឋាន និងតំបន់ដែលមានមុខសញ្ញាស្មុគ្រស្មាញខាងសន្តិសុខ ព្រមទាំងម្ចាស់ការបង្ការ ប្រយុទ្ធប្រឆាំងនឹងឧក្រិដ្ឋជនផ្តើមពីមូលដ្ឋាន។ ជាមួយគ្នានោះដែរ រដ្ឋអំណាចភូមិភាគ និងគណៈប្រជាជនគ្រប់បណ្តាភូមិទាំងឡាយបានជំរុញខ្លាំងខ្លាការរួមបញ្ចូលផ្សព្វផ្សាយច្បាប់ក្នុងសហគមន៍។
អាស្រ័យមានវិធីសាស្រ្តផ្សព្វផ្សាយបង្កភាពជិតដិត និងជាក់ស្តែងនេះ ប្រជាជនជាច្រើនបានបង្កើនខាងចំណេះដឹងរបស់ខ្លួនផងដែរ។ លោកThạch Rol Linh នៅភូមិ Thị Trấn A1 ឃុំ Hoà Bình បានចែករំលែកថា៖ “បន្ទាប់ពីទទួលបានព័ត៌មានខាងច្បាប់ ខ្ញុំយល់កាន់តែច្បាស់អំពីហានិភ័យដែលអាចកើតមាន ផ្តើពីនោះ ខ្ញុំក៏រំលឹកដល់ដាស់តឿនគ្រួសារ និងសាច់ញាតិរបស់ខ្លួនឱ្យអនុវត្តល្អតាមសេចក្តីកំណត់របស់រដ្ឋទៀតផង”។
នៅពេលដែលមានចំណេះដឹងផ្នែកច្បាប់គ្រប់គ្រាន់ អ្នករាល់គ្នាៗនឹងក្លាយជា “ស្រទាប់រាំងស្កាត់” សកម្មក្នុងការបង្ការរាល់បទល្មើស រួមចំណែករក្សាសន្តិសុខ និងសណ្តាប់ធ្នាប់ ព្រមទាំងកសាងតំបន់លំនៅដ្ឋានប្រកបដោយសុវត្ថិភាព និងសន្តិភាព៕
Kim Trúc
Xem thêm bình luận