លំនៅឋាន «៣ រឹងមាំ» សម្រាប់ជនរួមជាតិ

មានគ្រួសារក្រ និងប្រកៀកបន្ទាត់ជាជនជាតិភាគតិចជាច្រើននៅឃុំ Khánh Hưng កំពុង ទទួលយកនូវក្តីសប្បាយរីករាយខណៈដែលមានលំនៅឋានថ្មី។ រាល់លំនៅឋាន «៣ រឹងមាំ » នីមួយៗមិនត្រឹមតែផ្តល់ទីជម្រកមានស្ថេរភាពប៉ុណ្ណោះទេ ថែមទាំងបម្រើជាមូលដ្ឋានសម្រាប់ជីវភាពរស់នៅ ដើម្បីសន្សឹមៗឈានឡើងក្នុងការរស់នៅទៀតផង។ ជាមួយការប្តេជ្ញាចិត្តបញ្ចប់គម្រោងមុនកាលកំណត់ Khánh Hưng កំពុងបង្កើនល្បឿនដើម្បីលំនៅឋាននៃក្តីមេត្តាទាំងនេះឆាប់បានសម្រេច។

លំនៅឋាន “៣ រឹងមាំ” មិនត្រឹមធានាបិទបាំងភ្លៀងខ្យល់ប៉ុណ្ណោះទេ ថែមទាំងផ្តល់ទំនុកចិត្តសម្រាប់បងប្អូនជនរួមជាតិកាន់តែមានចិត្តខិតខំពលកម្មផលិត ដើម្បីឈានឡើងរួចចាកក្រទៀតផង។

សព្វថ្ងៃនេះ មានពេលទៅទស្សនាតាមបណ្តាភូមិទាំងឡាយលើភូមិសាស្ត្រឃុំ Khánh Hưng នឹងងាយបានជួបប្រទះនូវរូបភាពផ្ទះជាច្រើនដែលកំពុងប្រញ៉ាប់សាងសង់។ សម្លេងម៉ាស៊ីនលាយបេតុង និងមនុស្សស្រែកហៅគ្នាទៅវិញទៅមកដើម្បីជញ្ជូនឥវ៉ាន់ និងវត្ថុប្រើប្រាស់ផ្សេងៗជាដើម  បង្កើតបរិយាកាសការងារដ៏មមាញឹក។ នៅលើដីធារដែលកាលពីមុនជាផ្ទះបណ្ដោះអាសន្ន និងបណ្តាល ផ្ទះ «ដំបូលរឹងមាំ គ្រឹះរឹងមាំ និងស៊ុម - ជញ្ជាំងរឹងមាំ» ទាំងនេះកំពុងត្រូវបានបញ្ចប់ជាបណ្តើរៗ នាំមកនូវសេចក្តីរីករាយដល់គ្រួសារដែលបានរស់នៅអស់រយៈពេលជាច្រើនឆ្នាំនៅក្នុងលំនៅដ្ឋានដែលទ្រុឌទ្រោម និងខ្វះសុវត្ថិភាព។

សម្រាប់គ្រួសារជនជាតិភាគតិចក្រីក្រ និងប្រកៀកបន្ទាត់ក្រ ជីវភាពភាគច្រើនពឹងផ្អែកលើកម្លាំងពលកម្មស៊ីឈ្នួល ប្រាក់ចំណូលរកបានមិនស្ថិតស្ថេរ។ ការធានាជីវភាពរស់នៅសម្រាប់គ្រួសារគឺពិបាករួចទៅហើយ ដូច្នេះការសន្សំប្រាក់ដើម្បីសាងសង់ផ្ទះគឺកាន់តែពិបាកខ្លាំងទៀតដែរ។ ដោយយល់ឃើញពីស្ថានភាពនេះ ខេត្ត Cà Mau កំពុងអនុវត្តកម្មវិធីឧបត្ថម្ភសាងសង់ថ្មី និងកែជួសជុលផ្ទះចំនួន ១.០៦៩ ខ្នងសម្រាប់គ្រួសារក្រីក្រ និងគ្រួសារប្រកៀកបន្ទាត់ក្រ គ្រួសារជនជាតិភាគតិច និងគ្រួសារដែលមានកូនរបស់អ្នកតស៊ូធ្វើបដិវត្តន៍ដែលរងផលប៉ះពាល់ដោយជាតិពុលគីមី សរុបថវិកាអស់ជាង ៨០ ពាន់លានដុង។ ក្នុងនោះ ឃុំ Khánh Hưng កំពុងអនុវត្តសាងសង់ផ្ទះជិត ៣០ ខ្នង។ បច្ចុប្បន្ន ផ្ទះជាច្រើនក៏ត្រូវបានសាងសង់រួចរាល់ជាង ៨០% ហើយកំពុងខិតខំបញ្ចប់មុនថ្ងៃទី ២០ ខែសីហា មុនកាលកំណត់រួមរបស់ខេត្តផងដែរ។

លោក Huỳnh Thành Đến លេខាគណៈកម្មាធិការបក្ស និងជាប្រធានក្រុមប្រឹក្សាប្រជាជនឃុំ Khánh Hưng បានឱ្យដឹង៖ ភូមិភាគបានបញ្ជាក់ពីការជំនួយឧបត្ថម្ភសាងសង់ផ្ទះជូនគ្រួ សារក្រ ប្រកៀកបន្ទាត់ក្រ ជាពិសេសគ្រួសារជនជាតិភាគតិចដែលមានជីវភាពជួបលំបាក ជាភារកិច្ចខាងសុខុមាលភាពសង្គមដ៏ជាក់ស្តែងមួយ។ ដូច្នេះ រួមជាមួយនឹងការបង្កើនល្បឿន សាងសង់ ឃុំតែងតែត្រួតពិនិត្យជាប្រចាំដើម្បីធានាគុណភាពសម្រាប់ផ្ទះនីមួយៗផងដែរ។ ក្រៅពីប្រភពថវិកាជំនួយឧបត្ថម្ភរបស់រដ្ឋ ភូមិភាគថែមទាំងបានចលនាសាច់ញាតិ និង សហគមន៍ឱ្យចូលរួមចំណែកកម្លាំងពលកម្មដើម្បីកាត់បន្ថយការចំណាយ និងជួយបញ្ចប់គម្រោងឱ្យបានឆាប់រហ័សទៀតផង។

លំនៅឋាន "៣ រឹងមាំ" ដែលមានទំហំ ៤,៧ម៉ែត្រ និងប្រវែង ១៩ ម៉ែត្របានសាងសង់ផ្តើមពីប្រភពនៃការឧបត្ថម្ភរបស់រដ្ឋ រួមជាមួយជំនួយរបស់សាច់ញាតិ បង្កើតបានទីជម្រកដ៏សុខសាន្តសម្រាប់គ្រួសារបង Lâm Còn ផងដែរ។

នៅភូមិ Kinh Đứng ផ្ទះថ្មីរបស់បង Lâm Còn ជាគ្រួសារជនជាតិភាគតិចក្រីក្រដែលកំពុងត្រូវបានផ្តើមសាងសង់។ អស់រយៈពេលជាច្រើនឆ្នាំកន្លងមក គ្រួសារបងត្រូវរស់នៅក្នុងផ្ទះបណ្ដោះ អាសន្ន ហើយរៀងរាល់រដូវភ្លៀងម្តងៗ គ្រួសារបងតែព្រួយបារម្ភជាខ្លាំង ពីព្រោះលេចធ្លាយស្ទើគ្រប់ទីកន្លែង។ ឥឡូវ បានរដ្ឋជំនួយឧបត្ថម្ភទឹកប្រាក់ចំនួន ៨០ លានដុង ដើម្បីសាងសង់ផ្ទះថ្មី ក្តីសប្បាយរីករាយរបស់មិនអាចមានអ្វីប្រៀបបាននោះទេ ខណៈពេលដែលក្តីស្រមៃចង់បានផ្ទះដ៏រឹងមាំរបស់ខ្លួនជិតក្លាយជាការពិត។

លោក Lâm Còn បានចែករំលែកថា៖ «ដោយមានផ្ទះរឹងមាំ ប្តីប្រពន្ធខ្ញុំកាន់តែមានទំនុកចិត្តក្នុងការខិតខំរកស៊ីដើម្បីរួចចាកពីភាពក្រីក្រ។ គ្រួសារខ្ញុំពិតជាដឹងគុណយ៉ាងខ្លាំងចំពោះការយកចិត្តទុកដាក់ និងការគិតគូររបស់រដ្ឋអំណាចភូមិភាគ របស់បក្ស និងរដ្ឋ»។

រាល់លំនៅឋាន «៣ រឹងមាំ» នីមួយៗដែលបានសាងសង់មិនត្រឹមតែមានការឧបត្ថម្ភរបស់រដ្ឋប៉ុណ្ណោះទេ ប៉ុន្តែក៏មានការខិតខំប្រឹងប្រែងរួមគ្នារបស់សាច់ញាតិ និងសហគមន៍ផងដែរ។ ទាំងនេះពិតជាលំនៅឋានប្រកបដោយក្តីមេត្តា និងជាទីជម្រកសម្រាប់គ្រួសារក្រីក្រី គ្រួសារប្រកៀកបន្ទាត់ក្រជាជនជាតិភាគតិចទាំងឡាយកាន់តែមានទំនុកចិត្តសាងជីវភាពគ្រួសាររបស់ខ្លួនរស់នៅស្ថិរភាព និងប្រសើរជាងមុនផងដែរ៕

Kiều Nương - Chiêu Vương