កាត់បន្ថយក្រ លើកកម្ពស់ជីវភាពបងប្អូនជនរួមជាតិ

សម្រាប់ក្នុងការអនុវត្តគោលនយោបាយជនជាតិ ស្រុក U Minh តែងយកចិត្តទុកដាក់ខាងការងារកាត់បន្ថយក្រ និងលើកកម្ពស់សម្ភារៈស្មារតីជូនបងប្អូនប្រជាជនតំបន់ជនរួមជាតិភាគតិច ចាត់ទុកនេះជាភារកិច្ចដ៏សំខាន់និងទៀតទាត់ជាទីបំផុត។

លោក Đinh Công Hoà អនុប្រធានការិយាល័យមហាផ្ទៃស្រុក ឱ្យដឹង៖ សម្រាប់ការកំណត់ទិសដៅ និងខ្លឹមសារនៃការផ្សព្វផ្សាយខាងការងារកាត់បន្ថយក្ររបស់ស្រុកក៏បានពង្រីកប្រសិទ្ធភាព រួមចំណែកកាត់បន្ថយក្រនៅភូមិភាគ។ បណ្តាគ្រួសារ Khmer ជាច្រើនមានឆន្ទៈខិតខំឈានឡើង កសាងជីវភាពគ្រួសារសុខសាន្តនិងសុភមង្គល។

ថ្នាក់ដឹកនាំស្រុក U Minh រួមជាមួយរដ្ឋអំណាចភូមិភាគឃុំ Khánh Lâm ប្រគល់ផ្ទះជូនគ្រួសារអ្នកមីង Danh Thị Huệ ជាជនជាតិខ្មែរនៅភូមិលេខ៦។

ស្រុក U Minh មានជាង១.៤០០គ្រួសារជនជាតិភាគតិច ក្នុងនោះនូវមាន១៣៤គ្រួសារក្រីក្រ។ ប៉ុន្មានឆ្នាំកន្លងមកនេះ ស្រុកបានអនុវត្តរួមបញ្ចូលរាល់បណ្តាកម្មវិធីគោលដៅជាតិ មានដូចកម្មវិធីគោលដៅជាតិស្តីពីការកាត់បន្ថយក្រចីរភាព និងកម្មវិធីគោលដៅជាតិអភិវឌ្ឍន៍សេដ្ឋកិច្ច-សង្គមតំបន់ជនរួមជាតិ ភាគតិច និងតំបន់ភ្នំ តំណាក់កាល២០២១-២០២៥។ ដើម្បីជំនួយឧបត្ថម្ភគ្រួសារក្រ និងគ្រួសារដែលទើបបានរួចចាកក្រ។ “ទន្ទឹមនិងនោះ ផ្តើមពីបណ្តាគម្រោងការ គម្រោងការកសាងបណ្តាទម្រង់ចិញ្ចឹមសត្វ ដាំដុះសម្រាប់គ្រួសារក្រីក្រអភិវឌ្ឍន៍សេដ្ឋកិច្ច។ ក្រៅពីនោះ មាមីងបងប្អូនតំបន់ជនរួមជាតិថែមទាំងមានការលើកកម្ពស់ស្មារតីសាមគ្គី ជួយគ្នាទៅវិញទៅមកដើម្បីរួមគ្នាអភិវឌ្ឍន៍ ដោយមានយ៉ាងច្រើនវិធីសាស្ត្រដ៏ល្អៗ អ្នកណាមមានទ្រព្យជួយទ្រព្យ មានប្រភេទពូជឈើដាំ សត្វចិញ្ចឹមជួយពូជ អ្នកណាមានកម្លាំងពលកម្មជួយកម្លាំង ឬក៏ចែករំលែកអំពីបទពិសោធក្នុងការប្រកបរបររកស៊ី និងរបៀបផលិតដែលផ្តល់ប្រសិទ្ធភាពនាំមកនូវប្រភពប្រាក់ចំណូលជូនគ្រួសារ។ ផ្តើមពីនោះ ក៏មានយ៉ាងច្រើនគ្រួសារជនជាតិភាគតិចមានយ៉ាងច្រើនជនជាតិភាគតិចបាន ឈានឡើង បើយោងតាមការគិតដោយឡែកក្នុងឆ្នាំ២០២៤ ក៏បន្ថយចុះបានជាង១០០គ្រួសារក្រជាជនជាតិភាគតិចផងដែរ” លោក Đinh Công Hoà រីករាយឱ្យដឹងដូច្នេះ។

តួយ៉ាងដូចជាឃុំ Khánh Lâm ដែលជាឃុំស្ថិតក្នុងតំបន់ III របស់ខេត្ត។ ទូទាំងឃុំមានគ្រួសារជនជាតិភាគតិចចំនួន៥៥៦គ្រួសារ ក្នុងនោះគ្រួសារក្រីក្រជាជនជាតិភាគតិចនូវមាន៧០គ្រួសារ។ អាស្រ័យភូមិភាគមានការគិតគូរបានល្អ និងរវាសរវៃក្នុងការអនុវត្តគម្រោងការ ព្រមទាំងអនុគម្រោងការ និងខ្លឹម សារដែលស្ថិតក្នុងបណ្តាកម្មវិធីគោលដៅជាតិ មានដូចជាការជំនួយឧត្ថម្ភសង់ផ្ទះស្នាក់នៅ ផ្លាស់ប្តូរមុខរបរការងារធ្វើ និងឧបត្ថម្ភការអភិវឌ្ឍផលិត និងប្រភពទឹកស្អាតសម្រាប់ប្រើប្រាស់... ជីវភាពបងប្អូនប្រជាជនក៏មានការអភិវឌ្ឍមិនឈប់ឈរផងដែរ ឆ្នាំ២០២៤ ក៏បន្ថយចុះនូវត្រឹម២៧គ្រួសារក្រីក្រជាជន ជាតិភាគតិច។

លោក Lê Thanh Mãi អនុប្រធានគណៈកម្មាធិការប្រជាជនឃុំ ឱ្យដឹង៖ ឆ្នាំ២០២៥ ភូមិភាគបានបន្តជំុំរុញយ៉ាងខ្លាំងខ្លាការងារកាត់បន្ថយក្រក្នុងតំបន់ជនរួមជាតិភាគតិច។ ភូមិភាគនឹងខិតខំប្រឹងប្រឹងឱ្យអស់ពីសមត្ថភាព អនុវត្តមានប្រសិទ្ធភាពចំពោះប្រភពទុនដែលផ្តើមពីបណ្តាកម្មវិធី ដើម្បីជំនួយឧបត្ថម្ភមាមីងបងប្អូនប្រជាជនអំពីផ្ទះស្នាក់នៅ ដើមទុនផលិត។ ជាមួយការប្តេជ្ញាចិត្តយ៉ាងខ្ពស់ ភូមិភាគនឹងខិតខំសម្រេចជាស្ថាពរចំពោះការឧបត្ថម្ភសាងសង់ផ្ទះចំនួន៤៤ខ្នងសម្រាប់គ្រួសារក្រីក្រជាជនជាតិភាគតិច។ ពីព្រោះមានលំនៅឋាននឹងនរល្អទើបអាចមានលក្ខណៈដើម្បីផ្តើមអាជីពបាន ហើយខណៈដែលមានលំនៅឋាននឹងនរល្អ មាមីងបងប្អូនទើបសុខសាន្តចិត្តក្នុងការប្រកបរបររកស៊ី ឈានឡើងរួចចាកក្រ ពោលគឺមិនទន្ទឹងរង់ចាំជំនួយឧបត្ថម្ភរបស់រដ្ឋទៀតនោះទេ។

ទទួលយើងខ្ញុំក្នុងគេហដ្ឋានថ្មី អ្នកមីង Danh Thị Huệ ជាជនជាតិ Khmer នៅភូមិលេខ៦ ឃុំ Khánh Lâm មានប្រសាសន៍៖ ដោយទទួលបានការឧបត្ថម្ភផ្ទះថ្មី គ្រួសារខ្ញុំមានក្តីសប្បាយនិងរំភើបខ្លាំងណាស់ ពីព្រោះយូរឆ្នាំណាស់មកហើយដែលយើងខ្ញុំត្រូវរស់នៅក្នុងផ្ទះដ៏ទ្រុឌទ្រោម និងតែងជួបផលពិបាកខ្លាំងពេលដែលមានព្យុះភ្លៀងម្តងៗ។ ពេលនេះបានរដ្ឋជំនួយឧបត្ថម្ភទឹកប្រាក់៦០លានដុង រួមជាមួយប្រាក់ដែលខ្ញុំសន្សំបានខ្លះទៀតនោះ រួមបញ្ចូលដើម្បីសាងសង់បានផ្ទះថ្មីមួយខ្នងយ៉ាងធំទូលាយស្អាត ព្រមទាំងលឹមនឹងចិតក្នុងការរកស៊ីទៀតផង។ ខ្ញុំនឹងខិតខំព្យាយាមតស៊ូដើម្បីឈានឡើងជីវភាពធូរធា។

ក្រៅពីអនុវត្តការរួមបញ្ចូលគ្នារវាងបណ្តាកម្មវិធីគោលដៅជាតិជាមួយបណ្តាខ្លឹមសារនៃការជំនួយឧបត្ថម្ភផ្ទះ និងផ្លាស់ប្តូរមុខរបរការងារធ្វើ អភិវឌ្ឍន៍ផលិត ស្រុក U Minh ថែមទាំងបានយកចិត្តទុកដាក់ដល់ការបណ្តុះបណ្តាលមុខរបរវិជ្ជាជីវៈ និងដោះស្រាយការងារធ្វើជូនពលករទៀតផង។

ជាមួយបណ្កាគោលនយោបាយយកចិត្តទុកដាក់ ជំនួយឧបត្ថម្ភអ្នកក្រីក្ររបស់បក្សនិងរដ្ឋ ព្រមទាំងរដ្ឋអំណាចភូមិ ការងារកាត់បន្ថយក្រនៅស្រុក U Minh ក៏មានការផ្លាស់ប្តូរយ៉ាងសកម្មផងដែរ។ មានគ្រួសារជនជាតិភាគតិចជាច្រើនមានលក្ខណៈកសាងជីវភាពគ្រួសារនឹងនរប្រសើរឡើង។ លោក Đinh Công Hoà ឱ្យដឹង៖ ឆ្នាំ២០២៥ ស្រុកនឹងខិតខំខំប្រឹងប្រែងកាត់បន្ថយក្រ៣%គ្រួសារក្រីក្រជាជនជាតិភាគតិច ស្មើនឹង៨០គ្រួសារ។ ដើម្បីសម្រេចគោលដៅនេះ ស្រុកក៏បន្តការរួមបញ្ចូលរាល់បណ្តាកម្មវិធីគោលដៅជាតិស្តីពីការកាត់បន្ថយក្រ អភិវិវឌ្ឍ័សេដ្ឋកិច្ច-សង្គមតំបន់ជនរួមជាតិភាគតិច ធានាទទួលបានលទ្ធផលខ្ពស់។ ទន្ទឹមនិងនោះផងដែរ ស្រុកក៏បានចាត់វិធានការសម្រាប់រាល់បណ្តាគណៈផ្នែកទាំងឡាយធ្វើការពិនិត្យឡើងវិញនូវអត្រាគ្រួសារក្រ និងជំនួយឧបត្ថម្ភដោយផ្ទាល់គ្រប់បណ្តាភូមិដែលជួបលំបាកពិសេសដែលមានអត្រាគ្រួសារជនជាតិភាគតិចក្រីក្រស្រូបខ្ពស់។ ចាត់ឱ្យបក្ខជនមួយរូបទទួលជំនួយឧបត្ថម្ភមួយគ្រួសារ ក្រ ផ្សព្វផ្សាយចលនាមាមីងបងប្អូនឱ្យខិតខំព្យាយាមពលកម្មផលិត ព្រមទាំងណែនាំអំពីរបៀបរកស៊ី និងទម្រង់ជាក់ស្តែងដើម្បីផលិត។ ជាពិសេសកម្មវិធី លុតបំបាត់ផ្ទះបណ្តោះអាសន្ននិងផ្ទះទ្រុឌទ្រោម រួមចំណែកដ៏សំខាន់ក្នុងការកាត់បន្ថយក្រ ពីព្រោះផ្តើមពីការមានលំនៅឋាននឹងនរ បណ្តាគ្រួសារក្រទាំងឡាយនឹងសុខសាន្តចិត្ត សកម្មក្នុងការពលកម្មផលិត៕

Quỳnh Anh