ពង្រីកតួនាទីរណសិរ្សមាតុភូមិក្នុងសកម្មភាពសាសនា

លើភូមិសាស្ត្រខេត្ត Cà Mau មានជាច្រើនសាសនាកំពុងរួមរស់ជាមួយគ្នា ហើយមានទំនាក់ទំនងយ៉ាងជិតស្និទ្ធ និងបានរួមចំណែកដល់ការអភិវឌ្ឍខេត្តទាំងមូលផងដែរ។ ដោយដើរតួជាស្ពានតភ្ជាប់រវាងបក្ស រដ្ឋ និងអង្គការសាសនា និងអ្នកកាន់សាសនា គណៈកម្មាធិការរណសិរ្សមាតុភូមិវៀតណាមខេត្ត Cà Mau បានអនុវត្តសកម្មភាពជាក់ស្តែងជាច្រើន ដោយចលនាបណ្តាសាសនាទាំងឡាយដើម្បីលើកកម្ពស់ស្មារតីនៃ "ជីវិតល្អ បវរសាសនា" ចូលរួមយ៉ាងសកម្មចំពោះប្រពៃណីស្នេហាជាតិ រួមចំណែកដល់ការអភិវឌ្ឍសេដ្ឋកិច្ច-សង្គម និងពង្រឹងផែនមហាសាមគ្គីទូទាំងជនជាតិ។

គណៈកម្មាធិការរណសិរ្សមាតុភូមិ Việt Nam ឃុំ Long Điền បានសហការជាមួយមូលនិធិសុខុមាលភាពសង្គម An Khang Bạc Liêu ផ្តើមសាងសង់ផ្ទះមហាសាមគ្គីទូទាំងជនជាតិជូនគ្រួសារជួបលំបាកលើភូមិសាស្ត្រឃុំ។

បញ្ជាក់សកម្មភាពសាសនាជាភារកិច្ចដ៏សំខាន់ រណសិរ្សមាតុភូមិ Việt Nam គ្រប់លំដាប់ថ្នាក់ទូទាំងខេត្តតែងឆ្ពោះទៅមូលដ្ឋាន យល់បានយ៉ាងឆាប់រហ័សនូវគំនិត និងបំណងប្រាថ្នារបស់ប្រជាជន និងបញ្ជូនសំណើស្របច្បាប់របស់ពួកគេទៅកាន់ស្ថាប័នពាក់ព័ន្ធ។ ក្នុងពេលជាមួយគ្នានេះដែរ ក៏លើកកម្ពស់ការផ្សព្វផ្សាយគោលនយោបាយរបស់បក្ស និងរដ្ឋស្តីពីជំនឿ និងសាសនា លើកទឹកចិត្តអង្គការសាសនាឱ្យដំណើរការស្របតាមបទប្បញ្ញត្តិ និងចូលរួមយ៉ាងសកម្មចំពោះប្រពៃណីស្នេហាជាតិ។ ផ្តើមពីនោះ ក៏លើកកម្ពស់តម្លៃមនុស្សធម៌នៃសាសនា ពង្រឹងផែនមហាសាមគ្គីទូទាំងជនជាតិ ព្រមទាំងលំនឹងជំនឿ និងសាសនាលើនៅលើភូមិសាស្ត្រ។

ផ្តើមពីការចលនា រួមដំណើរការ និងផ្សារភ្ជាប់រវាងរណសិរ្សមាតុភូមិ Việt Nam និងអង្គការសាសនា ស្មារតីនៃ "ជាតិល្អ​ បវរសាសនា" ត្រូវបានលើកកម្ពស់កាន់តែខ្លាំងឡើងតាមរយៈសកម្មភាពជាក់ស្តែងជាច្រើនសម្រាប់សហគមន៍។ ចាប់តាំងពីដើមឆ្នាំមក អង្គការសាសនាបានកៀរគរថវិកាជាង ១០០ ពាន់លានដុង ដើម្បីសាងសង់ផ្ទះមហាសាមគ្គីភាព ផ្តល់អាហារូបករណ៍ដល់សិស្សក្រីក្រ ផ្តល់ការពិនិត្យសុខភាព និងថ្នាំពេទ្យដោយឥតគិតថ្លៃ ព្រមទាំងឧបត្ថម្ភប្រជាជនដែលជួបលំបាកដោយសារគ្រោះមហន្តរាយធម្មជាតិ និងគ្រោះមហន្តរាយផ្សេងកើតឡើង។

លើសពីនេះ អង្គការសាសនាចូលរួមយ៉ាងសកម្មក្នុងការការពារបរិស្ថាន និងការអភិវឌ្ឍតំបន់ជនបទថ្មី និងទីក្រុងស៊ីវិល័យ។ ទម្រង់ជាច្រើនដូចជា៖ "មូលដ្ឋានសាសនាបៃតង ស្អាត និងស្រស់ស្អាត" "ផ្លូវគ្មានសំរាម" និង "ដាំដើមឈើនៅក្នុងបរិវេណកសាសនា" ត្រូវបានអនុវត្តប្រកបដោយប្រសិទ្ធភាព បង្កើតទេសភាពក្នុងស្រុកបៃតង ស្អាត និងស្រស់ស្អាត។

មិនត្រឹមអនុវត្តការងារឃោសនា និងចលនាប្រកបដោយប្រសិទ្ធភាព ព្រមទាំងការយល់ដឹងអំពីគំនិត និងសេចក្តីប្រាថ្នារបស់អង្គការសាសនា រណសិរ្សមាតុភូមិខេត្តក៏យកចិត្តទុកដាក់ និងបង្កលក្ខណៈអំណោយផលសម្រាប់អង្គការសាសនាក្នុងការដំណើរការស្របតាមច្បាប់ ចាត់តាំងក្រុមអញ្ជើញទៅសួរសុខទុក្ខ និងប្រសិទ្ធពរបុណ្យប្រពៃណីធំៗប្រចាំឆ្នាំ ព្រមទាំងសហការឧបត្ថម្ភរាល់ព្រឹត្តិការណ៍សំខាន់ៗរបស់អង្គការសាសនា។ ផ្តើមពីនោះ បង្កើនកិច្ចសហប្រតិបត្តិការរវាងអង្គការសាសនា និងភូមិភាគ។

ប្រជាសាសនិក Cao Đài Chơn Minh đạo​ ឃុំ Phong Thạnh សហការជាមួយរដ្ឋអំណាចភូមិភាគ ដាំដើមឈើ បង្កើតបរិយាកាសបៃតង ស្អាត និងស្រស់ស្អាតនៅជុំវិញទីតាំងគោរពបូជា។

«នាពេលខាងមុខ គណៈកម្មាធិការរណសិរ្សមាតុភូមិ Việt Nam ខេត្ត Cà Mau នឹងបន្តច្នៃប្រតិដ្ឋ វិធីសាស្រ្តចលនារបស់ខ្លួន ពង្រឹងកិច្ចប្រជុំ និងការសន្ទនា ស្តាប់ការបញ្ចេញមតិយោបល់របស់អង្គការសាសនា ព្រមទាំងពង្រីកសាយភាយទម្រង់នៃការការពារបរិស្ថាន កសាងជនបទថ្មី ទីក្រុងស៊ីវិល័យ និងសុខុមាលភាពសង្គម ព្រមទាំងមានការលើកសរសើរទាន់ពេល និងផ្សព្វផ្សាយពីតម្លៃដ៏ល្អផូរផង់ក្នុងសហគមន៍» លោក Bùi Minh Hà  អនុប្រធានគណៈកម្មាធិការរណសិរ្សមាតុភូមិ Việt Nam ខេត្ត Cà Mau បានឱ្យដឹងដូច្នេះ។

ជាមួយទិសស្លោកនៃការស្តាប់ រួមដំណើរការ និងពង្រឹងកម្លាំងសាមគ្គី គណៈកម្មាធិការរណសិរ្សមាតុភូមិ Việt Nam ខេត្ត Cà Mau បានបញ្ជាក់ពីតួនាទីរបស់ខ្លួនជាស្ពានតភ្ជាប់រវាងបក្ស រដ្ឋអំណាចភូមិភាគ និងអង្គការសាសនា ដោយប្រមូលផ្តុំធនធានដើម្បីរួមគ្នាកសាងមាតុភូមិមួយថ្ងៃកាន់តែមានការអភិវឌ្ឍថែមទៀត៕

Tú Quyên