កែលម្អគុណភាពនៃអ្នកមានកិត្យានុភាព

បន្ទាប់ពីការរៀបចំឡើងវិញនូវភូមិ និងអនុសង្កាត់ ខេត្ត Cà Mau កំពុងពង្រឹង និងកែលម្អយ៉ាងមានប្រសិទ្ធភាពនៃសកម្មភាពសម្រាប់បុគ្គលអ្នកមានកិត្យានុភាពក្នុងជនរួមជាតិភាគតិចក្នុងដំណាក់កាលចាប់ពីពេលនេះរហូតដល់ឆ្នាំ ២០៣០។

ខេត្ត Cà Mau សព្វថ្ងៃមានបុគ្គលអ្នកមានកិត្យានុភាពចំនួន ១៥៨ នាក់នៅគ្រប់ភូមិ និងអនុសង្កាត់ដែលមានជនរួមជាតិភាគតិចរស់នៅ។ (រូបថតនៅវត្តក្រពុំមានជ័យ កោះធំ ឃុំ Ninh Thạnh Lợi)។

ទូទាំងខេត្ត Cà Mau មានអ្នកមានកិត្យានុភាពទាំងអស់ចំនួន ១៥៨ នាក់ក្នុងជនរួមជាតិភាគតិចនៅ ៣៩ ឃុំ និងសង្កាត់។ សម្រាប់បុគ្គលទាំងនេះមានរចនាសម្ព័ន្ធ និងសមាសភាពចម្រុះ រួមមាន៖ លេខាសាខាបក្ស ប្រធានភូមិ/សង្កាត់ កម្មាភិបាលចូលនិវត្តន៍ អ្នកមុខអ្នកការសាសនា និងឯកជនផលិត និងធ្វើអាជីវកម្មពូកែ។ ក្នុងនោះ ជនរួមជាតិ Khmer ស្រូបអត្រាច្រើនជាងគេ ដោយមានចំនួន ១១៦ នាក់ (ស្មើនឹង ៧៣,៤២%) ចំណែកនៅសល់គឺជាជនជាតិ Hoa និង Kinh។

ការរៀបចំឡើងវិញនូវភូមិ និងអនុសង្កាត់នានាបានផ្លាស់ប្តូរតំបន់ភូមិសាស្ត្រនេះផងដែរ។ ចំនួនអង្គភាព តំបន់ប្រជុំជនដែលមានបុគ្គលអ្នកមានកិត្យានុភាពបានថយចុះចាប់ពី ១៥៨ មកត្រឹម ១២៦ ភូមិ និងអនុសង្កាត់។ ការរួមបញ្ចូលគ្នានៃអង្គភាពចំនួន ២ ឬច្រើនអង្គភាពទៅជាភូមិ/អនុសង្កាត់ថ្មីតែ ១ បានបណ្តាលឱ្យមានស្ថានភាពដែលអ្នកមានកិត្យានុភាពចាប់ពី ២ នាក់ឡើងទៅដែលធ្វើប្រតិបត្តិការនៅក្នុងតំបន់តែមួយ។ ការពិតនេះបានបង្កើតឱកាសដើម្បីជ្រើសរើសបុគ្គលឆ្នើមពិតប្រាកដ និងតម្រូវឱ្យមានការបែងចែកធនធានសមហេតុផល ព្រមទាំងដាក់ចេញនូវតម្រូវការត្រូវមានដំណោះស្រាយយ៉ាងសមស្របផងដែរ។

លោក Lương Văn Pho អនុប្រធានមន្ទីរជនជាតិ និងសាសនា បានឱ្យដឹង៖ ខេត្តកំពុងពិនិត្យ និងបង្រួបបង្រួមប្រព័ន្ធនេះ ដើម្បីធានាបាននូវការចាត់តាំងយ៉ាងសមស្របតាមស្ថានភាពថ្មី ក្នុងគោលបំណងដើម្បីបង្កើនប្រសិទ្ធភាពសម្រាប់អ្នកមានកិត្យានុភាព និងជៀសវាងការខ្ជះខ្ជាយប្រភពធនធានសង្គមនៅកម្រិតមូលដ្ឋាន។

ស្តីពីការទាក់ទងនឹងការចូលរួមក្នុងប្រព័ន្ធនយោបាយកម្រិតមូលដ្ឋាន មុនពេលការរៀបចំឡើងវិញ មានបុគ្គលអ្នកមានកិត្យានុភាពចំនួន ១៨ នាក់ដែលបានកាន់តំណែងនៅក្នុងភូមិ និងអនុសង្កាត់។ បន្ទាប់ពីការរៀបចំឡើងវិញ គិតថានឹងមានបុគ្គលចំនួន ៨ នាក់នឹងបន្តមានសិទ្ធិចូលរួមដោយផ្ទាល់ រួមមាន៖ លេខាសាខាបក្សចំនួន ៥ នាក់ ប្រធានភូមិ និងអនុសង្កាត់ ២ នាក់ ព្រមទាំងប្រធានទទួលបន្ទុកការងារខាងរណសិរ្សមាតុភូមិចំនួន ១ នាក់។

សម្រាប់បុគ្គលអ្នកមានកិត្យានុភាពចំនួន ១៥០ នាក់ ដែលមិនកាន់តំណែងឯកទេស ខេត្តក៏កំណត់អត្តសញ្ញាណពួកគេថាជាប្រភពធនធានសង្គមដ៏សំខាន់ជាពិសេសក្នុងការចល័តមូលដ្ឋាន ការសម្របសម្រួល និងរក្សាសន្តិសុខ និងសណ្តាប់ធ្នាប់នៅក្នុងតំបន់ភូមិភាគ។

ចាប់ពីពេលនេះរហូតដល់ឆ្នាំ ២០៣០ ខេត្ត Cà Mau និងខិតខំយកចិត្តទុកដាក់ និងបំប៉នផ្នែកខាងទេពកោសល្យវ័យក្មេង អ្នកមានចំណេះដឹង ឯកជនផលិត និងធ្វើអាជីវកម្មពូកែ ព្រមទាំងអ្នកមុខអ្នកការសាសនា ដើម្បីធានាការស្នងបន្តវេនប្រកបដោយចីរភាព។ (រូបថតនៅវត្តសិរីមង្គល ជ្រុងខ្មែរ (Rạch Giồng) ឃុំ Hồ Thị Kỷ)។

ក្នុងដំណាក់កាល ២០២៦-២០៣០ ខេត្ត Cà Mau បន្តពង្រឹង និងកែលម្អគុណភាពសកម្មភាពរបស់បុគ្គលអ្នកមានកិត្យានុភាពតាមរបៀបជាក់ស្តែង និងជាគំរូ ដែលធ្វើឱ្យកម្លាំងនេះក្លាយជាធាតុស្នូលនៅក្នុងប្រព័ន្ធនយោបាយមូលដ្ឋាន។ គោលដៅគឺថា នៅឆ្នាំ២០៣០ គ្រប់ទូទាំងភូមិ និងអនុសង្កាត់ទាំងឡាយក្នុងតំបន់ជនជាតិភាគតិចនឹងមានបុគ្គលអ្នមានកិត្យានុភាព ឬកម្លាំងស្នូលចូលរួមក្នុងចលនាមហាជន និងឃោសនាផ្សព្វផ្សាយផងដែរ។ ជាពិសេស បុគ្គលអ្នកមានកិត្យានុភាពគ្រប់រូបនឹងត្រូវបានផ្តល់ព័ត៌មាន ការបណ្តុះបណ្តាលជំនាញ អត្ថប្រយោជន៍ និងគោលនយោបាយយ៉ាងពេញលេញតាមការកំណត់។

យោងតាមលោក Ngô Vũ Thăng អនុប្រធានគណៈកម្មាធិការប្រជាជនខេត្ត ដើម្បីសម្រេចបាននូវគោលដៅខាងលើ ខេត្ត Cà Mau បានផ្តោតលើការកំណត់អត្តសញ្ញាណ និងបំប៉នផ្នែកខាងទេពកោសល្យវ័យក្មេង បុគ្គលមានចំណេះដឹងគ្រប់គ្រាន់ និងអ្នកឯកទេសផលិត និងធ្វើអាជីវកម្មពូកែ ព្រមទាំងអ្នកមុខអ្នកការសាសនា ដើម្បីធានាបាននូវការបន្តវេនប្រកបដោយចីរភាព។ ទន្ទឹមនិងនោះ ក៏ជំរុញខ្លាំងខ្លា និងលើកកម្ពស់ការផ្លាស់ប្តូរឌីជីថលក្នុងការគ្រប់គ្រង និងបង្កើតការផ្លាស់ប្តូរព័ត៌មានទ្វេភាគីរវាងរដ្ឋអំណាច និងបុគ្គលអ្នកមានកិត្យានុភាព៕

Nguyễn Quốc