ផ្តល់ចំណេះដឹងខាងសមភាពយេនឌ័រជូនប្រជាជន

គម្រោង “ជំនួយឧបត្ថម្ភសកម្មភាពយេនឌ័រនៅតាមតំបន់ជនរួមជាតិភាគតិចតំណាក់កាល ២០១៨-២០២៥” ហៅកាត់ (គម្រោងការ) ក៏ត្រូវបានមន្ទីរជនជាតិនិងសាសនាធ្វើការផ្សព្វផ្សាយអនុវត្តនៅតាមបណ្តាភូមិភាគដែលមានបងប្អូនជនរួមជាតិភាគតិចរស់នៅច្រើនកុះករ ដើម្បីលើកកម្ពស់ចំណេះដឹង សម្រាប់គ្រប់បណ្តាថ្នាក់ ស្ថាប័ន កម្មាភិបាល បក្ខជននិងប្រជាជន។ ធ្វើឱ្យមានការផ្លាសប្តូរខាងករណីសមភាពយេនឌ័រក្នុងជនរួមជាតិភាគតិច។

បងស្រី Đinh Thị Sang ចែករំលែកអំពីអត្ថន័យពេលដែលបានចូលរួមបំប៉នចំណេះដឹងខាងច្បាប់ស្តីពីសមភាពយេនឌ័រ។

ដើម្បីអនុវត្តគម្រោងការ មន្ទីរជនជាតិនិងសាសនាក៏បានសហការជាមួយសមាគមសហព័ន្ធនារីខេត្ត និងរដ្ឋអំណាចភូមិភាគគ្រប់លំដាប់ថ្នាក់ជំរុញខ្លាំងខ្លាការផ្សព្វផ្សាយដើម្បីលើកកម្ពស់ចំណេះដឹង ផ្លាស់ប្តូររាល់សភាពការ។ បណ្តាសកម្មភាពនៃការផ្សព្វផ្សាយត្រូវបានអនុវត្តយ៉ាងបត់បែនយោងតាមបណ្តាឧបករ សារព័ត៌មានគមនាគម ផ្តល់ឯកសារ ខិតប័ណ្ណ ផ្សព្វផ្សាយដោយមាត់ផ្ទាល់... ផ្តើមពីនោះបញ្ចូលរាល់ខ្លឹមសាររបស់គម្រោងការឱ្យងាយយល់ ងាយអនុវត្តក្នុងការជាក់ស្តែង ជាពិសេសបណ្តាករណីអនុវត្តច្បាប់ស្តីពីសមភាពយេនឌ័រ។

អ្នកស្រី Quách Kiều Mai នាយករងនៃមន្ទីរជនជាតិនិងសាសនា ឱ្យដឹង៖ អនុវត្តគម្រោងការ មន្ទីរជនជាតិនិងសាសនាក៏បានចាត់តាំងថ្នាក់ហ្វឹកហ្វឺន បំប៉នចំណេះដឹងខាងច្បាប់ស្តីពីសមភាពយេនឌ័រ ដើម្បីលើកកម្ពស់ចំណេះដឹង ភារកិច្ចទទួលខុសត្រូវនិងតួនាក្នុងកិច្ចការងាររបស់បងប្អូនស្រ្តីភេទនិងសមភាព យេនឌ័រ។ លើកកម្ពស់ចំណេះដឹងខាងភេទនិងរួមបញ្ចូលភេទក្នុងបណ្តាសកម្មភាពនៃការជំនួយឧបត្ថម្ភបងប្អូនស្ត្រីជនជាតិភាគតិចសម្រាប់កម្មាភិ បាលទទួលបន្ទុកខាងការងារជនជាតិរបស់ឃុំ ព្រមទាំងបណ្តាសកម្មភាពចាត់តាំងនយោបាយ-សង្គមរបស់ឃុំ ប្រធានភូមិ លេខាបក្សភូមិ បណ្តាសាខាសមាគម និងអ្នកមានប្រជាប្រិយនៅតា​មគ្រប់បណ្តាឃុំដែលមានបងប្អូនជនរួមជាតិភាគតិចរស់នៅច្រើនកុះករ។

ការផ្សព្វផ្សាយគម្រោងការក៏បានរួមចំណែកលើកម្ពស់ចំណេះដឹងរបស់កម្មាភិបាល បក្ខជននិងប្រជាជនស្តីពីសមភាព យេនឌ័រ ព្រមទាំងលើកកម្ពស់តួនាទីរបស់ស្ត្រីជនជាតិភាគតិចលើភូមិសាស្ត្រ។ ផ្តើមពីនោះ បង្កើតការផ្លាស់ប្តូរយ៉ាងសកម្មក្នុងការអនុវត្តសមភាពយេនឌ័រ រួមចំណែកជំរុញខ្លាំងខ្លាការអនុវត្តជោគជ័យរាល់បណ្តាគោលដៅនៃយុទ្ធនាការជាតិស្តីពីសមភាពយេនឌ័រ។

លោក Sơn Xà Phál អ្នកមានប្រជាប្រិយនៅភូមិ Cây Khô ឃុំ Hồ Thị Kỷ ស្រុក Thới Bình បានចែករំលែកថា៖ ដោយបានចូលរួមថ្នាក់ហ្វឹកហ្វឺននិងបំប៉នចំណេះដឹងខាងច្បាប់ស្តីពីសមភាពយេនឌ័រ ខ្ញុំពិតជាសប្បាយរីករាយ ណាស់ ពីព្រោះវាមានអត្ថប្រយោជន៍ខ្លាំងណាស់។ សកម្មភាពនៃការផ្សព្វផ្សាយស្តីពីសមភាពយេនឌ័រក៏ត្រូវបានអនុវត្តយ៉ាងច្រើនទម្រង់ខុសៗគ្នា ពិតជាមានអត្ថប្រយោជន៍ ងាយក្តាប់បាននិងមានអត្ថន័យយ៉ាងជាក់ស្តែងទៀតផង។ ជាមួយតួនាទីអ្នកមានប្រជាប្រិយ បន្ទាប់ពីបានចូលរួមថ្នាក់ហ្វឹកហ្វឺន ខ្ញុំនឹងផ្សព្វផ្សាយឡើងវិញជូនគ្រួសារបងប្អូនក្នុងភូមិ ព្រមទាំងរួមបញ្ចូលរាល់កិច្ចប្រជុំ និងបណ្តាសកម្មភាពផ្សេងៗ ផ្តើមពីនោះដើម្បីជំនួយអ្នករាល់គ្នាយល់បានត្រឹមត្រូវអំពីតួនាទីនិងឋានៈរបស់បងប្អូនស្ត្រីក្នុងសង្គមនាពេលបច្ចុប្បន្ន។

យោងតាមប្រសាន៍របស់បងស្រី Đinh Thị Sang នៅភូមិ Bào Nhàn ឃុំ Hồ Thị Kỷ ពីមុនបងស្រីត្រូវបានបងប្អូននារីក្នុងសាខាសមាគមនារីភូមិផ្សព្វផ្សាយពីតួនាទីនិងភារកិច្ចជាប្រពន្ធ និងជាម្តាយរបស់បងប្អូនស្ត្រី ស្តីពីសិទ្ធិរបស់បងប្អូននារី និងបណ្តាទង្វើគួរធ្វើ ឬមិនគួរធ្វើ។ “ឥឡូវបានចូលរួមបំប៉នចំណេះដឹងខាងច្បាប់ស្តីពីសមភាពយេនឌ័រក៏បានជួយឱ្យខ្ញុំយល់ដឹងច្រើនថែមទៀតពីតួនាទីរបស់ស្ត្រីក្នុងគ្រួសារ សហគមនិងសង្គមផងដែរ។ ក្នុងការចូលរួមអភិវឌ្ឍន៍សេដ្ឋកិច្ចសង្គមគឺបុរសឬក៏នារីសុទ្ធសឹងមនាលក្ខណៈដូចគ្នា” បងស្រី Sang ​ឱ្យដឹងបែបនេះ។

រួមបញ្ចូលគ្នាក្នុងសកម្មភាពផ្សព្វផ្សាយ បណ្តាប្រតិភូទាំងឡាយថែមទាំងទទួលបានការផ្តល់ឯកសារដោយមានខ្លឹមសារនិងរូបជាឧទាហរណ៍យ៉ាងសម្បូរបែបនិងរស់រវើងទៀតផង។

ក្នុងដំណើរការអនុវត្តគម្រោងការក៏បាននាំយកនូវបណ្តាគោលនយោបាយរបស់បក្សនិងរដ្ឋជូនចំពោះកម្មាភិបាលមូលដ្ឋាននិងបងប្អូនប្រជាជន បណ្តាខ្លឹម សារផ្សព្វផ្សាយទាក់ទងដល់ភេទនិងសមភាពយេនឌ័រ បង្ការនិងប្រយុទ្ធប្រាំងការប្រើអំពើហិង្សាក្នុងគ្រួសារ។ តោងតាមនោះក៏បានជួយបងប្អូនប្រជាជនតំ បន់ជនជាតិភាគតិចបានយល់ច្បាស់នូវបណ្តាសេចក្តីកំណត់របស់ច្បាប់ស្តីពីសមភាពភេទ លុបបំបាត់ការប្រកាន់គំនិត ទម្លាប់ អបិយជំនឿ រួមចំណែកកសាងសុភមង្គលគ្រួសារ រស់នៅសុខសាន្ត ជឿនលឿន និងស្មើភេទ។ ចំពោះការខិតខំប្រឹងប្រែងនេះ មិនត្រឹមជួយធ្វើឱ្យប្រសើរឡើងវិញនូវជីវភាពរសនៅរបស់ បងប្អូនស្ត្រីជនជាតិភាគតិចប៉ុណ្ណោះទេ ថែមទាំងរួមចំណែកក្នុងបុព្វហេតុនៃការអភិវឌ្ឍន៍ចីរភាពនិងស្មើភាពសម្រាប់ទូទាំងសង្គមទៀតផង៕

Quỳnh Anh