Truyền hình
មិនត្រឹមតែបង្កើតប្រភពចំណូលបន្ថែមប៉ុណ្ណោះទេ បណ្ដាទម្រង់ផលិតដ៏សមស្របកំពុងជួយគ្រួសារបងប្អូនជនជាតិភាគតិចជាច្រើនមានស្ថិរភាពជីវភាព និងមានលក្ខណៈចិញ្ចឹមកូនចៅ ព្រមទាំងឈានទៅកសាងអនាគតជាបណ្ដើរៗទៀតផង។ ផ្តើមពីបណ្ដាចម្ការដំណាំបន្លែបង្ការដែលបានវិនិយោគត្រូវទិសដៅ មុខរបរចិញ្ចឹមជីវិតកំពុងក្លាយជាទីបង្អែករឹងមាំសម្រាប់គ្រួសារនីមួយៗទៀតផង។
លើផ្ទៃដី ២.០០០ ម៉ែត្រការ៉េ លោក Thạch Thiên នៅភូមិ Sóc Đồn ដាំផ្កាស្បៃរឿង ផ្តល់ប្រភពចំណូលស្ថិរភាពពេញមួយឆ្នាំ។
ជាង ១០ ឆ្នាំដែលបានផ្សារភ្ជាប់ជាមួយមុខរបរដាំបន្លែបង្ការ លោក Thạch Thiên នៅភូមិ Sóc Đồn ឃុំ Hưng Hội បានរក្សាផលិតកម្មតាមទិសដៅចម្រុះមុខ និងឆ្លាស់វេនគ្នាពេញមួយឆ្នាំ។ លើផ្ទៃដី ២.០០០ ម៉ែត្រការ៉េ លោកដាំផ្កាស្បៃរឿង ប្រមាណកន្លះខែគឺបានប្រមូលផលម្តង រីឯផ្ទៃដី ៦០០ ម៉ែត្រការ៉េដែលនៅសល់ លោកដាំឆ្លាស់មុខដំណាំឃ្លោក និងត្រឡាច។ អាស្រ័យហេតុនោះ ប្រាក់ចំណូលពីដំការណាំបន្លែបង្ការរបស់គ្រួសារលោកសម្រេចបានជាង ១០០ លានដុងក្នុងមួយឆ្នាំ។
ផ្តើមពីប្រភពទុន ៤០ លានដុងនៃមូលនិធិគាំទ្រកសិករ លោកបានវិនិយោគទិញម៉ាស៊ីនភ្ជួររាស់ ប្រព័ន្ធស្រោចស្រព និងសម្ភារផលិតកម្ម។ លោក Thạch Thiên ឱ្យដឹងថា៖ «ប្រសិនបើនៅមានដីទំនេរ គ្រួសារខ្ញុំនឹងបន្តពង្រីកផ្ទៃដីដាំដំណាំបន្លែបង្ការ ពីព្រោះកសិផលមានទីផ្សារនាំចេញស្ថិរភាព។ អាស្រ័យដោយប្រភពចំណូលនេះ កូនៗរបស់ខ្ញុំត្រូវបានរៀនសូត្រពេញលេញ ហើយបច្ចុប្បន្នសុទ្ធតែមានការងារធ្វើ និងមានចំណូលនឹងនរផងដែរ»។
ក៏នៅភូមិ Sóc Đồn ដូចគ្នាដែរ លោក Lý Hùng Sang មានរយៈពេលជាង ២០ ឆ្នាំផ្សារភ្ជាប់ជាមួយមុខរបរដាំបន្លែបង្ការ។ ជារៀងរាល់ឆ្នាំ គ្រួសារលោកដាំឆ្លាស់វេនពី ៤ ដល់ ៥ រដូវ ដោយជ្រើសរើសប្រភេទដំណាំសមស្របដើម្បីរក្សាប្រភពចំណូល។ អាស្រ័យដោយការផលិតមានស្ថិរភាព ចំណូលសម្រេចបានជិត ១០០ លានដុងក្នុងមួយឆ្នាំផងដែរ។
លោក Sang បានចែករំលែកថា៖ «អាស្រ័យតាមពេលវេលានីមួយៗ គ្រួសារខ្ញុំចុះពូជដាំស្ពៃ ត្រកួន ផ្ទី ល្ពៅ ឬត្រឡាច។ អាស្រ័យដោយការដាំឆ្លាស់វេន ទើបសេដ្ឋកិច្ចគ្រួសារមានស្ថិរភាពជាបណ្ដើរៗ និងមានលក្ខណៈផ្គត់ផ្គង់ឱ្យកូនៗបានសិក្សារៀនសូត្រត្រឹមត្រូវ»។
ដើម្បីឱ្យបណ្ដាទម្រង់ទាំងនេះពង្រីកប្រសិទ្ធភាព ប្រភពទុន និងបច្ចេកទេសជាកត្តាសំខាន់។ សមាគមកសិករឃុំ Hưng Hội បានធ្វើជាស្ពានចម្លងនាំយកប្រភពទុនទៅដល់ចំមុខសញ្ញានីមួយៗ ព្រមទាំងឧបត្ថម្ភផ្ទេរជូនវិទ្យាសាស្ត្រ-បច្ចេកទេស និងផ្សព្វផ្សាយទូលំទូលាយនូវបណ្ដាទម្រង់ដែលសមស្របទៀតផង។
លោក Lý Hùng Sang ជ្រើសរើសដាំឆ្លាស់វេនពី ៤-៥ រដូវក្នុងមួយឆ្នាំ ជាមួយនឹងប្រភេទដំណាំបន្លែបង្ការជាច្រើនមុខសមស្រប ដើម្បីរក្សាប្រភពចំណូលពេញមួយឆ្នាំ។
ដោយឡែក ប្រភពទុនឥណទានគោលនយោបាយសង្គមបានបញ្ចេញទុន ៤៨ ពាន់លានដុងសម្រាប់ ១.០៤៨ គ្រួសារបុល មូលនិធិគាំទ្រកសិករបានឧបត្ថម្ភទឹកប្រាក់ ២,៧ ពាន់លានដុងដល់ ៨២ គ្រួសារ ដើម្បីអភិវឌ្ឍបណ្ដាទម្រង់ដាំដំណាំបន្លែបង្ការសុវត្ថិភាព ចិញ្ចឹមត្រីបាឃឿ ចិញ្ចឹមគោ និងជ្រូកសម្រាប់លក់សាច់។
លោកស្រី Mã Mỹ Ngọc ប្រធានសមាគមកសិករឃុំ Hưng Hội បានចែករំលែកថា៖ អ្វីដែលសំខាន់មិនត្រឹមតែប្រជាជនបានទទួលប្រភពទុនប៉ុណ្ណោះទេ ថែមទាំងត្រូវប្រើប្រាស់ទុនឱ្យចំគោលដៅ បង្កើតប្រសិទ្ធភាពសេដ្ឋកិច្ចទៀតផង។ សមាគមនឹងបន្តរួមដំណើរ ណែនាំប្រភពទុន និងឧបត្ថម្ភសមាជិកអភិវឌ្ឍបណ្ដាទម្រង់សមស្រប រួមចំណែកលើកកម្ពស់ជីវភាពរស់នៅ។
ប្រភពទុនមួយចំណែកដែលបានវិនិយោគចំទិសដៅ អាចបង្កើតឡើងនូវបណ្ដារដូវកាលផលិតថ្មីៗ នាំមកនូវប្រភពចំណូលស្ថិរភាព និងជួយឱ្យគ្រួសារនីមួយៗមានលក្ខណៈបន្ថែមទៀតដើម្បីផ្គត់ផ្គង់ជីវភាព សម្រេចនូវក្តីប្រាថ្នាក្នុងការសិក្សារៀនសូត្រ។ ផ្តើមពីបណ្ដាចម្ការដំណាំបន្លែបង្ការនាថ្ងៃនេះ មុខរបរចិញ្ចឹមជីវិតត្រូវបានពង្រឹង ជីវភាពបងប្អូនជនរួមជាតិបានប្រសើរឡើងជាបណ្ដើរៗ បង្កើតជាគ្រឹះស្ថានសម្រាប់ជីវិតរស់នៅប្រកបដោយស្ថិរភាព និងចីរភាពជាងមុនផងដែរ៕
Kim Trúc
Anh Tuấn
Xem thêm bình luận