រដ្ឋអំណាចរួមដំណើរការតជាមួយ

ផែនមហាសាមគ្គីទូទាំងជនជាតិ គឺជាប្រពៃណីដ៏មានតម្លៃថ្លែថ្នូ និងជាកម្លាំងចលនាដ៏សំខាន់ ដើម្បីខេត្ត Cà Mau អនុវត្តសម្រេចជោគជ័យនូវរាល់គោលដៅខាងវិស័យសេដ្ឋកិច្ច - សង្គម។

បងប្អូនខ្មែរនៅឃុំ Hồ Thị Kỷ ចូលរួមលេងល្បែងប្រជាប្រិក្នុងឱកាសបុណ្យប្រពៃណីជាតិ

រួមជាមួយជនជាតិ Kinh នៅលើភូមិសាស្ត្រខេត្ត Cà Mau មានសមាសភាពជនជាតិភាគតិចជាបងប្អូនចំនួន ២៧ សញ្ជាតិដែលរស់នៅជាមួយគ្នា ដោយមានប្រជាជនប្រមាណជិត ១៣៩ ពាន់នាក់ ស្មើនឹងជិត ៦,៥% នៃចំនួនប្រជាជនទូទាំងខេត្ត ក្នុងនោះមានច្រើនជាងគេគឺជនជាតិ Khmer និងជនជាតិ Hoa។

ក្នុងរយៈពេលប៉ុន្មានឆ្នាំកន្លង ខេត្តបានអនុវត្តយ៉ាងមានប្រសិទ្ធភាពការងារជនជាតិ និងបណ្តាគោលនយោបាយជនជាតិ។ ចំពោះកម្មវិធីគោលដៅជាតិអភិវឌ្ឍន៍សេដ្ឋកិច្ច - សង្គម តំបន់បងប្អូនជនជាតិភាគតិច និងតំបន់ភ្នំ ដំណាក់កាល ២០២១-២០៣០ (ដំណាក់កាលទី១ ពីឆ្នាំ ២០២១-២០២៥) ខេត្ត Cà Mau ត្រូវបានបែងចែកថវិកាជាង ៤៤៥ ពាន់លានដុង និងបានដោះស្រាយថវិកាសម្រេចបានជាង ៨០% នៃផែនការ។ តាមនោះ ខេត្តក៏បានឧបត្ថម្ភសាងសង់ផ្ទះស្នាក់នៅជូន ៨៣០ គ្រួសារជនជាតិភាគតិចក្រីក្រ និងឧបត្ថម្ភដីធារសង់ផ្ទះជូន ៦២ គ្រួសារ ព្រមទាំងឧបត្ថម្ភផ្លាស់ប្តូរមុខរបរជូន ៤១៨ គ្រួសារផងដែរ។

លោកស្រី Nguyễn Thu Tư នាយិកាមន្ទីរជនជាតិ និងសាសនា បានឱ្យដឹងថា៖ "Cà Mau កំពុងអនុវត្តកម្មវិធីគោលដៅអភិវឌ្ឍន៍សេដ្ឋកិច្ច - សង្គមតំបន់ជនជាតិភាគតិច ក្នុងស្មារតីបន្ទាន់ និងម៉ឺងម៉ាត់ ដើម្បីដោះស្រាយថវិកាឱ្យធានាទាន់ពេលវេលា។ ខេត្តក៏បានស្នើឱ្យមជ្ឈិមពិនិត្យមើលនូវយន្តការបត់បែន ក្នុងការកែសម្រួលថវិកានៅតាមគម្រោងសមាសភាគនានា ដើម្បីជួយឱ្យមូលដ្ឋានប្រើប្រាស់ប្រភពទុនដែលនៅសេសសល់ឱ្យមានប្រសិទ្ធភាព និងជំរុញល្បឿនអនុវត្តកម្មវិធី ជួយប្រជាជនទទួលបានផលប្រយោជន៍យ៉ាងឆាប់រហ័ស និងចំគោលដៅ"។

ទន្ទឹមនឹងការឧបត្ថម្ភរបស់រដ្ឋ គឺឆន្ទៈក្នុងការខិតខំឈានឡើងដោយខ្លួនឯងរបស់បងប្អូនជនជាតិ។ បច្ចុប្បន្ន ទូទាំងខេត្តមាន ៤៣/៥៥ ឃុំ សម្រេចបានបទដ្ឋានជនបទថ្មី។ ទម្រង់មុខរបរចិញ្ចឹមជីវិតមានប្រសិទ្ធភាពជាច្រើនដូចជា៖ ការដាំដំណាំរួមផ្សំ ចិញ្ចឹមត្រីកន្ធរ ចិញ្ចឹមបង្កង-ស្រូវ ចិញ្ចឹមសត្វ និងការធ្វើអាជីវកម្មខ្នាតតូច ត្រូវបានពង្រីកយ៉ាងទូលំទូលាយ។ អត្រាគ្រួសារក្រីក្រក្នុងតំបន់ជនជាតិភាគតិច ថយចុះជាមធ្យមជាង ២%/ឆ្នាំ ដែលបច្ចុប្បន្ននៅសល់ត្រឹមតែប្រមាណ ២% ប៉ុណ្ណោះ។ ចំណូលមធ្យមសម្រាប់មនុស្សម្នាក់ៗសម្រេចបានជាង ៨០ លានដុង/ឆ្នាំ កើនឡើងជាទ្វេដង បើធៀបនឹងឆ្នាំ ២០២០។ ១០០% បងប្អូនជនជាតិភាគតិចនៅតំបន់ជួបការលំបាក ត្រូវបានផ្តល់ប័ណ្ណធានារ៉ាប់រងសុខភាពដោយឥតគិតប្រាក់ ដើម្បីធានាលក្ខណៈក្នុងការពិនិត្យថែទាំសុខភាព។

ទម្រង់មុខរបរចិញ្ចឹមត្រីកន្ធរសាច់ របស់បងប្អូននៅឃុំ Khánh Bình កំពុងត្រូវបានពង្រីក និងផ្តល់ប្រសិទ្ធភាពសេដ្ឋកិច្ចនឹងនរទៀតផង។

លោក Lý Văn Của អ្នកមានកិត្យានុភាពនៅឃុំ Khánh Bình មានប្រសាសន៍ដោយក្តីរីករាយថា៖ "អាស្រ័យការយកចិត្តទុកដាក់យ៉ាងដិតដល់របស់បក្ស និងរដ្ឋ ជីវភាពរបស់បងប្អូនជនជាតិភាគតិចយើងខ្ញុំមានការផ្លាស់ប្តូរជាវិជ្ជមាន។ ចាប់ពីផ្លូវបេតុងតភ្ជាប់តាមភូមិស្រុក រហូតដល់ផ្ទះថ្មីដ៏ស្អាតបាតដែលជំនួសផ្ទះបណ្តោះអាសន្ន និងផ្ទះទ្រុឌទ្រោមកាលពីមុន។ល។ ទាំងអស់នេះបានបង្កើននូវទំនុកចិត្តយ៉ាងខ្លាំងខ្លា។ បច្ចុប្បន្ន បងប្អូនមិនត្រឹមតែយកចិត្តទុកដាក់អភិវឌ្ឍន៍សេដ្ឋកិច្ច បង្កើនប្រភពប្រាក់ចំនូលដោយស្របច្បាប់សម្រាប់គ្រួសារប៉ុណ្ណោះទេ ថែមទាំងចូលរួមយ៉ាងសកម្មក្នុងចលនានានានៅភូមិភាគទៀតផង ហើយរួមគ្នាថែរក្សាសន្តិសុខសណ្តាប់ធ្នាប់ និងលើកកម្ពស់អត្តសញ្ញាណវប្បធម៌ដ៏ល្អប្រពៃណីរបស់ជនជាតិខ្លួន"។

ការអភិវឌ្ឍប្រកបដោយចីរភាពរបស់ខេត្ត Cà Mau គឺជាភស្តុតាងមួយនៃប្រភពកម្លាំង "បងប្អូនជនជាតិខិតខំប្រឹងប្រែង - រដ្ឋអំណាចនឹងរួមដំណើរការជាមួយ"។ នៅពេលជីវភាពសម្ភារៈបានលើកកម្ពស់ អត្តសញ្ញាណវប្បធម៌ត្រូវលើកតម្កើង ទំនុកចិត្តរបស់បងប្អូនមកលើការដឹកនាំរបស់បក្ស និងរដ្ឋ កាន់តែរឹងមាំជានិច្ច ហើយរួមគ្នាសាមគ្គីកសាងប្រទេសជាតិឱ្យកាន់តែមានភាពស៊ីវិល័យ និងសម្បូររុងរឿង៕

Mộng Thường