Truyền hình
ផ្តើមចេញពីទឹកចិត្តនៃការចែករំលែកជាមួយអ្នកក្រីក្រ ថ្មីៗនេះដែរ នៅវត្ត Hưng Nhơn (ភូមិ Sở Tại ឃុំ Thạnh Phú ស្រុក Cái Nước) បានរៀបចំផ្សារ “០ដុង” ដោយមានអំណោយរាប់រយចំណែកដើម្បីចែករំលែកនូវក្តីស្រលាញ់ និងផ្តល់ភាពកក់ក្តៅ សម្រាប់អ្នកដែលបានផ្តល់ រួមទាំងអ្នកទទួលផងដែរ។
បណ្តាសប្បុរសជនទាំងឡាយតែងមានវត្តមាននៅតាមតូប ត្រៀមខ្លួនជាស្រេចដើម្បីជំនួយឧបត្ថម្ភបងប្អូនមាមីង។
យោងតាមតម្រូវការនីមួយៗ អ្នករាល់គ្នាអាចមកកាន់តូបនឹងទទួលបានចំនួន១ផលិតផលដោយមិនចាំបាច់ចំណាយប្រាក់។
នេះជាលើកទីមួយហើយដែលវត្ត Hưng Nhơn បានរៀបចំទីផ្សារ “០ ដុង” ចាប់តាំងពីបើកដំណើរការរហូតមក ក៏ទទួលបានការគាំទ្រយ៉ាងខ្លាំងពីអ្នកឧបត្ថម្ភ និងសប្បុរសជនទាំងឡាយក្នុងខេត្ត ដោយអំណោយយ៉ាងជាក់ស្តែង រួមមានដូចជា៖ ម្ហូបអាហារ ផលិតផលសំខាន់ៗ និង ឧបករណ៍ប្រើប្រាស់ផ្សេងៗ និងបន្លែ ផ្លែឈើជាដើម... ដោយមានតូបចូលរួមចំនួន៣៨ ស្មើនឹង៣៨អង្គភាពដែលមានទឹកចិត្តសប្បុរសធម៌ផ្តល់អំណោយផ្សេងៗជាច្រើនប្រភេទ សរុបថវិកាជាង១៥០ លានដុង។
បងប្អូនប្រជាជនអឹកធឹកទទួលអំណោយអំពីសប្បុរសជន។
បន្ទាប់ចេញផុតពីតូបទាំង៣៨រួចហើយ ម្នាក់ៗបានចាកចេញដោយមានសុទ្ធតែអំណោយក្នុងដៃទៀតផង។
អតិថិជនសម្រាប់ទីផ្សានេះរ សុទ្ធសឹងជាគ្រួសារក្រីក្រ និងមនុស្សចាស់មានជីវភាពជួបលំបាក ម្នាក់ៗទទួលបានថង់កាបូប១សម្រាប់ដាក់ឥវ៉ាន់ និងប័ណ្ណទទួលអំណោយដែលមានតម្លៃជាង៧០០ពាន់ដុង ដូច្នេះពួកអ្នកទាំងឡាយអាចទៅតូបដើម្បីជ្រើសរើសរបស់របរដែលពួកខ្លួនត្រូវការ។
ភិក្ខុនី Thích Nữ Diệu Mẫn រួមជាមួយសប្បុរសជនផ្តល់អង្ករសម្រាប់អ្នកក្រីក្រ។
ភិក្ខុនី Thích nữ Diệu Mẫn ចៅអធិការវត្ត Hưng Nhơn បានចែករំលែកថា៖ “នេះជាលើកទីមួយហើយដែលយើងខ្ញុំបានរៀបចំផ្សារ យើងខ្ញុំក៏មានអារម្មណ៍សប្បាយរីករាយណាស់ដែលមានទទួលបានការជំនួយឧបត្ថម្ភអំពីសប្បុរសជនគ្រប់ទិសទីដើម្បីយើងខ្ញុំមានលក្ខណៈជួយជាង២០០គ្រួសារក្រលំបាកនៅតាមភូមិភាគ ដើម្បីយើងខ្ញុំបង្កើតផ្សារដូចបានពោលខាងលើ។យើងខ្ញុំសង្ឃឹមថា រាល់បណ្តាសកម្មភាពបែបនេះ នឹងត្រូវបានពង្រីកទូលំទូលាយ និងរៀបចំចាត់តាំងបានច្រើនថែមទៀត ទោះបីជាតម្លៃនៃអំណោយនីមួយៗមិនធំយ៉ាងណាក្តី តែក៏ជាទង្វើដ៏ល្អមួយដើម្បីបង្ហាញនូវស្មារតីនៃការចែករំលែកក្តីទុក្ខលំបាកសម្រាប់អ្នកខ្វះសំណាងរស់នៅក្នុងសង្គមផងដែរ៕
អនុវត្តដោយ៖ Hữu Nghĩa
Xem thêm bình luận