រួមចំណែកអភិវឌ្ឍន៍ក្រុង

ជាមួយមុខងារនិងភារកិច្ចដែលបានប្រគល់ជូន ក្នុងរយៈពេលកន្លងមក ការិយាល័យជនជាតិក្រុង Cà Mau បានអនុវត្តល្អគោលនយោបាយជនជាតិលើភូមិសាស្ត្រក្រុង ស្របឱកាសនោះ សហការជាមួយបណ្តាអង្គាភាពពាក់ព័ន្ធដើម្បីចាត់តាំងផ្សេព្វផ្សាយអនុវត្តរាល់បណ្តាគោលនយោបាយខាងសន្តិសុខសង្គម ស្តារជីវផាពរស់នៅជូនបងប្អូនជនរួមជាតិភាគតិច។ ផ្តើមពីនោះ ស្ថានភាពសន្តិសុខនយោបាយសង្គមនៃតំបន់ជនជាតិភាគតិចក៏បានលំនឹង រួមចំណែកអភិវឌ្ឍន៍សេដ្ឋកិច្ច-សង្គមរួមរបស់ក្រុង Cà Mau។

ក្រុងកាម៉ាវមានទាំងអស់១៣ជនជាតិជាបងប្អូន ក្នុងនោះមាន១២ជនជាតិភាគតិចដែលរស់នៅលាយឡំជាមួយគ្នាគ្រប់ភូមិសង្កាត់ ដោយមាន២.៣១៣ គ្រួសារ/៩.០០០ប្រជាជន រួមមានជនជាតិចិន១.៥៩៣/៦.២០៧នាក់។ ជនរួមជាតិ Khmer ៦៩៣គ្រួសារ/២.៦៦៥នាក់ ចំណែកជនជាតិដែលតិចជាងគេ មានដូចជា៖ Nùng, Tày, Mường, Chăm, Cơ-ho, Thái, Ê-đê, Xtiêng, Thượng, Sán Diều ដោយមានទាំងអស់៤៧គ្រួសារ និងចំនួនប្រជាជន១២៨នាក់។

ជាមួយការរួមចំណែកយ៉ាងសកម្មក្នុងការអនុវត្តគោលនយោបាយជនជាតិ ក្នុងឱកាសមហាសន្និបាតតំណាងបណ្តាជនជាតិភាគតិចលើកទី IV ខេត្ត Cà Mau ឆ្នាំ២០២៤ ការិយាល័យជនជាតិក្រុង Cà Mau ក៏ត្រូវបានគណៈកម្មាធិការប្រជាជនខេត្តជូនប័ណ្ណសរសើរដែលមានស្នាដៃឆ្នើមក្នុងការអនុវត្តការងារជនជាតិតំណាក់កាល២០២៩-២០២៤។

សកម្មភាពនៃការថែទាំសុខមាលភាពជូនបងប្អូនប្រជាជន ក្នុងនោះមានជនរួមជាតិ Khmer បន្តទទួលបានការយកចិត្តទុកដាក់ ក្រុងក៏បានបង្កើនការវិនិយោគខាងសម្មារតីសម្ភារៈ ព្រមទាំងឧបករខាងសុខាភិបាលសម្រាប់ឱ្យការពិនិត្យព្យាបាលជំហានដំបូង និងរៀបចំចាត់ចែងគ្រប់បុគ្គលិកនិយោជិតខាងពេទ្យ  ព្រមទាំងវេជ្ជបណ្ឌិតសម្រាប់តំណាក់សុខាភិបាលឃុំ និងសង្កាត់។ ជារៀងរាល់ឆ្នាំ បណ្តាកម្មវិធីខាងសុខាភិបាលជាតិសុទ្ធតែបានធ្វើការផ្សព្វផ្សាយអនុវត្តយ៉ាងគ្រប់គ្រាន់។ បណ្តាគ្រួសារក្រ និងប្រកៀកបន្ទាត់ក្រទាំងឡាយសុទ្ធតែត្រូវបានផ្តល់ប័ណ្ណធានារ៉ាប់រងសុខាភិបាល។

ជារៀងរាល់ឆ្នាំ នាឱកាសបុណ្យទានប្រពៃណីរបស់ជនរួមជាតិ Khmer និងជនជាតិ Hoa ដូចជា៖ បុណ្យចូលឆ្នាំ Tết បុណ្យ tết Nguyên tiêu បុណ្យចូលឆ្នាំ Khmer បុណ្យភ្ជុំបិណ្ឌ សែនដូនតា។ល។ ការិយាល័យជនជាតិតែងបានសហការជាមួយគ្រប់បណ្តាស្ថាប័នគណៈផ្នែកក្រុង និងគណៈកម្មាធិការប្រជាជនគ្រប់បណ្តាឃុំ សង្កាត់ ចាត់តាំងពិធីជួបជុំ និងអញ្ជើញទៅសួរសុខទុក្ខ ជនអំណោយអ្នកមានប្រជាប្រិយ កម្មាភិបាលចូលនិវត្តន៍ ព្រមទាំងគ្រួសារគោលនយោបាយ អ្នកភារៈសាសនា ព្រះសង្ឃ គ្រួសារក្រីក្រ ប្រកៀកបន្ទាត់ក្រ និងវត្តមុនីវង្សា បុប្ផារាម ក្រុមសិល្បៈ Khmer សមាគមព្រះសង្ឃសាមគ្គីស្នេហាជាតិ វិទ្យាល័យជនជាតិអន្តេវាសិកខេត្ត សមាគមជនជាតិ Hoa... ដោយទឹកប្រាក់ប្រមាណជិត៣០០លានដុង។ ក្រៅពីនោះ ថែមទាំងជំនួយឧបត្ថម្ភការហ្វឹកហ្វឺនស្តីពីការងារជនជាតិ ព្រមទាំងចាត់កម្មវិធីសំណេះសំណាល សិក្សាស្វែងយល់ និងដោះដូរបទពិសោធសម្រាប់អ្នកមានប្រជាប្រិយ...។

ការិយាល័យជនជាតិសហការជាមួយសមាគមជនជាតិ Hoa និងព្រះសង្ឃវត្តមុនីវង្សា បុប្ផារាម  ព្រមទាំងចលនាសប្បុរសជនជូនអំណោយប្រមាណជាង៤.៥០០ចំណែកសម្រាប់គ្រួសារក្រ ប្រកៀកបន្ទាត់ក្រ គ្រួសារក្រលំបាក មនុស្សចាស់ជរាឯកោ កុមារកំព្រា ជនវិកលចរិក ជនពិការ ព្រមទាំងឧបត្ថម្ភម៉ាស៊ីនទឹក១០គ្រឿង សរុបទឹកប្រាក់ប្រមាណ២ពាន់លានដុង។

ជាមួយការយកចិត្តទុកដាក់ចង្អុលការណែនាំរបស់ការិយាល័យជនជាតិក្រុង Cà Mau ក្នុងរយៈពេលប៉ុន្មានឆ្នាំកន្លងមកនេះ ការអភិរក្សនិងពង្រីកនូវបណ្តាតម្លៃវប្បធម៌ប្រពៃណីដ៏ល្អផូរផង់របស់ជនរួមជាតិតែងត្រូវបានបងប្អូនជនរួមជាតិ Khmer អនុវត្តយ៉ាងត្រឹមត្រូវតាមច្បាប់រដ្ឋនិងច្បាប់សាសនា។

លោក Vương Văn Sáng អតីតប្រធានការរិយាល័យជនជាតិ ក្រុង Cà Mau បានឱ្យដឹង៖ “ប៉ុន្មានឆ្នាំកន្លងមកនេះ ក្រុងតែងមានយ៉ាងច្រើនគោលនយោបាយយកចិត្តទុកដាក់អភិវឌ្ឍន៍គ្រប់វិស័យ ដើម្បីលើកកម្ពស់សម្ភារៈស្មារតីក្នុងជនរួមជាតិភាគតិច។ សកម្មភាពជមនួយឧបត្ថម្ភគ្រួសារក្រីក្រក៏ត្រូវបានសង្គមយកចិត្តទុកដាក់។ បងប្អូនជនរួមជាតិភាគតិចមានមោទនភាពខ្លាំងណាស់ ព្រមទាំងជឿជាក់លើមាគ៌ា និងគោលការនយោបាយរបស់បក្ស ក្រឹតច្បាប់របស់រដ្ឋ សកម្មចូលរួមរាល់គ្រប់សកម្មភាព និងប្រពៃណីរបស់ភូមិភាគ។ រយៈពេល៥ឆ្នាំកន្លង ក៏ចលនាបានទឹកប្រាក់ជាង២១ពាន់លានដុងសម្រាប់មូលនិធីដើម្បីអ្នកក្រ ព្រមទាំងជំនួយឧបត្ថម្ភសាងសង់ថ្មីនិងកែជួសជុលផ្ទះមហាសាមគ្គីសម្រាប់អ្នកក្របានចំនួន៤៣៤ខ្នង។ រួមជាមួយបណ្តាវិធីសាស្ត្រជាច្រើនក្នុងការកាត់បន្ថយក្រស្តីពីការបណ្តុះបណ្តាមុខរបរវិជ្ជាជីវៈ ឧទ្ទេសនាមការងារធ្វើ និងលើកស្ទួយជីវភាពរស់នៅ... គិតមកទល់ពេលនេះ អត្រាគ្រួសារក្រទូទាំងក្រុងកាម៉ាវបានបន្ថយចុះនូវត្រឹម០,២១%។ សម្រាប់តំបន់ជនជាតិភាគតិច បច្ចុប្បន្ន អត្រាគ្រួសារក្រនូវត្រឹម០,២៥%”។

អាចនិយាបានថា ក្នុងរយៈពេល៥ឆ្នាំកន្លង ជាមួយការយកចិត្តទុកដាក់របស់នក្សនិងរដ្ឋ រួមទាំងគណៈកម្មាធិការបក្សគ្រប់លំដាប់ថ្នាក់ និងរដ្ឋអំណាចភូមិភាគ ជាពិសេសការិយាល័យជនជាតិក្រុង Cà Mau ជីវភាពបងប្អូនជនរួមជាតិទាំងឡាយលើភូមិសាស្ត្រក្រុងមានការអភិវឌ្ឍគ្រប់វិស័យ។ បងប្អូនជនរួមជាតិសាគ្គី ខិតខំតស៊ូឈានឡើង រួមចំណែកជំរុញការអភិវឌ្ឍសេដ្ឋកិច្ច-សង្គមរបស់ភូមិភាគ៕

Quỳnh Anh