អស់ពីចិត្តគោរពស្រឡាញ់អ៊ំហូ

ខែឧសភា គឺជាថ្ងៃខួបកំណើតអ៊ំ រួមជាមួយប្រជាជនទូទាំងខេត្ត បងប្អូនជនរួមជាតិខ្មែរឃុំហូធីគី ស្រុកធើយប៊ិញ សូមសម្តែងនូវការគោរពរំលឹកនឹកគុណអ៊ំដោយក្តីស្រឡាញ់មហិមាក្រៃលែងបំផុត។

លោកង្វៀងវៀតបាក់ អនុប្រធានគណៈកម្មាធិការប្រជាជនឃុំហូធីគី ឲ្យដឹង៖ “ជនរួមជាតិខ្មែរនិយាយដោយឡែក និងប្រជាជនឃុំហូធីគីនិយាយរួម តែងសម្តែងនូវការគោរពស្រឡាញ់ដ៏ឧត្តុង្គឧត្តមក្រៃលែងបំផុតចំពោះអ៊ំហូ។ ជីវិតរស់នីសុខក្សេមក្សាន្ត មាតុភូមិថ្លៃថ្លា ប្រទេសជាតិអភិវឌ្ឍន៍ដូចសព្វថ្ងៃក៏អាស្រ័យមានអ៊ំជាអ្នកបង្ហាញផ្លូវផងដែរ”។

តំបន់ជនរួមជាតិខ្មែរឃុំហូធីគីមានប្រមាណ៦០០គ្រួសារ នេះជាឃុំមួយដ៏ឆ្នើមក្នុងការអភិវឌ្ឍន៍សេដ្ឋកិច្ច-សង្គមតំបន់ជនចាតិភាគតិចរបស់ខេត្ត។ ទីនេះមានភូមិខ្មែរដែលបានចាត់ទុកថាជា “ភូមិអ្នកមាន” “ភូមិខ្មែរមហាវិទ្យាល័យ” ជីវភាពមាមីងបងប្អូនខ្មែររស់នៅសម្បូររុងរឿងគ្របើសព្វបែបយ៉ាង។

សម្មភាពឯកទេសបទក្នុងការរៀនសូត្រនិងធ្វើតាមសតិអារម្មណ៍ សីលធម៌ ឥរិយាបទហូជីមិញរបស់សាខាបក្សភូមិបាវញ៉ាង ឃុំហូធីគី។

លោកហ៊ឺវថាវ លេខាសាខាបក្សភូមិដឿងដាវ ឲ្យដឹង៖ “ភូមិមានគ្រួសារខ្មែរជាងពាក់កណ្តាលនៃគ្រួសារជាទូទាំងឃុំ បច្ចុប្បន្នមានប្រមាណ៧៥%គ្រួសារធូរធា។ មាមីងបងប្អូនខ្មែរតែងអស់ពីចិត្តតាមបក្ស តាមអ៊ំហូដើម្បីកសាងជីវភាពថ្មីសម្បូររុងរឿងនិងសុភមង្គល”។

នៅឃុំហូធីគី មានបងប្អូនខ្មែរជាច្រើនក៏បានរៀបចំទីសក្ការៈសម្រាប់គោរពបូជាអ៊ំនៅតាមគ្រួសាររបស់ខ្លួនផងដែរ។ នាឱកាសបុណ្យចូលឆ្នាំវៀតណាមម្តងៗ មាមមីងបងប្អូនខ្មែរក៏ដូចជាប្រជាជនទូទៅបានរៀបចំទីសក្ការៈដ៏ឧត្តុង្គឧត្តមដោយមានផ្ទាំរូបភាពរបស់អ៊ំ និងទង់ជាតិដើម្បីអំណរបក្ស អំណរនិទាឃរដូវទៀតផង។ នាឱកាសទិវាខួបកំណើតអ៊ំ និងថ្ងៃដែលអ៊ំបានលាចាកលោក បងប្អូនជនរួមជាតិខ្មែរក៏មានចាត់តាំងពិធីជួបជុំដើម្បីចូលរួមអុជធូបរំលឹកគុណអ៊ំផងដែរ។

លោកហ៊ឺវស៊ុង ជាគ្រួសារខ្មែរនៅភូមិដឿងដាវ ឃុំហូធីគី មានប្រសាសន៍៖ “ខ្ញុំបានផ្តិតរូបថតអ៊ំសម្រាប់គោរពបូជានៅផ្ទះរបស់ខ្លួនអស់រយៈកាលជាង១០ឆ្នាំហើយ។ រាល់លើកដែលបានអុជធូបរំលឹគគុណអ៊ំ ខ្ញុំតែងមានចិត្តរំភើបញាប់ញ័រឥតឧបមា។ គុណបំណាច់របស់អ៊ំហូដ៏មហិមាក្រៃលែងខ្លាំងណាស់ ប្រសិនបើគ្មានអ៊ំនោះទេ ក៏ប្រទេសជាតិគ្មានថ្ងៃនេះដែរ ប្តីប្រពន្ធខ្ញុំតែងដាស់តឿនកូនចៅឲ្យយកចិត្តទុកដាក់និងរៀនសូត្រតាមគំរូអ៊ំ ព្រមទាំងសម្តែងនូវការគោរពលោកអ៊ំជានិច្ចនិរន្តរ៍តរៀងទៅ”។

លោកហ៊ឺវស៊ុងជាមួហប្រពន្ធគឺអ្នកមីង ទ្រីវធីក្វីត នៅភូមិដឿងដាវ ឃុំហូធីគី បានរៀបចំទីសក្ការៈអ៊ំហូនៅគ្រួសាររបស់ខ្លួនសម្រាប់អុជធូបរំលឹកគុណអ៊ំជាង១០ឆ្នាំមកហើយ។

មានកិត្តិយសបានអញ្ជើញទៅគោរពបូជានៅវិមានលោកប្រធានហូជីមិញនៅរដ្ឋានីហាណូយ លោកពូស៊ុងក៏បាននាំជាប់ខ្លួននៅវត្ថុអនុស្សាវរីយ៍គឺរូបចម្លាក់អ៊ំហូ។ លោកពូចាត់ទុកនេះជាសម្បិត្តដ៏មហិមាគ្មានអ្វីប្រៀបបានសម្រាប់ខ្លួនផ្ទាន់និងសង្គមគ្រួសារដើម្បីរសម្តែងនូវទឹកចិត្តនៃការគោរពស្រឡាញ់ចំពោះអ៊ំហូ។ “ខ្លួនខ្ញុំផ្ទាល់រួមជាមួយកូនចៅទាំងអស់ នឹងបន្តខិតខំសិក្សារៀនសូត្រតាមគំរូអ៊ំ ដើម្បីជីវភាពបានរុងរឿងប្រសើរជាង និងរស់នៅមានផលប្រយោជន៍សម្រាប់សង្គម” លោកពូស៊ុង មានគំនិត្យបែបនេះ។

លោកត្រឹងអាញហ្វី អនុលេខាប្រចាំការបក្ខភាគឃុំ មានប្រសាសន៍៖ “មិនត្រឹមជាការរំលឹកនឹកគុណអ៊ំប៉ុណ្ណោះទេ គឺបក្ខភាគនិងប្រជាជនទូទាំងឃុំហូធីគីថែមទាំងបានបញ្ចេញកម្លាំងរៀនសូត្រនិងធ្វើតាមគំរូអ៊ំទៀតផង ផ្តើមពីនោះ ក៏បានបង្វែក្លាយជាប្រវេណីក្នុងការប្រឡងប្រណាំង ព្រមទាំងអនុវត្តរាល់កិច្ចការងារដែលមានផលប្រយោជន៍ដល់សង្គម និងប្រសិទ្ធភាពជាក់ស្តែងសម្រាប់ស្រុកទេស។ គិតមកទល់ពេលនេះ ទូទាំងបក្ខភាគមានបក្ខជនខ្មែរទាំងអស់២៩រូប ដែលសុទ្ធសឹងជាកងកម្លាំងដ៏ចម្បងសម្រាប់ជាស្នូលក្នុងការអភិវឌ្ឍន៍គ្រប់ជ្រុងជ្រោយខាងជីវភាពរស់នៅរបស់បងប្អូនជនរួមជាតិ”។

អនុស្សាវរីយ៍លើកទី១៣៤ឆ្នាំ ថ្ងៃខួបកំណើតអ៊ំឆ្នាំនេះ បងប្អូនជនរួមជាតិខ្មែរនិយាយដោយឡែក និងប្រជាជនទូទាំងឃុំនិយាយរួម នឹងបន្តខិតខំបញ្ចេញកម្លាំងដើម្បីកសាងប្រទេសជាតិ មាតុភូមិមួយថ្ងៃកាន់តែសម្បូររុងរឿងឲ្យបានសក្តិសមជាមួយគុណបំណាច់របស់អ៊ំដែលលោកបានលះបង់សព្វគ្រប់បែបយ៉ាងដើម្បីប្រទេសវៀតណាមយងមួយថ្ងៃកាន់តែ “សមប្រកបជាង រីកចម្រើនជាង”។ ទាំងនោះហាក់បីដូចជារដូវដែលបុប្ផាក្រអូឆ្ងុយឆ្ងប់ ធម្មជាតិស្រស់បំព្រង និងជាសរសៃធូបពេញដោយក្លិនក្រអូបសាយដែលបងប្អូនជនរួមជាតិខ្មែរឃុំហូធីគីលើកថ្វាយជូនលោកអ៊ំ៕

អត្ថបទនិងរូបថត៖ ក្វុករីន