ភាពផ្លាស់ប្តូរអាស្រ័យការសម្រេចចិត្តនៃគោលនយោបាយ

ជាគម្រោង១ក្នុងចំណោមគម្រោងទាំង៣នៃការតាំងទីលំនៅព្រៃការពារឆ្នេរមាត់សមុទ្រខាងលិច តំបន់តាំងទីលំនៅថ្មី Lung Ranh (ភូមិលេខ១ ឃុំ Khánh hội ស្រុក U Minh) ជាទីតាំងដែលប្រមូលផ្តុំគ្រួសារខ្មែររស់នៅច្រើនកុះករ។ សព្វថ្ងៃ បងប្អូនប្រជាជនកំពុងតាំងលំនៅជាបណ្តើរៗនៅទីនេះ។

ភាគច្រើនមាមីងបងប្អូនតំបន់តាំងទីលំនៅថ្មីនេះរស់នៅប្រកបមុខរបរខាងនេសាទសមុទ្រ​ ចំណែកមួយចំនួនតូច ប្រកបរបររត់ម៉ូតូឌុប និងលក់ដូរកំប៊ិចកំប៉ុកតាមដងផ្លូវ។ដោយមានទាំងអស់ចំនួន១៣០គ្រួសារ បច្ចុប្បន្ន តំបន់តាំងទីលំនៅថ្មីមានត្រឹម៩០គ្រួសាររស់នៅប៉ុណ្ណោះ។ បណ្តាសំណង់ផ្សេងៗ ដូចជា៖ អាគ្កីសនីយ ផ្លូវថ្នល់ សាលារៀន តំណាក់សុខាភិបាលក៏ត្រូវបានវិនិយោគរួចរាល់ ឆ្លើយតបតម្រូវការសកម្មភាពរស់នៅរបស់បងប្អូនប្រជាជនបានយ៉ាងល្អ។

សាលាបឋមសិក្សា Kim Đồng នៅតែរក្សាបន្តបង្រៀនបណ្តាថ្នាក់ទី១, ទី២, ទី៣ និងថ្នាក់មតេយ្យ១ថ្នាក់ ភាគច្រើនសិស្សានុសិស្សសុទ្ធសឹងជាអ្នករស់នៅក្នុងតំបន់តាំងទីលំនៅថ្មី។

លោក Nguyễn Duy Quân អនុប្រធានគណៈ    កម្មាធិការប្រជាជនឃុំ ឲ្យដឹង៖ “គោលដៅសំខាន់របស់តំបន់តាំងទីលំ នៅថ្មីគឺសម្រាប់គ្រួសារក្រីក្រ និងជនជាតិភាគតិចដែលមិនមានដីលំ នៅដ្ឋាន ខ្វះឯកសារសម្រាប់ផលិត។ តែងយកចិត្តទុកដាក់យ៉ាងពិសេសចំពោះបញ្ហាខាងការរស់នៅជូនមាមីងបងប្អូន ភូមិភាគតែងឆក់ឱកាសរាល់គ្រប់ប្រភពខាងការចលនាសប្បុរសជន និងប្រភពថវិ ការ ទន្ទឹមនឹងនោះជំរុញការកៀរគរប្រជាជននៅទីនេះឱ្យកាន់តែមានការយល់ដឹងបានល្អអំពីការធ្វើមានស្របច្បាប់ ព្រមទាំងអភិវឌ្ឍន៍រាល់បណ្តាទម្រង់សេដ្ឋកិច្ច ដើម្បីលំនឹងជីវភាព”។

ក្នុងឆ្នាំ២០២៣ មាន១គ្រួសារនៅក្នុងតំបន់តាំងទីលំនៅថ្មី ទទួលបានការឧបត្ថម្ភផ្ទះ និង១០គ្រួសារដទៃទៀតដែលមានជីវភាពជួបលំបាកត្រូវបានជំនួយឧបត្ថម្ភពូជសត្វចិញ្ចឹម។

គ្រួសារ​អ្នកមីង Lý Thuỷ ជា​ជនជាតិ​ខ្មែរ ក៏ជា​គ្រួសារ​មួយ​ក្នុង​ចំណោម​គ្រួសារ​ដែលទទួលបានការឧបត្ថម្ភពូជជ្រូកចំនួន៥ក្បាល រួមទាំងចំណី​ដើម្បី​ផ្លាស់ប្តូរ​មុខរបរ។ នេះ​ពិតជា​ឱកាស​ដ៏​ល្អ​មួយដើម្បីជួយ​ឱ្យអ្នកមីងមានលក្ខណៈឈានឡើង​ក្នុងការរស់នៅ និង​បន្ធូរបន្ថយ​ភាពលំបាកខាងវិស័យសេដ្ឋកិច្ចសម្រាប់ខ្លួនមានវ័យចាស់ជរានាពេលអនាគត​។ “ទទួលបានការយកចិត្តទុកដាក់របស់រដ្ឋអំ ណាចភូមិភាគ គ្រួសារខ្ញុំសប្បាយចិត្តខ្លាំងណាស់។ បន្ទាប់​ពី​ទទួល​បាន​ការ​ឧបត្ថម្ភពូជជ្រូកយកមក​ចិញ្ចឹម​ ខ្ញុំ​បាន​វិនិយោគ​ធ្វើទ្រុង​ដើម្បី​ចិញ្ចឹម​។ ពី​មុន ខ្ញុំធ្លាប់ដើររើសវត្ថុកាកសំណ ល់​ដើម្បី​លក់​រកប្រាក់ផ្គត់ផ្គង់ជីវ ភាព តែប្រាក់ចំណុលតិចតួចមិនគ្រប់គ្រាន់ ឥឡូវ​ខ្ញុំ​មាន​ជ្រូក​មួយ​ហ្វូង​នេះ ខ្ញុំ​មាន​អារម្មណ៍​ថា​មាន​សុវត្ថិភាព​ជាង​ខាង​វិស័យ​សេដ្ឋកិច្ច។ ខ្ញុំ​នឹងខិតខំ​ព្យាយាម​ចិញ្ចឹមមើលថែ និង​ធ្វើ​ការ​ស៊ីឈ្នួលបណ្តើរដើម្បីបង្កើន​ប្រាក់​ចំណូល​ជូនគ្រួសារ​ ព្រមទាំងលំនឹងជីវភាពជាសន្សឹមសន្សឹមៗ” អ្នកមីង Thuỷ មានប្រសាសន៍បែបនេះ។

ទទួលបានការឧបត្ថម្ភទុនសម្រាប់ចិញ្ចឹមជ្រូក អ្នកមីង Lý Thuỷ តែងសកម្មមើលថែហ្វូងជ្រូកបានយ៉ាងល្អ។

មិនបញ្ឈប់ត្រឹមបណ្តាប្រភពនៃការជំនួយឧបត្ថម្ភរបស់ខេត្តនិងមជ្ឈិមនោះទេ ដោយមានគោលបំណងចង់លើកកំពស់ជីវភាពរស់នៅជូនបងប្អូនប្រជាជនជាទូទៅ រដ្ឋងំណាចភូមិភាគ រួមជាមួយគ្រប់ពន្តាគណៈផ្នែកថែមទាំងប្រមូលផ្តុំសម្រាប់សកម្មភាពបណ្តុះបណ្តាលមុខរបរវិជ្ជាជីវៈជូនមាមីងបងប្អូន ទន្ទឹមនិងនោះ សាភ្ជាប់ជាមួយអាជីវកម្មខ្នាតតូច ដើម្បីបងប្អូនប្រជាជនមានការងារធ្វើ មានប្រាក់ចំណូលបន្ថែម រួមចំណែកកាត់បន្ថយក្រទៀតផង។ គិតមកទល់ពេលនេះ តំបន់តាំងទីលំនៅថ្មី Lung Ranh នៅត្រឹម៦គ្រួសារក្រនិង៧គ្រួសារប្រកៀកក្រដែលជាជនជាតិភាគតិចប៉ុណ្ណោះ លំនៅឋាននិយាយរួមក៏ធានាល្អណាស់ដែរ។

ទោះបី ជាមានការកែលម្អគ្រប់សព្វបែបយ៉ាងក៏ដោយ តែតំបន់តាំងទីលំនៅនាពេលបច្ចុប្បន្នមានផ្ទះចំនួន៧៨ខ្នងដែលបានសាងសង់រួចរាល់ តែមិនទាន់ត្រូវបានក្រសួងស្ថាប័នមុខងារណាមួយធ្វើការបែងចែកដីធារដើម្បីបន្តតាំងទីលំនៅឋាន។ ទីនេះគឺជាតំបន់ជិតច្រកសមុទ្រ ការធ្វើដំណើរទៅកាន់មណ្ឌលឃុំរបស់បងប្អូនមាមីងគឺនៅឆ្ងាយខ្លាំងណាស់។ ដូច្នេះហើយ ទើបក្តីសង្ឃឹមដ៏ធំបំផុតរបស់មាមីងបងប្អូនគឺរដ្ឋនឹងឆាប់ធ្វើការពិនិត្យវិសិដ្ឋកម្មសម្រាប់ដងផ្លូវដែលនៅសល់របស់ទំនុប សមុទ្រ ចាប់ពីពាម Lunh Ranh រហូតដល់ច្រកសមុទ្រ Hương Mai។ ប្រសិនបើសំណង់នេះបានសម្រេចរួចរាល់ នឹងអាចជួយឲ្យបងប្អូនប្រជាជនងាយស្រួលក្នុងការធ្វើដំណើរទៅមក ព្រមទាំងជួញដូរទៀតផង កាត់បន្ថយចម្ងាយផ្លូវទៅកាន់មណ្ឌលឃុំ ផ្តើមពីនោះ នឹងអភិវឌ្ឍន៍សាឡើងវិញសម្រាប់ទីផ្សារដែលសព្វថ្ងៃមិនទាន់ពង្រីកតួនាទីខ្លួន។

“ការអនុវត្តបណ្តាកម្មវិធី និងគោលនយោបាយអភិវឌ្ឍន៍សេដ្ឋកិច្ច-សង្គមតំបន់ជនជាតិភាគតិចក៏ត្រូវបានជំនួយកម្លាំងដើម្បីមាមីងបងប្អូនផ្តើមអាជីពលើតំបន់ថ្មីរៀងៗខ្លួន។ ថ្វីត្បិតដូច្នេះ តែបញ្ហាសំខាន់ៗដែលយើងចង់ដោះស្រាយគឺធ្វើយ៉ាងណាដើម្បីបងប្អូនប្រជាជនមានលក្ខណៈក្នុងការសន្សំប្រាក់។ នោះក៏ជាមូលហេតុដែភូមិភាគបានស្នើសុំគោលនយោបាយរបស់គណៈកម្មាធិការប្រជាជនខេត្ត អនុម័តផ្លាស់ប្តូតួនាទីរបស់ខ្លួន ផ្តើមពីតំណាក់សុខាភិបាលទៅជាអាគារវប្បធម៌ភូមិលេខ១ដើម្បីធ្វើទីតាំងសម្រាប់ផ្សព្វផ្សាយជារឿយៗ និងចាត់តាំងរាល់សកម្មភាពលើកកម្ពស់ស្មារតីសហគមន៍” លោក Nguyễn Duy Quân បានឲ្យដឹងបន្ថែមដូច្នេះ៕

អត្ថបទនិងរូបថត៖ ហ៊ឺវងៀ