ប្រសិទ្ធភាពពីគោលនយោបាយឧបត្ថម្ភ

ប៉ុន្មានឆ្នាំកន្លងមកនេះ ផ្តើមពីការទទួលផលអំពីបណ្តាកម្មវិធីគោលដៅជាតិ ជីវភាពរស់នៅរបស់បងប្អូនជនជាតិភាគតិចទាំងឡាយនៅឃុំ Tân Duyệt ស្រុក Đầm Dơi មានការផ្លាស់ប្តូរយ៉ាងសកម្ម។ បណ្តាគោលនយោបាយឧបត្ថម្ភ ក៏បានជួយមាមីងបងប្អូនស្តារជីវភាពរស់នៅ។

លោក Kiều Minh Tấn ប្រធានគណៈកម្មាធិការប្រជាជនឃុំTân Duyệt ឱ្យដឹង៖ ទូទាំងឃុំមាន១៧៦គ្រួសារជនជាតិភាគតិច ប្រមូលផ្តុំច្រើនបំផុតនៅភូមិទាំង៣៖ Bá Huê, Đồng Tâm A, Đồng Tâm B។  បណ្តាភូមិទាំងនេះ ត្រូវបានផ្សព្វផ្សាយយ៉ាងច្រើនកម្មវិធីជំនួយឧបត្ថម្ភខាងផលិត និងផ្តល់ទឹកស្អាតសម្រាប់ប្រើប្រាស់ ព្រមទាំងកសាងហេដ្ឋារចនាសម្ព័ន្ធ នេះមិនត្រឹមជួយស្តារសោភ័ណភាពនៃបរិស្ថានប៉ុណ្ណោះទេ ថែមទាំងលើកកម្ពស់គុណភាពរស់នៅជូនមានមីងបងប្អូនប្រជាជនទីនេះទៀតផង។ មានគ្រួសារជាចន្រើនបានផ្តើមគំនិតខិតខំរកស៊ី សន្សំសំចៃ ឈានឡើងរួចចាចកក្រចីរភាព។

ផ្តើមពីកម្មវិធីគោលដៅជាតិ បង Thạch Văn Bé ក៏បានឧបត្ថម្ភសង់ផ្ទះថ្មី ជីវភាពគ្រួសារបានលំនឹងល្អ។

ដោយឡែកឆ្នាំ២០២៤ មាន៨គ្រួសារត្រូវបានឧបត្ថម្ភសង់ផ្ទះស្នាក់នៅ ដោយសរុបទឹកប្រាក់ជាង៣៥០លានដុង។ គម្រោងស្វានម៉ាស៊ីនទឹកស្អាតក៏ត្រូវបានសាងឡើង ដោយ​ធានា​​ផ្គត់ផ្គង់​ទឹក​ស្អាត​គ្រប់គ្រាន់​សម្រាប់​គ្រួសារប្រើប្រាស់ចំនួន៣៣គ្រួសារផងដែរ។ ទន្ទឹមនិងនោះ មាន៧គ្រួសារទទួលបានការឧបត្ថម្ភការរស់នៅដែលយោងតាមទម្រង់ចិញ្ចឹមជូ្រកលក់សាច់ សរុបទឹកប្រាក់ជាង១៥០លានដុង។ សម្រាប់ការជំនួយឧបត្ថម្ភតាំងនេះ ក៏បានជួយគ្រួសារជាច្រើនមានលក្ខណៈឆ្លងកាត់លំបាក លំនឹងជីវភាពរស់នៅ។

ចែករំលែកអំពីការផ្លាស់ប្តូរដ៏សកម្មនេះ លោក Thạch Văn Bé នៅភូមិ Đồng Tâm A ឱ្យដឹង៖ កាលពីមុនប្តីប្រពន្ធខ្ញុំប្រកបរបរស៊ីឈ្នួលជាប្រចាំ ជីវភាពជួបលំបាកខ្លាំងណាស់។ តែអាស្រ័យការឧបត្ថម្ភអំពីកម្មវិធីគោលដៅជាតិ យើងខ្ញុំក៏មានលក្ខណៈសង់បានផ្ទះថ្មីយ៉ាងធំទូលាយស្អាតដោយសរុបតម្លៃទឹកប្រាក់ជាង១០០លានដុង ក្នុងនោះ រដ្ឋជំនួយ៤៤លានដុង ចំណែកនៅសល់គ្រួសារខ្ញុំបុលធនាគារគោលនយោបាយសង្គមបន្ថែមចំនួន៤០លានដុង រួមទាំងប្រាក់ដែលគ្រួសារសន្សំបានខ្លះទៀតផង។ សព្វថ្ងៃ ប្តីប្រពន្ធខ្ញុំបាននាំគ្នាទៅស្ទួចត្រី អណ្តែងពុយ រកបានប្រាក់ចំណូលគ្រប់សម្រាប់ផ្គត់ផ្គង់ជីវភាពប្រចាំថ្ងៃ។ ទន្ទឹមនិងនោះ នាឱកាសបុណ្យទានប្រពៃណីម្តងៗ យើងខ្ញុំថែមទាំងទទួលបានការឧបត្ថម្ភអំណោយផ្សេងៗមានដូចជាអង្ករជាដើម ជួយជីវភាពបានលំនឹងល្អថែមទៀតផងដែរ។

ក្រៅពីស្ទូចត្រីអណ្តែងពុយ បង Thạch Văn Bé ថែមទាំងចិញ្ចឹមជ្រូកដើម្បីស្តារជីវភាពគ្រួសារ។

ដែលជាអ្នកទើបទទួលបានការជំនួយឧបត្ថម្ភជ្រូកពូជសម្រាប់ចិញ្ចឹម រួមទាំងចំណីផងនោះ បង Lý Văn Tòng នៅភូមិ Đồng Tâm A មានប្រសាសន៍៖ ជារៀងរាល់ឆ្នាំ ខ្ញុំប្រកបរបរស៊ីឈ្នួលដើម្បីចិញ្ចឹមសមាជិកក្នុងគ្រួសារ ដោយខ្ញុំមានកូននៅតូច២នាក់ ដូច្នេះហើយ ប្រពន្ធខ្ញុំត្រូវនៅផ្ទះជាប្រចាំដើម្បីមើលថែកូនៗ។ អាស្រ័យដូចនេះ ជីវភាពនូវមានការជួបលំបាកច្រើន សព្វថ្ងៃ គ្រួសារកំពុងរស់នៅក្នុងផ្ទះដ៏តូចចង្អៀត។ តែដោយបានឮដំណឹងថារដ្ឋអំណាចនឹងជំនួយឧបត្ថម្ភសាងសង់ផ្ទះជូនគ្រួសារ ប្តីប្រពន្ធខ្ញុំមានក្តីរំភើបខ្លាំងណាាស់។  សង្ឃឹមថាការជំនួយឧបត្ថម្ភនេះនឹងបានអនុវត្តក្នុងពេលឆាប់ៗនេះ ដើម្បីគ្រួសារខ្ញុំមានផ្ទះស្នាក់នៅយ៉ាងសមរមដូចគេឯង។ ខ្ញុំពិតជាអរគុណរដ្ឋអំណាចខ្លាំងណាស់ សម្រាប់រយៈពេលកន្លងដែលតែងយកចិត្តទុកដាក់ជំនួយឧបត្ថម្ភគ្រួសារខ្ញុំក្នុងឱកាសបុណ្យទានជារៀងរាល់ឆ្នាំ ក៏ដូចជាឧបត្ថម្ភការសិក្សារៀនសូត្ររបស់កូនៗខ្ញុំ។

បណ្តាកម្មវិធីគោលដៅជាតិនៅឃុំ Tân Duyệt មិនត្រឹមជួយបងប្អូនជនរួមជាតិភាគតិចលើកកំពស់ជីវភាពរស់នៅប៉ុណ្ណោះទេ ថែមទាំងរួមចំណែកក្នុងការកសាងសហគមន៍ឯកភាព និងអភិវឌ្ឍន៍ប្រកបដោយចីរភាពផងដែរ។ បណ្តាលទ្ធផលដែលសម្រេចបាននាពេលថ្មីៗនេះ គឺជាភ័ស្តុតាងយ៉ាងច្បាស់លាស់ស្តីពីការយកចិត្តទុកដាក់របស់បក្សនិងរដ្ឋចំពោះតំបន់ជនជាតិភាគតិច ផ្តើមពីនោះ ក៏បង្កើតប្រ ភពកម្លាំងសម្រាប់បងប្អូនប្រជាជនមានលក្ខណៈឈានឡើង កសាងជីវភាពរស់នៅកាន់តែសម្បូរសប្បាយ។៕

Phúc Duy - Trầm Nghĩ