«បង្កើតស្នាដៃបន្ថែម» ដើម្បីរក្សាសន្តិសុខនៅមូលដ្ឋាន

ចាប់តាំងពីការរួមបញ្ចូលគ្នានៃអង្គភាពរដ្ឋបាលមក ប្រពៃណីចលនា ទូទាំងប្រជាជនការពារសន្តិសុខជាតិនៅលើភូមិសាស្ត្រខេត្តក៏បានបន្តអភិវឌ្ឍយ៉ាងសកម្មណាស់ដែរ។ បណ្តាទម្រង់ និងវិធីសាស្រ្តជាច្រើនដែលមានប្រសិទ្ធភាពបានទាញយកអត្ថប្រយោជន៍ពីកម្លាំងរបស់មហាជន ដោយបង្កើតឥរិយាបថសន្តិសុខប្រជាជនដ៏រឹងមាំនៅកម្រិតមូលដ្ឋានទៀតផង។

កងកម្លាំងនគរបាលឃុំ Hồng Dân ដោះដូរជាមួយសមាជិកទាំងឡាយអំពីទម្រង់ “ក្រុមគ្រប់គ្រងស្វ័យត្រាណក្នុងសហគមន៍ Hoa”។

ក្នុងរយៈពេល ៦ ខែដំបូងនៃឆ្នាំ ២០២៦ នគរបាលខេត្តបានផ្តើមបង្កើត ៥៧ ទម្រង់ «ប្រជាចលនាប៉ិនប្រសព្វ» បន្តដំណើរការមានប្រសិទ្ធភាពចំនួន ៣១៧ ទម្រង់ការពារស្វយត្រាណស្តីពីសន្តិសុខ និងសណ្តាប់ធ្នាប់។ ទន្ទឹមនិងនោះ ពង្រឹងបានក្រុមសន្តិសុខ និងសណ្តាប់ធ្នាប់នៅមូលដ្ឋានបានជាង ១.៣០០ ក្រុម និងក្រុមប្រជាស្វ័យគ្រប់គ្រងបានជាង ១៦.២០០ ក្រុម។

សហាការយ់ាងព្រមគ្នារវាងវិធីសាស្ត្រជំនាញនៃកងកម្លាំងនគរបាលជាមួយនឹង «ភ្នែក និងត្រចៀក» ការផ្តល់ទំនុកចិត្តពីមហាជន និងការប្រយុទ្ធប្រឆាំងនឹងឧក្រិដ្ឋកម្មលើភូមិសាស្ត្រខេត្តនៅតែបន្តសម្រេចបានលទ្ធផលសំខាន់ៗជាច្រើនផងដែរ។ នគរបាលខេត្តបានធ្វើបណ្តឹង ៣៦០ ករណីដែលពាក់ព័ន្ធនឹងជនជាប់ចោទ ៦៧២ នាក់ ព្រមទាំងការពិន័យរដ្ឋបាលចំនួន ៣៥៧ ករណី ដោយមានបុគ្គលចំនួន ១.៣៦៦ នាក់ប្រព្រឹត្តិល្មើសស្តីពីគ្រោអសង្គម និងបទល្មើសផ្សេងៗទៀត ប្រមូលថវិកាសម្រាប់ធនាគារជាតិរុបជិត ៣ ពាន់លានដុង។

នគរបាលខេត្តបានដាក់សំណើទៅក្រសួងនគរបាល ដើម្បីទទួលស្គាល់ទម្រង់ "ក្រុមគ្រប់គ្រងស្វ័យត្រាណក្នុងជនជាតិ Hoa " នៅឃុំ Hồng Dân ជាទម្រង់នៃការច្នៃប្រឌិត ដើម្បីពង្រីកទូទាំងប្រទេស។ វរសេនីយ៍ត្រី Văn Công Sang ស្នងការនគរបាលរងឃុំ Hồng Dân ឱ្យដឹង៖ "ក្នុងរយៈពេល ១ ឆ្នាំដែលបានអនុវត្តទម្រង់រដ្ឋាភិបាលមូលដ្ឋាន ២ ថ្នាក់ នគរបាលឃុំបានចាប់ផ្តើមពង្រឹងមាំទាំង ៧ ទម្រង់ទូទាំងប្រជាជនការពារសន្តិសុខជាតិ និងកសាង ៣ ទម្រង់ថ្មីបន្ថែមទៀត។​ ក្នុងនោះ មានជាច្រើនទម្រង់ពង្រីកប្រសិទ្ធភាពខ្ពស់ ដូចជា៖ ទម្រង់សាលារៀនគ្មានគ្រឿងញៀន ការឃ្លាំមើលដោយកាមេរ៉ាសន្តិសុខ និងក្រុមគ្រប់គ្រងស្វ័យត្រាណក្នុងជនរួមជាតិ Hoa។ ទម្រង់ទាំងនេះបានជំនួយការយ៉ាងច្រើនដល់កងកម្លាំងនគរបាលក្នុងការធានាសន្តិសុខ និងសណ្តាប់ធ្នាប់លើភូមិសាស្ត្រ"។

លោក Viên Quang Tỷ ប្រធានក្រុមគ្រប់គ្រងស្វ័យត្រាណក្នុងសហគមន៍ Hoa បានចែករំលែកថា៖ «ក្នុងពេលដំណើរការសកម្មភាព ក្រុមការងារបានផ្តល់ព័ត៌មានដ៏មានតម្លៃជិត ៥០ ដំណឹងជូនកងកម្លាំងនគរបាល។ ផ្តើមពីប្រភពព័ត៌មាននេះ នគរបាលមូលដ្ឋានអាចយល់បានភ្លាមៗអំពីស្ថានភាព កំណត់អត្តសញ្ញាណបុគ្គលគួរឱ្យសង្ស័យ បញ្ជាក់អត្តសញ្ញាណរបស់បុគ្គលដែលគួរឱ្យសង្ស័យ និងដោះស្រាយការរំលោភបំពានរដ្ឋបាលក្នុងករណីជាច្រើនតាំងពីដំបូង»។

កាមេរ៉ាឃ្លាំមើលសន្តិសុខការពារលំនឹងល្អនៅតាមមូលដ្ឋាន។

ទម្រង់ «កាមេរ៉ាឃ្លាំមើលសន្តិសុខ និងសណ្តាប់ធ្នាប់» ក៏បានបង្ហាញពីឧត្តមភាពរបស់ខ្លួននៅក្នុងយុគសម័យឌីជីថលផងដែរ។ បច្ចុប្បន្ននេះ នគរបាលឃុំហុងយឹនកំពុងគ្រប់គ្រង និងដំណើរការកាមេរ៉ាចំនួន ១២ គ្រឿងដោយផ្ទាល់។ មិនត្រឹមតែសម្រាប់ថតយកនូវរូបភាពប៉ុណ្ណោះទេ ប៉ុន្តែប្រព័ន្ធកាមេរ៉ានេះបានក្លាយជាប្រភពនៃឯកសារប្រតិបត្តិការ ដែលជួយអនុវត្តច្បាប់កាត់បន្ថយពេលវេលាសម្រាប់ការផ្ទៀងផ្ទាត់ កំណត់អត្តសញ្ញាណជនសង្ស័យ ពង្រឹងភស្តុតាង និងបង្កើនប្រសិទ្ធភាពនៃការស៊ើបអង្កេត និងការដោះស្រាយឧក្រិដ្ឋកម្មទៀតផង។

លោក Danh Hoàng Ân ជាអ្នកស្រុកភូមិក្បាលក្រពើ (Đầu Sấu) បានសម្តែងថា៖ «ចាប់តាំងពីការដំឡើងប្រព័ន្ធកាមេរ៉ាឃ្លាំមើលមក ស្ថានភាពសន្តិសុខនៅក្នុងភូមិកាន់តែមានស្ថេរភាព ហើយប្រជាជនមានអារម្មណ៍ថាសុវត្ថិភាពជាងមុនក្នុងកិច្ចការងាររបស់ខ្លួន។ ប្រជាជនសង្ឃឹមថា នាពេលអនាគត រដ្ឋាភិបាលនឹងបន្តវិនិយោគលើកាមេរ៉ាបន្ថែមទៀត ដើម្បីរក្សាសន្តិភាព និងសន្តិសុខនៅក្នុងតំបន់»។

កិច្ចសហការយ៉ាងសកម្មពីប្រជាជនបានជំនួយកម្លាំងឱ្យនគរបាលកាន់តែក្តាប់បានដំណឹងជាមុនអំពីស្ថានភាព និងដោះស្រាយហានិភ័យដែលអាចកើតមានបានទាន់ពេលវេលា និងពីចម្ងាយផងដែរ។ ផ្តើមពីនោះ អាចបង្ការទាន់ពេលវេលា និងការជៀសវាងចំណុចក្តៅខាងសន្តិសុខ ការពារជីវិតរស់នៅដោយសុខក្សេមក្សាន្ត និងសុភមង្គលសម្រាប់បងប្អូនប្រជាជន៕

Thanh Hải