ដើម្បីការអភិវឌ្ឍន៍គ្រប់ជ្រុងជ្រោយនៃតំបន់ជនជាតិភាគតិច

លោកស្រី Quách Kiều Mai អនុប្រធានគណៈជនជាតិខេត្ត Cà Mau ឱ្យដឹង៖ ប៉ុន្មានឆ្នាំកន្លងមកនេះ ពិសេសតំណាក់កាល ២០១៩-២០២៤ ការងារគ្រប់គ្រងរដ្ឋស្តីពីបញ្ហាជនជាតិ និងការអនុវត្តគោលនយោបាយជនជាតិទូទាំងខេត្តនិយាយរួម តំបន់ជនជាតិភាគតិចនិយាយដោយឡែក ក៏ត្រូវបានគ្រប់បណ្តាគណៈផ្នែក និងរដ្ឋអំណាចភូមិភាគយកចិត្តទុកដាក់ចង្អុលការណែនាំយ៉ាងសកម្ម និងស៊ីសង្វាក់គ្នាយ៉ាងមានប្រសិទ្ធភាព។

ជាក់ស្តែង ស្តីពីការកាត់បន្ថយតំបន់ជួបលំបាកពិសេស ខេត្តក៏សម្រេចកូតារក្សាខ្ជាប់១០០% នៃឃុំទូទាំងតំបន់ ដែលមានផ្លូវរថយន្តក្រាលកៅស៊ូ និងចាក់បេតុងរហូតដល់មណ្ឌលឃុំ។ មានជិត៨០% ដងផ្លូវបេតុងយ៉ាងរឹងមាំតភ្ជាប់រវាងភូមិនិងភូមិ។ ពិសេស ប្រៀបជាមួយឆ្នាំ២០១៩ សព្វថ្ងៃ ទូទាំងតំបន់ជនជាតិ ភាគតិចរបស់ខេត្តក៏បន្ថយបាន៤ឃុំដែលជាភូមិភាគ III (ស្មើនិងការបន្ថយចុះបាន៤៤,៤៥%) ព្រមទាំងបន្ថយបាន២៤ភូមិលំបាកពិសេសដែលស្ថិតនៅក្រៅឃុំភូមិភាគ III (ស្មើនិងការបន្ថយចុះបាន៣៥,៨២%)។

យុវជនជំនាន់ក្រោយត្រូវបានបង្កលក្ខណៈសម្រាប់ស្នងបន្តខាងវិស័យសិល្បៈប្រពៃណីភ្លេងពិណពាទ្យ ដែលជាផលិតផលវប្បធម៌ដ៏ពិសេសរបស់ជនរួមជាតិ Khmer។

ប្រការដែលគួរឱ្យសប្បាយរីករាយថែមទៀតនោះគឺ អត្រាគ្រួសារក្រក្នុងជនរួមជាតិភាគតិចបន្តបន្ថយចុះយ៉ាងឆាប់រហ័ស មធ្យមរៀងរាល់ឆ្នាំបន្ថយបាន២,៥៧%។ គ្រួសារក្រជាជនជាតិភាគតិចនាចុងឆ្នាំ២០២៣ នូវត្រឹម៧១៣គ្រួសារ ស្រូបអត្រា ៦,០៩%សរុបចំនួនគ្រួសារជនជាតិភាគតិច។ ប្រៀបជាមួយឆ្នាំ២០១៩ ក៏បន្ថយចុះបាន៥៤៧គ្រួសារ ស្មើនិងការបន្ថយអត្រាគ្រួសារក្រ១០,២៧%។

ផ្តោតលើបញ្ហានោះ ប្រាក់ចំណូល និងកម្រិតនៃការរស់នៅរបស់បងប្អូនជនជាតិភាគតិចក៏បានលើកកម្ពស់ជារៀងរាល់ឆ្នាំ។ ឆ្លងផុតឆ្នាំ២០២៣ ប្រាក់ចំណូលមធ្យមសម្រាប់មនុស្សម្នាក់របស់ខេត្តសម្រេចបាន៦៨,៤លានដុង (កើនជាង១៧,៧ លានដុងប្រៀបជាមួយឆ្នាំ២០១៩)។ ក្នុងនោះ ប្រាក់ចំណូលមធ្យមសម្រាប់មនុស្សម្នាក់ៗដែលជាជនជាតិភាគតិចសម្រេចបាន៥៤,៤៨លានដុង ស្មើប្រហែលជា៨៤,០៧% ប្រៀបនិងកម្រិតប្រាក់ចំណូលមធ្យមរួមនៃមនុស្សម្នាក់ៗរបស់ខេត្ត។ “ជីវភាពវប្បធម៌ និងស្មារតីរបស់ជនជាតិភាគតិចលើភូមិសាស្ត្រខេត្ត បន្តលើកកម្ពស់បានមួយជំហាន រាល់បណ្តាទំនៀមទម្លាប់ប្រពៃណីវប្បធម៌ដ៏ល្អផូរផង់របស់ជនរួមជាតិ Khmer ក៏មានលក្ខណៈនិងទទួលបានការជំនួយឧបត្ថម្ភថវិកាសម្រាប់ការអភិរក្ស និងពង្រីកផងដែរ។ បណ្តាសកម្មភាពបុណ្យទានប្រពៃណីរបស់ បងប្អូនជនរួមជាតិ Khmer ក៏ត្រូវបានចាត់តាំងជារៀងរាល់ឆ្នាំ។ ជាពិសេស ការវិនិយោគសាងសង់បន្ថែមនៅសាលាទានក្នុងតំបន់ជនជាតិភាគតិច។ រក្សាខ្ជាប់ការចាត់តាំងបង្រៀនអក្សរ Khmer និងអក្សរ Hoa ជូនកូនក្មួយជនជាតិភាគតិច ក៏បានរួមចំណែកយ៉ាងសំខាន់ក្នុងការអភិរក្ស និងពង្រីកនូវតម្លៃអត្តសញ្ញាណវប្បធម៌ជនជាតិលើភូមិសាស្ត្រខេត្ត” លោកស្រី Quách Kiều Mai បានឱ្យដឹងបន្ថែមដូច្នេះ។

លោកស្រី Quách Kiều Mai បានអះអាងថា៖ “ការបន្តបើកថ្នាក់បង្រៀនអក្សរ Khmer និងអក្សរ Hoa ក៏បានរួមចំណែកយ៉ាងសកម្មក្នុងការអភិរក្ស និងពង្រីកអត្តសញ្ញាណវប្បធម៌ជនជាតិលើភូមិសាស្ត្រខេត្តផងដែរ”។

លោក Nguyễn Minh Luân អនុប្រធានគណៈកម្មាធិការប្រជាជនខេត្ត និងជាប្រធានគណៈកម្មាធិការចង្អុលការណែនាំមហាសន្និបាតតំណាងបណ្តាជនជាតិភាគតិចខេត្ត Cà Mau លើកទី IV ឆ្នាំ២០២៤ រីករាយឱ្យដឹង៖ “បណ្តាលទ្ធផលដែលសម្រេចបាន នឹងបន្តពង្រឹងទំនុកចិត្តរបស់បងប្អូនជនជាតិភាគតិចលើការដឹកនាំរបស់បក្ស និងការគ្រប់គ្រងដំណើរការរបស់រដ្ឋ។ ប្រតិបត្តិ និងអនុវត្តល្អនូវគោលការណ៍ណែនាំ និងគោលនយោបាយរបស់បក្ស ក្រឹត្យច្បាប់របស់រដ្ឋ បន្តរក្សា និងពង្រីកប្រពៃណីសាមគ្គី ស្នេហាជាតិ ជួយគ្នាទៅវិញទៅមក រួមចំណែកក្នុងការរក្សាអត្តសញ្ញាណវប្បធម៌ប្រពៃណី ខិតខំប្រឹងប្រែងជាមួយបក្ខភាគ រដ្ឋអំណាចភូមិភាគ និងប្រជាជនខេត្ត Cà Mau កសាងប្រទេសជាតិ មាតុភូមិមួយថ្ងៃកាន់តែសម្បូររុងរឿង និងស៊ីវិល័យ”។

តំណាក់កាល២០២១-២០២៥ ខេត្តក៏បានធ្វើការផ្សព្វផ្សាយអនុវត្ត៣កម្មវិធីគោលដៅជាតិ (កសាងជនបទថ្មី និងកាត់បន្ថយក្រចីរភាព អភិវឌ្ឍន៍សេដ្ឋកិច្ច-សង្គមតំបន់ជនជាតិភាគតិច និងតំបន់ភ្នំ)។ រួមជាមួយបណ្តាគោលនយោបាយផ្សេងៗដទៃទៀតរបស់ជនជាតិ និងបណ្តាគោលនយោបាយសន្តិសុខសង្គម នេះគឺជាបណ្តាប្រភពធនធានដ៏សំខាន់សម្រាប់ខេត្តបន្តវិនិយោគ ឧបត្ថម្ភអភិវឌ្ឍន៍សេដ្ឋកិច្ច-សង្គមតំបន់ជនជាតិភាគតិច។

ដោយឡែកចំពោះកម្មវិធីគោលដៅជាតិសម្រាប់ការអភិវឌ្ឍន៍សេដ្ឋកិច្ច-សង្គមតំបន់ជនជាតិភាគតិច និងតំបន់ភ្នំ ដំ ណាក់ កាល ២០២១-២០៣០ និងដំណាក់កាលទីI៖ ២០២១-២០២៥ ដែលយោងតាមសេចក្តីសម្រេចលេខ១៧១៩/QĐ-TTg តាមគ្រោងគិតជាមុនសរុបដើមទុននៃថវិការដ្ឋដែលចែកចាយសម្រាប់ខេត្ត Cà Mau រួមមាន២៦០,៧៣៧លានដុង។ នេះជាប្រភពធនធានដ៏សំខាន់សម្រាប់ខេត្តឆ្ពោះទៅកាន់គោលដៅឆ្នាំ២០២៥ ដែលមានតិចបំផុត៤០% នៃចំនួនឃុំ (ស្មើនឹង២ឃុំ) ព្រមទាំង៥១,២%នៃចំនួនភូមិ និងអនុសង្កាត់ (ស្មើនឹង២២ភូមិ អនុសង្កាត់) ចាកចេញផុតពីតំបន់លំបាកពិសេស។

យោងតាមលោក Nguyễn Minh Luân ​ផ្តើមពីប្រភពទុននេះ ទន្ទឹមជាមួយការរវិនិយោគលើហេដ្ឋារចនាសម្ព័ន្ធសំខាន់ៗ សម្រាប់ឱ្យការផលិត និងការរស់នៅរបស់បងប្អូនប្រជាជន ខេត្តក៏បានប្រមូលផ្តុំដោះស្រាយរាល់បញ្ហាចាំបាច់នៅតាមតំបន់ជនជាតិភាគតិច។ យោងតាមនោះផងដែរ ខេត្តក៏បានឧបត្ថម្ភដីលំ នៅឋានជូន១១គ្រួសារ និងឧបត្ថម្ភផ្ទះជូនចំនួន២៨០គ្រួសារ ព្រមទាំងឧបត្ថម្ភផ្លាស់ប្តូរមុខរបរចំណុះឱ្យដីផលិតជូន២១១គ្រួសារ និងឧនត្ថម្ភទឹកប្រើប្រាស់រាយប៉ាយសម្រាប់៤១៣គ្រួសារ សម្រេចជោគជ័យ៦៦គម្រោងការអភិវឌ្ឍន៍ផលិតសហគមន៍នៅភូមិសាស្ត្រទាំង៥ឃុំដែលជាភូមិ ភាគ III និង៤៣ភូមិ និងអនុសង្កាត់ ជួបលំបាកពិសេសនៃតំបន់ជនជាតិភាគតិច ដោយមាន៧០០គ្រួសារបានចូលរួម ក្នុងនោះមានជាង៥០%ដែលជាគ្រួសារក្រ​ និងគ្រួសារក្បែរបន្ទាត់ក្រ៕

គ្រួសារជនជាតិភាគតិចក្រីក្រនាចុងឆ្នាំ២០២៣ នូវត្រឹម៧១៣ គ្រួសារ ស្មើនឹង ៦,០៩% នៃការសរុបចំនួនគ្រួសារជនជាតិភាគតិច។ ប្រៀបជាមួយឆ្នាំ២០១៩ បន្ថយចុះបាន៥៤៧គ្រួសារក្រ ស្មើនឹងបន្ថយបានអត្រានឹគ្រួសារក្រ១០,២៧%។        (រចនារូបភាពដោយ៖ លេទ្វឹន)

តំបន់ជនជាតិភាគតិចរបស់ខេត្ត សព្វថ្ងៃមាន៥ឃុំ ដែលជាភូមិភាគ III (ដោយមាន២២ភូមិ និងអនុសង្កាត់ជួបលំបាក ពីសេស) ១ឃុំស្ថិតក្នុងភូមិភាគ I ព្រមទាំង ៤៣ភូមិ និងអនុសង្កាត់ជួបលំបាកពិសេសដែលស្ថិតក្រៅឃុំនៃតំបន់ភូមិភាគ III។ ក្រៅពីនោះ មាន៣២ភូមិ អនុសង្កាត់ដែលមានជនជាតិភាគតិចរស់នៅកំពុងត្រូវបានស្នើឱ្យមជ្ឈិមទទួលស្គាល់ជាតំបន់ជនជាតិភាគតិច។ ក្នុង​​នោះ ដែលច្រើនបំផុតគឺជនរួមជាតិ Khmer ដោយមានចំនួន៩.៦៩៩គ្រួសារ និងមានចំនួនប្រជាជនប្រមាណ៤១.២១២នាក់។ បន្ទាប់​មក​គឺជនជាតិ Hoa ​មាន​២.២៣៤គ្រួសារ និងមានប្រជាជនចំនួន ៨.៧៦០ នាក់។​ ចំណែកនៅសល់គឺមានចំនួន ១៩ជនជាតិភាគតិចដទៃទៀត រួមមាន៖ Mường, Tày, Thái, Nùng, Chăm, Gia Rai, Ê Đê, Si La, Cơ Ho, X’têng, Chu Ru...។ ដោយមានប្រមាណ ២២១ គ្រួសារ និងចំនួនប្រជាជន ៦៨១នាក់៕

 បាំងថាញ